Ruriri Kikuyu News.co.ke

Ruriri Kikuyu News.co.ke A Kikuyu News Blog Disseminating Educative, Entertaining and Informative Content.

Kanitha wa PEFA Miharati Kauntĩ-inĩ ya Nyandarua ũratara hathara thutha wa mũkebe wa ngaci ya gũita maithori gũikio kani...
01/01/2025

Kanitha wa PEFA Miharati Kauntĩ-inĩ ya Nyandarua ũratara hathara thutha wa mũkebe wa ngaci ya gũita maithori gũikio kanitha-inĩ ũyũ thĩiniĩ, hĩndĩ ya igongona rĩa kũrũgia mwaka ũtukũ wa gũkĩa ũmũthĩ. Na gĩĩko gĩkĩ kĩrĩa kĩratigire etĩkia makiugĩrĩria, na kũhatĩkana kũũra kũhonokia mĩoyo yao, kĩrerĩkana kĩratabanirio nĩ maabitha a borithi arĩa marahũraga mũriũngo, kuumana na atĩ harĩ mũndũ ũramagũthire na ihiga na aracoka gwĩtharĩra kanitha-inĩ ũyũ thĩiniĩ. Oho matigari ma rithathi cia raba iria cirahũthĩkaga gũthararia mũingĩ nĩmonekanĩte.

31/12/2024

"Kasongo Yeiyee!" Tarora President Ruto akĩina Rũimbo rwa Kasongo hĩndĩ ya kũrũgia mwaka rĩ kũũrĩa mwena wa Kisii.

Ndũmĩrĩri ya President Ruto ya mwaka mwerũ kũrĩ bũrũri.• Ũkoretwo ũrĩ mwaka ũrĩ na moritũ maguo, nonĩ-tũrageririe gũthon...
31/12/2024

Ndũmĩrĩri ya President Ruto ya mwaka mwerũ kũrĩ bũrũri.
• Ũkoretwo ũrĩ mwaka ũrĩ na moritũ maguo, nonĩ-tũrageririe gũthondeka harĩa tũngĩrahotire.
•Nĩma nĩkũrarĩ na ciĩko cia ũhũthĩri wa hinya mũkĩrũku kuuma harĩ rũhonge rwa ũgitĩri.
•Nĩtũragĩrithirie economy na nĩkĩo thogora wa mũtũrĩre ũthiĩte thĩ, na oho ciringi ya Kenya ĩkagĩa hinya harĩ dollar.
•Bataraitha ya thogora wa thĩ thaici ĩrĩ thitoo yetereire arĩmi, mũgarũ na nahau gabere rĩrĩa arĩmi nĩo maretagĩrĩra bataraitha. Tũrenda kuongerera magetha ma indo ciothe iria tũrĩmaga gũkũ bũrũri-inĩ.
•Tabarĩra cia SHA, nyũmba cia thogora wathĩ, na wandĩkani wa arimũ eerũ a JSS nĩirakinyanĩirio.
•Nĩngwenda kũũria Akenya kũhũthĩra nenda cia ũkinyanĩria na njĩra ya itĩo harĩ ndũmĩrĩri iria maragathĩka.
•Mwaka wa 2024 nĩtwatura njĩra nyingĩ cia ũngania wa magooti.
•Mwaka wa 2025 maũndũ nĩmegũkorwo marĩ magĩrĩru.

Atongoria Kalonzo Musyoka, Martha Karua, na Eugene Wamalwa, marĩ igooti-inĩ rĩa Milimani makĩenda Seneta wa Busia Okiya ...
31/12/2024

Atongoria Kalonzo Musyoka, Martha Karua, na Eugene Wamalwa, marĩ igooti-inĩ rĩa Milimani makĩenda Seneta wa Busia Okiya Omtatah arekererio. Omtatah araikirio ngono mũthenya wa ira Taũni-inĩ ya Nairobi hĩndĩ ya mĩrũrũngano yagũtetia ũnyitani mĩgwate ũrĩa wonekanĩte thikũ niini hĩtũku gũkũ bũrũri-inĩ.

Mũnini wa president wa nahau gabere Rigathi Gachagua, mũtumia wake Dorcas hamwe na atongoria angĩ, nĩmekinyĩtie mwena wa...
31/12/2024

Mũnini wa president wa nahau gabere Rigathi Gachagua, mũtumia wake Dorcas hamwe na atongoria angĩ, nĩmekinyĩtie mwena wa Gakoigo, Maragua kauntĩ-inĩ ya Murang'a, igongona-inĩ rĩa mathiko ma ciana inya iria ciahĩrĩire nyũmba itũũra-inĩ rĩrĩ thikũ niini hĩtũku.

Kĩeha itũũra-inĩ rĩa Gakoigo, Murang'a, hĩndĩ ya mathiko ma ciana inya (4) iria ciĩrĩga gũkuĩra nyũmba-inĩ yao ĩrĩa yagw...
31/12/2024

Kĩeha itũũra-inĩ rĩa Gakoigo, Murang'a, hĩndĩ ya mathiko ma ciana inya (4) iria ciĩrĩga gũkuĩra nyũmba-inĩ yao ĩrĩa yagwatire mwaki thikũ niini hĩtũku. Ciana ithatũ harĩ ici inya ciarĩ ciana cia nyina ũmwe. Tũkahoera ũmĩrĩrĩrubamĩrĩ ya ciana ici. Nake Ngai arocihe kĩhurũko gĩtathiraga

Rĩrĩ ciĩko cia ũnyitani mĩgwate cirandĩkithio bũrũri-inĩ, rũhonge rwa ũcirithania nĩrũingĩrĩire ndeto ĩno kwa riita rĩa ...
30/12/2024

Rĩrĩ ciĩko cia ũnyitani mĩgwate cirandĩkithio bũrũri-inĩ, rũhonge rwa ũcirithania nĩrũingĩrĩire ndeto ĩno kwa riita rĩa keerĩ. Na thaici Igooti inene nĩrĩathana maabithaa a borithi kũrekereria Gideon Kibet, Bernard Kavuli na andũ angĩ ana (4) arĩa marerĩkana manyitĩtwo mĩgwate. Igooti rĩrĩ ooho nĩrĩiathana mũnene wa maabithaa a borithi Douglas Kanja gũkanekinyia igooti-inĩ rĩrĩ mũthenya wa ruciũ.

Mũmbunge wa Kibwezi West Mwengi Mutuse kuuga Rigathi Gachagua nĩwe ũratongoria ũnyitani wa mĩgwate ũrĩa ũkoretwo ũkĩhanĩ...
30/12/2024

Mũmbunge wa Kibwezi West Mwengi Mutuse kuuga Rigathi Gachagua nĩwe ũratongoria ũnyitani wa mĩgwate ũrĩa ũkoretwo ũkĩhanĩka bũrũri-inĩ.

Akenya matiganĩte gĩcunjĩ kĩnene arĩ mbeũ njĩthĩ kũgomana Tauni-inĩ ya Nairobi gũtongoria mĩrũrũngano yagũkĩrĩra ũnyitan...
30/12/2024

Akenya matiganĩte gĩcunjĩ kĩnene arĩ mbeũ njĩthĩ kũgomana Tauni-inĩ ya Nairobi gũtongoria mĩrũrũngano yagũkĩrĩra ũnyitani mĩgwate ũrĩa ũkoretwo ũkĩonekana bũrũri-inĩ ihinda-inĩ inini ĩhĩtũku.

Ũrĩa waarĩ Ngabana wa Laikipia Nderitu Mureithi nĩarĩkia kwĩhĩtithio ta mũikarĩri gĩtĩ wa rũhonge rwa ũũngania wa magoot...
30/12/2024

Ũrĩa waarĩ Ngabana wa Laikipia Nderitu Mureithi nĩarĩkia kwĩhĩtithio ta mũikarĩri gĩtĩ wa rũhonge rwa ũũngania wa magooti bũrũri-inĩ KRA, thikũ niini kuuma amũrwo nĩ president kuoya ũigĩrĩrĩki ũyũ.

Na Mureithi nĩũmwe wa aruna a hakuhĩ a President wa tene Uhuru Kenyatta, arĩa merĩga kũheo mawĩra ngũrani thirikari-inĩ thikũ niini kuuma hĩndĩ ya ngeithi cia ũiguano gũtabanio gatagatĩ-inĩ ka Ruto na Uhuru.

Arĩa angĩ merĩga kwamũrwo kuoya iturwa cia Ministry ngũrani, arĩhamwe na Mutahi Kagwe, William Kabogo na Lee Kinyanjui, matanyĩtwo gũgathũrimwo nĩ mbunge ya bũrũri tarĩki 14 January.

Ririkana atĩ wĩna nginya tarĩki 3 January gũkorwo ũheanĩte mawoni maku igũrũ rĩgiĩ wamũrani ũyũ.

Ũrĩa waarĩ president wa 39 wa bũrũri wa America Jimmy Carter nĩarĩkĩtie gũkua. Na Carter ũrĩa watungatire ta president ...
30/12/2024

Ũrĩa waarĩ president wa 39 wa bũrũri wa America Jimmy Carter nĩarĩkĩtie gũkua. Na Carter ũrĩa watungatire ta president bũrũri-inĩ ũcio kwa ihinda rĩa taamu ĩmwe tu gatagatĩ-inĩ ka mwaka wa 1977-1981, arahurũkire hwaĩ wa ira arĩ na ũkũrũ wa mĩaka 100. Jimmy Carter, anahotana ngoga ya Nobel Peace Prize.

"Niĩ hatirĩ mũndũ tũgeithanĩtie nake kana ngaingĩra thirikari-inĩ. Wee!"Raila Odinga hwaĩ wa ira ararĩ na gĩikaro kĩa mw...
28/12/2024

"Niĩ hatirĩ mũndũ tũgeithanĩtie nake kana ngaingĩra thirikari-inĩ. Wee!"

Raila Odinga hwaĩ wa ira ararĩ na gĩikaro kĩa mwanya na ceceni ya Citizen TV, nakũrĩa augĩte we ndarĩ akorwo na ngeithi cia ũiguano na President Ruto.

Raila arauga ici ti ngeithi cia ũiguano amu hatirĩ handũ mandĩkanĩire maũndũ marĩa megũbatara gũkorwo magĩkinyanĩrio nĩ mĩena ĩno yeerĩ,yaani mwena wake na mwena wa President Ruto.

Harĩ mũcemanio wa Uhuru na Ruto, Raila arauga ici ti ngeithi cia ũiguano kana atongoria aya kwenda kwĩguna oo eene, ĩndĩ yaarĩ njĩra yagũkuruhania Akenya oothe harĩ ũtongoria na njĩra ya kwandandũra thirikari.

Ndereti-inĩ ya gũkanjwo gwa kandarathi ya Adani, Raila augĩte bũrũri nĩwateire mweke mwega mũno wa ũthii wa nambere, kuona Adani nĩ kambuni ĩĩhotanĩire harĩ gwaka na kwarahũra tabarĩra cia ũkuui mabũrũri-inĩ matiganĩte ta Dubai, India hamwe na mabũrũri mangĩ.

Harĩ ndeto yĩgiĩ magooti gũkorwo makĩongererwo bũrũri-inĩ hamwe na Akenya kwaga kũigua kwagĩra kwa economy mĩhuko-inĩ yao, Odinga arauga ũũ nĩ ũndũ wa omũtugo thirikari njerũ ĩgeragĩra, akauga kwa mũhiano thirikari nĩyagereire mooritũ ta maya mwaka-inĩ wa 2002 Kibaki athurwo oũguo, ĩndĩ thutha-inĩ nĩgwathondekirwo njĩra cia gũthondeka ũtonga wa bũrũri arĩ hamwe na kwanjio gwa gĩthomo gĩtarĩ marĩhi.

Raila arauga ihinda rĩtarĩ kũraihu, Akenya nĩmekũigua kwagĩra kwa economy.

Address

Nairobi West

Website

Alerts

Be the first to know and let us send you an email when Ruriri Kikuyu News.co.ke posts news and promotions. Your email address will not be used for any other purpose, and you can unsubscribe at any time.

Shortcuts

Share

Category