26/07/2026
π΄ Β« π‘π§πππππππ¨π‘ππ Β» : πππππ’π₯πͺπ π©π¬π’ ππͺπ¨ππππ ππ¦π’ππ’ π‘ππ¨π₯π¨ π¬π ππ¨ππ¨π ππ¨π₯π πππππ¬π π©π¬ππ§ππ‘ππ¨π₯π !!
================
Inyuma yβamanama nβibiganiro vyinshi vyagiye birahuza abagize umugambi wo kwubaka iyo soko nkuru ya Bujumbura ( Abikorera utwabo na Reta yβUburundi), ivyiyumviro vyabo vyahuje intumbero.
πΉMuri iyi ndwi dusozeye, niho ibikorwa iyo soko vyatangura icese, bihagarikiwe na Fablice Manirakiza / FLYBZ aserukira imbere yβamategeko ishirahamwe UbakaNation Group, ryagiye imbere mu gushira mu ngiro uyo mugambi.
πΉNkβuko abimenyesha mu kiganiro yashize ku mbuga ngurukana bumenyi ziwe, Fablice avuga ko iyo soko izokwubakwa mu bice bikurubikuru 7.
πΉIbi bikorwa bitanguye akaba ari ibikorwa vyβinyubakwa yβigice ca mbere. Iyo nyubakwa izoba igeretse 5, ifise nβiyindi nzu ya Parking mu kuzimu ( Cave ).
πΉIyo nzu ya mbere, izokwubakwa imyaka itatu, ikazotwara uburyo burenga gato imiriyaridi mirongo icenda na zitanu (95.000.000.000fbu ).
πΉIyo nzu ihejeje kwubakwa, abatanze imitahe mu kigega ca Β« One Afrika investment Fund Β» bazoca bayikamisha imyaka 24, imbere yβuko bayisubiza Reta.
ππ¬Nkβuko Fablice abishikiriza, yagize ati : Β« Ntanakimwe kitokunda. Abarundi ni babitahura, bagatanga amafaranga, tuzoshobora gutandukira inzu yβigice kigira kabiri twihuse, gushika no kuri ya nyubakwa igeretswe 30. Ubu twarasozeye umuce wa mbere wo kwakira imitahe. Vuba turatangura kwakira umuce ugira kabiri, aho tuzozunguruka igihugu cose hamwe no mu mahanga, gusigurira Abarundi no gutoza imitahe. Ababaye aba mbere mu gutanga imitahe, bazoronka akarusho nβinyungu gusumba abo tuzoba twakiye ubwa kabiri Β».
Mu gusozera, Fablice yamenyesheje ko inyubakwa zβiyo soko zizoba ziri ku rwego mpuzamakungu, aho bazoshiramwo ubuhinga bukinga impanuka zβumuriro, zitera amasoko gusha.
