https://www.facebook.com/102254021558924/

Bashiir Somali, Mogadishu (2025)

06/09/2025

"Masjidku wuu ina fashiliyay."

Waxaan ku tukaday masjid salaaddii ka dib ayaa nin waayeel ah oo iga dambeeyay igu yidhi isagoo hoos iila hadlaya:

"fiiri safafka h**e ee masjidka oo eeg wejiyada dadka."

Waan fiiriyay, markaas ayaan ku iri: "Maxaad ula jeeddaa?"

Wuxuu yidhi:

"Ma Ku aragtaa qof ka mid ah dadka taajiriinta ah, dadka mansabka sare ama dadka sumcadda leh?"

Waxaan ku iri: "Tiro aad u yar ayaa Ku jirta."

Wuxuu yiri: "Intooda badan waa shaqaale: ama darawal, ama farsamo yaqaan, ama shaqaale hoose."

Waxaan ku iri: "Waa run."

Wuxuu yiri:
"Sidaas oo kale ayay Ka yihiin Alle agtiisa.

Anigana fiiri meesha aan ku jiro iyo adiga oo ku jira safka afraad ama shanaad. Sidaas oo kale ayay noqon doontaa maalinta Qiyaamaha."

Markaas ayuu yiri:

"Masaajidku wuu ina fashiliyay, wuxuu muujiyay booska aan kaga jirno Alle agtiisa."

Hadalkiisii aad buu iiga yaabiyay, wuxuuna i siiyay cashar culus. Waxaan xusuustay hadalka Eebbe:

" والسَّابِقُونَ السَّابِقُونَ (۱۰) أَوْلَئِكَ الْمُقَرَّبُونَ (۱۱)

> "Kuwa horreeya (ee camalka wanaagsan ku hormara), waa kuwa Alle agtiisa ugu dhow."

Sidoo kale waxaan xusuustay hadalkii Rasuulka SCW.

> "Haddii dadka ay ogaan lahaayeen waxa ku jira (ajarka) codka eedaanka iyo safka koowaad, waxay ku imaan lahaayeen iyagoo gurguuranaya"
Tani waa xusuusin ku saabsan kuwa dib u dhiga salaadda safafka dambe.

Haddaba maxaa laga yidhi kuwa aan salaadda tukan gabi ahaanba, ama keliya Jimcaha tukada
💯 kii 💯 Sirta Nolasha Waa Salaad ♥️

WQ abdi shakuur

Galab wanaagsam asxaabta

05/09/2025

Jimco wanaagsan asxaabta

04/09/2025

Ogow waayeelka dhacay
Marbuu dhalinyaro ahaa

Subax wanaagsan saaxiibayaal

01/09/2025

Alle ha u naxariisto wllkeen safwaan halac runtii geeridiisa aad baan uga naxay

31/08/2025

Dooro saaxiib wanaagsan

Qof walba waxa uu leeyahay dhinac wanaagsan iyo dhinac xun. Dunidaan cid aan qalad lahayn ma joogto,Laakiin adiga ayaa dooran kara cidda aad saaxiibtinimada iyo waqtiyadaaga la wadaagto.

Marka aad dadka wanaagsan la saaxiibto, waxaad ka dhaxashaa akhlaaq fiican, talo hufan iyo qalbi deggan. Saaxiibka wanaagsan waa sida muraayad kuu toosinaysa marka aad leexato, iyo sida geed hadh leh oo aad ku nasato marka kuleylka noloshu kugu bato.

Mar walba xusuusnow in saaxiibka wanaagsan uu yahay hanti ka qiimo badan maal iyo magac. Sidaa darteed, dookhaaga ku salee wanaagga, akhlaaqda iyo Alle ka cabsi.
Xikmad Soomaaliyeed ayaa tiraahda:
"Saaxiib wanaagsan waa kaaga roon yahay boqol qaraabo oo aan wax ku tarin."

Maalin wanaagsam saaxiibayaal

30/08/2025

Beentu Waa Xaaraan

Beentu waa fal diinta Islaamka si cad u reebtay. Nabiga (NNKH) wuxuu yiri:
“Ka digtoonow beenta, beentu waxay keentaa faasiqnimo, faasiqnimaduna waxay keentaa naarta. Qofku wuxuu sii wadaa inuu been sheego ilaa uu Alle agtiisa ka noqdo ‘beenaale la buuxiyey.’”
(Saxiixul Bukhaari & Muslim)

Daliil Qur’aan ah
﴿إِنَّمَا يَفْتَرِي الْكَذِبَ الَّذِينَ لَا يُؤْمِنُونَ بِآيَاتِ اللَّهِ ۖ وَأُولَٰئِكَ هُمُ الْكَاذِبُونَ﴾
(An-Nahl: 105)
Macneheeda:
“Waxaa been abuura oo been sheegta kuwa aan rumaynin aayadaha Alle, kuwaasina waa kuwa beenaalayaasha ah.”

Aayaddan waxay caddeyneysaa in beentu tahay calaamad ka mid ah dadka aan rumaynin Alle iyo aayadihiisa.

Nasiib darro, baryahan dambe beenta waxaad mooddaa in ay noqotay qayb ka mid ah nolosha dadka qaarkood; waxaa la isku qurxistaa, waxaa lagu helo dan iyo darajo, waxaa lagu kasbadaa kalsooni been ah. Laakiin xusuusnow, beentu waa sida dab yar oo ku bilaabma cirifka geed, balse ugu dambeyn gubaya dhammaan.

👉 Sidaas awgeed, beentu waa xaaraan, qofka Muslimka ahna waxaa laga doonayaa inuu runta ku dhaganaado xitaa haddii ay dhib u keenayso waayo runta ayaa ugu dambeyn badbaado iyo sharaf leh.

Habeen wanaagsam saaxiibayaal

29/08/2025

Jimco wanaagsan asxaabta aan ku salino nabigeena muxamed SCW

28/08/2025

Sheeko Xikmad Ah: Dhalinyarada iyo Mustaqbalka 🌱

Nin waayeel ah ayaa dhalinyaro la fadhiistay, wuxuuna ku yiri:
“Dhallinyarooy, waxaad maanta ku jirtaan xilli dahabi ah oo noloshiina ah. Waqtiga aad hadda lumisaan ma soo noqon doono.

Markaan anigu idinkoo da’diina ahaa, waxaan is lahaa: ‘Waqti badan baa jira, berri ayaan wax baran doonaa, berri ayaan shaqo bilaabi doonaa, berri ayaan nolol hagaajin doonaa.’ Laakiin berri waligeed iima imaanin.

Waxaa ugu muhiimsan in aad maanta ka faa’iidaysataan fursadaha aad haysataan; baro aqoon, dhiso xirfad, ku dedaal barashada diintaada, waalidkana u baari ahaada. Mustaqbalka ummaddsns wuxuu ku jiraa gacantiina.”

Markuu hadalkii dhammeeyey, mid ka mid ah dhallinyaradii ayaa yiri:
“Waa run, waqtiga aan maanta luminayno berrina dib nooma soo celin doono. Hadda waa inaan noqonaa kuwa fursadda maanta ka faa’iideysta.”

Xikmada sheekada ku jirta ayaa ah :
➡️ Dhalinyarada waa xoogga iyo rajada qaranka.
➡️ Waqtiga maanta ayaa ah maalka ugu qaalisan.
➡️ Haddii aad maanta dhisto, berrito adiga ayaa hoggaamiya.

Jimco wanaagsan 🥰

28/08/2025

🌿✨ Wanaagga la isu sheego waa iftiin ✨🌿

Qofka dadka wanaag baro waa sida qof nal shiday oo mugdi ka saaraya. Wanaagga la isu sheego wuxuu dhalaa:
💚 Qalbiyo deggan
💚 Bulsho isku kalsoon
💚 Jacayl iyo walaaltinimo

📖 Qur’aan:
وَلۡتَكُن مِّنكُمۡ أُمَّةٞ يَدۡعُونَ إِلَى ٱلۡخَيۡرِ وَيَأۡمُرُونَ بِٱلۡمَعۡرُوفِ وَيَنۡهَوۡنَ عَنِ ٱلۡمُنكَرِۚ وَأُوْلَٰٓئِكَ هُمُ ٱلۡمُفۡلِحُونَ
(“Ha noqoto idinka dhexdiinna koox ku yeedhaysa wanaagga, faraysa wanaagga, ka reebaysa xumaanta; kuwaasi waa kuwa liibaanay.” — Aali-Cimraan: 104)

Sidoo kale rasuulkeenu wuxuu tidhi
🤍 Xadiith:
Rasuulkeennu ﷺ wuxuu yiri:
"Qofkii dadka faro wanaag, xumaantana ka reeba, wuxuu la mid yahay sidii qof dagaal ku jira jidka Alle." (At-Tirmidi)

🌸 Had iyo jeer noqo qof dadka wanaag ku bartaan wanaagana fara 🌸

Maalin wanaagsan saaxiibayaal🥰

27/08/2025

Hadii aadan adu naftaada is badal ku samayn oo aanad go,aan u gaarin waxaa dhici doonta in go,aan laguu gaaro markaasna Haye mooyee aadan lahayn oraah kale

Habeen wanaagsan saaxiibayaal

27/08/2025

Bulsho kastaa waxay leedahay tiirar ay ku dhisantahay

Bulsho kasta oo jirta waxa ay leedahay tiirar waaweyn oo ay ku taagan tahay. Tiirarkaasi waa kuwa lagu ilaaliyo jiritaankeeda, lagu xoojiyo midnimadeeda, laguna sugo karaamadeeda. Saddexda qodob ee ugu muhiimsan waa: Diinta, Dhaqanka iyo Akhlaaqda.
Bulsho haddii ay saddexdan ka haysato xoojis iyo ilaalin, waxay yeelataa nolol waarta oo
Midho dhal leh. Laakiin haddii ay dayacdo, burbur iyo kala daadsanaan ayaa ku dhaca.
Sida dhismo aan lahayn sees adag u dumayo, ayaa umad aan lahayn diin, dhaqan iyo Akhlaaq ay u kala burbureysaa.
Diinta: Diintu waa hanuunka iyo iftiinka nolosha. Umad Soomaaliyeed waa umad Muslim ah oo ku faanta inay leedahay diinta Islaamka. Waayadii h**e waxaa bulshada dhexdeeda ka muuqan jiray qiyamka diinta sida:

• Caddaaladda
• Wanaag fidinta
• Xumaan reebidda
• Caawinta walaalkaaga Muslimka ah

Balse maanta, waxaad moodaa in kaabis badan jiro in diinta badanaa loo isticmaalayo magaca iyo muuqaalka, iyadoo ficilkeedii iyo nuxurkeedii laga tegey.

Dhaqanka: Xeerarkii Wanaagsanaa
Dhaqanku waa hiddaha iyo astaanta umad walba. Soomaalidu waxay lahayd dhaqan hodan ah oo ku dhisnaa:

• Martisoor iyo qadarin
• Is-ixtiraam iyo wada noolaansho
• Xeerar dhaqan oo lagu xalliyo khilaafaadka

Waxaynu ku faani jirnay dhaqankaas oo dunida inteeda badan ku caan baxay. Laakiin maanta waxaad mooddaa inuu sii lumayo, waxaana soo galey dhaqammo shisheeye oo aan ku dhisnayn qiimihiisa. Dhalinyarada intooda badan waxay ku mashquuleen waxyaabo aan waxtar u lahayn, taasina waxay dhaawacaysaa sumcadda iyo hiddaha Soomaaliyeed.

Akhlaaqda: waa udub Dhexaadka Bulshada
Akhlaaqdu waa quruxda qofka iyo bulshada. Bulsho akhlaaq leh waa bulsho lagu ixtiraamo dunida oo dhan. Nasiib darro, maanta waxaad arkaysaa in:
• Been, khiyaano iyo xaasidnimo ay soo bateen
• Anshax xumo iyo aflagaaddo caadi laga dhigtay
• Dad badan aysan ka xishoon falalka foosha xun
Marka akhlaaqdu daciifto, bulshada ayaa lagu arkaa burbur iyo kala fogaansho. Waxaa la yiraahdaa: “Qofka akhlaaqdiisa hagaagsan waa hantida ugu weyn ee uu leeyahay.” Haddii bulsho dhan ay akhlaaq xumo ku dhacdo, hantidaasi wey luminaysaa.

Maxaa Xal Ah?

Si aan dib ugu helno karaamadii iyo sharafkii bulshada Soomaaliyeed, waa inaan:
• Diinta ku noqono si dhab ah: Qur’aanka iyo Sunaha in aan nolosheena ku dabaqno, halkii aan af iyo muuqaal keliya ku ekayn lahayn.
• Dhaqanka wanaagsanaa ilaalinno: Xeerarkii iyo qiyamkii wanaagsan ee Soomaaliyeed dib loogu laabto, iyadoo laga sooco waxyaabaha xun ee aan qiime lahayn.
• Akhlaaqda la xoojiyo: Anshaxa, runta, naxariista iyo ixtiraamka bulshada dhexdeeda lagu hormariyo, gaar ahaan jiilka soo koraya.

Gunaanad
Bulshadu waxay ku sii jirtaa jiritaankeeda iyo karaamadeeda haddii ay ilaaliso diinta, dhaqanka iyo akhlaaqda. Haddii saddexdaas ay ka yaraadaan, waxaa ku yimaada burbur iyo kala daadsanaan . Sidaa darteed, maanta waxaa innaga saaran mas’uuliyad ah inaan bulshada ku baraarujinno muhiimadda tiirarkan, si aan u badbaadino jiilasha soo socda.

Maalin wanaagsan akhyaarta sharafta le

26/08/2025

"Wax walba oo aad ku aragto social media ha aaminin!

Maanta waa adduun xogo badan oo been abuur ah lagu faafiyo baraha bulshada kuwaasoo sikimo kugu soo gaaraayo. Qof walba wuxuu leeyahay fursad uu ku qoro, ku faafiyo ama xitaa ku sameeyo muuqaal been abuur ah. Laakiin xusuusnow: xog kasta ma ahan run.

Waxaa jira warar been ah, sawirro la tafatiray, iyo macluumaad lagu faafiyo baraha bulshada si loo marin habaabiyo dadka. Haddii aan si fudud u aaminsanno waxa naloo soo bandhigo, waxay naga dhigi kartaa kuwo si sahlan loo khiyaaneeyo, waqtigoodana iyo fikirkoodana lagu ciyaaro.

Marka h**e hubi xogta. Weydii: yaa qoray? Halkee laga soo xigtay? Ma jirtaa meel lagu kalsoonaan karo oo xaqiijisay? Haddii jawaabta aysan caddeyn, iska jir inaad sii faafiso.

Xusuusnow, adiga ayaa mas’uul ka ah waxa aad akhrido iyo waxa aad la wadaagto dadka kale. Ka dhig maskaxdaada mid furan oo xog kasta si miyir leh u miisaanta.

👉 Ha noqon qof si fudud loo marin habaabiyo, balse noqdo qof leh indho furan iyo maskax feejigan."

Maalin wanaagsan

Bashiir Somali

06/09/2025

05/09/2025

04/09/2025

01/09/2025

31/08/2025

30/08/2025

29/08/2025

28/08/2025

28/08/2025

27/08/2025

27/08/2025

26/08/2025

Address

Telephone

Website

Alerts

Contact The Business

Shortcuts

Share