10/07/2025
20 jirka ku nool Soomaaliya wuxuu la kulmaa caqabado badan oo isugu jira dhaqaale, bulsho, amni, iyo horumar la’aan. Qoraalkan hoose ayaan si faahfaahsan u dul istaagaynaa caqabadahaasi
Caqabadaha Ugu Waaweyn Ee 20 Jirka Soomaaliyeed La Kulmo:
1. Shaqo La’aan & Dhaqaale Xumo
Fursadaha shaqo aad bay u yar yihiin, gaar ahaan dadka dhallinyarada ah.
Xirfadaha la barto dugsiyada iyo jaamacadaha badankood ma waafaqsana baahiyaha suuqa.
Dhaqaalaha qoyska oo xaddidan ayaa mararka qaar ka dhigaya 20 jirka mid qoyska ku tiirsan weli.
2. Amni Daro & Nabadgelyo Xumo
Qaraxyada, dilalka, iyo rabshadaha siyaasadeed ayaa ku abuura cabsi joogto ah.
Dhalinyaradu waxay mararka qaar bartilmaameed u noqdaan kooxaha hubeysan ama kooxaha xagjirka ah.
3. Tahriib iyo Rajo la,aanta Nololeed
Dhalinyaro badan ayaa rajo-beel ka noqda dalkooda, taas oo keenta inay halis gelinayaan noloshooda iyagoo tahriibaya.
Tahriibku wuxuu dhalinyarada geliyaa khataro badan sida saxaraha, badda, iyo dad arxan la,aan ah
4. Waxbarasho Tayo La’aan
Xarumaha waxbarasho oo badan ma haystaan agab iyo macallimiin tayo leh.
Waxbarashada sare waxay u baahan tahay kharash badan oo aysan heli karin dhalinyaro badan.
5. Saameynta Baraha Bulshada & Dhaqan Dumis
Baraha bulshada waxaa laga helaa fikrado khaldan iyo nolol been abuur ah oo dhalinyarada niyad jab iyo is-barbardhig aan dhab ahayn gelinaya.
Dhaqan celinta iyo waalidnimadu mararka qaar kuma filna hagista dhallinyarada.
6. Fursado Horumarineed oo Xaddidan
Helitaanka tababarro xirfadeed, deeqo waxbarasho, ama fursado ganacsi aad ayuu u kooban yahay.
Maalgashadayaasha iyo hay’adaha aan dowliga ahayn mararka qaar ma gaaraan dhammaan baahiyada ka jirta wadanka
Gunaanad:
20 jirka Soomaaliyeed waa maskax nool, karti leh, rajo qaba, balse wuxuu ku nool yahay xaalad adag oo ay ku badan yihiin caqabado. Si loo badbaadiyo mustaqbalkooda, waxaa muhiim ah in la abuuro nidaamyo taageera dhalinyarada: waxbarasho tayo leh, fursado shaqo, nabadgelyo iyo horumar waara.
Jimco wanaagsan
