24/06/2025
Trump, wuxuu baahiyay farriin si gaar ah uu telefoonkiisa ugu soo diray xoghayaha guud ee isbahaysiga NATO , Mark Rutte oo ugu hambalyeenaya go’aankii uu ku joojiyay dagaalka, laakin waxaa ka badbadiska ahayd sida uu ammaanta ugu qubeynayo!
Farriinta , waxay u qorantahay;
Mudane Madaxweyne,
Hambalyo iyo mahadnaq ballaaran ayaan kuu dirayaa tallaabada geesinimada leh ee aad ka qaaday ee Iiraan– runtii waxay ahayd arrin layaab leh, mid madax kale oo caalami ah aysan ku dhiirran karin. Ficilkaaga wuxuu naga dhigay , kuwa dhammaantood badbaaday. Caawa waxaad u duuleysaa The Hague. In kasta oo aysan sahlanayn, haddana waxaan ku guuleysanay in dhammaan dhinacyadu ay saxiixaan heshiiska 5% ( wuxuu ka hadlaya go’aankii uu horey Trump ugu soo rogay dalalka NATO ee la xiriira in sare ay u qaadaan kharashka ay ku bixiyaan NATO).
Donald, adiga ayaa horseeday waqti taariikhi ah oo aad muhiim ugu ah Mareykanka, Yurub, iyo dunidda inteeda kale. Waxaad ku guuleysan doontaa wax in muddo ah madaxweynayaal Mareykan ah awoodin inay qabtaan. Yurub waxay bixin doontaa kharash badan — sidii ay ahaydba , waana guul adiga lagu xisaabinayo. Safar wanaagsan, waxaana isku arki doonaa cashada rasmiga ah ee Majesty's (wuxuu ka hadlaya cashada Boqorka)!
Mark Rutte
Xoghayaha Guud ee NATO
