01/06/2026
Asc walaalahayga sharafta leh.. ❤️
Maalin kasta marka aynu soo kacno, waxaan raadinaa fursado aynu nolosheena ku horumarino.
Waxaan ka fikirnaa ganacsi faa'iido leh, guri aynu dhisanno, ama shaqo mushaar fiican leh..
Waa dabeecadda aadamaha inuu mar kasta raadiyo "Macaash" iyo meel aanu khasaare kala kulmayn.
Laakiin xaqiiqadu waxay tahay, ganacsi kasta oo adduunka ah wuxuu leeyahay boqolkiiba konton khatar ah inuu fashilmo..
Haddaba, ka warran haddii aan caawa idinla wadaago ganacsi macaashkiisu yahay 100%, oo aanu ku jirin wax khasaare ah abid..
ganacsi aanay saameyn ku lahayn isbed-bedelka adduunka, faa'iidadiisana uu inoo ballanqaaday Eebaha Caalamiinta..
Ilaahay (SWT) wuxuu Qur'aanka dhexdiisa inagula hadlay qaab naxariis iyo kalgacal ku dheehan tahay, isagoo inoo tilmaamaya ganacsigaas ugu weyn, wuxuuna yidhi:
{يَا أَيُّهَا الَّذِينَ آمَنُوا هَلْ أَدُلُّكُمْ عَلَىٰ تِجَارَةٍ تُنجِيكُم مِّنْ عَذَابٍ أَلِيمٍ (10) تُؤْمِنُونَ بِاللَّهِ وَرَسُولِهِ وَتُجَاهِدُونَ فِي سَبِيلِ اللَّهِ بِأَمْوَالِكُمْ وَأَنفُسِكُمْ ۚ ذَٰلِكُمْ خَيْرٌ لَّكُمْ إِن كُنتُمْ تَعْلَمُونَ (11)}
(Kuwa rumeeyayow, ma idin tusiyaa ganacsi idin ka badbaadinaya cadaab xanuun badan? Waa inaad rumaysaan Alle iyo Rasuulkiisa, oo aad jidka Alle ugu dadaashaan xoolahiinna iyo naftiinna, saasaa idiin khayr badan haddaad tihiin kuwo wax og).
Bal u fiirsada aqyaarta.. Ganacsigaasi ma aha lacag tiro badan oo aad bixiso, balse waa iimaan dhab ah,
iyo inaad naftaada iyo maalkaagaba u hurto waddada Alle..
Waa in aynu waqtigeena, caafimaadkeena, iyo dhalinyaronimadeena aynu gelino cibaadada iyo wanaagga inta aynaan lumin..
Wll, maalgelinta dhabta ah waa ta aynu u dirano aakhiro. Lacagta aynu sadaqada ula baxno, salaadda aynu xilligeeda tukanno, iyo qof tabaalaysan oo aynu gacan qabanno..
intaas oo dhan waa saami aynu ku leenahay bangiga aakhiro oo ina sugaya maalinta aynu ugu baahida badan nahay..
Haddaba si aynu u fahamno dammaanadda ganacsigan, bal aynu milicsanno xadiiskan weyn ee Nabigeena (ﷺ) uu inoo sheegay:
(إِذَا مَاتَ ابْنُ آدَمَ انْقَطَعَ عَمَلُهُ إِلا مِنْ ثَلاثٍ : صَدَقَةٍ جَارِيَةٍ ، أَوْ عِلْمٍ يُنْتَفَعُ بِهِ ، أَوْ وَلَدٍ صَالِحٍ يَدْعُو لَهُ)
(Markuu dhinto binu aadamku, camalkiisu wuu go'aa saddex waxyaabood mooyee:
Sadaqo socota, Cilmi dadku ku intifaacaan, iyo ilmo saalix ah oo u duceeya).
Sidaas darteed walaalayaal, inta aynu haysanno fursadda nolosha, aynu ku dadaalno inaan furno xisaabaad aan marnaba xirmi doonin maalinta qiyaame..
Aynu maalgelinno aakhiradeena inta aan waqtigu inaga dhicin.
Gabagabadii, ganacsigan khayrka badan yuusan kugu ekaanin adiga oo kaliya. Fariintan u share garee ehelka iyo asxaabta,
si aynu dhammaanteen u wadaagno ajarka iyo xasuusinta, waayo qofka khayrka dadka tusa wuxuu la mid yahay kii sameeyay.. 🤍
Haddii aad ka mid tahay dadka jecel inay mar kasta naftooda iyo maankoodaba ku quudiyaan qoraalada diiniga ah ee faa'iidada leh,
nagu soo biir oo Follow dheh profile-ka.. 🫡❤️
Waa walaalkiin Hamza Mx oo mar walba idinla jecel khayrka..
