https://www.facebook.com/116325944904018/

Hamza Mx, https://maps. app. goo. gl/ohK1HFb2VhKua8VDA, Nairobi (2026)

Q: What is the address?

Https://maps. App. Goo. Gl/ohK1HFb2VhKua8VDA

12/08/2026

🔴 Soo noqosho wacan akhyaarta sharafta leh..

Kadib muddo aan ka nasanay falanqeynteeni siyaasadeed iyo diiwaankii dhacdooyinka caalamka,

caawa waxaan idiin wadaa xog iyo dhacdooyin aad u culus oo dunida ka socda..

Haddaba inta aydnaan hoos u degin, fadlan qormadan sii share-gareeya si ay u gaarto dadka xiiseeya falanqeynta dhabta ah..

⚫️ Aan ku bilowno Odaygii Trump ahaa oo u dhaqmay sidii jilaa filimada Hollywood-ka..

Sida ay baahisay jariidada The Guardian ee Ingiriiska, Trump oo ku sugnaa dalka Turkiga ayaa si qarsoodi ah loogu dhex qariyay "Kunteenarka cuntada ee diyaaradaha"..

si loola baxsado oo loo saaro diyaarad kale oo ammaan ah..

Sababta? Sirdoonka ayaa helay xog muujinaysa in Iiraan ay qorsheyneysay inay khaarajiso..

Bal ila qiyaasa, ninkii adduunka ugu awoodda badnaa ayaa maanta cabsi darteed sanduuq cunto lagu dhex qarinayaa si loo badbaadiyo.. 🤣

Tani waxay si cad inoo tusaysaa sida sirdoonka Iiraan ay mararka qaar u dhex geli karaan xisaabaadka waaweyn iyo cabsida dhabta ah ee haysata reer galbeedka..

🟡 Dhanka kalena, saacadihii la soo dhaafay maxk**ad ku taalla gudaha Suuriya...

ayaa xukun taariikhi ah oo dil toogasho ah ku riday dhiig-yacabkii Bashaar Al-Asad iyadoo uusan maxk**adda goobjoog ka ahayn..

kadib markii lagu helay dambiyo dagaal iyo xasuuq ka dhan ah bini'aadantinimada..

Runtii waa war lagu farxo, waxaana rajaynaynaa in Insha Allah uu goosado wixii uu beeray, oo ummaddii uu xasuuqay uu caddaaladdooda mar uun wajaho..

🟢 Haddaba intaas haddii aan ka gudubno, aynu u nimaadno dulucda qormadeena caawa..

iyo ciyaarta wasakhda ah ee xilligan ka socota dalka Liibiya..

Dalkaas waxaa hadda si xiriir ah uga dhacay saddex dharbaaxo oo lala beegsaday xudunta amniga qaran, dhaqaalaha iyo shidaalka..

Dhacdooyinkan waxaa la fuliyay si gaar ah xilli ay Liibiya bilowday inay cagaheeda isku taagto,

Masarna ay u aragtay beddelka istiraatiijiga ah ee lagaga kaaftoomi karo shidaalka Khaliijka..

Aan idiin faahfaahiyo waxa meesha ka socda iyo dabinada la dhigayo si aad ii fahamtaan..

🔵 Maalmahan, warshadaha sifeynta shidaalka ee Liibiya, gaar ahaan warshadda magaalada Zawiya oo ah tan ugu weyn dalkaas,

ayaa si isdaba joog ah loogu garaacay diyaarado Drones ah oo aan la aqoonsan cidda iska leh..

Weerarradaas waxaa la gaystay ilaa shan jeer oo is xigta..

Tusaale ahaan, diyaarad Drone ah ayaa dhawaan garaacday kayd shidaal oo ay leedahay shirkadda Brega oo ku dhex taal xarunta Zawiya..

Kaydkan oo ay ku jireen 4.5 milyan oo litir oo shidaal ah ayaa gabi ahaanba burburay markii uu dab weyn qabsaday.

Waxaa taas sii dheer in sidoo kale diyaarad kale ay beegsatay xarun biyaha sifeysa..

Xaaladdu waxay gaartay heer Hay’adda Shidaalka Qaranka ay ku dhawaaqdo xaalad degdeg ah,

iyagoo sheegay inay gabi ahaanba xiri doonaan xarumahan haddii aysan weerarradu joogsan, maadaama arrintu faraha ka baxday..

Tani ma aha wax iska dhacay, sababtoo ah waxay ku soo aadaysaa xilli wax soo saarka Liibiya uu gaaray heerkii ugu sarreeyay tan iyo sanadkii 2013,

isagoo gaaray qiyaastii 1.44 milyan oo foosto maalintii..

🟣 Dharbaaxada labaad ee lala beegsaday Liibiya ma ahayn mid dhaqaale ee waxay ahayd mid amni,
waana shil halis ah oo ka dhacay bartamaha magaalada Bengaasi..

Jeneraal Fawzi Al-Mansouri, oo ahaa Madaxii Sirdoonka Milatariga ee Taliska Guud ee Bariga Liibiya, ayaa la khaarajiyay kadib markii walxaha qarxa loogu xiray gaarigiisa..

Weerarkan wuxuu ka dhacay gurigiisa hortiisa, ee magaalada Bengaasi oo ah xudunta amniga ee Bariga Liibiya..

Halkan waxaa inagu dhalanaysa su'aal culus oo ah:

Sidee ayaa qof mas'uul ka ah sirdoonka iyo amniga ciidanka loogu dhowaan karaa, gaarigiisa walxaha qarxa loogu xiri karaa,

dabadeedna loo khaarajin karaa isaga oo ku sugan magaaladiisii uu awoodda ku lahaa dhexdeeda?

Tani waxay muujinaysaa in gacan ku dhiiglaha uu ahaa mid xogtiisa si dhow u hayay oo aad u fududeeyay dilkiisa..

🔸 Sidaas oo ay tahay wali sheekadu ma dhammaan, dharbaaxada saddexaad waxay ka timid meel aysan cidna filayn...

oo ah Bangiga Dhexe ee Liibiya, kadib markii Guddoomiyihii Bangiga, Naji Issa,

uu si lama filaan ah u gudbiyay iscasilaadiisa isagoo sababta ku gaabsaday inay tahay arrin "xasaasi ah"..

Iscasilaadan lama filaanka ah ayaa keentay in Madaxa Golaha Sare ee Dowladda, Maxamed Takaala,

uu si degdeg ah uga codsaday Guddoomiyaha inuu si kumeel gaar ah shaqada u sii wado,

si loo badbaadiyo xasiloonida maaliyadeed iyo midda siyaasadeed ee dalka..

Ogaada..

markii ninkan loo magacaabayay xilkan sanadkii 2024-ka, waxay ahayd heshiis naadir ah oo si dhib badan ay ku gaareen xukuumadaha Bariga iyo Galbeedka Liibiya..

si dalka looga badbaadiyo khilaaf saameeya shidaalka iyo dhaqaalaha, bixitaankiisana wuxuu dalka ku abuuray khalqal weyn..

🔹 Halkaan waxaa laga yaabaa inaad is weydiinaysaan:

“Hamzow, maxaa isku xiraya shidaalkii la gubay, sirdoonkii la dilay iyo ninkii lacagta hayay ee shaqada ka tagay, iyadoo dhacdooyinkan oo dhami ay isku waqti dhacayaan?”

Haddii aan si toos ah uga jawaabo su’aashaas, waxaan idin leeyahay: arrintani ma aha mid ku eg saddex dhacdo oo kala duwan oo iska soo beegmay..

Waxaa jira su’aalo waaweyn oo ka dambeeya dhacdooyinkan, kuwaas oo jawaabahoodu laga yaabo inay ina tusaan waxa dhab ahaan daaha gadaashiisa ka socda..

Waana halka ay sheekadu dhab ahaan ka bilaabanayso..

🔴 Masar iyo Liibiya ayaa isku diyaarinayay mashruuc weyn oo dhuumo shidaal ah oo isku xiraya magaalada Tobruk ee Liibiya iyo magaalada Alexandria ee Masar..

Mashruucan oo dhererkiisu yahay qiyaastii 800 kiiloomitir, kharashkiisuna ka badan yahay Bilyan Doolar,

ayaa ujeeddadiisu tahay in shidaalka ceyriinka ah ee Liibiya si toos ah loogu qaado sifeeyayaasha Masar..

Masar waxay mashruucan uga faa'iidaysanaysaa in ay hesho shidaal dhow oo sugan, si ay ugu kabato qayb ka mid ah carqaladda ku timid shidaalkii uga imaanayay Khaliijka..

Gaar ahaan shidaalka ceyriinka ah ee dalka Kuweyt, kaas oo sahaydiisii ay hakad gashay xiisadda maraakiibta ee ka taagan marinka Hormuz awgeed..

Liibiyana waxay helaysaa awood ay shidaalkeeda ku sifeyso oo ay ugu iib geyso qiimo ka sarreeya midka ceyriinka ah,

halkii ay badda u iib geyn lahayd iyadoo ceeriin ah..

🔺 Waa mashruuc si toos ah u beddelaya xisaabta dhaqaale iyo istiraatiiji ee gobolka,

waxaana halkan ka dhalanaysa su'aal kale oo muhiim ah;

Yaa ka faa'iidaysanaya in Liibiya ay ahaato dal aan degganayn?..

Yaa dhibsanaya in Qaahira iyo Dowladda Liibiya ay yeeshaan shabakad dano dhaqaale oo dammaanad qaadaysa degenaanshaha labada dal?..

Hana iloobina sidoo kale, in maalmo yar uun kahor dalka Masar laftiisa uu bartilmaameed noqday..

Weerar aad u layaab badan ayaa ka dhacay gudaha dalkaas, kadib markii diyaarad Drone ah oo aan wali la aqoonsan cidda iska leh iyo meesha ay ka timid toona,

ay si lama filaan ah u garaacday dekedda caanka ah ee Damietta..

Weerarkaas wuxuu sababay dab iyo khasaare soo gaaray laba markab oo gaaska qaada,

wuxuuna qarka u saarnaa inuu masiibo weyn ka rido magaalada Damietta oo dhan haddii uusan Alle ka badbaadin..

Ilaa haddana, si lamid ah weerarradii Liibiya, ma jirto cid sheegatay mas'uuliyadda weerarkaas..

Haddaba marka la isku geeyo dhacdooyinkan xiriirka ah, ma dhihi karnaa waa shilal iska kala dhacay?..

Aragtidayda, tani waa isku xirnaan cad oo muujinaysa in gacmo shisheeye iyo dano gaar ah aysan doonayn in Bariga Dhexe iyo Waqooyiga Afrika ay ka baxaan fowdada,

waxayna diyaar u yihiin in qorshe kasta oo dalalkan mideynaya ay dumiyaan kahor inta uusan dhalan.

🔴 Gabgabadii.. haddii falanqayntani iyo xogahan culus ay idin cajabiyeen, fadlan la wadaaga asxaabtiina kale..

si xaqiiqadu u gaarto dad badan oo xiiseeneya arrimaha siyaasadda..

Sidoo kale, aragtidiina iyo falcelintiina igu reeba qaybta faallooyinka;

maxaadse u aragtaan dhacdooyinkan isku xiran ee ka dhacaya Liibiya iyo gobolkaba?..

Waa Walaalkiin Hamza Mx oo idin leh Habeen wanaagsan.. ❤️🥰

08/08/2026

Noloshan adduunyadu waa mid imtixaan ah oo mararka qaar culays badan,

balse waxaa jira waxyaabo qurux badan oo nolosha macaan u yeela, kuna ilowsiiya daalka iyo rafaadka..

Bal aynu eegno hadal xikmad iyo qoto dheer xambaarsan oo laga wariyay Cumar binu Khaddaab (RC)..

Hadalkaasi wuxuu si qurux badan inoogu muujinayaa qiimaha ay leedahay in la doorto lana is dhaafsado erayada wanaagsan. Wuxuuna yiri:

"لولا إخوة يتخيرون أطايب الكلام كما يتخيرون أطايب الثمر لما أحببت البقاء في الدنيا"

Oo macnaheedu yahay: "Haddii aysan jiri lahayn walaalo ama asxaab doorta erayada ugu wanaagsan,

sidii ay u dooran lahaayeen miraha ugu bisil, ma jeclaan lahayn inaan adduunka sii joogo"..

Hadalkaasi wuxuu xambaarsan yahay macne aad u qoto dheer..

Sida qofku u doorto miraha ugu wanaagsan, ayuu qofka saalixa ahi u doortaa erayada ugu wanaagsan iyo macnaha ugu quruxda badan ee uu kula hadlayo walaalihiis..

Wehelka wanaagsani wuxuu nafta siiyaa degganaansho, wuxuuna ka yareeyaa culayska nolosha..

Qiimaha iyo qaddarinta wehelka wanaagsanse kuma koobnayn Cumar (RC) oo keliya,

balse waxay ahayd xaqiiqo ay wada qireen dadkii suubbanaa ee inaga horreeyay..

Imaam Shaafici (Ilaahay ha u naxariistee) isaguna wuxuu yiri:

"لولا صحبة الأخيار ومناجاة الحق تعالى بالأسحار ما أحببت البقاء في هذه الدار"

(Haddii aysan jiri lahayn la-saaxiibidda dadka wanaagsan iyo in Alle (SWT) lala faqo waqtiyada dambe ee habeenkii, ma jeclaan lahayn inaan adduunkan sii joogo)..

Sidoo kale Saxaabigii weynaa ee Abuu Dardaa (RC) wuxuu yiri:

"لولا ثلاث ما أحببت البقاء ساعة: ظمأ الهواجر، والسجود في الليل، ومجالسة أقوام ينتقون جيد الكلام كما ينتقى أطايب الثمر"

(Haddii aysan jiri lahayn saddex arrimood, ma jeclaan lahayn inaan hal saacad oo keliya adduunka sii joogo:

Oonka maalmaha kulul ee soonka, sujuudda habeenkii, iyo la-fadhiisiga dad doorta hadalka wanaagsan sida loo doorto miraha ugu bisil)..

Subxaanallaah...

Markaad si qoto dheer u milicsato hadalladan isku xiran ee ay ka tageen dadkii suubbanaa,

waxay si cad inoo tusayaan inaanay adduunka oollin wax ka qiimo badan wehel wanaagsan iyo qof leh akhlaaq, asluub iyo hadal wanaagsan..

Inaad naftaada ku tababarto, kuna dadaasho inaad si taxaddar leh u doorato hadalkaaga, aamusnaantaada, ficilladaada iyo falcelintaada..

Waana dariiqii iyo dardaarankii uu inoo jeediyay Nabigeenna suuban ﷺ, markuu yiri:

"مَنْ كَانَ يُؤْمِنُ بِاللَّهِ وَالْيَوْمِ الآخِرِ فَلْيَقُلْ خَيْرًا أَوْ لِيَصْمُتْ"

(Qofkii rumeeyay Alle iyo Maalinta Aakhiro, ha ku hadlo khayr ama ha iska aamuso)..

Sidoo kale Nabigeennu ﷺ wuxuu ina baray in quruxda dabeecadda iyo hadalka wanaagsani ay yihiin cibaado, wuxuuna yiri:

"الْكَلِمَةُ الطَّيِّبَةُ صَدَقَةٌ"

(Erayga wanaagsani waa sadaqo)..

Wuxuuna haddana yiri:

"لَا تَحْقِرَنَّ مِنَ الْمَعْرُوفِ شَيْئًا وَلَوْ أَنْ تَلْقَى أَخَاكَ بِوَجْهٍ طَلْقٍ"

(Wanaag kasta ha fududaysan, xitaa haddii uu yahay inaad walaalkaa ku qaabisho weji faraxsan oo dhoolla-caddayn leh)..

Mararka qaar, dhoolla-caddaynta aad walaalkaa u muujiso, erayga qaboojiska ah ee aad ku tiraahdo qof qalbi jabsan,
jawiga wanaagsan ee aad abuurto,

ama aamusnaanta aad kaga fogaato muran iyo is jiid-jiid...

intaas oo dhami waxay inoola muuqan karaan wax fudud oo iska caadi ah..

Balse dhab ahaantii, Alle agtiisa waa arrimo aad u waaweyn..

Waana sidii Alle (SWT) Qur'aanka inogu sheegay markuu yiri:

"وَتَحْسَبُونَهُ هَيِّنًا وَهُوَ عِندَ اللَّهِ عَظِيمٌ"

(Waxaad u malaynaysaan inay tahay arrin fudud, hase yeeshee Alle agtiisa waa arrin aad u weyn, oo miisaan culus leh)..

Haddaba walaalayaal, aynu noqonno dad la jeclaado wehelkooda, lagana barto hadalka wanaagsan iyo akhlaaqda suubban..

Yaanu carrabkeennu noqon mid dadka dhaawaca, balse ha noqdo mid qalbiyada daweeya..

Ugu dambayn, farriintani waa xusuusin aynu dhammaanteen u baahan nahay.

Haddii qoraalkani uu qalbiyadiinna taabtay, aynu raad wanaagsan kaga tagno halkaan;

aynu wada istighfaarsanno, Alle dambi-dhaaf weydiisanno, kuna wada salinno Nabigeenna suuban ﷺ..

Sidoo kale, aynu gaarsiinno walaalaheenna kale. Waxaa laga yaabaa eray wanaagsan oo aynu wada faafinno,

in uu noqdo sabab qalbiyo badan lagu hanuuniyo, ajarkiisana aynu wada helno, idanka Alle..

Si aynu u sii wadno is-xusuusintan quruxda badan,

waxaan idinku martiqaadayaa inaad ku soo biirtaan boggayaga, si aynu u noqonno wehel khayrka isku dhiirrigeliya..

Waa walaalkiin Hamza Mx oo idin leh..

Alle ha inaga dhigo kuwa hadalkoodu wanaagsan yahay, camalkooduna suuban yahay Aamiin.. 🤍

05/08/2026

Inta badan nolosheena, marka aan asxaabta ama ehelka is macsalaameyneyno,

waxaa caado inoo ah inaan is nidhaahno: "Wax dardaaran ah ma ii haysaa?"..

Waa hadal fudud oo afkeenna ku badan, balse mararka qaar xambaarsan macno aad u weyn..

Haddaba, bal aynu dib u milicsanno sidii ay ahaan jirtay jawaabtii dadkii suubbanaa ee inaga horreeyay markii arrintaas la weydiiyo..

Waxaa la wariyay in nin uu weydiiyay caalimkii weynaa ee Suheyr binu Naciim (Ilaahay ha u naxariistee):

"Wax ma i dardaarmaysaa?"..

Wuxuuna ugu jawaabay dardaaran kooban, balse macnihiisu aad u culus yahay. Wuxuuna yiri:

(إحذر أن يَأخذك الله وأنت على غَفْلة)..

Oo macnaheedu yahay: "Iska jir inuu Ilaahay nafta kaa oofsado adigoo aan u diyaar garoobin la kulanka Alle"..

Subxaanallah.. Waa dardaaran gaaban balse xambaarsan xaqiiqada dhabta ah ee nolosha aan maanta ku dhex jirno..

Maanta, in badan oo innaga mid ahi waxay ku dhex milmeen orodka adduunka,

waxaan hilmaannay in geeridu ay tahay mid kedis ah oo aan ballan lahayn..

Dardaarankani wuxuu si toos ah inoo xusuusinayaa digniintii adkayd ee Alle (SWT) inagu siiyay Qur'aanka Kariimka ah markuu yiri:

{اقْتَرَبَ لِلنَّاسِ حِسَابُهُمْ وَهُمْ فِي غَفْلَةٍ مُّعْرِضُونَ}

(Dadka waxaa u soo dhowaaday xilligii xisaabtooda, iyagoo ku jira qaaflad, kana jeedsan xaqa)..

Allahu Akbar..☝️❤️

Haddaba wll, inta aanay goori goor ahayn, aynu hurdada ka kacno oo aan dib u eegno xaaladdeenna iyo cibaadadeenna..

Yaanu Ilaahay nafta inaga oofsan innagoo ku dhex jirna caasinimo, salaad la'aan ama ku mashquulsan wax aan aakhiro waxba inoo tarayn..

Ugu dambayn, farriintani waa mid aniga iyo adigaba ina wada khusaysa.

Haddii ay erayadani ku xusuusiyeen aakhiradaada, ha ku ekaan akhriskeeda oo keliya.

Raad wanaagsan kaga tag halkan; Istighfaarso, Alle dambi-dhaaf weydiiso, kuna sali Nabigeenna suuban ﷺ.

Kadibna la wadaag qoraalkan, si uu u gaadho walaalo kale oo laga yaabo inay maanta uga baahi badan yihiin adiga.

Waxaana laga yaabaa in khayrkan oo aad faafiso uu sabab u noqdo in qof mooganaa uu si dhab ah u baraarugo, ajarkiisana adigu aad hesho..

Waa walaalkiin Hamza Mx oo idin leh Habeen wanaagsan.. 🤍🥰

02/08/2026

Mararka qaarkood waxaan dareennaa inaan waqti u hayno Wax kasta oo la xiriira noloshan..

shaqadeenna, ganacsigeenna, taleefannadeenna iyo arrimaheenna gaarka ah..

Balse in badan oo inaga mid ah, marka la joogo akhrinta Kitaabka Alle, waxaan isku aragnaa inaan leenahay:

“Berri ayaan akhrin doonaa.”

Xaqiiqaduse waxay tahay inaynaan akhrin..

Sidaa awgeed, waxaan jeclaan lahaa inaan maanta naftayda iyo idinkaba xusuusiyo arrin aad u muhiim ah.

Waa arrin aan u baahnayn maal, awood ama waqti badan..

Waxa keliya ee loo baahan yahay waa qalbi daacad ah oo doonaya inuu Rabbigiis u dhowaado.

Haddaba, maxaa mararka qaar inaga hor istaaga inaan tallaabadaas qaadno?..

Inta badan ma aha culayska nolosha, balse waa fikrado khaldan oo maskaxdeenna ku dhex jira.

Dad badan waxay aaminsan yihiin in akhrinta Qur'aanku ay ku kooban tahay dadka codadka macaan leh ama kuwa si fiican u xafiday.

Qaar kalena waxay ka xishoodaan inay akhriyaan, iyagoo ka baqaya inay khalad galaan.

Laakiin Nabigeenna suubban (ﷺ) wuxuu inoo sheegay wax gebi ahaanba ka duwan fikirkaas markii uu yiri:

«الماهر بالقرآن مع السفرة الكرام البررة، والذي يقرأ القرآن ويتتعتع فيه وهو عليه شاق له أجران.»

(Bal u fiirsada naxariista Alle. Iyo sida uu Nabigu (ﷺ) noogu sharraxay xadiiskan..

Qofka si wanaagsan u akhriya Qur’aanka wuxuu la jiri doonaa malaa’igta sharafta badan..

Laakiin qofka ku dhibtoonaya akhrintiisa, afkiisuna mararka qaar ku higgaadayo,

haddana aan ka quusan oo sii wada dadaalka… isaga waxaa loo qorayaa laba ajar..)

Allahu Akbar..☝️❤️

Arrintani waxay tusaale cad u tahay in Alle uusan eegayn quruxda codadkeenna oo keliya,

balse uu eegayo dadaalkeenna, niyaddeenna iyo rabitaankeenna ah inaan baranno Kitaabkiisa.

Sidaas darteed, haddii aynu mararka qaar ku dhibtoonno akhriska Qur’aanka, yeynaan u malayn in dhibkaasi uu inaga fogeynayo ajarka.

Taas beddelkeeda, wuxuu sabab u noqonayaa in ajarkeenna uu labanlaabmo.

Markii aynu garannay naxariistaas ballaadhan ee Alle, waxaan jeclaan lahaa inaan mar kale idin xusuusiyo xadiis kale oo uu Nabigeenna suubban (ﷺ) inoo sheegay:

«من قرأ حرفًا من كتاب الله فله به حسنة، والحسنة بعشر أمثالها، لا أقول: (الم) حرف، ولكن ألف حرف، ولام حرف، وميم حرف.»

Walaalayaal, bal aynu si kooban u milicsanno xisaabtaas layaabka leh.

Xaraf kasta oo aynu ka akhrinno Kitaabka Alle wuxuu leeyahay ajar u gaar ah, ajarkaasina wuxuu toban laab u labanlaabmaa.

Aayado kooban oo aynu maanta akhrinno waxay noqon karaan kumannaan xasanaad oo laynoogu qoro miisaankeenna Maalinta Qiyaame.

Qur’aanku ma aha kitaab la akhriyo oo keliya marka la helo firaaqo. Waa wehelka mu’minka ee maalin kasta, waana iftiinka qalbiyadeenna..

Guriga laga akhriyo Qur’aanka waxaa ku soo degta xasillooni iyo barako.

Intaas kuma eka fadliga Qur’aanka. Maalinta ugu daran ee bani’aadamku mari doono, oo ah Maalinta Qiyaame, Qur’aanku k**a tegi doono qofkii la saaxiibay ee akhrintiisa ku dadaali jiray.

Nabigu (ﷺ) wuxuu yiri:

«اقرؤوا القرآن فإنه يأتي يوم القيامة شفيعًا لأصحابه.»

Sidoo kale wuxuu yiri:

«اقرؤوا الزهراوين: البقرة وآل عمران، فإنهما تأتيان يوم القيامة كأنهما غمامتان… تحاجان عن أصحابهما.»

Bal qiyaasa arrintaas..!

Maanta innaga ayaa Qur’aanka akhrinayna, balse Maalintaas adag isaga ayaa idanka Alle inoo shafeeci doona oo inoo doodaya oo inoo hadlaya..

Waxaa kale oo qofka Qur’aanka la saaxiibay lagu oran doonaa:

«اقرأ وارتقِ، ورتل كما كنت ترتل في الدنيا، فإن منزلتك عند آخر آية تقرؤها.»

Bal ka fiirso bishaaradaas weyn. Maalintaas laguma abaalmarinayo oo keliya akhrintaadii Qur’aanka,

ee aayad kasta oo aad akhriday waxay kuu furaysaa darajo cusub oo Jannada dhexdeeda ah.

Darajada aad Jannada ka gaadhi doonto waxay ku ekaan doontaa aayadda ugu dambaysa ee aad akhriday..

Waa fadli iyo sharaf aan la qiyaasi karin.

Marka aynu garannay fadligaas weyn, isla markaana aynu ogaannay in Qur’aanku yahay wehelka mu’minka ee adduunka iyo Aakhiraba,

waxaa habboon inaan dib u milicsanno xaaladdeenna maanta.

Haddaba aynu isweydiinno: Imisa maalmood, toddobaadyo ama bilooyin ayaa inaga soo wareegtay annagoo aan xitaa furin Kitaabka Alle?

Qofna lagama rabo inuu hal maalin ku dhammeeyo Qur’aanka oo dhan..

Laakiin qof walba wuu awoodaa inuu maalin kasta akhriyo hal bog, dhowr aayadood, ama uu waqti kooban la qaato Kitaabka Alle, si uu naftiisa u daweeyo.

Waxa ugu muhiimsan ma aha tirada aad akhrido, ee waa inaad joogteyso..

Wax yar oo si joogto ah loo qabtaa ayaa ka khayr badan wax badan oo hal mar la sameeyo dabadeed la iska daayo.

Waxaan Alle ka baryayaa inuu Qur’aanka ka dhigo nuurka iyo nolosha quluubteenna,

kan murugadeenna naga qaada, iyo saaxiibkeenna adduun iyo aakhiro..

Waxaan kaloo si naxariis leh Eebbe uga baryayaa inuu naga dhigo kuwa ka mid noqda «أهل الله وخاصته»..

Tani waa darajada ugu sarraysa ee qof bini'aadam ah uu gaaro; in Alle uu inoo doorto inaan noqonno ehelkiisa iyo dadkiisa gaarka ah,

taas oo la macno ah inaan ahaanno kuwo ilaashan, oo ku hoos nool xannaanada Alle, ducadeennana la aqbalo adduun iyo aakhiroba..

Aamiin yaa Rabbal Caalamiin...

Gabgabadii, aynu u wada Share garayno xasuusintan dadkeenna si aynu dhammaan u wada helno ajarka.

Khayrka aynu wadaagno waa ajar inoo wada socda... 🤍

26/07/2026

Asc akhyaarta.. Waan ogahay inaan muddo idinka maqnaa oo aanan soo dhigin waxyaabihii aad iga barateen..

Maalmihii la soo dhaafay xanuun ayaan la tacaalayay, balse hadda Alxamdulillaah waan soo roonaaday..

Runtii aad baan idiin ku xiisay dhammaantiin,
Insha’Allah goordhaw ayaan dib idin ku soo laaban doonaa..

22/07/2026

Mid ka mid ah dhacdooyinkii ugu yaabka badnaa ee aan abid ku arkay taariikhda Koobka Adduunka ee 2026..

Wiil 30 jir ah oo u dhashay dalka Bangladesh ayaa naftiisa dilay, kadib markii uu u adkaysan waayay guuldarradii xulka Argentina ka soo gaartay Koobka Adduunka.

Subxaanallaah..

Ninkan oo lagu magacaabi jiray Sumon Hussein, wuxuu ahaa aabbe xaasle ah oo lahaa laba carruur ah...

Sida la sheegay jacaylkii xad-dhaafka ahaa ee uu u qabay xulka Argentina iyo niyad-jabkii ka dhashay ka bixitaankooda tartanka ayaa si weyn u saameeyay maskaxdiisa,

ugu dambayna wuxuu go'aansaday inuu naftiisa soo afjaro.

19/07/2026

Nin Mareykan ah oo taageera Israa'iil ayaa la kulmay koox taageerayaal u dhashay dalka Argentina..

Wuxuu u malaynayay inay iyaguna Israa'iil taageersan yihiin sida madaxweynahooda oo kale.

Balse jawaabtooda ayaa naxdin iyo lama filaan ku noqotay, kadib markii ay dhammaantood ku wada dhawaaqeen "Falastiin ha xorowdo.. 😅 🇵🇸❤️

18/07/2026

Waxaa laga yaabaa in maanta aad wax yar ka cabanaysay daal, walbahaar ama culays nololeed...

Balse mararka qaar, hal muuqaal ayaa qofka xusuusiya nimcooyin badan oo uu haysto oo uusanba dareensanayn..

Waxaad ogaanaysaa in ay jiraan dad si aamusan nolosha ula halgamaya oo rajadooda keliya ay tahay caafimaad.

Bal u fiirso wiilkan yar; isagoo isbitaalka dhex jooga ayuu hal gacan ku sidaa kiishka kaadida, gacanta kalena wuxuu ku haystaa xabbad buskud ah.

Wuxuuna si samir leh u sugayaa waqtigiisa si kelyaha loogu sifeeyo.

Halkan k**a hadleyno lacag ama raaxo..

ee waxaan ka hadleynaa qiimaha caafimaadka, rajada, iyo naxariista Alle.

Allahayow caafimaad sii dhammaan inta xanuunsan, dhibkana ka dulqaad, qalbiyadoodana ku beer samir, rajo iyo xoog Aamiin.. ❤️🤲

17/07/2026

Maanta, oo ahayd maalin Jimce ah xilli ay muslimiintu ku jireen cibaado, xasillooni iyo barako..

ayaa gumeysiga cadowgu uu walaalaheena reer Gaza u geystay fal kale oo aad u xanuun badan.

Waa dhacdo si cad inoo tusaysa in bahalnimada cadowgan aysan xitaa tixgelin ama xurmayn u hayn maalmaha barakaysan iyo xitaa dadka janaazada wada..

Si aad u ogaataan heerka ay gaadhsiisan tahay arxan-darrada cadowgan,

bal aan dib u milicsanno wixii gelinkii dambe ee Jimcihii ka dhacay xerada Nuseyrat ee bartamaha Gaza..

Dadweyne aad u badan ayaa garbaha ku siday meydka walaalkood oo h**e u shahiiday, iyagoo ku sii jeeday qabuuraha.

Waxay u soo baxeen oo keliya inay aasaan walaalkoodii shahiiday, iyagoo si deggan u marayay agagaarka Masjidka Sheekh Axmed Yaasiin.

Hase yeeshee, daqiiqado yar gudahood, ayaa diyaarad nooca aan duuliyaha lahayn ee cadowgu leeyahay gantaal ku dhufatay bartamihii dadkii janaasada waday.

Ilbidhiqsiyo gudahood, goobtii waxay isu beddeshay muuqaal argagax leh..

Raggii garbaha ku siday walaalkoodii shahiiday si ay u aasaan, ayaa iyaguna isla goobtii ku shahiiday..

Waddooyinkii waxaa qariyay dhiig, halkii janaasadii la wadayna waxay isku beddeshay geeri iyo murugo..

Weerarkan waxaa ku shahiiday siddeed dhalinyaro ah oo kala ahaa:

Bilaal Xatxat..
Jamiil Abu Dalaal..
Humaam Abu Burayk..
Saalax Qadraawi..
Cubeyda Cali Seydam..
Maxamed Xamduuna..
Nidaal Maahir Axmed..
iyo Bilaal Abu Dalaal...

Waxaana sidoo kale ku dhaawacmay dad kale oo badan.

Walaalayaal, dhacdadani ma aha oo keliya mid daaha ka rogaysa arxan-darrada iyo bahalnimada gumeysiga,

balse waxay sidoo kale markhaati u tahay kala qaybsanaanta iyo tabar-darrada hareysay dalalka Carabta iyo dunida Islaamka.

Xilli ay ummadda Islaamku ku mashquulsan tahay khilaaf iyo kala fogaansho dhexdooda ah, cadowgu wuxuu sii wadaa xasuuqiisa isagoo aan ka cabsi qabin in cid la xisaabtami doonto..

Balse, waxaa hubaal ah in dulmigu aanu waarayn, quwad kasta oo islaweynaatana ay leedahay maalin ay dhammaan doonto..

Eebbe (SWT) wuxuu Qur'aankiisa Kariimka ah ku yiri:

{وَلَا تَحْسَبَنَّ ٱللَّهَ غَٰفِلًا عَمَّا يَعْمَلُ ٱلظَّٰلِمُونَ}

Gabgabadii waxa ugu yar ee aynu u qaban karno walaalaheenna reer Gaza waa in aynu u ducayno.

Ilaahay ha u naxariisto shuhadada, dhaawacyadana caafimaad degdeg ah ha siiyo, walaalaheenna ku harayna ha ka badbaadiyo dulmiga iyo gardarrada cadowga..

Sidoo kale, waa in aynaan ka aamusin dambiyadan foosha xun..

Waxaan idinka codsanayaa inaad qoraalkan Share garaysaan oo aad gaadhsiisaan meel kasta oo suurtagal ah. In aynu codkooda noqono,

isla markaana dunida tusno xaqiiqada ka jirta Gaza, waa masuuliyad ina wada saaran..

Faafiya si ay indhaha caalamku u arkaan xaqiiqada xanuunka badan ee halkaas ka socota..

17/07/2026

Maalin ka mid ah maalmihii barakaysnaa, ayaa Nabigu (SCW), isagoo dhex fadhiya asxaabtiisii (RC), wuxuu weydiiyey su'aal cajiib ah oo dhammaantood xiiso gelisay.

Wuxuuna ku yidhi:

"Bal ii sheega, khalqiga ama qoomka ugu iimaanka badan.."

Saxaabadii (RC) ayaa markii h**e u qaatay inay yihiin Malaa'igta Eebbe u dhow..

Hase yeeshee, Nabigu (SCW) wuxuu u caddeeyay inaanay ahayn Malaa'igta, wuxuuna ku yidhi:

"Sidee bay iimaan dhab ah u yeelan waayayaan, iyagoo ah khalqi Eebbe u dhow oo aan waligood amarkiisa ku caasin?"

Markay taas maqleen, ayay haddana is weydiiyeen: "Tolow, ma Anbiyada iyo Rususha ayaa loola jeedaa?" Laakiin Rasuulka (SCW) ayaa ugu jawaabay:

"Maya, kuwaas waa qoom uu Eebbe risaaladiisa u doortay, waxyigiisana dushooda ku soo dejiyey."

Markii ay waayeen cid kale oo ay ku qiyaasaan, ayay mar kale weydiiyeen:

"Haddaba ma annagaa, Rasuulkii Allow?"

Nabiguna (SCW) wuxuu ugu jawaabay:

"Maya. Idinku waxaad tihiin asxaabtaydii; waad i aragteen, waanad ila noolaateen."

Markii ay garan waayeen cidda loola jeedo, xiisahoodiina uu batay, ayuu Nabigu (SCW) si naxariis leh ugu bishaareeyay xaqiiqadii, wuxuuna yidhi:

{أَعْجَبُ النَّاسِ إِيمَانًا قَوْمٌ يَأْتُونَ مِنْ بَعْدِي، يُؤْمِنُونَ بِي وَلَمْ يَرَوْنِي}

Macnaha xadiisku waa: «Dadka ugu cajiibsan xagga iimaanka waa qoom iman doona geeridayda ka dib; way i rumayn doonaan iyagoo aan waligood i arag.»

Allahu Akbar..☝️❤️

Waa darajo iyo sharaf aan la qiyaasi karin in aynu nahay qoomkaas rumeeyay Nabigooda (SCW) iyagoon waligood indhaha saarin,

innagoo maanta sunnadiisii ku taagan, si dhab ahna u rumaysan.

Sidaas darteed, waxaa inala gudboon in aynu Alle (SWT) si daacad ah ugu mahadnaqno,

quluubteennana ku beerno qiimaha iyo fadliga ballaaran ee uu inagu mannaystay.

Waayo qof kasta oo inaga mid ahi, haddii uu iimaankiisa sugo, camalkiisana wanaajiyo,

wuxuu gaadhi karaa darajooyinka sarsare ee ay gaadheen haldoorkii iyo salafkii suubbanaa ee ummaddan.

Haddaba, haddii aynu is-weydiino halka uu ka yimid jacaylkaas gaarka ah iyo naxariista baaxadda leh ee uu Nabigu (SCW) inoo hayo,

jawaabtu waxay si cad uga muuqataa Qur'aanka Kariimka ah. Eebbe (SWT) ayaa inoo sheegay jacaylka,

naxariista iyo daryeelka baaxadda leh ee uu Nabigu (SCW) u hayey ummaddiisa,

isagoo ku sifeeyay aayaddan barakaysan:

{لَقَدْ جَاءَكُمْ رَسُولٌ مِّنْ أَنفُسِكُمْ عَزِيزٌ عَلَيْهِ مَا عَنِتُّمْ حَرِيصٌ عَلَيْكُم بِالْمُؤْمِنِينَ رَءُوفٌ رَّحِيمٌ}.

Waa naxariis iyo jacayl aan xuduud lahayn. Sidaas darteed akhyaarta, in kasta oo uusan maanta Suubanuhu (SCW) jidh ahaan inoola joogin,

haddana k**a maqna quluubteena iyo nolosheenna, waayo wuxuu inoo dardaarmay isagoo leh:

(تَرَكْتُ فِيكُمْ مَا إِنْ تَمَسَّكْتُمْ بِهِ لَنْ تَضِلُّوا بَعْدِي أَبَدًا: كِتَابَ اللَّهِ وَسُنَّتِي).

Sidaas awgeed, sunnadiisa, hanuunkiisa, taariikhdiisa udgoon iyo nuurka waxyiga ee uu inoo reebay ayaa weli iftiiminaya jidkeenna ilaa maanta..

Rasuulku (SCW) wuu gutay ammaanadii, wuu inasoo gaadhsiiyey risaaladii, ummaddana wuu u nasteexeeyay.

Haddaba, waajibka innaga maanta ina saarani waa in aynu jidkiisii si dhab ah u raacno, si aynu u noqonno kuwii uu Xabiibku (SCW) u xiisay,

aakhirana uu Eebbe inagu waafajiyo in aynu Xawdka Kawsar ka cabno gacantiisa sharafta leh, kabbasho aynaan weligeen harraad dareemi doonin.

Ugu dambayntii maalintan barakaysan ee Jimcaha, aynu badinno saliga iyo salaanta Nabigeenna (SCW).

Sidoo kale, yeynaan ducooyinkeenna ka illoobin walaalaheenna dhibaataysan ee reer Falastiin.

Aynu Alle (SWT) uga barinno inuu dhibta ka dulqaado, quluubtooda adkeeyo, cadowgoodana jab iyo hoog ku rido, f***j iyo gargaar degdeg ahna ku mannaysto.

Waa Walaalkiin Hamza Mx oo idin leh: Jimce barakaysan

Hamza Mx

12/08/2026

08/08/2026

05/08/2026

02/08/2026

26/07/2026

22/07/2026

19/07/2026

18/07/2026

17/07/2026

17/07/2026

Address

Website

Alerts

Shortcuts

Share

Listing takedown request