DOOHA TV

DOOHA TV Kani waa bogeena rasmiga ah ee 𝗗𝗒𝗒𝗛𝗔 𝗧𝗩 oo aad kaheshaan wararka degaanada 𝗗𝗒𝗒𝗛𝗔 oo deg deg ah xaqiiqna ah iyo kuwa gayiga soomaliyedba:whatsapp:614737188

Waqtiyaan dheereen iyo keesa dhiga dulaalkii dadkiisa iyo deegankiisa macaashka kubadashay.DOOHA TV Isha wararka
14/07/2026

Waqtiyaan dheereen iyo keesa dhiga dulaalkii dadkiisa iyo deegankiisa macaashka kubadashay.

DOOHA TV Isha wararka

!!Waxaan arkayey qoladii khawaarijta Baxdo ahayd oo maanta, intay meel isugu yimaadeen, dhahaya waxaan rabnaa inaan doo...
14/07/2026

!!

Waxaan arkayey qoladii khawaarijta Baxdo ahayd oo maanta, intay meel isugu yimaadeen, dhahaya waxaan rabnaa inaan doorashada dalka ka socota qayb ka noqono. Runtii waa ayaan-darro aad u weyn iyo gef qaran in maanta hadalkaas ka soo yeero kuwii caadaystay dhiigga iyo xoolaha shacabka Soomaaliyeed, iyo kuwii Alle u shariigta yeelay ee qabuuro-caabudiinta ahaa. Waa ayaan-darro iyo ilhaano qaran oo loo geystay Qaranka Soomaaliyeed iyo dhammaan shacabkiisa. Waana waxaan la aqbali karin in khawaarijtu dadka ku soo dhex dhuumato iyagoo shaarar been ah soo gashanaya.

Khawaarijta Baxdo meelna k**a soo galaan dowladnimo iyo u adeegidda shacabka, waayo waa koox u bareertay wax walba oo Alle ka cadhaysiinaya, waana ay sameeyeen. Oo Waa kuwaa addoomada Alle maalin walba dul dhoobane, roob nasiiya iyo wax noo qabtada ku haya, hade kuwo mar h**e tawafay oo ruuxdu deyday.

Dowladda Soomaaliyeed oo ay ugu horreeyaan madaxda qaranka iyo shacabkeedaba, waxaan u soo jeedinaynaa in laga digtoonaado kooxdaas qaswadayaasha iyo ahlu-shirkiga ah ee isku ekaysiinaya muwaadiniinta Soomaaliyeed ee xaqa u leh inay codkooda dhiibtaan. Kuwani ma aha kuwo doonaya keliya inay doorasho galaan, balse waa koox gabaad ka dhiganaysa shaarka dowladda si ay uga dhuuntaan indhaha shacabka Soomaaliyeed ee Muslimiinta ah ee ka dhowrsan shirkiga iyo ka been-sheegidda diinteenna suuban.

Doorashada dalka ka socota waxay ka dhacday kana dhaceysaa qaybo badan oo dalka ah, taas oo ay u garteen guddiga doorashadu. Ma garanayno farqiga u dhexeeya deegaannada laga tagay ee aan weli gacanta dowladda ku jirin, Sida Galhareeri, Ceelbuur, Jilib, cel-garas iyo meelo kale oo badan, oo ay ka mid tahay tan ay hadda khawaarijtu ka banaanbaxayso ee Baxdo.

Dalkani waa ka gudbay xilligii shaararka la isku soo qaadan jiray, wuxuuna u gudbay qaran dhis iyo khawaarij. Ladagaalan Mana jirto maanta meel ay ku gamban karaan kuwa caadaystay wax walba oo Alle ka reebay sida kuwaan oo kale. Idamka Allena u soco maa damacooda iyo shaar-beenaadkooda.

DOOHA TV Isha Wararka

.Beesha Qadhoob ee Duduble runtii kursi iyo ka sii badan ayay u qalantaa, xaq ayayna u leedahay. Waa nasiib darro in ma...
14/07/2026

.

Beesha Qadhoob ee Duduble runtii kursi iyo ka sii badan ayay u qalantaa, xaq ayayna u leedahay. Waa nasiib darro in maanta dadka qaar la soo istaagaan, iyagoo leh: "Qadhoob kursi ma leh ee reer hebel ayaa leh."

Waa garaad-xumo iyo garasho ka dhiman dhinaca caafimaadka iyo dhinaca aqoontaba. Kuwa sidaas ku hadlayaana waa kuwa aan taariikh iyo waxa la yahay aqoon, garaadkooduna ku eg yahay "kursi baa maqan."

Maamulka Galmudug, markii beeshaan xuquuqdeeda loo eego, wax badan ayaa ka maqan oo beeshaanu lahayd. Waxaase lagu aamusanyahay waa dhanka deegaannada ay beeshu degto oo weli ka maqan gacanta maamulka. Balse markii wax la isku darsado, waa waajib in wax la wada yeesho oo si siman maamulka loo wada lahaado. Haddii la wada yeelan waayana, hadde qolo walba deegaankeeda ayay u tashan doontaa.

DOOHA TV Isha wararka

Xildhibaan Abdihakim Ali yare ayaa iska casiley xubinimadii xisbiga hatan talada haya. ee JSP.DOOHA TV Isha wararka
13/07/2026

Xildhibaan Abdihakim Ali yare ayaa iska casiley xubinimadii xisbiga hatan talada haya. ee JSP.

DOOHA TV Isha wararka

13/07/2026


Beesha curadka ah ee Aarsade, waxaan ku bogaadinaynaa go’aankaan geesinimada iyo gobanimada leh ee ay qaateen, kaas oo ah in beeshu sannadkan isla garwaaqsadeen in wiilkooda (Xabiibi Mire) ow mudo xileedkaan kumatalo kursiga beeshu ku leedahay Baarlamaanka Galmudug.

Aarsade waxay asbuucan muujiyeen gobanimo iyo curadnimo qaan-gaar ah, waxayna asbuucan gudihiisa qaateen laba go’aan oo gobanimo saldhig u tahay. Mid waa kan oo waa kuwaas tu'saalaha u noqday wax isku quurida iyo kala danbeenta yar iyo weynba. Midka kale waxay qaateen saddex maal-mood ka hor, kaas oo ay beesha Maxamed Camal ugu muujiyeen walaaltinimo, waxayna gobanimadaas ku qaateen magaalada Ceelbuur.

Markii labadaas guddoonsiin ee gobanimada leh laga soo tago, xildhibaan Xasan Keynaan runtii waa oday Soomaaliyeed, oday Galmudug, oday Duduble, oday Aarsade. Wuxuuna muujiyey waaridnimo iyo wax isu quurid tii ugu sarraysay, waayo siyaasaddu ma aha hadiyad la isi siiyo, balse Xildhibaan Xasan wuxuu qaaday dariiq aan ahayn kii goytada ahaa ee siyaasiyiinta lagu yaqaanay. Wuxuuna noqday waalid kaabaya kuwa hanku ku jiro ee dhiigga cusub ah. Waxaana Xildhibaan Xasan u rajaynaynaa mustaqbal wanaagsan iyo cimri suubban.

Walaalka loo tanaasulay runtii waa nin mudnaa; waa nin dhallinyaro ah oo dalkan iyo dadkaan h**e ugu soo adeegay una bixiyey dhiiggiisii iyo lixaadkiisiiba. Haddana waxaa marag ma doonto ah inuu noqon doono adeege Soomaaliyeed, adeege Galmudug, adeege Duduble, adeege Aarsade, iyo u adeege kuwa aan codkoodu meel dheer gaarin. Waxaan u rajaynaynaa inuu noqdo hoggaamiye wanaagsan kuna daydo adeerradii iyo kuwa la midka ah ee tusaalaha u ah wanaagga iyo wax isu quuridda.

Sidaas si la mid ah, waxaan rajaynaynaa in ayaduna beesha Maxamed Camal ee labada kursi Galmudug ku leh, oo maalmihii lasoodhaafay uu ka jiray is jiid-jiid siyaasadeed, ay ku daydaan walaalahood curadka ah, oo arrinkaas ku dhammeeyaan isu tanaasulid iyo wax isu quuridii ay cidu caanka ku ahayd kuna caanamaali jirtay.
Annagoo ku kalsoon garashada beesha, waxaan rajaynaynaa in tallaabo tan la mid ah ay saacadaha soo aaddan qaadi doonaan walaalaha kursigaas ku tartamaya.

DOOHA TV Isha wararka.

11/07/2026

Waa sawir kulmiyey laba halyey oo taariikh ku dhex leh ummadda Soomaaliyeed, siiba ummadda Galmudug, qaasatan dadkay ka dhasheen ee beesha Duduble.

Halyey Bootaan Ciise Caalin (AHU) wuxuu ka tagay diiwaan siyaasadeed iyo waxqabad muuqda oo uu ka tagi lahaa masuul Soomaaliyeed oo xil ummadeed qabta, wuxuuna geeridiisa dabadeed ku dhex nool yahay oo uu ku nagaday quluubta dadka Soomaaliyeed iyo dadkii uu ka dhashay intaba.

Halyeyga kale waa Mushaax Maxamad Cilmi Afrah (Damdamle) Waa halyey ku suntan waxqabad iyo hawlkarnimo, waana nin, asagoon xil ummadeed hayn, la arkay waxqabadkiisa iyo qofka uu yahay. Cimrigiisa Alle ha barakeeyee, hadda waa musharrax madaxweynaha Galmudug, wuxuuna ka mid yahay kuwa ugu cadcad. Haddii xilkaas Eebbe u garto, waa ninkii Galmudug samata bixin lahaa, maalkiisa iyo maankiisana ku gaarsiin lahaa baraare iyo midnimo waarta. Waana ninka ay sugayaan deegaannada beeshu degto.

Nasiib darro, dadkii Bootaan Ciise Caalin xildhibaankooda ahaa maanta waa kuwo baylah ah, waana kuwo maanta la is weydiinayo matalaaddoodii iyo qofka matala. Halka cadowgii uu gacmaha ka hayay ee xeendaabka dowladeed kula jiray ay maanta marayaan heer ay magacoodii iyo sharafkoodii iibsadaan, dhallinyaradoodiina fagaaraha la istaagaan abtirsiinkoodii midaan aheen, ayna weliba ku faanaan inay ku abtirsadaan dad aan dhalin. Taasi waxay caddaynaysaa heerka beeshu gaartay iyo musiibada rabbaaniga ah ee dadkan ku dhacday. Farajka Allese waa mid furan.

DOOHA TV Isha wararka

Waayadan dambe waxaa beesha dhexdeeda ku soo badanayay dhalinyarada la isticmaalo, si kalena haddii aan u dhigno, dhali...
11/07/2026


Waayadan dambe waxaa beesha dhexdeeda ku soo badanayay dhalinyarada la isticmaalo, si kalena haddii aan u dhigno, dhalinyarada horgalada ah. Mararka qaar waxaad mooddaa in dhalinyaradaas ama dadka noocaas ahi ay hal meel tax dhigtaan; ma garanayno sababta taas kalifaysa ama keentay arrinkaas foosha xun.

Maalmo ka hor ayaan halkan ku daabacnay in beesha, siiba tolweynayaashu, noqdeen saddex: waa , , iyo . Dadka qaar, markii aan saddexdaas u qaybinaynay, way nala yaabanaayeen, halka kuwa indheer-garadka ahna ay rumaysnaayeen in waxani sax yihiin; oo ay jiraan dad magaca iyo karaamada beeshaan laga ilaalinayo, halka kuwana lagu ilaalinayo oo deeq iyo darajaba lagu siinayo, halka kuwana ay ilaalinayaan oo meel kasta naf iyo maalba u hurayaan sidii beeshaanu sumcad u lahaan lahayd, waxna u qabsan lahayd, xaqa ka maqana u heli lahaayeen.

Kolley inankan yar wixii lagu ababiyey ayuu sameeyey, oo dardaarankii adeerayaalkii ayuu meesha ka sheegay. Lagulana yaabi maayo, waayo kuwii ka cirrada badnaa ayaa habeen iyo maalin la taagan waxaan iyo wax ka daran. Sidaa darteed, wiilkani inuu sidaan sameeyo waa caado iyo dhaxal lagu ababiyey, lana garanayo cidda ka dambaysa ee arrinkan u soo dirtay inankan iska hadlay.

War tolkeeyow, sidaani sharaf idiinma aha ee isda isku dhaama, oo horgalnimadaanna aad dheefta yar ku dhaafsydeen magaciinna iyo sharaftiinna iska daaya. Waa idinku ceeb in aad maalin walba dariiqyada la taagnaataan mansabkiin-doorin, idinkoo yar iyo weyn, ciroobe iyo garmadoobe, caamo iyo caalimba leh. Mana aha wax laydinkaga aamusi karo ama laydinku fiirsan karo gunnimada aad is badaysaan idinkoo Alle idin badan.

DOOHA TV Isha wararka

:Bahda DOOHA TV Waxay tacsi tiiraanyo leh u dirayaan qoyska, ehelka iyo asxaabta uu ka baxay marxuum Ahmed Raage.Waxaa...
10/07/2026

:

Bahda DOOHA TV Waxay tacsi tiiraanyo leh u dirayaan qoyska, ehelka iyo asxaabta uu ka baxay marxuum Ahmed Raage.

Waxaan Alle uga baryaynaa in uu naxariistiisa ballaaran siiyo, hoygiisana ka yeelo Jannatul Firdows, qoyskii iyo dhammaan eheladi uu ka tagayna uu siiyo samir iyo iimaan buuxa.

DOOHA TV Isha wararka

09/07/2026

Dadka deegaannada DOOHA deggan, gaar ahaan beeshan Duduble, maxaa qorshe ah oo uga yaal labadan aragti siyaasadeed ee ku kor hardamaya ee middiyaha isu sahanaya?

Waa muhiim in la helo aragti cad oo ku aaddan arrintan, waayo waa arrin taabanaysa masiirka dadka iyo deegaanka. Sidaas darteed, waa muhiim in wax layskaga ogaado oo talo meel ka taal.

Soomaalidu waxay tiraahdaa: β€œRoob ninkii gees ka xigaa odorosee.” Soo ma habboona in qorshe arrintan lagu wajahayo lala yimaado, oo ay la yimaadaan dadka maanta degaanka ka baxsan, ileen waa ka fursad badan yihiin kuwa maanta degaanka jooga ee tashigoodu guud iyo dhaqdhaqaaqoodu xaddidan yahay, ama aragtidoodu tahay dooligii goroftiisa ku duqoobey.

Sidaan wada ognahay, maanta dhallinyarada beeshu waa dad dhisan oo si dhow isugu xiran. Qaarkoodna waxay leeyihiin han siyaasadeed ama hoggaamineed, dhinac kasta ha noqotee, waana kuwa berri mustaqbalka dadkan iyo deegaankan majaraha u qaban doona, waayo waa qasab in isbeddel dhacayo goor ay ahaataba. Marka, sow waajib saaran ma aha inay maanta kaalintooda qaataan oo doorkooda la arko, mid gudaha jooga iyo mid dibadda joogaaba.

Odayaasha beesha, iyagu waa laba mid uun: mid maqan iyo mid degaanka jooga. Koley, labadaaba markii maanta kuwa jooga la eego, ma garanayno kuwaan isleennahay taariikh wanaagsan baa ka horraysa, waayo ma ay diyaarsan diiwaankaas, una malayn mayno inay hadda kadib diyaarinayaan ama ay isbeddel la imanayaan. Sidaas ayaana rajo looga qabin inay xaaladda maanta taagan iyo waxa jira wax uga qabtaan.

Ganacsatadu iyaduna koley sidii caadada u ahayd ayay yeeli doontaa; oo gacalkeeda ama beesheedu waa halkii markaas suuq u leh oo danaha ganacsiga laga arko. Sidaas darteed, ma jirto rajo maanta laga qabo oo arrintan masiiriga ah ku aaddan, waayo adduunku waa dhigane iyo dhaxal-yaal, qof walbana wixii uu diiwaanka dhigtay ayaa ugu yaal.

Faaladeenna tan ku xigta ayaan uga hadli doonaa shanta xildhibaan ee beesha iyo doorkooda arrintan, waayo iyagu waa budo gooni u tuman oo la xisaabtan iyo la gar-dhigasho intaba lagu leeyahay.
DOOHA TV Isha Wararka

05/07/2026

.

Dabayaaqadii bishii nadhaaftay Kuna beegan 21/6/2026 ayaa xubin kamida bahda DOOHA TV waxay gaartay oo booqasho ku tagtay dhulka beel weynta Duduble degto siiba magaalooyinka 4afarta ah ee ugu faca weyn dhulweynaha beeshu degto.

Magaalooyinka aan saldhiga uga dhignay booqashadeena waxay kala ahaayeen mid walba oon tagnay waxaan aad u dhuganay una dhuuxnay qaab nololeedka dadka deeganka iyo xaaladaha ay bulshadu la nooshahay.

Mid walba waxaan joognay asbuuc oo aan aad u dhuuxeynay waxa kajira magaalada iyo hareeraheeda waxaana maalmo tagnay toolooyinka magaalada si aan u ogaano waxa kajira iyo sida looga noolya waxaanse halkaas ku soo aragnay dhibaato aad u weyn oo jiilal badan galaafa doontay hadaan eebe laga kaashannleskana daba qaban.

Dhibatada ugu weyn ee dadkaas heysatay maaheen biyo la'aan raashin la'aan caafimaad la'aan waxbarasho la'aan nabad galyo la'aan balse waxaa hestay cadow kadaran mid dool kuyimaada ama hesta oo xukuma cadowgaas oo ah waa dad heb ahaan beesha shegta degaankana degan balse bulshada dhibaato ku ah oo uga daran cadow kasta ee maanta kajira gayiga soomalida.

Cadowgaas waxow laayey dhalinyaradii waxowna kawada dhigay kuwo caaga oo oon waxba galin halkii inay dadkooda waxtaraan laga sugayaan ayagu cules ku ah rerka cadowgaas waxow dhalinyarada mid walba siiyey daraagis nolosha kawada riday waxow dilay oo wada tootgay da'yartii mustaqbalka waxowna agoon teeyey inamo yar yar oo oo mustaqbal lahay waxowna gablanshay kumanaan aabe yaal iyo hooyooyin ah waxow asaay uwada xiray oo qeyd cad madaxa siisaartay hablo noloshu u cusbeed oo dadkooda iyo deegaankooda inay wax taraana diyaar u ahay.

Cadowgaas aan kahadlaynaahu waa kuwo kuwada idil magaalooyinkaan idiin sheegnay waana kuwo lagaranaayo dadkey yihiin iyo jufaday yihiinba hadana waa dilaayaal aan wax cabsiya qabin bal aanba moodin inay dileen kumanaan dhalinyaraa oo walalahood ah hadana SI bilaa cabsiya uga ganacsanaya dhiiga dhalinyarada iyo haldoorkii deegaanka.

Waxaan idinla siiwadaagi doonaa siday magaalooyinka kukala yihiin iyo shaqsiyaadka deegaankaan dhibaatooyinka kuhaaya.



DOOHA TV Isha wararka

Address

NAIROBI
Nairobi

Website

Alerts

Be the first to know and let us send you an email when DOOHA TV posts news and promotions. Your email address will not be used for any other purpose, and you can unsubscribe at any time.

Shortcuts

Share

Category