31/07/2026
𝙃𝙖𝙢𝙗𝙖𝙡𝙮𝙖𝙙𝙖 𝙈𝙪𝙣𝙖𝙖𝙨𝙖𝙗𝙖𝙙𝙙𝙖 1-𝙙𝙖 𝘼𝙜𝙤𝙤𝙨𝙩𝙤 – 28-𝙜𝙪𝙪𝙧𝙖𝙙𝙖 𝘼𝙖𝙨𝙖𝙖𝙨𝙠𝙖 𝘿𝙤𝙬𝙡𝙖𝙙𝙙𝙖 𝙋𝙪𝙣𝙩𝙡𝙖𝙣𝙙
Anigoo ah 𝑮𝒂𝒏𝒂𝒄𝒔𝒂𝒅𝒆 𝑱𝒂𝒂𝒎𝒂𝒄 𝑫𝒉𝒂𝒈𝒂-𝒅𝒉𝒆𝒆𝒓𝒆, waxaan hambalyo iyo bogaadin kal iyo laab ah u dirayaa dhammaan shacabka Soomaaliyeed, gaar ahaan shacabka reer Puntland, munaasabadda qiimaha badan ee 28-guurada ka soo wareegtay aasaaskii Dowladda Puntland ee 1-da Agoosto 1998.
Maalintan taariikhiga ah waxay astaan u tahay midnimo, nabad, isku duubni iyo dadaalkii ay shacabka Puntland ku dhiseen maamul sal adag leh oo door muuqda ka qaatay sugidda amniga, horumarinta adeegyada bulshada, dhismaha kaabayaasha dhaaqaalaha iyo geeddi-socodka dowlad-dhiska Soomaaliya.
Waxaan Alle SWT uga baryayaa inuu Puntland ku manneysto nabad waarta, barwaaqo, horumar dhaqaale, caddaalad, midnimo iyo dowladnimo sii xoogaysata, kana dhigo meel ay jiilasha maanta iyo kuwa berri ku naaloodaan amni, xasillooni iyo fursado nololeed oo wanaagsan.
Waxaan sidoo kale bogaadinayaa hoggaanka Dowladda Puntland, gaar ahaan Madaxweynaha Dowladda Puntland Mudane Siciid Cabdullaahi Deni, Madaxweyne Ku-xigeenka Mudane Ilyaas Cismaan Lugatoor, iyo Guddoonka Golaha Wakiillada Puntland, kaalinta ay ka qaadanayaan hoggaaminta, ilaalinta amniga, horumarinta hay’adaha dowladda iyo adkaynta dowladnimada Puntland.
Sidoo kale waxaan hambalyo iyo mahadnaq u dirayaa ciidamada kala duwan ee amniga, isimada dhaqanka, culimada, haweenka, dhallinyarada, ganacsatada iyo dhammaan bulshada reer Puntland, kuwaas oo door weyn ku leh ilaalinta nabadda, wadajirka iyo horumarka Puntland.
Hambalyo 28-guurada Aasaaska Dowladda Puntland.
Puntland ha noolaato, hana sii ahaato astaan nabad, horumar iyo dowladnimo adag.
