05/01/2026
Riũ Mutungatĩri James Irungũ kuuma kaunti ya Murang'a nĩ ambĩrĩirie mbĩtĩka ya kũhĩmbĩria mũti kwa ihinda rĩa mathaa 80 taũni-inĩ ya Murang'a.
Muoroto wa kĩgeranio gĩkĩ nĩ kũhe andũ ũmenyo wĩgiĩ mũrimũ wa kansa. Aambĩrĩirie kĩgeranio kĩu mũthenya wa Kiumia, Janũarĩ 4, 2026, thaa 9:27 hwaĩ-inĩ. Atanyĩte gũkarĩkia thaa 11:27 cia rũcinĩ mũthenya wa Kiumia, Janũarĩ 8, 2026. Mũhunjia Irungu arenda kũhũũra rekondi ya mbere ya mathaa 72 ĩrĩa yathondeketwo nĩ Truphena Muthoni.
Nĩ ahoete ngavana wa Murang'a ũteithio wa ũgitĩri hĩndĩ ĩyo ya kĩgeranio gĩkĩ, o ta ũrĩa Truphena Muthoni aateithirio nĩ atongoria a Nyeri County. Mũhunjia ũcio ningĩ nĩ arerĩgigĩrĩra gũcemania na Mũtongoria wa bũrũri William Ruto thutha wa kũhingia kĩgeranio kĩu. Aroiga atĩ kigeranio kĩu nĩ gĩa kuonania kwĩrutĩra, kĩyo kĩnene, na kũnyita mbaru ũmenyo wa mũrimũ wa cancer bũrũri-inĩ wa Kenya.
Tũkiuge atĩa Gikũyũ? "Njamba ndĩrĩagwo nĩ wĩra"
