Next TV

07/08/2026

‼️Садыр Жапаров ЕАЭБге мүчө өлкөлөрдүн өкмөт башчылары менен жолукту

✔️Бүгүн, 7-августта Чолпон-Ата шаарында президент Садыр Жапаров Евразия өкмөттөр аралык кеңешинин кезектеги жыйынына катышуу үчүн Кыргызстанга келген ЕАЭБге мүчө мамлекеттердин өкмөт башчылары менен жолугушту.

✔️Жолугушууга КР Минкаб төрагасы Адылбек Касымалиев, Армениянын премьер-министри Никол Пашинян, Беларустун премьер-министри Александр Турчин, Казакстандын премьер-министри Олжас Бектенов, Россия өкмөтүнүн төрагасы Михаил Мишустин, ошондой эле ЕАЭБге байкоочу мамлекет катары иш-чараларга катышкан Өзбекстандын өкмөт башчысы Абдулла Арипов жана Евразия экономикалык комиссиясынын коллегиясынын төрагасы Бакытжан Сагинтаев катышты.

✔️Мамлекет башчысы Кыргызстан ЕАЭБди тең укуктуу жана өз ара пайдалуу өнөктөштүктү өнүктүрүү, экономикалык интеграцияны тереңдетүү жана биргелешкен долбоорлорду ишке ашыруу үчүн маанилүү аянтча катары карай турганын белгиледи.

07/08/2026

‼️Бишкек мэриясы ШОС өтө турган күндөрү шаардыктарга ар түрдүү турларды сунуштады

✔️Бишкек шаарынын мэриясы ШОС өтө турган күндөргө ар түрдүү турларды сунуштоодо.

“Узакка созулган эс алуу күндөрү шаардагы күнүмдүк түйшүктөн алыстап, тоолордун кооз жаратылышына суктанууга, таза абадан дем алып, жаңы таасирлерге ээ болууга сонун мүмкүнчүлүк.
Бишкек шаарынын мэриясы борбор калаанын тургундарын жана конокторун 25-августтан 10-сентябрга чейинки туристтик сунуштар жана эс алуу варианттары менен тааныштырууну улантат”, - деп айтылат маалыматта.

✔️Мэрия билдиргендей, туроператорлор Кыргызстан жана коңшу өлкөлөргө бир нече күндүк экскурсиялык турларга 15 пайыз арзандатууларды берет.

“Каалоочулар Ала-Арча жаратылыш паркына саякаттап, ат минип эс алуу туруна катышып, Асман көпүрөсүнө барып же термалдык булактарды камтыган турду тандай алышат. Ошондой эле Соң-Көл, Сары-Челек, Кел-Суу, Алтын-Арашан, Алматы, Ташкент, Түркстан, Самарканд жана Бухара шаарларына саякаттар бар”, – деп айтылат маалыматта.

07/08/2026

‼️Никол Пашинян Ысык-Көлдө эс алууда

✔️Армениянын премьер-министри Кыргызстандагы эс алуу учурундагы видеосун Instagram баракчасына жарыялады.

“Мен күндү Ысык-Көлдүн жээгиндеги 30 чакырымдык велосипед тебүү менен баштадым”, - деп жазган Пашинян.

✔️Эскерте кетсек, Армениянын премьер-министри Чолпон-Атада өтүп жаткан Евразия өкмөттөр аралык кеңешинин 47-жыйынына катышуу үчүн Кыргызстанга келген.

07/08/2026

‼️Түндө Бишкектеги базарда ири өрт чыкты

✔️Түндө Бишкектин түндүк тарабында, тагыраагы, Орозбеков көчөсүндө курулуш материалдарын саткан "Көк-Сай" базарында чыккан өрттү өчүрүүгө алты бригада барды. Бул туурасында ӨКМден билдиришти.
Жалын саат 01:23тө чектөөгө алынып, толугу менен өчүрүү иштери уланып жатканы айтылды.

✔️Өрт 500 чарчы метрлик аянттагы пластик эшик-терезе жасалуучу цехтен чыгып, сырье, ламинат, рейка, балка, эшик-терезе даярдоочу станоктор күйгөн.Министрлик кырсык эмнеден чыкканын тактап жатат.

07/08/2026

‼️Садыр Жапаров Армениянын премьер-министри Никол Пашинян менен жолукту

✔️Бүгүн, 7-августта Чолпон-Ата шаарында Садыр Жапаров менен Армениянын премьер-министри Никол Пашиняндын жолугушуусу өттү. Бул тууралуу Президенттик администрациянын басма сөз кызматы билдирди.

✔️Жолугушууда эки тараптуу мамилелерди
өнүктүрүүнүн актуалдуу маселелери, соода-экономикалык жана инвестициялык кызматташууну кеңейтүү, ошондой эле өз ара кызыкчылык жараткан аймактык жана эл аралык күн тартибиндеги маселелер боюнча пикир алмашылды.

07/08/2026

‼️ УКМК Конгантиев мамлекетке 15 млн долларлык мүлктү өткөрүп бергенин билдирди

✔️Улуттук коопсуздук мамлекеттик комитет Жогорку Кеңештин мурдагы депутаты Куванычбек Конгантиев
күнөөсүн мойнуна алып, тергөө менен келишим түзгөнүн маалымдады.
Анын жыйынтыгында Royal construction курулуш компаниясы салып жаткан объекттен 6500 чарчы метр батир жана коммерциялык жайды мамлекетке өз ыктыяры менен өткөрүп берген.

✔️Алардын жалпы баасы 15 млн долларды (1 млрд 311 млн 750 миң сом) түзгөн.Тергөөдө Конгантиев Бишкек мэриясынын Жер участокторуна укук берүү боюнча комиссиясынын мүчөсү болуп турганда кызматтык ыйгарым укуктарын өзүнүн жана ага байланыштуу адамдардын кызыкчылыгында колдонуп, туугандарына борбордон жерлерди убактылуу пайдаланууга берүүгө шарт түзгөнү аныкталган.
6-августта Ленин райондук соту Конгантиевди Кылмыш-жаза кодексинин “Кызмат абалын кыянаттык менен пайдалануу” беренеси менен күнөөлүү деп таап, 500 миң сом айып салган.

06/08/2026

https://youtu.be/6l1f76vtdKw
🔷Экс-депутат Куванычбек Конгантиевге 500 миң сом айып салынды;
🔷Эдунун 40 чоросунун бири “Лизун”кармалды;
🔷УТРКнын “Телекүзөт” программасынын редактору сабалды;
🔷Царикаев "Ош" базарында эт саткандардын таразаларын текшерди;
🔷Бишкекте автокран кулаган курулуш компаниясына 200 миң сом айып салынды;
🔷Казакстандын премьер-министри Олжас Бектенов Кыргызстанга келди;
🔷Соцтармакта турист кайгуул кызматкерин пара алууга айыптады;

🔷Экс-депутат Куванычбек Конгантиевге 500 миң сом айып салынды;🔷Эду...

06/08/2026

‼️Бишкекте автокран кулаган курулуш компаниясына 200 миң сом айып салынды

✔️Бишкекте автокрандын оодарылышына байланыштуу курулуш компаниясына 200 миң сом айып салынды. Бул тууралуу Курулуш, архитектура жана турак жай-коммуналдык чарба министрлиги билдирди.

✔️Маалыматка ылайык, 6-августта Арстанбек Дүйшеев көчөсүндөгү курулушта темир түтүктөрдү көтөрүү учурунда жүк көтөрүүчү автокран оодарылып кеткен. Текшерүүнүн жыйынтыгында кырсык техниканын туруктуулугу талаптагыдай камсыздалбагандыктан болгондугу аныкталган. Окуядан адамдар жабыркаган эмес.

✔️Коопсуздук талаптарын бузганы үчүн «Нурзаман» ЖЧКсына 200 миң сом айып салынды. Ошондой эле прораб менен кран башкаруучу сертификатынан ажыратылып, мамлекеттик көзөмөлдү талаптагыдай жүргүзбөгөн жооптуу адис кызматынан бошотулду.

06/08/2026

‼️Казакстандын премьер-министри Олжас Бектенов Кыргызстанга келди

✔️Казакстандын Премьер-министри Олжас Бектенов Евразия өкмөттөр аралык кеңешинин жыйынына катышуу үчүн Кыргызстанга келди.
Аны “Ысык-Көл” эл аралык аэропортунан Министрлер кабинетинин төрагасынын орун басары Эрлист Акунбеков тосуп алды.

✔️Белгилей кетсек, Евразия өкмөттөр аралык кеңешинин кезектеги жыйыны 6-7-август күндөрү Чолпон-Ата шаарында өтөт. Ага ЕАЭБге мүчө мамлекеттердин өкмөт башчылары жана байкоочу мамлекеттердин делегация башчылары катышат.