خيبر روښان

خيبر روښان چې ورانوي يې نو دا دومره خواري ولې کېده؟
څه ضرورت و خدای نو ولې جوړوله دنيا ؟

17/08/2025

غزل
چې پوهېږي نه هغو ته پاتې کېږي
د رڼا کيسه تيارو ته پاتې کېږي

نه نه ياره خدای دې نه کړي دا څه وايې
دا وطن به بيا جګړو ته پاتې کېږی؟

تللي مړي دې کورونو ته واپس شي
او ژوندي دې هدېرو ته پاتې کېږي

د مور غمه ګيله ځکه نه کومه
ميراثونه خو بچو ته پاتې کېږي

نو تر څو به ملايان او جوماتونه
وظيفو ته او چندو ته پاتې کېږي

مونږ به غرونو ته ترې وتښتو خيبره!
چې ښارونه لېونو ته پاتې کېږي
خيبر روښان دوستوخېل

03/06/2025

ټکی پښتو نه ورځي ټوله په پاړسۍ غږېږي
په ټېلفون کې راسره يوه جينۍ غږېږي

زما يې شوق راوست په حورو او غلمانو پسې
ملا جومات کې د جنت په عياشۍ غږېږي

د کشرې خور په ځای يې مشره خور خبرې کوي
اخ! پسرلی راته د ګل په خاموشۍ غږېږي

زما غوږونه دې کاڼه شي چې څه نه وايمه
په کابلۍ به راته توره پنجابۍ غږېږي؟

په شور دې نه راځي په شور ورسره نه جوړېږم
خيبر ته ووايه چې لږ په آرامۍ غږېږي
خيبر روښان

04/05/2025

مثلن دغه دنيا ـــ هغه دنيا ـــ بله دنيا
د هر چا خپله خپله خوښه خپله خپله دنيا

چې ورانوي يې نو دا دومره خواري ولې کېده
څه ضرورت و خدای نو ولې جوړوله دنيا ؟

ستا د بېلتون کيسه مې ذهن ته هم نه راتلله
کنه هماغه وخت مې اور ته غورځوله دنيا

ما خو نه فلم کتوو مې تلويزيون ته کتل
دا خو ستا سترګې وې چې ما پکې ليدله دنيا

مونږ ساده ګانو څه ليدلي وو په پوهېدوو!؟
ماهرو خلکو به په بډو کې وهله دنيا

نه به زما دا ارمانونه مدام ما ځوروي
او نه به پاتې وي خيبره! تل تر تله دنيا
خيبر روښان

01/04/2025

سړی حيران شي!
ارمان اسانه ليک او لوست کتاب د ارمان خپرندویه ټولنه لپاره ما ليکلی دی، خو د ار ټي ایRTA په دريڅه خپرونه کې دا ځوان زما د دې کتاب معرفت په داسې انداز کوي، چې د ويډيو په کتلو به تاسو هم دا احساس وکړئ، چې د دې کتاب ليکوال همدا خيبر روښان دی؛ حال دا چې دا کس زه بيخي نه پېژنم.
ويډيو حتمن وګورئ!

05/03/2025

چې ماښامی به پرې قضا شو ماسخوتن به راتلو
وعده خلاف خو ځکه نه و چې حتمن به راتلو

های! د اولې عاشقۍ اول اول وختونه
څه ارمانجن به بېرته لاړ څه ارمانجن به راتلو

بيا چې راځي په ما به هره ناهيلي تېره وي
زما خو سترګې ورته نن وې همدا نن به راتلو

ما به په دې خاطر څه و نه وې چې کم به راشي
چې دروغجن به رانه تلو نو دروغجن به راتلو

په خوب کې څو کالونه تللی ومه بل وطن ته
څنګه ارمان د خپلې خاورې او وطن به راتلو

اوس مې پروا نه ساتي اوس مې په کيسه کې نه دی
هغه خيبر چې لېونی او لوغړن به راتلو
خيبر روښان

17/12/2024

يو وخت د لغمان پسرلنۍ مشاعرې ته تللي وو.✌😍❤

09/12/2024

زه خو څه ږېره ورته نه سپينوم څه يې کوم
خبره خلاصه ده چې نه مې کوي نه يې کوم

پنځوس کلنه زړه ښځه وي خو هسې وايم
که چېرې کونډه شوه چا نه کوله زه يې کوم

د چا په خوښه خدای راکړې زنده ګي نه کوم
پخپله خوښه یې کومه پخپل زړه يې کوم

د چا يوه بره خبره په ځان نه منمه
خو چې هغه راته څه ووايي په خوله يې کوم

خيبره! زه چې دومره غم دومره خپګان کومه
ورنه قربان د خپلو هيلو په نامه يې کوم

خيبر روښان

03/12/2024

زما چې ذهن ته راځي زما چې ياد ته راځي
افغانستان دی هر سړی پکې جهاد ته راځي

لالی چې داسې په وعده راځي پوهېږې ولې؟
خو خپلې ګټې ته راځي خو خپل مفاد ته راځي

مور يې د خپلې خوشالۍ اظهار په اوښکو کوي
يو مساپر کالونه وروسته خپل هېواد ته راځي

ته ورته وګوره دا نوم يې بيخي وشرماوه
څه کافران څه يهوديان اسلام آباد ته راځي

هر چاته خپل وطن کشمير دی اوس مې ومنله
خيبر چې چېرته ځي واپس جلال آباد ته راځي

خيبر روښان

20/11/2024

د روا کيسې دې ټولې ناروا وي
څه به وشي که هغه زما په خوا وي!؟

ګناهګار به يم چې زه ورپورې خاندم
يو سړی راته په خوب کې په ژړا وي

ځه! چې ته پرې خوشالېږي نو سهي ده
ګل اندامې! ستا بلا خو دې په ما وي

په محفل کې لږ ديدن لږې خبرې
د مینو خو همدغه تقاضا وي

مجبوري ده چې ناوخته راځم کور ته
مورې! ستا به راته هره ورځ سودا وي؟

چې د دې وطن په خير نه وي خيبره!
ورکوه يې که عامي وي که ملا وي

خيبر روښان

15/09/2024

نه هېنداره مخ ته نيسي، نه زما سترګو ته ګوري
خپل تصوير ته په کاته به نو د چا سترګو ته ګوري

لکه ټول عمر يې هېڅ ليدلي نه وي؛ ناديده دي
دومره ولې حيرانيږي، څوک چې ستا سترګو ته ګوري

باده! تا به چې پرې لپې لپې شګې ورشېندلې
هغه سترګې ړندې نه شوې د صحرا سترګو ته ګوري

محبته! په دې خلکو دې ځان نه دی پېژندلی
دا چې اوس هم دلته خلک په غلا غلا سترګو ته ګوري

زه چې ستا په جدايۍ کې چيغې تا پسې وهمه
دومره سخته کې خو هر څوک د اشنا سترګو ته ګوري

چې تر اوسه يې خيبره! هېڅ نظر په ما و نه که
دا زما بلاوې سترګې څه بلا سترګو ته ګوري
خيبر روښان

۱۰۵ کالونه پس هم اماني فکر ژوندی دی او بديل يې سل کالونه وروسته هم بل امان الله کومه پښتنه مور و نه زېږوه!تور کميس دې د ...
18/08/2024

۱۰۵ کالونه پس هم اماني فکر ژوندی دی او بديل يې سل کالونه وروسته هم بل امان الله کومه پښتنه مور و نه زېږوه!
تور کميس دې د بخمل و
کمربند دې د طلا
وااااااااااا غازي امان الله
روح يې ښاد!

07/08/2024

د کابل د بېلاکونو نازولې!

Address

Jalal-Abad

Website

Alerts

Be the first to know and let us send you an email when خيبر روښان posts news and promotions. Your email address will not be used for any other purpose, and you can unsubscribe at any time.

Shortcuts

Share

Category