УТРК ЫСЫК-КӨЛ

УТРК ЫСЫК-КӨЛ Официальная страница Иссык-Кульского областного телерадиокомпании

Бишкек-Балыкчы унаа жолунда жол кыймылынын коопсуздугун көзөмөлдөө күчөтүлдү. Бул тууралуу ИИМдин Жол кыймылынын коопсуз...
10/06/2025

Бишкек-Балыкчы унаа жолунда жол кыймылынын коопсуздугун көзөмөлдөө күчөтүлдү. Бул тууралуу ИИМдин Жол кыймылынын коопсуздугун камсыздоо боюнча мамлекеттик инспекциясынын башкы башкармалыгынын басма сөз кызматы билдирди. Маалыматка ылайык, башкармалыктын башчысынын орун басары Айбек Жумагулов Бишкек — Нарын — Торугарт унаа жолундагы кызмат алып барып жаткан жол тескөөчүлөрдүн кызмат өтөө тартибин текшерип, айдоочуларга түзүлүп жаткан шарттар жана жолдун абалы менен жеринен таанышты.
Анда санариптештирүүнүн алкагында кызматкерлерге берилген төш камералардын, автоурагандардын, электрондук планшеттердин жана байланыш каражаттардын техникалык абалы текшерилип, жол унаа кырсыктардын, жол тыгындарынын алдын алуу боюнча тийиштүү нускамалар жеткирилди.

Ошондой эле Жумагулов жол чийиндерин, жол белгилерин жеринен карап, жол кыймылынын катышуучуларына ыңгайлуу шарттарды түзүү үчүн жол жээгиндеги башаламан соода-сатыктарга жол бербөө, кооптуу аймактарды, жол тосмолорду жеринен карап, аныкталган кемчиликтерди орундатуу боюнча тийиштүү тапшырмаларды койду.

Кыргызстанда кант диабети менен жабыркап, расмий катталгандардын саны 90 миң адамды түзөт. Бул тууралуу С. Данияров атын...
10/06/2025

Кыргызстанда кант диабети менен жабыркап, расмий катталгандардын саны 90 миң адамды түзөт. Бул тууралуу С. Данияров атындагы Кыргыз мамлекеттик медициналык кайра даярдоо жана квалификацияны жогорулатуу институтунун эндокринология боюнча профессордук курстун ассистенти Назгүл Абылова радилордун бирине берген маегинде билдирди.
Анын айтымында, бул жугуштуу оору эмес болсо дагы, көп тараган дарттардын катарын толуктайт. Бүт органдарды жабыркаткан олуттуу оору. Дароо аныкталбаса жана дарыланбаса майыптыкка чейин алып келет.
“Ал эми расмий катталбагандардын саны 200-250 миңге жетет. Кант диабетин менен жабыр тарткандар көбү өздөрү билбей жүрө беришет. Биз адам инфаркт, инсульт болуп ооруп калганда гана адамдын кант диабети менен ооруганын билип жатабыз”,-деди ал.
Абылова ошондой эле бүгүнкү күндө аял кош бойлуу кезинде кездешкен кант диабети өсүп жатканын белгиледи.
“Кант диабеттин өсүшүнө учурда аз кыймылдуулук, майлуу тамак-аш, экологиялык жактан табийгый эмес продуктулар жана ашыкча салмактуулук себеп болууда”,-деди ал.

Эмгек, социалдык камсыздоо жана миграция министри Равшанбек Сабиров жайкы ден соолук кампаниясынын алкагында аярлуу кате...
10/06/2025

Эмгек, социалдык камсыздоо жана миграция министри Равшанбек Сабиров жайкы ден соолук кампаниясынын алкагында аярлуу категориядагы балдардын биринчи агымын эс алууга жөнөтүүнү жеке өзү көзөмөлдөдү.
Ведомстводон маалымдашкандай, балдардын эс алуусу 10-июндан башталып, 22-июлга чейин уланат. Биринчи агымга Чүй облусунан, Бишкек шаарынан, Ысык-Көл жана Нарын облустарынан 500 бала жөнөтүлүүдө.
Жалпысынан программада 6 агым пландалууда, ага 1200 бала – 1000 өспүрүм жана 200 майыптуулугу бар балдар кирет.
“Жайкы эс алууларды уюштурууга мамлекеттик бюджеттен 15 млн сом бөлүндү. Мындан тышкары, 2024-жылдын сентябрынан 2025-жылдын февралына чейин 600 майыптуулугу бар балдарга Президенттин резервдик фондунан колдоо көрсөтүлгөн”, - деди министр.
Белгиленгендей, ар бир агым сөзсүз түрдө майыптуулугу бар балдарды камтыйт. Программа жайкы мезгилде калктын социалдык аялуу катмарындагы балдардын ден соолугун жана бакубаттуулугун колдоого багытталган.
“Министрлик жыл сайын аз камсыз болгон үй-бүлөлөрдүн, майыптардын, камкордукка алынган, жетим балдардын, ошондой эле өзгөчө камкордукка муктаж жана турмуштук оор кырдаалга кабылган балдардын жайкы эс алуусун жана ден соолугун чыңдоону уюштуруп келет”, - деди Равшанбек Сабиров.

Бүгүнтөн тарта мыйзамсыз жүргөн мигранттар өлкөдөн чыгарылат. Бул тууралуу Эмгек, социалдык камсыздоо жана миграция мини...
10/06/2025

Бүгүнтөн тарта мыйзамсыз жүргөн мигранттар өлкөдөн чыгарылат. Бул тууралуу Эмгек, социалдык камсыздоо жана миграция министрлигинин Чет өлкөлүк жарандар менен иштөө бөлүмүнүн башкы адиси Улан Куралиев билдирди.
Анын айтымында, бүгүнтөн баштап “Нелегал” аталышындагы рейд жүрүп, чет элдиктер текшерилет. Буга чейин аларга документтерин мыйзамдаштырып тууралаганга же болбосо өлкөдөн өз алдынча чыгып кетиши үчүн убакыт берилген.
“Көпчүлүк чет элдиктер турист же студент катары кирип, мыйзамсыз иштөөдө. Айрым ишканалар жана окуу жайлар мигранттардын виза мөөнөтүн узартпай, чет элдиктер начар абалда жашап жатат. Бул алардын мыйзамды, коомдук тартипти бузушуна алып келүүдө”,-деди ал.
Куралиев белгилегендей, өлкөгө Кытай, Бангладеш, Пакистан, Непал өлкөлөрүнөн келген мигранттардын саны арбын. Жыл башынан бери 61 миң турист, 30 миң студент, 12 миң эмгек мигранты, 10 миң киши ишкердик, үй-бүлөлүк шарттар менен келген. Ал эми 5 миң адам мыйзамсыз кирген.
“Жалпысынан айтканда, мигранттар 100дөн ашуун мамлекеттен келишет. Алардын басымдуу бөлүгү жеңил өнөр жайда, өндүрүштө, энергетикада, соода тармагында эмгектенишет”,-деди ал.

Каракол эл аралык аэропортунда эл аралык каттамдарды кабыл алууга даярдык көрүлүүдө. Бул тууралуу Жогорку Кеңештин Транс...
10/06/2025

Каракол эл аралык аэропортунда эл аралык каттамдарды кабыл алууга даярдык көрүлүүдө. Бул тууралуу Жогорку Кеңештин Транспорт, коммуникациялар, архитектура жана курулуш боюнча комитетинин өкүлдөрүнүн Ысык-Көл облусундагы көчмө жыйынында белгилүү болду.
Парламенттин коомчулук жана ЖМКлар менен иштөө бөлүмүнөн билдиришкендей, учурда эл аралык аэропортто Бишкек – Каракол багыты боюнча жумасына эки, Ош – Каракол багыты менен бир жолу учуулар аткарылат.
Аэропорт жетекчиси Сабырбек Нарбаев белгилегендей, мында саатына 250 жүргүнчүнү тейлөөгө толук шарт бар. Учуп-конуу тилкесин 2 450 метрден 3 750 метрге чейин кеңейтүү жана түнкүсүн учактарды кабыл алууга жарыктарды орнотуу иштери жүрүп, эл аралык рейстерди кабыл алууга ички даярдыктар көрүлүүдө.
Комитет төрагасы Мурадил Сыдыков Ысык-Көлдө туризм тармагын жакшыртууда жана өлкөнүн социалдык экономикалык өнүгүүсүндө Каракол эл аралык аэропортунун жаңыланышын маанилүү кадам деп сыпаттады. Ал эми депуттар аэропорттун мүмкүнчүлүктөрүнө, эл аралык рейстерди уюштуруу шарттарына көңүл бурушту.

Address

Гебзе 112
Karakol
722200

Website

Alerts

Be the first to know and let us send you an email when УТРК ЫСЫК-КӨЛ posts news and promotions. Your email address will not be used for any other purpose, and you can unsubscribe at any time.

Shortcuts

Share

Category