Түндүк Медиа, Гебзе 118, Karakol (2025)

29/09/2022

Депутат Сатыбалдиевге таандык үйдүн дарбазасы сүрдүрүлдү!

28/04/2022

Балдарынын күбөлүгүндөгү "атасынын аты" деген графага өз ысымын жаздырган Алтын Капалованын иши Жогорку сотто 28-апрелде каралып, буга чейинки инстанциялардын документтерди жокко чыгаруу чечими күчүндө калды. Бул тууралуу активист Фейсбуктагы баракчасына жазды.

Жогорку сот чечим тууралуу маалымат бере элек.

Алтын Капалова үч баласына туулгандыгы тууралуу күбөлүк алып жатып, атасынын ордуна өзүнүн атын жаздырган.

2021-жылы Мамлекеттик каттоо кызматы анын балдарына документ берген кызматкер кемчилик кетиргенин жана жоопкерчиликке тартыларын билдирген. Мекеме документтерди жокко чыгаруу үчүн сотко кайрылып, утуп алган.

Мамлекеттик каттоо кызматы 2020-жылы ноябрь айында күчүнө кирген жаңы мыйзам боюнча балага энесинин атынан документ берилбейт. Мамлекеттик каттоо кызматынын маалыматына караганда, Кыргызстанда буга чейин балага мындай жол менен документ алган учур катталган эмес.

#садыржапаров #кыргызстан #бишкек #каракол #ысыккөл #талас #нарын #ош #жалалабад #баткен #чуй #каракол #жаңылыктар #түндүк #түндүкмедиа #кабарлар #активист #капалова #иштейберели #күбөлүк #балдарукугу #аялдарукугу #жарандыккоом #коом

28/04/2022

1-майдан тарта өлкө аймагына кирүүдө коронавируска ПЧР-тест, эмдөө жөнүндө сертифкат талап кылуу жокко чыкты. Мындай чечим Министрлер кабинетинин жетекчисинин орун басары Эдил Байсалов өткөргөн Коронавирус менен күрөшүү боюнча республикалык штабдын жыйынында кабыл алынды. Бул тууралуу өкмөттүн басма сөз кызматы маалымдады.

Маалыматка ылайык, жакынкы аралыкта 2020-жылы 22-мартта өлкөгө киргизилген өзгөчө кырдаал режиминин алуу маселеси каралат.

Мындан эки күн мурда Саламаттык сактоо министрлиги ооруканаларда коронавирустан дарыланып жаткан бейтаптар жок экенин билдирген. Кыргызстанда соңку күндөрү коронавирус жуктуруп алгандар кескин азайып, айрым күндөрү катталбай жатат. Өлкөдө COVID-19га кабылгандардын жалпы саны 200 990 адам, 2991 бейтап көз жумду.

Жалпысынан коронавируска каршы вакцинанын биринчи дозасын 1,5 миллиондон ашык адам алды, толук эмделгендер 1,3 миллионго чукулдады. Бустердик (үчүнчү) доза 161 миңден ашуун кишиге сайылды.

Апрелдин башында Саламаттык сактоо министрлиги Кыргызстанда коронавируска каршы эмдөө 20% жете электигин билдирген. Мындай төмөн көрсөткүчкө медиктер арасында өздөрү эмдөөнү толук түшүнбөй, калкка жеткиликтүү маалымат бербей жатканы себеп экени айтылган.

#садыржапаров #кыргызстан #бишкек #каракол #ысыккөл #талас #нарын #ош #жалалабад #баткен #чуй #каракол #жаңылыктар #түндүк #түндүкмедиа #кабарлар #жапаров #пчр #иштейберели #тест #ковид #коопсуздук

28/04/2022

Быйыл Бишкек шаары 144 жылдыгын белгилейт. Шаар тургундарын жана борбор калаанын конокторун кызыктуу майрамдык программа күтүүдө.

Бишкек шаарынын мэриясынын Маданият, спорт, туризм жана жаштар иштери боюнча департаменти 29-апрелде саат 19:00дө Ала-Тоо аянтында, кыргыз эстрада жылдыздарынын катышуусунда 22:30га чейин уланган концерт уюштурууда.

Жана дагы, спорттук иш-чаралар борбор калаанын ар кайсы аймактарында уюштурулат.

29 жана 30-апрелде саат 13:00дө 7-кичирайонунда Безымянная 38/1 дарегинде жайгашкан «Мушкетерлер» фехтование клубунда фехтование боюнча Бишкек шаарынын кубогу үчүн өспүрүмдөр жана кадеттер арасында мелдеш өтөт.

28-29-апрель күндөрү саат 09:00дөн 12:00гө чейин Свердлов районунун Муниципалдык аймактык башкармалыктарынын арасында спорттун 5 түрү боюнча жазгы спартакиада пландаштырылууда.

29-апрель саат 9:30дан баштап «Келечек» конушундагы № 87 жалпы билим берүү орто мектебинде базасында: пионербол, кичи футбол, аркан тартыш, эстафета, дартс боюнча мелдештер өткөрүлөт.

29-апрель саат 9:30да Широкая көчөсү 2а дарегинде жайгашкан №16 орто мектепте пионербол, кичи футбол, аркан тартыш, эстафета, дартс боюнча мелдештер өткөрүлөт. Ошол эле учурда Москва көчөсү 59 дарегиндеги №11 орто мектептин базасында пионердик бал, мини-футбол, аркан тартыш, эстафета, дартс боюнча мелдештер болот.

29-апрелде саат 09:00дөн 14:00гө чейин “Мото” соода борборунда мектеп окуучулары арасында стол тенниси боюнча мелдеш өтөт. Ошол эле учурда ден соолук паркында Бишкек стритбол боюнча ачык мелдеш даярдалууда.

#садыржапаров #кыргызстан #бишкек #каракол #ысыккөл #талас #нарын #ош #жалалабад #баткен #чуй #каракол #жаңылыктар #түндүк #түндүкмедиа #кабарлар #жапаров #шааркүнү #иштейберели #бишкеккүнү #майрам #борборшаар #бишкекмэри #мэрия

28/04/2022

Министрлер кабинетинин төрагасы Акылбек Жапаров бүгүн эртең менен М.Миррахимов атындагы Улуттук кардиология жана терапия борборуна жүрөк оорусу жана кан басымынын төмөндөшүнө байланыштуу келип түшкөн. Бул тууралуу министрлер кабинетинин басма сөз кызматынан кабарлашты.

Маалыматка ылайык, өткөрүлгөн электрокардиография жана коронарография процедуралары инфаркт миокардды тастыктаган жок, бирок жүрөк-кан тамыр спазмы аныкталган.

Учурда министрлер кабинетинин башчысынын ден соолугунун абалы туруктуу, канааттандырарлык.

Дарыгерлердин консилиумунда Акылбек Жапаровдун ден соолугун ооруканада жатуу шартында калыбына келтирүү чечими кабыл алынды.

#садыржапаров #кыргызстан #бишкек #каракол #ысыккөл #талас #нарын #ош #жалалабад #баткен #чуй #каракол #жаңылыктар #түндүк #түндүкмедиа #кабарлар #жапаров #оорукана #иштейберели #жүрөк #бейтап #министр #акылбек #консилиум

28/04/2022

Казакстан орусиялык теле алып баруучу Тигран Кеосаяндын өлкөгө киришине тыюу салышы мүмкүн. Бул тууралуу казак Тышкы иштер министрлигинин (ТИМ) басма сөз катчысы Айбек Смадияров билдирди.

«Орусиялык журналист Тигран Кеосаяндын кемсинтүүчү жана бир жактуу билдирүүсү орус коому менен саясий чөйрөсүнүн айрым катмарынын көз карашын чагылдырышы мүмкүн. Бирок ал эки өлкө ортосундагы өнөктөштүктүн мазмуну менен мамлекет башчыларынын деңгээлиндеги келишимдердин багытына туура келбейт. Мындай билдирүүлөр ынак коңшулукка зыян келтирип, стратегиялык өнөктөштүктүн каршылаштары үчүн пайдалуу болот. Кеосаян Казакстанга кирүүгө тыюу салынган адамдардын тизмесине киргизилиши мүмкүн», — деди Смадияров.

24-апрелде интернетке Кеосаяндын казакстандыктар тууралуу терс пикирин айткан билдирүүсү жарыяланган. Анда ал Казакстандын элин «жакшылыкты билбеген эл» деп атап, казак бийлигин «Украинадагы кырдаалдан сабак алып, жакшылап ойлонууга» чакырган. Өз кезегинде анын бул сөздөрү казак коомчулугу тарабынан ачык коркутуу катары бааланган.

Буга чейин Казакстандын Коргоо министрлиги быйыл 7-майда белгилене турган Ата Мекенди коргоочулардын күнүндө жана 9-майда белгилене турган Экинчи дүйнөлүк согуштагы жеңиш күнүндө аскердик парад өтпөй турганын билдирген. Мекеме бул чечимин бюджеттик каражатты үнөмдөө жана «башка маселелерди чечүү» зарылдыгы менен түшүндүргөн.

#садыржапаров #кыргызстан #бишкек #каракол #ысыккөл #талас #нарын #ош #жалалабад #баткен #чуй #каракол #жаңылыктар #түндүк #түндүкмедиа #кабарлар #тигран #кеосаян #иштейберели #рртоазия #казакстан #адамукугу #коркунуч #коопсуздук

28/04/2022

Кыргыз Республикасынын Министрлер Кабинетинин Төрагасынын орун басары Бакыт Төрөбаев жарандык авиацияны өнүктүрүү маселеси боюнча кеңешме өткөрдү.

Кеңешмеге тиешелүү мамлекеттик органдардын жана ата мекендик авиакомпаниялардын өкүлдөрү катышты.

Транспорт жана коммуникациялар министри Эркинбек Осоев жарандык авиация тармагында жүргүзүлүп жаткан иштер тууралуу маалымат берди. Транспорт жана коммуникациялар министрлигине караштуу Жарандык авиация департаментинин директору Александр Настаев ички каттамдардын санын көбөйтүү максатында кичи авиацияны өнүктүрүү, ошондой эле жарандык авиация тармагында кадрларды даярдоо зарылдыгын белгиледи.

Бакыт Төрөбаев министрликтин алдына ички каттамдардын санын көбөйтүү, тиешелүү кадрларды даярдоо жана ички аэропорттордун инфраструктурасын жакшыртуу максатында кичи авиацияны өнүктүрүү жаатында мамлекеттик программаны кабыл алуу боюнча чечимдин долбоорун даярдоо милдетин койду.

Белгиленгендей, жакынкы аралыкта ички авиакаттамдардын саны көбөйтүлөт.

Ошондой эле ал ведомствого ата мекендик авиакомпанияларды Евробиримдиктин өлкөлөрүнө учууга тыюу салынган авиакомпаниялардын тизмесинен чыгаруу боюнча ишти күчтөндүрүүнү тапшырды.

#садыржапаров #кыргызстан #бишкек #каракол #ысыккөл #талас #нарын #ош #жалалабад #баткен #чуй #каракол #жаңылыктар #түндүк #түндүкмедиа #кабарлар #төрөбаев #аэропорт #иштейберели #манас #аэрокаттам #учкуч #тезжет #элүмүтү

28/04/2022

Мурдагы президент Алмазбек Атамбаев медициналык жардамга муктаж экенин адвокат Замир Жоошев билдирип чыкты.

Анын айтымында, мурдагы президентти медициналык кароодон өткөрүү өтүнүчүн 25-апрелде Бишкектин Биринчи май райондук сотунун судьясы Убайдулла Сатимкулов канааттандырганы менен аткарылбай жатат.

"Соттун чечими Жазаларды аткаруу кызматына жөнөтүлгөндөн кийин ишке ашырылышы керек. Бирок сот дагы, аталган кызмат дагы Алмазбек Атамбаевдин медициналык кароодон өтүүсү үчүн чараларды колдонбой жатат. Биз күтүп жатабыз, бирок Атамбаевге тез арада медициналык кароо керек болуп турат",- деди Жоошев.

2020-жылдын октябрь айындагы жапырт башаламандык боюнча акыркы жараян 25-апрелде өткөн. Ага мурдагы президент алып келинген эмес. Жараянда Атамбаевге Бишкектеги Улуттук кардиология жана терапия борборунан текшерүүдөн өтүүгө уруксат берилгени айтылган.

Ага чейинки сот отурумдарына Атамбаев ден соолугуна байланыштуу катыша албастыгын айтып, чыр чыгарган.

Бир нече оор беренелерге айыпталып, абакта отурган мурдагы президентке сот отурумдары болуп жаткан учурда бир нече жолу "Тез жардам" чакыртылган. Жакындары жана адвокаттар ал ооруканада жатып, дарыланышы керектиги тууралуу дарыгерлердин сунушу бар жкенин билдирип келишет.

#садыржапаров #кыргызстан #бишкек #каракол #ысыккөл #талас #нарын #ош #жалалабад #баткен #чуй #каракол #жаңылыктар #түндүк #түндүкмедиа #кабарлар #атамбаев #адвокат #иштейберели #сот #кардиохирургия #абак #экспрезидент #коопсуздук

28/04/2022

Финляндия жана Швеция НАТОго кошулууну чечсе, аларды тез кабыл алса болот. Бул тууралуу бейшембиде аскердик блоктун баш катчысы Йенс Столтенберг Европа парламентинин төрайымы Роберта Метсола менен биргелешкен пресс-конференцияда билдирди.

"Финляндия жана Швеция НАТОго жакын, биз биргелешип иш алып барабыз, кызматташабыз, чогу машыгуу жүргүзөбүз. Аларды альянска чакыруу чечимин кабыл алсак, Финляндия менен Швециянын коопсуздугу биз үчүн маанилүү деген саясий ишарат кылган болобуз”.

Скандинавиялык эки өлкө тиешелүү арызды тапшырса, 30 мүчө-мамлекет макулдугун берип, ратификациялоого тийиш болот.

Финляндия менен чектешкен аймагы 1 миң 300 чакырымды түзгөн Орусия Хелсинки жана Стокгольм НАТОго кошула турган болсо, Калининград анклавына өзөктүк курал жана заманбап ракеталарын жайгаштырарын эскерткен.

Столтенберг "Москва муну менен ар бир улуттун өз келечегин өз алдынча аныктоо укугун урматтабаганын көргөзүүдө" деп комментарийледи.

#садыржапаров #кыргызстан #бишкек #каракол #ысыккөл #талас #нарын #ош #жалалабад #баткен #чуй #каракол #жаңылыктар #түндүк #түндүкмедиа #кабарлар #жапаров #нато #иштейберели #столтенберг #швеция #норвегия #чекара #коопсуздук

28/04/2022

Жогорку Кеңештин депутаты Балбак Түлөбаев жаңы Ак үй салууну сындагандарга нааразы болду.

Депутат бул маселени көтөргөн журналисттердин бирин саясий кызыкчылыгын көздөп жатат деген пикирин айтты.
"Кээ бирөө мен журналистмин дейт, ал журналист эмес. Ал саясий партияга мүчө, депутаттыкка талапкер болгон. Журналистикадан чыгып саясатчы аталган. Ал саясий кызыкчылык менен бийликке оппонент, журналист эмес. Анан биз ушул нерселерди айтсак эле "пахтакор", кошоматчы дешет. Ар бир пикирди эле сындай турган болсоңор, Жогорку Кеңеш дудук болуп берели анда", — деп нааразы болду Түлөбаев.
Эске салсак, президенттик администрациянын жаңы имараты мурдагы "Ысык-Көл" мейманканасынын ордуна курулат. Президент Садыр Жапаров анын курулушуна 15-апрель күнү капсула салган. Ошондой эле ал курулушка мамлекеттик бюджеттен акча кетпей турганын, анын ордуна курулуш компаниясына 16 гектар жер берилерин айткан. Президенттик администрациянын жаңы имаратынын курулушун ата мекендик TS Group компаниясы жүргүзө турганы белгилүү болгон.

#садыржапаров #кыргызстан #бишкек #каракол #ысыккөл #талас #нарын #ош #жалалабад #баткен #чуй #каракол #жаңылыктар #түндүк #түндүкмедиа #кабарлар #жапаров #балбак #иштейберели #түлөбаев #акүй #президент #эл #курулуш

28/04/2022

Тергөөнүн маалыматы боюнча, милиция кызматкери ортомчу аркылуу кылмыш иши боюнча куугунтуктоону токтотуу үчүн Э.у.У. аттуу жарандан 4 миң доллар талап кылган.

Билдирмеге караганда, милициянын майору 200 миң сом акча алып жаткан жеринен колго түшүрүлгөн.

Тергөөнүн маалыматы боюнча, милиция кызматкери ортомчу аркылуу кылмыш иши боюнча куугунтуктоону токтотуу үчүн Э.у.У. аттуу жарандан 4 миң доллар талап кылган. Ортомчу дагы шектүү катары кармалган.

Аталган иш УКМК менен ИИМдин ички иликтөө кызматы тарабынан жүргүзүлгөнү айтылды.

#садыржапаров #кыргызстан #бишкек #каракол #ысыккөл #талас #нарын #ош #жалалабад #баткен #чуй #каракол #жаңылыктар #түндүк #түндүкмедиа #кабарлар #жапаров #криим #иштейберели #мвдкр #түркмейкиндиги #милиция #тергөөчү #коррупция

28/04/2022

Тышкы иштер министринин милдетин аткаруучу Жээнбек Кулубаев Жогорку Кеңеште депутаттардын суроолоруна жооп берип жатып, кыргыз тарап Түркиядан “Байрактар” сокку уруучу учкучсуз учактарын коңшу мамлекеттерге сатпоону суранганын билдирди.

“Биз ал маалыматты алдык, азыр элчилик жана башка органдарга тапшырма берип, тактап жатабыз. Түрк тарапка дагы айтылган болчу, “муну этияттагыла анткени ортобузда көйгөйлөр чечиле элек” деп. “Байрактарды” бизден башка коңшуларга сатууда абайлап мамиле кылыңыздар дегенбиз. Азыр толук маалымат алгандан кийин дагы түрк тарап менен сүйлөшүү жүргүзөбүз”, - деди Кулубаев.

Депутат Мирлан Самыйкожо Тажикстан дагы “Байрактарды” сатып алганы жөнүндө маалыматты сураган. Ага Кулубаев жооп берип, азыркы тапта Түркия тараптан Тажикстан канча "Байрактарды" сатып алганы такталып жатканын кошумчалады.

Жогорку Кеңеш 27-апрелдеги жыйынында тышкы иштер министри кызматына Жээнбек Кулубаевдин талапкерлигин бир добуштан колдоду. Ал 23-апрелден тартып тышкы иштер министринин милдетин аткарып жатат.

Өткөн жылы декабрда Улуттук коопсуздук боюнча мамлекеттик комитетинин (УКМК) Чек ара кызматына "Байрактар" учкучсуз учуучу аппараттары тапшырылган. Жакында эле Тажикстан Түркиядан "Байрактарды” сатып алаары тууралуу маалымат тарады.

#садыржапаров #кыргызстан #бишкек #каракол #ысыккөл #талас #нарын #ош #жалалабад #баткен #чуй #каракол #жаңылыктар #түндүк #түндүкмедиа #кабарлар #жапаров #кулубаев #иштейберели #кртим #байрактар #тажикстан #чекара #коопсуздук

Түндүк Медиа

29/09/2022

28/04/2022

28/04/2022

28/04/2022

28/04/2022

28/04/2022

28/04/2022

28/04/2022

28/04/2022

28/04/2022

28/04/2022

28/04/2022

Address

Website

Alerts

Contact The Business

Shortcuts

Share

Category