28/07/2025
#ក្រុមការងារគណបក្សប្រជាជនកម្ពុជាសង្កាត់ក្តុលដូនទាវ
#នាំយកថវិកាចូលរួមបុណ្យសពសមាជិកភូមិក្តុល
==================
នៅព្រឹកថ្ងៃអាទិត្យ ២កើត ខែស្រាពណ៍ ឆ្នាំម្សាញ់ សប្តស័ក ពុទ្ធសករាជ ២៥៦៩ ត្រូវនឹងថ្ងៃទី២៧ ខែកក្កដា ឆ្នាំ២០២៥ លោក ម៉ាក ទន ប្រធានក្រុមការងារចុះមូលដ្ឋានភូមិក្តុល បានចាត់ឱ្យតំណាងនាំយកថវិកាដើម្បីចូលរួមរំលែកទុក្ខជាមួយក្រុមគ្រួសារលោកស្រី ស៊ិប សុប៉ន ជាសមាជិកភូមិក្តុល ដោយលោក ផាត ពេជ្រ ត្រូវជាកូនបង្កើត បានមរណភាពនៅថ្ងៃទី ២៦ ខែកក្កដា ឆ្នាំ២០២៥ ក្នុងជន្មាយុ ១៧ ឆ្នាំ ដោយជំងឺគ្រុនឈាម ។
នៅក្នុងមរណទុក្ខដ៏ក្តុកក្តួលនេះ តំណាងក្រុមការងារ បានពាំនាំប្រសាសន៍របស់ លោកប្រធានក្រុមការងារចុះជួយភូមិក្តុល ចូលរួមសោកស្តាយ និងរំលែកទុក្ខយ៉ាងក្រៀមក្រំបំផុត ជាមួយក្រុមគ្រួសារនៃសព ហើយចំពោះការបាត់បង់លោក ផាត ពេជ្រ គឺជាការបាត់បង់កូន ក្មួយ ចៅ ជាទីស្រឡាញ់ដ៏ជ្រាលជ្រៅ ។
ស្ថិតក្នុងមរណទុក្ខដ៏ក្រៀមក្រំនេះ តំណាងប្រធានក្រុមការងារចុះជួយភូមិក្តុល និងក្រុមការងារទាំងអស់ សូមបួងសួងដល់គុណបុណ្យព្រះរតនៈត្រ័យ និងវត្ថុស័ក្តិសិទ្ធិក្នុងលោកទាំងអស់ សូមប្រោសដួងវិញ្ញាណក្ខលោក ផាត ពេជ្រ បានទៅកាន់ក្នុងសុគតិភពជានិច្ចនិរន្តរ៍ កុំបីឃ្លៀងឃ្លាតឡើយ ៕🙏🙏🙏
#រដ្ឋបាលសង្កាត់ក្តុលដូនទាវ #សង្កាត់ក្តុលដូនទាវ #ក្រុងបាត់ដំបង
#គណបក្សប្រជាជនកម្ពុជាសង្កាត់ក្តុលដូនទាវ #កម្ពុជា #សន្តិភាពនៅកម្ពុជា
