សា ស៊ីថា/ SA SITHA

30/08/2025

30/08/2025

30/08/2025

30/08/2025

ខ្ញុំសូមចូលរួមអបអរសាទរ បងប្រុសទាំង២រូប👏💐

30/08/2025

រីករាយថ្ងៃចុងសប្តាហ៍ ក្រុងកំពង់ចាម🇰🇭❤️

30/08/2025

អបអរសាទរ ប្រាសាទអង្គរវត្ត ជាប់ចំណាត់ថ្នាក់កំពូល ជាគោលដៅទេសចរណ៍ទាក់ទាញបំផុតនៅអាស៊ី សម្រាប់ឆ្នាំ២០២៥

Source: Tripadvisor

29/08/2025

សូមអរគុណប្អូនប្រុស អុិន ប៊ុនរតនៈ ចំពោះរូបគំនូរ ដ៏ស្អាតនិងមានអត្ថន័យមួយនេះ ដែលតំណាងអោយស្មារតីរួបរួមជាតិខ្មែរក្នុងបុព្វហេតុជាតិ និងប្រជាជន។

ក្នុងរូបគំនូរនេះ គឺមានរូបកងទ័ពឈរជាជួរបែរខ្នងមកខ្ញុំ រូបខ្ញុំដែលកំពុងឈរកាន់ឯកសារក្រោយចរចារបទឈប់បាញ់ហើយបែរខ្នងទៅកងទ័ព និងមានរូបប្រជាពលរដ្ឋខ្មែរជាច្រើនពេញផ្ទៃគំនូរ។

ប្អូនប្រុស រតនៈ បានប្រាប់ភរិយាខ្ញុំ អំពីអត្ថន័យនៃរូបគំនូរនេះ÷

រូបប្រជាពលរដ្ឋជាច្រើនពេលផ្ទៃគំនូរ គឺតំណាងទឹកដី និងប្រជាជនខ្មែរនៅទូទាំងប្រទេស។

រូបកងទ័ពឈរជាជួរបែរខ្នងមកខ្ញុំ គឺតំណាងអោយវីរៈកងទ័ពនិងវីរៈនគរបាលជាតិយើង ដែលពេលនោះកំពុងប្រយុទ្ធនៅលើសមរភូមិ ក្នុងបុព្វហេតុការពារជាតិ ទឹកដី និងប្រជាជនរបស់យើង។

ចំណែកឯរូបខ្ញុំដែលកំពុងឈរកាន់ឯកសារក្រោយចរចារបទឈប់បាញ់ នៅថ្ងៃ ២៨ កក្កដា ២០២៥ នៅប្រទេសម៉ាឡេស៊ី ហើយបែរខ្នងទៅកងទ័ព គឺតំណាងអោយរាជរដ្ឋាភិបាលដែលខិតខំស្វែងរកសន្តិភាព និងការពារអាយុជីវិតវីរៈកងទ័ពនិងប្រជាជន កុំអោយបន្តស្លាប់ដោយការប្រយុទ្ធគ្នា ដូចដែលបានកើតមានអស់រយៈពេល ៥ថ្ងៃ ៥យប់កន្លងទៅ (២៤-២៨ កក្កដា ២០២៥)។

ខ្ញុំជឿជាក់ថាបងប្អូនប្រជាពលរដ្ឋយើងទូទាំងប្រទេសប្រហែលជាអាចនៅចាំ អារម្មណ៍មួយនេះ ទោះជាការប្រយុទ្ធគ្នាបានបញ្ចប់រយៈមួយខែមកហើយ។ ខ្ញុំនៅចាំបានថា ថ្ងៃទី ២៨ កក្កដា នោះ មានបងប្អូនខ្មែរយើងច្រើននាក់ណាស់ដែលមិនចូលគេង ដោយនៅចាំមើលថាតើម៉ោង ១២យប់នោះពិតជាឈប់បាញ់គ្នាមែនឬទេ? ហើយមានបងប្អូនខ្លះ ឆ្ងល់ដោយអន្ទះសារថា ហេតុអ្វីចាំបាច់ត្រូវចាំដល់ម៉ោង១២យប់ បានឈប់បាញ់គ្នា។ ហេតុអ្វីមិនឈប់ភ្លាមទៅ នៅចាំដល់ណាទៀត?

#ហ៊ុនម៉ាណែត
#កម្ពុជា

28/08/2025

ខ្ញុំបាទសូមជូនពរដល់ក្មួយៗ ខេត្តកំពង់ចាម ក៏ដូចជាក្មួយៗទូទាំងប្រទេស ដែលត្រូវប្រឡងសញ្ញាបត្រមធ្យមសិក្សាទុតិយភូមិ ក្នុងឆ្នាំសិក្សា២០២៤-២០២៥ នៅថ្ងៃទី២៨ និងថ្ងៃទី២៩ ខែសីហា ឆ្នាំ២០២៥ សូមឱ្យប្រឡងជាប់ និងបាននិទ្ទេសល្អគ្រប់ៗគ្នា🙏🇰🇭❤️ #ខ្មែរបេះដូងខែ្មរ

20/08/2025

សាលាភូមិន្ទរដ្ឋបាល ឯកឧត្តមកិត្តិបណ្ឌិត ពេជ្រ ប៊ុនធិន បានចែករំលែកបទពិសោធន៍ ការគ្រប់គ្រងធនធានមនុស្ស ក្នុងរដ្ឋបាលសាធារណៈ ដល់កម្មសិក្សាការីវគ្គវិក្រឹត្យការជាន់ខ្ពស់។

16/08/2025

ឯកឧត្តម អ៊ុន ចាន់ដា អញ្ជើញដឹកនាំកិច្ចប្រជុំបូកសរុបលទ្ធផលការងារគណបក្ស និងក្រុមការងារគណបក្ស ប្រចាំខែកក្កដា និងទិសដៅអនុវត្តបន្ត

ឯកឧត្តម អ៊ុន ចាន់ដា សមាជិកគណៈកម្មាធិការកណ្តាលគណបក្សប្រជាជនកម្ពុជា, ប្រធានគណៈកម្មាធិការគណបក្សខេត្តកំពង់ចាម នៅព្រឹកថ្ងៃសៅរ៍ទី១៦ ខែសីហា ឆ្នាំ២០២៥ បានអញ្ជើញដឹកនាំកិច្ចប្រជុំបូកសរុបលទ្ធផលការងារគណបក្ស និងក្រុមការងារគណបក្ស ប្រចាំខែកក្កដា និងទិសដៅអនុវត្តបន្ត របស់គណៈកម្មាធិការបក្សខេត្ត និងពិនិត្យរៀបចំបន្ថែមអង្គការចាត់តាំងគណបក្ស ស្ថិតនៅទីស្នាក់ការគណបក្សខេត្ត។

កិច្ចប្រជុំមានការអញ្ជើញចូលរួមពីសំណាក់ឯកឧត្តម អនុប្រធានប្រចាំការបក្សខេត្ត ឯកឧត្តម លោកជំទាវ លោក លោកស្រី សមាជិក សមាជិកា គណៈអចិន្ត្រៃយ៍ ឯកឧត្តម លោក លោកស្រី សមាជិកគណៈកម្មាធិការបក្សខេត្ត លោកប្រធាន អនុប្រធានគណៈកម្មាធិការបក្សក្រុង/ស្រុក រួមនិងមន្ត្រីគណបក្សពាក់ព័ន្ធមួយចំនួនទៀត។

កិច្ចប្រជុំបានអនុវត្តតាមគោលការណ៍របស់គណបក្ស គឺសមូហភាពដឹកនាំ និងបុគ្គលទទួលខុសត្រូវ ដែលជាមូលដ្ឋានគ្រឹះ នៃភាពរឹងមាំរបស់គណបក្សប្រជាជនកម្ពុជា ក្រោមការដឹកនាំប្រកបដោយកិត្តិបណ្ឌិតរបស់ សម្តេចអគ្គមហាសេនាបតីតេជោ ហ៊ុន សែន ប្រធានគណបក្ស និងជាប្រធានព្រឹទ្ធសភា និងសម្តេចមហាបវរធិបតី ហ៊ុន ម៉ាណែត អនុប្រធានគណបក្ស និងជានាយករដ្ឋមន្ត្រី នៃព្រះរាជាណាចក្រកម្ពុជា៕

12/08/2025

សិក្ខាសាលាស្ដីពី«ការគាំពារវិនិយោគិន និងការពង្រឹងការអនុវត្តច្បាប់ក្នុងវិស័យមូលបត្រ»
----------------------------------------
ថ្ងៃទី១២ ខែសីហា ឆ្នាំ២០២៥ សាលាភូមិន្ទរដ្ឋបាលនិងនិយ័តករមូលបត្រកម្ពុជាបានរៀបចំសិក្ខាសាលាស្ដីពី «ការគាំពារវិនិយោគិន និងការពង្រឹងការអនុវត្តច្បាប់ក្នុងវិស័យមូលបត្រ» ក្រោមសហអធិបតីភាពដ៏ខ្ពង់ខ្ពស់ ឯកឧត្តម យក់ ប៊ុនណា រដ្ឋលេខាធិការប្រចាំការក្រសួងមុខងារសាធារណៈ និងជានាយកសាលាភូមិន្ទរដ្ឋបាល និង ឯកឧត្តម ស៊ូ សុជាតិ ប្រតិភូរាជរដ្ឋាភិបាលទទួលបន្ទុកជាអគ្គនាយកនៃនិយ័តករមូលបត្រកម្ពុជា ដោយមានការចូលរួមពីមន្ត្រីជំនាញរបស់ក្រសួងយុត្តិធម៌ និងអគ្គស្នងការដ្ឋាននគរបាលជាតិនៃក្រសួងមហាផ្ទៃ។

សិក្ខាសាលានេះត្រូវបានរៀបចំឡើងក្នុងគោលបំណងដើម្បីផ្សព្វផ្សាយនិងបញ្ជ្រាបការយល់ដឹង និងលើកកម្ពស់ការប្រុងប្រយ័ត្នកុំឱ្យជ្រុលខ្លួនដាក់ប្រាក់វិនិយោគក្នុងគម្រោងមិនត្រឹមត្រូវ ជូនដល់គណៈគ្រប់គ្រង មន្ត្រីរាជការ សិស្សមន្ត្រីជាន់ខ្ពស់ជំនាន់ទី១៣ សិស្សមន្ត្រីក្រមការជំនាន់១១ កម្មសិក្សាការីវគ្គវិក្រឹត្យការមន្ត្រីជាន់ខ្ពស់ និងវិក្រឹត្យការមន្ត្រីមធ្យម ដែលចូលរួមដោយផ្ទាល់ និងតាមប្រព័ន្ធអនឡាញ សរុបប្រមាណ ១០០០នាក់។ ដើម្បីឆ្លើយតបទៅនឹងគោលបំណងខាងលើ សិក្ខាសាលាបានរៀបចំបទបង្ហាញចំនួន៣ជាបន្តបន្ទាប់រួមមាន៖
- បទបង្ហាញទី១ស្ដីពី«រូបភាពនៃការប្រមូលមូលនិធិ និងការពង្រឹងការអនុវត្តច្បាប់ក្នុងវិស័យមូលបត្រ» ដោយលោក សៀង ធានហុង អនុប្រធាននាយកដ្ឋានកិច្ចការគតិយុត្តនៃនិយតករមូលបត្រកម្ពុជា
- បទបង្ហាញទី២ស្ដីពី «បច្ចុប្បន្នភាពនៃការប្រឆាំងបទល្មើសបច្ចេកវិទ្យា» ដោយឧត្តមសេនីយ៍ទោ សុខ នីត្យា ប្រធាននាយកដ្ឋានប្រឆាំងបទល្មើសបច្ចេកវិទ្យានៃអគ្គស្នងការដ្ឋាននគរបាលជាតិ នៃក្រសួងមហាផ្ទៃ
- បទបង្ហាញទី៣ស្តីពី “បច្ចេកទេសនៃការស៊ើបអង្កេតហិរញ្ញវត្ថុ” ដោយឯកឧត្តម សេង ពុទ្ធី ប្រធាននាយកដ្ឋានកិច្ចការព្រហ្មទណ្ឌ នៃក្រសួងមហាផ្ទៃ។

11/08/2025

មានករណីអគ្គីភ័យមួយបានឆាបឆេះឡើង ស្ថិតនៅក្នុងសង្កាត់កំពង់ចាម​ កក្រុងកំពង់ចាម បណ្តាលឲ្យផ្ទះប្រជាពលរដ្ឋ៣ ល្វែងរងការខូចខាត និងបានបង្កការភ្ញាក់ផ្អេីលដល់ប្រជាពលរដ្ឋ ប៉ុន្តែមិនបណ្តាលឲ្យរងរបួស ឬប៉ះពាល់ដល់អាយុជីវិតប្រជាពលរដ្ឋនោះឡើយ។

ក្រោមកិច្ចអន្តរាគមន៍ដោយផ្ទាល់ ពីឯកឧត្តម អ៊ុន ចាន់ដា អភិបាលនៃគណៈអភិបាលខេត្តកំពង់ចាម និងជាប្រធានគណៈបញ្ជាការឯកភាពខេត្ត បានដឹកនាំ អាជ្ញាធរ និងសមត្ថកិច្ចជំនាញចុះធ្វើការពន្លត់អគ្គីភ័យខាងលើ រហូត គ្រប់គ្រងស្ថានការណ៍ បានទាំងស្រុង ត្រឹមម៉ោង ១៧:៣០នាទី។

ក្នុងឱកាសនោះ ឯកឧត្តម អភិបាលខេត្ត សូមថ្លែងអំណរគុណដល់សមត្ថកិច្ច​ អាជ្ញាធរ​ និងបងប្អូនប្រជាពលរដ្ឋក្បែរខាងគ្នាបានចូលរួមសហការក្នុងការពន្លត់អគ្គីភ័យនេះដោយជោគជ័យ។
#ខ្មែរបេះដូងខែ្មរ #ខ្មែរឈាមជ័រតែមួយ ❤️🇰🇭❤️