26/05/2026
លោក Jack Ma ធ្លាប់បង្ហាញថា ភាពខុសគ្នារវាងអ្នកមាន និងអ្នកក្រ គឺស្ថិតនៅលើរបៀបប្រើប្រាស់ពេលវេលា ២-៣ ម៉ោងដំបូងបន្ទាប់ពីភ្ញាក់ពីគេង។
បើអ្នកគ្រប់គ្រងព្រឹកព្រលឹមមិនបាន អ្នកក៏មិនអាចគ្រប់គ្រងវាសនាខ្លួនឯងបានដែរ។
✔️១. រៀបចំចិត្តគំនិត ១៥-២០ នាទី
កុំទាន់ប៉ះទូរស័ព្ទឱ្យសោះ! បើអ្នកបើកហ្វេសប៊ុកភ្លាម ចិត្តរបស់អ្នកនឹងខ្វល់ខ្វាយតាមរឿងរ៉ាវអ្នកដទៃ។
ដកដង្ហើម និងដឹងគុណ នឹកដល់រឿង ៣ យ៉ាងដែលអ្នកមានសំណាងជាងគេ សុខភាព គ្រួសារ ឬអាជីព។
កំណត់គោលដៅធំ សួរខ្លួនឯងថា "តើការងារ ១ ណាដែលសំខាន់បំផុតសម្រាប់ថ្ងៃនេះ?"។
✔️២. ថែទាំម៉ាស៊ីនផលិតលុយ គឹជារាងកាយ ៣០-៤៥ នាទី
រាងកាយមាំមួននាំឱ្យខួរក្បាលឆ្លាតវៃ។
បញ្ចេញញើស ដើរ ឬរត់តិចៗដើម្បីដាស់កោសិកាឱ្យមានថាមពល។
ផឹកទឹក ២ កែវ លាងជម្រះជាតិពុល និងជួយឱ្យស្មារតីស្រឡះ។
អាហារថាមពល ញ៉ាំអាហារដែលមានសុខភាពល្អ ដើម្បីត្រៀមប្រយុទ្ធពេញមួយថ្ងៃ។
✔️៣. អភិវឌ្ឍជំនាញដែលទីផ្សារត្រូវការ ៣០-៦០ នាទី
ការបង្កើនចំណេះដឹងនឹងធ្វើឱ្យអ្នកក្លាយជាអ្នកជំនាញ ហើយអ្នកជំនាញគឺជាអ្នកដែលរកចំណូលបានច្រើនបំផុត។
អាន ឬរៀនជំនាញថ្មី ប្រើពេលនេះអភិវឌ្ឍជំនាញដែល AI មិនអាចធ្វើជំនួសបាន ដូចជាការចរចា ឬការលក់។
លទ្ធផលវិជ្ជមាន អ្នកដែលចេះជំនាញច្បាស់លាស់ តែងតែមានសេរីភាពផ្លូវចិត្ត និងមិនខ្លាចការបាត់បង់ការងារឡើយ។
✔️៤. រៀបចំផែនការ "រកលុយ" ២០-៣០ នាទី
អង្គុយជាមួយកាហ្វេ រួចកំណត់អាទិភាពការងារ។
ច្បាប់ការងារ ៣ យ៉ាង សរសេរកិច្ចការ ៣ ដែលនឹងជួយបង្កើតចំណូលឱ្យអ្នកក្នុងខែនេះ។
💲ឧទាហរណ៍ បើអ្នកជាអ្នកលក់អនឡាញ កិច្ចការទី ១ គឺត្រូវតបឆាតអតិថិជនចាស់ៗដែលធ្លាប់ទិញកន្លងមក ព្រោះវាចំណេញពេលជាងរកម៉ូយថ្មី។
✔️៥. ត្រួតពិនិត្យហិរញ្ញវត្ថុ និងចរន្តសាច់ប្រាក់ ១៥-២០ នាទី
ការដឹងពីចរន្តសាច់ប្រាក់ចេញចូល គឺជាជំហានដំបូងដើម្បីគ្រប់គ្រងវា។
កត់ត្រាការចំណាយ កុំទុកឱ្យដល់ដាច់ខែ ទើបឆ្ងល់ថា លុយចាយអស់ទៅណាខ្លះ?
រៀបចំផែនការសន្សំ និងវិនិយោគ ប្រើច្បាប់ "សន្សំមុនចាយ"។
📊 សាកស្រមៃមើល បើអ្នកមានវិន័យរៀងរាល់ព្រឹក រួចដកលុយសន្សំត្រឹម ២០% នៃចំណូល៖
បើមានចំណូលប្រចាំខែ ៛ ២,០០០,០០០
សន្សំ ២០% ក្នុង ១ ខែ ៛ ៤០០,០០០ ស្មើនឹងការកាត់បន្ថយការចាយខ្ជះខ្ជាយត្រឹម ៛ ១៣,៣៣៣ ក្នុង ១ ថ្ងៃ។
លទ្ធផលក្នុង ១ ឆ្នាំ ៛ ៤,៨០០,០០០ អ្នកអាចយកទៅទិញមាសទុក ឬវិនិយោគលើដីធ្លីខ្នាតតូច។
💲លទ្ធផលក្នុង ៥ ឆ្នាំ រួមទាំងការប្រាក់បន្ត ជាង ៛ ២៥,០០០,០០០ នេះ គឺជាដើមទុនដ៏ធំសម្រាប់បង្កើតអាជីវកម្មផ្ទាល់ខ្លួន។
កុំខ្ជះខ្ជាយយុវវ័យទៅលើការគេងយូរពេក ខណៈពេលដែលអ្នកដទៃកំពុងដេក អ្នកកំពុងរៀបចំផែនការ និងរីកចម្រើន។
ចងចាំថា បើអ្នកមិនអាចគ្រប់គ្រងពេលព្រឹករបស់អ្នកបានទេ អ្នកក៏មិនអាចគ្រប់គ្រងជីវិតរបស់អ្នកបានដែរ។
💬 អរគុណអ្នកអស់គ្នា ដែលតែងតែគាំទ្រ Money Buddy មករហូត!
សូមជួយ Like, Follow និង Share ជាសាធារណៈ ដើម្បីចែករំលែកចំណេះដឹង ហិរញ្ញវត្ថុដល់បងប្អូនកម្ពុជាទាំងអស់គ្នា! 💚
❕ពួកយើងអានរាល់មតិយោបល់របស់បងប្អូនជានិច្ច ចូលរួមចែករំលែកគំនិត និងបទពិសោធន៍របស់បងប្អូននៅក្នុង Comment រាល់ការចូលរួមសុទ្ធតែជាកម្លាំងជម្រុញទឹកចិត្តដ៏សំខាន់ដែលធ្វើឲ្យពួកយើងមានកម្លាំងចិត្តបន្តបង្កើតមាតិកាល្អៗជាច្រើនទៀត។
