09/07/2025
សេចក្តីប្រកាសព័ត៌មាន៖ ការរំលឹកខួប៩ឆ្នាំ នៃមរណភាពលោក បណ្ឌិត កែម ឡី
រាជធានីភ្នំពេញ ថ្ងៃទី៩ ខែកក្កដា ឆ្នាំ២០២៥
----------------
នៅវេលាម៉ោង ៨ព្រឹក ថ្ងៃទី១០ ខែកក្កដា ឆ្នាំ២០២៥ នេះ ក្រុមអង្គការសង្គមស៊ីវិល សហជីព សមាគម យុវជននឹងជួបជុំគ្នារំលឹកដល់វីរភាព និងខួប ៩ឆ្នាំ នៃមរណភាពរបស់ លោក បណ្ឌិត កែម ឡី ជាអ្នកវិភាគនយោបាយ និងអ្នកការពារសិទ្ធិមនុស្សដ៏មានប្រជាប្រិយភាពមួយរូប ដែលត្រូវបានខ្មាន់កាំភ្លើងបាញ់សម្លាប់កាលពីថ្ងៃទី១០ ខែកក្កដា ឆ្នាំ២០១៦ ខណៈពេលដែលលោកកំពុងពិសាកាហ្វេ នៅម៉ាតស្ថានីយប្រេងឥន្ធនៈកាល់តិច ស្តុបបូកគោ រាជធានីភ្នំពេញ ។
ការជួបជុំរំលឹកខួប ៩ ឆ្នាំ នេះ ធ្វើឡើងក្នុងគោលបំណងរំលឹកដល់វីរភាព និងការលះបង់របស់លោកបណ្ឌិត ក្នុងកិច្ចការពារសិទ្ធិមនុស្ស សេរីភាពបញ្ចេញមតិ ព្រមទាំងបន្តអំពាវនាវរកយុត្តិធម៌ជូនលោក បណ្ឌិត កែម ឡី និងក្រុមគ្រួសាររបស់លោក ។
ការជួបជុំរំលឹកខួប ៩ ឆ្នាំ នេះ នឹងមានការដាក់កម្រងផ្កា ការថ្លែងសារពីអ្នកចូលរួមនៅស្ថានីយប្រេងឥន្ធនៈកាល់តិច ស្តុបបូកគោ បន្ទាប់មកនឹងបន្តដំណើរទៅកាន់វត្តចាស់ ខណ្ឌជ្រោយចង្វារដើម្បីធ្វើបុណ្យបង្សុកូលឧទ្ទិសកុសលជូនដល់លោកបណ្ឌិត កែម ឡី តាមទំនៀមទំលាប់ប្រពៃណីខ្មែរ ។
អាស្រ័យដូចបានជម្រាបជូនខាងលើនេះ សូមសាធារណជន និងអ្នកសារព័ត៌មានជាតិ និងអន្តរជាតិ ជ្រាបជាដំណឹង ៕ សូមអរគុណ!
On 10 July 2025 at 8:00 AM, civil society group, unions, associations, and youths will be gathering at Caltex Bokor to commemorate the 9-year anniversary of the death of Kem Ley, who was a prominent political analyst and human rights defender. Kem Ley was shot dead while having his morning coffee on 10 July 2016 at the Star Mart in the Caltex gas station at the Bokor traffic stop in Phnom Penh.
This assembly will commemorate his heroism and sacrifice to defend human rights and freedom of expression, and as well as to continue call for justice for him and his family.
The event will start with people laying flowers and giving speeches, and then we will travel to Wat Chas pagoda located in Chroy Changva district, Phnom Penh, to conduct a Buddhist offering to Kem Ley.
#យុត្តិធម៌សម្រាប់កែមឡី
