The Real News

The Real News ដឹរៀលញូស៍ - The Real News (TRN) គឺជាអង្គភាពមួយដើរតួនាទីជាអ្នកទទួល និងផ្សព្វផ្សាយដំណឹងពិត បម្រើឱ្យផលប្រយោជន៍ប្រជាជនកម្ពុជា ។

12/08/2026

ក្រុមហ៊ុន សច្ចៈគុណ សំណង់ខ្មែរ ប្តេជ្ញាទទួលខុសត្រូវខ្ពស់ ចុះកែលម្អចំណុចខ្វះខាតលើផ្លូវបេតុងនៅឃុំកំពង់ស្វាយ ស្របតាមកុងត្រាធានា៦ខែ

ក្រុមក្មេងទំនើង ២ក្រុម មានគ្នា ១៨នាក់ នាំគ្នាជួបជុំផឹកកណ្ដាលអធ្រាត្រ ត្រូវនគរបាលចុះប្រមូលយកទៅអប់រំ និងដកហូតម៉ូតូ ១២គ្រឿង...
10/08/2026

ក្រុមក្មេងទំនើង ២ក្រុម មានគ្នា ១៨នាក់ នាំគ្នាជួបជុំផឹកកណ្ដាលអធ្រាត្រ ត្រូវនគរបាលចុះប្រមូលយកទៅអប់រំ និងដកហូតម៉ូតូ ១២គ្រឿង

ក្រុមក្មេងទំនើង ២ក្រុម ដែលមានគ្នាសរុប ១៨នាក់ ត្រូវបានកម្លាំងនគរបាលចុះឃាត់ខ្លួនដល់កន្លែង ខណៈពួកគេកំពុងជួបជុំផឹកនៅតាមចិញ្ចើមផ្លូវនាយប់អធ្រាត្រ ដើម្បីយកមកអប់រំ និងធ្វើកិច្ចសន្យា។ ប្រតិបត្តិការនេះបានធ្វើឡើងកាលពីវេលាម៉ោង ២ និង២៥នាទីរំលងអធ្រាត្រ កាលពីថ្ងៃទី៩ សីហា ២០២៦ នៅលើផ្លូវបេតុង ស្ថិតក្នុងភូមិព្រៃបឹង ឃុំបែកចាន ស្រុកអង្គស្នួល ខេត្តកណ្តាល។

លោកវរសេនីយ៍ឯក មាន សំណាង អធិការនគរបាលស្រុកអង្គស្នួល បានឲ្យដឹងថា ក្រុមក្មេងទំនើងទាំង ១៨នាក់នេះ គឺសុទ្ធសឹងតែជាយុវជន (ប្រុសទាំងអស់) ដែលមានអាយុចន្លោះពី ១៥ឆ្នាំ ដល់ ២៥ឆ្នាំ និងមានមុខរបរជាសិស្ស និងកម្មករ។ លោកអធិការបានបន្តថា ពួកគេមានទីលំនៅរាយប៉ាយខុសៗគ្នា ដោយអ្នកខ្លះរស់នៅក្នុងស្រុកអង្គស្នួល ខេត្តកណ្ដាល អ្នកខ្លះរស់នៅស្រុកសំរោងទង ខេត្តកំពង់ស្ពឺ និងមួយចំនួនទៀតរស់នៅក្នុងខណ្ឌកំបូល រាជធានីភ្នំពេញ។ ក្រោយការធ្វើតេស្ត ពួកគេទាំង ១៨នាក់ គឺគ្មានសារធាតុញៀនក្នុងទឹកនោមនោះទេ។

លោកអធិការបានបញ្ជាក់ថា ជាមួយគ្នានេះ កម្លាំងជំនាញបានដកហូតវត្ថុតាងម៉ូតូចំនួន ១២គ្រឿង រួមមានម៉ាកសេ១២៥ ចំនួន ៧គ្រឿង ម៉ាកនីច ២គ្រឿង ម៉ាកហុងដាអេឌីវី ១គ្រឿង ម៉ាកស៊ីប៊ី១៥០សេសេ ១គ្រឿង និងម៉ាកស្កុបពី ១គ្រឿង។ លោកអធិការបានឲ្យដឹងទៀតថា មុនពេលកើតហេតុ កម្លាំងអន្តរាគមន៍នៃអធិការដ្ឋាននគរបាលស្រុកអង្គស្នួល បានសហការជាមួយកម្លាំងប៉ុស្ដិ៍នគរបាលរដ្ឋបាលទាំង១០ ចេញល្បាតក្នុងភូមិសាស្រ្ដ។ ពេលកំពុងល្បាត សមត្ថកិច្ចក៏បានប្រទះឃើញក្រុមក្មេងទំនើងទាំង ២ក្រុម កំពុងជួបជុំគ្នាផឹកនៅតាមចិញ្ចើមផ្លូវ ទើបកម្លាំងហៅពួកគេនាំយកទៅអធិការដ្ឋាននគរបាលស្រុកអង្គស្នួលដើម្បីសួរនាំបន្ត។

នៅចំពោះមុខសមត្ថកិច្ច ពួកគេបានឆ្លើយសារភាពថា ពួកខ្លួនពិតជាបានជួបជុំគ្នាផឹកមិនព្រមចូលផ្ទះប្រាកដមែន។ បច្ចុប្បន្ន ក្រុមក្មេងទំនើងទាំង ១៨នាក់នេះ ត្រូវបានកម្លាំងជំនាញដាក់វិន័យអប់រំ និងធ្វើអនាម័យរយៈពេល ៣៦ម៉ោង ទៅ ៤៨ម៉ោង ព្រមទាំងអញ្ជើញក្រុមគ្រួសារមកធ្វើកិច្ចសន្យាធានាយកទៅអប់រំបន្តនៅផ្ទះរៀងៗខ្លួន៕

09/08/2026

ប្រជាពលរដ្ឋដែលធ្វើដំណើរតាមដងផ្លូវលេខ៤៣៦ ក្នុងសង្កាត់បឹងត្របែក ខណ្ឌចំការមន បានសម្តែងការថ្នាំងថ្នាក់យ៉ាងខ្លាំងចំពោះការបាត់បង់សណ្ដាប់ធ្នាប់សាធារណៈ ដោយសារការចាក់ទឹកស្អុយចោល ការលក់ដូររំលោភលើទ្រូងផ្លូវ និងការយកភាស៊ីកង់ម៉ូតូដោយគ្មានសណ្តាប់ធ្នាប់។ ពួកគាត់បានស្នើសុំយ៉ាងទទូចដល់អាជ្ញាធរខណ្ឌ និងសង្កាត់ ឱ្យចុះអន្តរាគមន៍រៀបចំសណ្ដាប់ធ្នាប់នៅតំបន់នេះឡើងវិញជាបន្ទាន់ ដើម្បីសម្រួលដល់ការធ្វើដំណើរ។

08/08/2026

ការលក់ដូររំលោភចំណីផ្លូវយ៉ាងអនាធិបតេយ្យនៅចំណុចក្លោងទ្វារចូលរមណីយដ្ឋានស្អាងភ្នំ ធ្វើឱ្យលិខិតព្រមានរដ្ឋបាលខេត្តក្លាយជាក្រដាសទទេ ខណៈអាជ្ញាធរស្រុកហាក់សម្ងំស្ងៀម

07/08/2026

ផ្លូវបេតុងក្រុមហ៊ុន សច្ចៈគុណ សំណង់ខ្មែរ សង់មិនទាន់បាន១ខែផង ស្រាប់តែប្រេះស្រុតលេចក្បាលថ្ម ធ្វើឱ្យពលរដ្ឋផ្ទុះការរិះគន់!

05/08/2026

តើចំណីផ្លូវមុខវត្ត និងសាលារៀនពិជ័យសាគរ គួរក្លាយជាកន្លែងលក់ដូរដែរឬទេ?

04/08/2026

រោងចក្រថ្នាំជក់បញ្ចេញក្លិនឈួល និងចោលសំណល់ចូលប្រឡាយទឹក ធ្វើឱ្យពលរដ្ឋស្រុកកណ្តាលស្ទឹងរងទុក្ខជិត២ឆ្នាំ ខណៈមន្ត្រីចុះពិនិត្យថា «មិនមានការប៉ះពាល់ធ្ងន់ធ្ងរ»

បុរសម្នាក់ផ្តួលម៉ូតូរត់គេចពីសមត្ថកិច្ច ត្រូវឃាត់ខ្លួនបាន រួមជាមួយថ្នាំញៀន ៨កញ្ចប់ នៅក្រុងតាខ្មៅជនសង្ស័យជួញដូរ និងប្រើប្រ...
04/08/2026

បុរសម្នាក់ផ្តួលម៉ូតូរត់គេចពីសមត្ថកិច្ច ត្រូវឃាត់ខ្លួនបាន រួមជាមួយថ្នាំញៀន ៨កញ្ចប់ នៅក្រុងតាខ្មៅ

ជនសង្ស័យជួញដូរ និងប្រើប្រាស់គ្រឿងញៀនម្នាក់ ត្រូវបានកម្លាំងនគរបាលដេញឃាត់ខ្លួនបាន រួមជាមួយថ្នាំញៀន ៨កញ្ចប់ ក្រោយពីរូបគេបានផ្តួលម៉ូតូរត់គេចខ្លួនពីការសួរនាំរបស់សមត្ថកិច្ច។ ប្រតិបត្តិការនេះបានធ្វើឡើងកាលពីវេលាម៉ោង ០១ និង៣០នាទីរំលងអធ្រាត្រ ឈានចូលថ្ងៃទី០៣ ខែសីហា ឆ្នាំ២០២៦ នៅត្រង់ចំណុចភូមិតាខ្មៅ២ សង្កាត់តាខ្មៅ ក្រុងតាខ្មៅ ខេត្តកណ្តាល។

លោកវរសេនីយ៍ទោ យី វ៉ាន់ដា អធិការនគរបាលក្រុងតាខ្មៅ បានឲ្យដឹងថា ជនសង្ស័យមានឈ្មោះ ចា ពៅ (ប្រុស, ៣៩ឆ្នាំ) ជនជាតិខ្មែរ មុខរបរកម្មករ មានទីលំនៅភូមិវាល ឃុំស្អាងភ្នំ ស្រុកស្អាង ខេត្តកណ្តាល មានវិជ្ជមានសារធាតុញៀន និងធ្លាប់ជាប់ពន្ធនាគារព្រៃស ១លើក រយៈពេល ២ឆ្នាំ និង៦ខែ ពីបទអំពើលួច។ លោកអធិការបានបន្តថា វត្ថុតាងដែលកម្លាំងជំនាញដកហូតបានរួមមាន ថ្នាំញៀនម៉ាទឹកកកចំនួន ៨កញ្ចប់ ទម្ងន់ ១,៥៧ក្រាម ម៉ូតូម៉ាកហុងដាឌ្រីមសេ១២៥ ពណ៌ខ្មៅ ១គ្រឿង ទូរស័ព្ទដៃ ១គ្រឿង និងខ្សៀសម្រាប់ជក់ចំនួន ២។

លោកអធិការបានឲ្យដឹងទៀតថា នៅវេលាកើតហេតុខាងលើ ខណៈកម្លាំងនគរបាលក្រុងតាខ្មៅ សហការជាមួយកម្លាំងប៉ុស្តិ៍នគរបាលសង្កាត់តាខ្មៅ ចុះល្បាតមកដល់ចំណុចកើតហេតុ ក៏បានប្រទះឃើញជនសង្ស័យកំពុងជិះម៉ូតូម្នាក់ឯង។ ដោយមានការសង្ស័យ សមត្ថកិច្ចក៏បានហៅសួរនាំ ស្រាប់តែជនសង្ស័យបានជិះម៉ូតូរត់ ហើយកម្លាំងសមត្ថកិច្ចក៏បានជិះម៉ូតូដេញតាម។ ពេលនោះ ជនសង្ស័យបានផ្តួលម៉ូតូចោល ហើយរត់គេចខ្លួនចូលទៅក្នុងផ្លូវលំម្តុំអគារវប្បធម៌ ភូមិតាខ្មៅ២ ក៏ត្រូវកម្លាំងឃាត់ខ្លួនបាន និងធ្វើការត្រួតពិនិត្យរកឃើញថ្នាំញៀនចំនួន ៨កញ្ចប់ នៅក្បែរខ្លួនតែម្តង។ ទោះជាយ៉ាងណាក៏ដោយ នៅចំពោះមុខសមត្ថកិច្ច ជនសង្ស័យបានឆ្លើយសារភាពថា ថ្នាំញៀនចំនួន ៨កញ្ចប់ ដែលសមត្ថកិច្ចរកឃើញនោះ គឺមិនមែនជារបស់ខ្លួននោះទេ។

បច្ចុប្បន្ន ជនសង្ស័យរួមទាំងវត្ថុតាង ត្រូវបានកម្លាំងបញ្ជូនបន្តមកកាន់ផ្នែកជំនាញនៃអធិការដ្ឋាននគរបាលក្រុងតាខ្មៅ ដើម្បីកសាងសំណុំរឿងចាត់ការតាមនីតិវិធីច្បាប់៕

03/08/2026

បុកស្លាប់រត់ទៀតហើយ! រថយន្តស្លាកលេខច្បាស់ៗ ចាំមើលថាតើសមត្ថកិច្ចធ្វើការយ៉ាងណា

បុរសជាអ្នកអូសរទេះអេតចាយម្នាក់បានបាត់បង់ជីវិតយ៉ាងអាណោចអាធ័ម ក្នុងករណីគ្រោះថ្នាក់ចរាចរណ៍បុករត់ ដែលបង្កឡើងដោយរថយន្តមួយគ្រឿង នៅចំណុចមុខផ្សារទំនើប Lucky ក្រុងតាខ្មៅ កាលពីយប់ម្សិលមិញ។

យោងតាមប្រភពព័ត៌មាននៅកន្លែងកើតហេតុ បន្ទាប់ពីបង្កហេតុបុកជនរងគ្រោះដល់ស្លាប់ហើយ អ្នកបើកបររថយន្តបង្កមិនបានឈប់ដើម្បីទទួលខុសត្រូវនោះទេ គឺបានព្យាយាមបើករត់គេចរហូតទៅដល់មុខកីឡដ្ឋានខេត្តកណ្ដាល ទើបឈប់រថយន្តចោល រួចចុះរត់គេចខ្លួនបាត់ស្រមោល។

ទោះជាជនបង្ករត់គេចខ្លួនក្តី ប៉ុន្តែរថយន្តបន្សល់ទុកគឺមានស្លាកលេខច្បាស់ៗ ដែលមហាជនកំពុងរង់ចាំមើលចំណាត់ការរបស់សមត្ថកិច្ច ថានឹងធ្វើការស្រាវជ្រាវវែកមុខជនសង្ស័យតាមរបៀបណា។ សូមរំលឹកផងដែរថា សម្ដេចធិបតីធ្លាប់បានបញ្ជាក់យ៉ាងច្បាស់ៗរួចហើយថា ករណីបើកបរបុកមនុស្សស្លាប់ គឺត្រូវតែទទួលទោសតាមផ្លូវច្បាប់យ៉ាងម៉ឺងម៉ាត់ មិនអាចត្រឹមតែការសម្របសម្រួលដោះស្រាយសំណង ដើម្បីបញ្ចប់រឿងបាននោះឡើយ។

បុកស្លាប់រត់ទៀតហើយ! រថយន្តស្លាកលេខច្បាស់ៗ ចាំមើលថាតើសមត្ថកិច្ចធ្វើការយ៉ាងណាបុរសជាអ្នកអូសរទេះអេតចាយម្នាក់បានបាត់បង់ជីវិតយ...
03/08/2026

បុកស្លាប់រត់ទៀតហើយ! រថយន្តស្លាកលេខច្បាស់ៗ ចាំមើលថាតើសមត្ថកិច្ចធ្វើការយ៉ាងណា

បុរសជាអ្នកអូសរទេះអេតចាយម្នាក់បានបាត់បង់ជីវិតយ៉ាងអាណោចអាធ័ម ក្នុងករណីគ្រោះថ្នាក់ចរាចរណ៍បុករត់ ដែលបង្កឡើងដោយរថយន្តមួយគ្រឿង នៅចំណុចមុខផ្សារទំនើប Lucky ក្រុងតាខ្មៅ កាលពីយប់ម្សិលមិញ។

យោងតាមប្រភពព័ត៌មាននៅកន្លែងកើតហេតុ បន្ទាប់ពីបង្កហេតុបុកជនរងគ្រោះដល់ស្លាប់ហើយ អ្នកបើកបររថយន្តបង្កមិនបានឈប់ដើម្បីទទួលខុសត្រូវនោះទេ គឺបានព្យាយាមបើករត់គេចរហូតទៅដល់មុខកីឡដ្ឋានខេត្តកណ្ដាល ទើបឈប់រថយន្តចោល រួចចុះរត់គេចខ្លួនបាត់ស្រមោល។

ទោះជាជនបង្ករត់គេចខ្លួនក្តី ប៉ុន្តែរថយន្តបន្សល់ទុកគឺមានស្លាកលេខច្បាស់ៗ ដែលមហាជនកំពុងរង់ចាំមើលចំណាត់ការរបស់សមត្ថកិច្ច ថានឹងធ្វើការស្រាវជ្រាវវែកមុខជនសង្ស័យតាមរបៀបណា។ សូមរំលឹកផងដែរថា សម្ដេចធិបតីធ្លាប់បានបញ្ជាក់យ៉ាងច្បាស់ៗរួចហើយថា ករណីបើកបរបុកមនុស្សស្លាប់ គឺត្រូវតែទទួលទោសតាមផ្លូវច្បាប់យ៉ាងម៉ឺងម៉ាត់ មិនអាចត្រឹមតែការសម្របសម្រួលដោះស្រាយសំណង ដើម្បីបញ្ចប់រឿងបាននោះឡើយ។

Address

ផ្លូវបេតុង ភូមិក្រពើហាកើត សង្កាត់ព្រែកឫស្សី ក្រុងតាខ្មៅ
Kandal

Website

Alerts

Be the first to know and let us send you an email when The Real News posts news and promotions. Your email address will not be used for any other purpose, and you can unsubscribe at any time.

Shortcuts

Share

Category