05/08/2025
កងទ័ពកម្ពុជា បានទំនាក់ទំនងជាមួយកងទ័ពថៃ ដើម្បីឱ្យកងទ័ពថៃ រុះរើបន្លាលួស និងដកចេញគ្រឿងចក្ររបស់ខ្លួន ជាបន្ទាន់ពីដែនអធិបតេយ្យរបស់កម្ពុជា រហូតមកដល់ថ្ងៃទី៥ ខែសីហា នេះ មិនទាន់មានការរុះរើនៅឡើយទេ ហើយភាគីទាំងពីរ បាននិងកំពុងពិភាក្សាគ្នា។
គួរបញ្ជាក់ថា កាលពីវេលាម៉ោង ១១ព្រឹកថ្ងៃទី៤ ខែសីហា ឆ្នាំ២០២៥ កងកម្លាំងប្រដាប់អាវុធថៃ អមដោយគ្រឿងចក្រធន់ធ្ងន់ ដូចជា៖ គ្រឿងចក្រ កាយដី (អេស្កាវ៉ាទ័រ) បានចល័តចូលតំបន់អានសេះ ដែលជាដែនដីអធិបតេយ្យភាពកម្ពុជា ហើយថែមទាំងបានរាយបន្លាលួស ទោះបីត្រូវបានហាមឃាត់យ៉ាងខ្លាំងពីសំណាក់កងកម្លាំងរបស់កម្ពុជា យ៉ាងណាក៏ដោយ៕
ប្រភព ៖ អ្នកនាំពាក្យក្រសួងការពារជាតិ
