29/05/2025
ប្រភពពី The Nation Thailand news បានផ្សាយថា
នាយករដ្ឋមន្ត្រីថៃ លោកស្រី ផែថងថាន ស៊ីណាវ៉ាត្រ បានអះអាងថា នៅថ្ងៃទី ២៨ ខែឧសភា លោកស្រីបានទាក់ទងភ្លាមៗទៅកាន់ក្រសួងការពារជាតិថៃ និងបានទាក់ទងដើម្បីជជែកជាមួយសម្តេចធិបតី ហ៊ុន ម៉ាណែត អំពីហេតុការណ៍ផ្ទុះអាវុធដែលបានកើតឡើងនៅព្រំដែន នៅតំបន់មុំបី ដោយភាគីទាំងពីរបានយល់អំពីស្ថានការណ៍ និងកំពុងធ្វើការរួមគ្នាដើម្បីដោះស្រាយបញ្ហាឱ្យបានឆាប់។
លោកស្រីថែមទាំងបានបន្ថែមថា «យើងមិនចង់ឱ្យបញ្ហាកើនកម្ដៅបន្ថែមទៀតនោះទេ»។
ស្របពេលដែលបានអ្នកកាសែតសួរថា តើទំនាក់ទំនងរបស់អតីតនាយករដ្ឋមន្ត្រីថាក់ស៊ីន ស៊ីណាវ៉ាត្រ ជាមួយកម្ពុជា អាចជួយដោះស្រាយបញ្ហានេះឬយ៉ាងណានោះ? នាយករដ្ឋមន្ត្រីថៃ ផែថងថុន បានឆ្លើយតបថា “ទំនាក់ទំនងរបស់លោកស្រីជាមួយនាយករដ្ឋមន្ត្រីកម្ពុជាគឺ ល្អរួចទៅហើយ”។
