Ldj media

10/07/2025

សេចក្តីបំភ្លឺព័ត៌មាន ពាក់ព័ន្ធជាមួយនឹងករណីកាត់ឆ្វៀលដីឱ្យប្រជាពលរដ្ឋនៅតំបន់ភ្នំឱរ៉ាល់ខេត្តកំពង់ស្ពឺ

09/07/2025

ម្សិលមិញនេះ លោក ទ្រី ស៊ីថេង រំភើបចិត្ត ក្រោយទទួលបានកាដូដ៏ធំ១នេះ ពីប្អូនស្រីម្នាក់ ជាថៅកែហាងពេជ្រ ឡាហ្គោល (La Gold) បើកមើលស្រាប់តែឃើញ ចិញ្ចៀនពេជ្រមួយវង់ធំ​ និងទឹកប្រាក់ចំនួន​ $250 ទៀត ពិតជាមហាសំណាងណាស់..!♥️👏🇰🇭 From : ព័ត៌មានថ្មីទាន់ហេតុការណ៍
#ខ្មែរជួយខ្មែរ #ខ្មែរស្រឡាញ់ខ្មែរ

09/07/2025

កិច្ចប្រជុំសាមញ្ញលើទី១៤ អាណ្ណតិ្តទី៤ របស់ក្រុមប្រឹក្សាខេត្តកំពង់ស្ពឺ

នាព្រឹកថ្ងៃពុធ ១៤កើត ខែអាសាឍ ឆ្នាំម្សាញ់ សប្ដស័ក ព.ស.២៥៦៩ ត្រូវនឹងថ្ងៃទី៩ ខែកក្កដា ឆ្នាំ២០២៥ រដ្ឋបាលខេត្តកំពង់ស្ពឺ បានរៀបចំកិច្ចប្រជុំសាមញ្ញ លើកទី១៤ អាណត្តិទី៤ របស់ក្រុមប្រឹក្សាខេត្ត ក្រោមអធិបតីភាព ឯកឧត្តម យឹម សុខុម ប្រធានក្រុមប្រឹក្សាខេត្ត ឯកឧត្ដម កង វណ្ណារ៉ូ អភិបាលរង នៃគណៈអភិបាលខេត្ត និងមានការអញ្ជើញចូលរួមពី ឯកឧត្តម លោកជំទាវ សមាជិក សមាជិកា ក្រុមប្រឹក្សាខេត្ត ឯកឧត្តម អភិបាលរងខេត្ត លោកនាយករដ្ឋបាលស្ដីទីសាលាខេត្ត លោកប្រធានការិយាល័យប្រជាពលរដ្ឋ លោកនាយក លោកនាយករងទីចាត់ការ លោក លោកស្រីប្រធាន មន្ទីរ អង្គភាព ជុំវិញខេត្ត លោក លោកស្រីប្រធានអង្គភាពចំណុះរដ្ឋបាលសាលាខេត្ត លោកអភិបាលក្រុង និងស្រុក។

របៀបវារៈសំខាន់ៗនៃកិច្ចប្រជុំមាន ដូចខាងក្រោម

១.ពិនិត្យ និងអនុម័តសេចក្តីព្រាងកំណត់ហេតុនៃកិច្ចប្រជុំសាមញ្ញលើកទី១៣ របស់ក្រុមប្រឹក្សាខេត្ត

២.ពិនិត្យ និងអនុម័តរបាយការណ៍ស្ដីពីលទ្ធផលនៃការអនុវត្តការងារប្រចាំខែមិថុនា និងប្រចាំឆមាសទី១ ឆ្នាំ២០២៥ របស់រដ្ឋបាលខេត្ត

៣ ពិនិត្យ និងអនុម័តសេចក្ដីសម្រេចស្ដីពីការកែសម្រួលសមាសភាពគណៈកម្មាធិការលទ្ធកម្មរបស់រដ្ឋបាលខេត្តកំពង់ស្ពឺ

៤ ពិនិត្យ និងអនុម័តតារាងបែងចែកប្រាក់រង្វាន់លើកទឹកចិត្តសម្រាប់ឧបត្ថម្ភជូនមន្ត្រីរាជការ បុគ្គលិក នៃរដ្ឋបាលខេត្តសម្រាប់ខែមិថុនា ឆ្នាំ២០២៥

៥.បញ្ហាផ្សេងៗ

៦.មតិបូកសរុបបិកិច្ចប្រជុំ

09/07/2025

07/07/2025

#អបអរសាទរខួបលើកទី១៧ នៃការដាក់បញ្ចូលប្រាសាទព្រះវិហារ ក្នុងបញ្ជីបេតិកភណ្ឌពិភពលោក (៧ កក្កដា ២០០៨ - ៧ កក្កដា ២០២៥)🇰🇭

05/07/2025

សេចក្តីប្រកាសព័ត៌មាន ស្ដីពីការអនុញ្ញាតឱ្យនាំចេញផ្លែទុរេនស្រស់ពីកម្ពុជាទៅកាន់ប្រទេសចិន

04/07/2025

មន្ត្រីការិយាល័យនគរបាលចរាចរណ៍ផ្លូវគោក នៃស្នងការដ្ឋាននគរបាលរាជធានីភ្នំពេញ ចំនួន០៣នាក់ បំពេញភារកិច្ច ល្មើសបទវិន័យកងកម្លាំងនគរបាលជាតិកម្ពុជា ដែលឈរជើងគោលដៅអនុវត្តច្បាប់ចរាចរណ៍ផ្លូវគោក ស្ពានអាកាសចោមចៅ ខណ្ឌពោធិ៍សែនជ័យ ហើយត្រូវបានយកមកបញ្ឈរជើងមួយរយៈ ត្រូវបានក្រសួងមហាផ្ទៃ សម្រេចអនុវត្តវិន័យបណ្តេញចេញពីក្របខណ្ឌនគរបាលជាតិ។
សូមបញ្ជាក់ជូនសាធារណជនឲ្យបានជ្រាបថា ៖អនុវត្តតាមគោលការណ៍ដឹកនាំ បញ្ជា របស់ឯកឧត្តម ឧត្តមសេនីយ៍ឯក ជួន ណារិន្ទ អគ្គស្នងការរង និងជាស្នងការនគរបាលរាជធានីភ្នំពេញ រាល់មន្ត្រីនៃស្នងការដ្ឋាននគរបាលរាជធានីភ្នំពេញ ដែលបំពេញភារកិច្ច អនុវត្តការងារ គ្មានវិន័យ ខ្វះក្រមសីលធម៌ វិជ្ជាជីវៈនគរបាលជាតិ ដែលបានស្រាវជ្រាវរកឃើញពិតជាប្រព្រឹត្តល្មើសវិន័យនគរបាលជាតិ គឺស្នងការដ្ឋាននគរបាលរាជធានីភ្នំពេញមិនដែលទុកចោលនោះទេ ត្រូវអនុវត្តវិធានការតាមគោលការណ៍ច្បាប់របស់កងកម្លាំងនគរបាលជាតិ ជាក់ស្តែងស្នើសុំគោលការណ៍អគ្គស្នងការដ្ឋាននគរបាលជាតិ ក្រសួងមហាផ្ទៃ អនុវត្តវិន័យរបស់កងកម្លាំងនគរបាលជាតិជាបន្តបន្ទាប់មកហើយ ដោយអនុវត្តក្រោមរូបភាពកម្រិតកំហុសឆ្គងរួមមាន៖ការអប់រំនិងធ្វើកិច្ចសន្យា ,ការបញ្ឈរជើងផ្អាកការងារបណ្តោះអាសន្ន ,ការចេញលិខិតព្រមានលើកទី១ ,ការកាត់បន្ថយឋាន្តរស័ក្តិ ដកហូតមុខដំណែង ប្ញផ្ទេរភារកិច្ច និងការបណ្តេញចេញពីក្របខណ្ឌនគរបាលជាតិ៕

04/07/2025

រសៀលថ្ងៃសុក្រ ៩កើត ខែអាសាឍ ឆ្នាំម្សាញ់ សប្តស័ក ព.ស. ២៥៦៩ ត្រូវនឹងថ្ងៃទី ៤ ខែកក្កដា ឆ្នាំ ២០២៥ ពិធីបិទវគ្គបណ្តុះបណ្តាលជំនាញ៖ «ភាពជាអ្នកដឹកនាំ និងសិទ្ធិភាពនៃការគ្រប់គ្រង» រៀបចំដោយក្រសួងព័ត៌មាន ក្រោមអធិបតីភាព ឯកឧត្តម នេត្រ ភក្ត្រា រដ្ឋមន្ត្រីក្រសួងព័ត៌មាន។

លទ្ធផលសរុបវគ្គបណ្តុះបណ្តាល ដោយ ឯកឧត្តម សំបូរ វណ្ណារិទ្ធ អនុរដ្ឋលេខាធិការ និងជាប្រធានលេខាធិការដ្ឋាន ក.អ.ម. គឺក្នុងគោល៖
✅ បង្កើតសមត្ថភាពក្នុងការដឹកនាំ និងគ្រប់គ្រង
✅ បង្កើនជំនាញក្នុងការរៀបចំផែនការយុទ្ធសាស្ត្រ សកម្មភាព និងទំនាក់ទំនងសាធារណៈ
✅ លើកកម្ពស់វិជ្ជាជីវៈសារព័ត៌មាន និងប្រព័ន្ធផ្សព្វផ្សាយ។
ក្នុងនោះសិក្ខាកាម សរុប ១៤១នាក់ ស្រីចំនួន ៣៥នាក់ មកពី៖
• អគ្គនាយកដ្ឋានទាំង ៥
• នាយកដ្ឋានសវនកម្មផ្ទៃក្នុង
• អធិការដ្ឋាន
• អង្គភាពលទ្ធកម្ម និង App ក្រសួង
• មណ្ឌលបណ្តុះបណ្តាល
• មន្ទីរព័ត៌មានរាជធានី-ខេត្ត
• សមាគមទូរទស្សន៍
• សមាគមវិទ្យុ
• សមាគមអ្នកសារព័ត៌មាន
ដោយឡែកសិក្ខាកាមចំនួន ១៣៧នាក់ ទទួលបានវិញ្ញាបនបត្រ ដោយបង្ហាញពីភាពរឹងមាំនៃការចូលរួម និងការយកចិត្តទុកដាក់ខ្ពស់។ ឯកឧត្តម បន្តថាវគ្គនេះបានជម្រុញឱ្យសិក្ខាកាមយល់ច្បាស់ពីតួនាទីដឹកនាំ ការទទួលខុសត្រូវ និងការផ្តល់ព័ត៌មានដែលមានវិជ្ជាជីវៈ ដោយសិក្ខាកាមប្រើប្រាស់ចំណេះដឹង និងបទពិសោធន៍ថ្មីៗ ធ្វើជាឧបករណ៍ជំនួយដ៏មានសារៈសំខាន់ក្នុងការអភិវឌ្ឍស្ថាប័នឱ្យកាន់តែមានប្រសិទ្ធភាពបន្ថែមទៀត។

ក្នុងឱកាសនៃពិធីបិទ ឯកឧត្ដមរដ្ឋមន្ត្រី បានផ្តល់អនុសាសន៍ដ៏មានគុណតម្លៃដល់សិក្ខាកាម ក្នុងនាមជាអ្នកដឹកនាំ ត្រូវផ្ដោតលើ៖
🔸 គោលការណ៍ព្រហ្មវិហារធម៌
🔸 ទស្សពិតរាជធម៌
🔸 ច្បាប់មាស ៨ ប្រការ របស់ព្រះបាទជ័យវរ្ម័នទី៧
🔸 គោលការណ៍ ១១ ចំណុចស្ដីពីភាពជាអ្នកដឹកនាំក្នុងបរិបទមន្ត្រីរាជការ៕ #ក្រសួងព័ត៌មាន

ដោយ៖ សុភារ៉ា / រូបថតដោយ៖ រតនា
—————————————
👉🏻តំណlink google drive រូបថត សិក្ខាកាមទទួលវិញ្ញាបនត្រ ពីឯកឧត្តម រដ្ឋមន្ត្រី https://drive.google.com/drive/folders/1TrrQ7CS2DbZGPdvFiVbbQErLabYU_HBX

03/07/2025

លោកទ្រី ស៊ីថេង បញ្ជាក់ជំហរមិនត្រលប់ទៅធ្វើការជាមួយអង្គការវិញទេ តែសុំអនុញ្ញាតឯកឧត្តមរដ្ឋមន្ត្រី ដើម្បីអាចទៅលេងជាមួយឡាក់គី ក្នុងនាមជាសាច់ញាតិ

នាព្រឹកថ្ងៃទី៣ ខែកក្កដា ឆ្នាំ២០២៥ ឯកឧត្តម ឌិត ទីណា រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ បានជួបពិភាក្សាជាមួយលោក ទ្រី ស៊ីថេង ដែលជាហ្មថែទាំដំរី ឡាក់គី និងក្រុមហ្មដំរីទាំងអស់ដែលជាបុគ្គលិករបស់អង្គការ សម្ព័ន្ធមិត្តសត្វព្រៃ (Wildlife Alliance) ដោយមានការសម្របសម្រួលពីមន្ត្រីរដ្ឋបាលព្រៃឈើ។

ជំនួបនេះមានគោលបំណងសម្របសម្រួលឱ្យ លោក ទ្រី ស៊ីថេង អាចត្រឡប់ទៅធ្វើការជាមួយអង្គការសម្ព័ន្ធមិត្តសត្វព្រៃ ដើម្បីមើលថែឡាក់គីវិញ ក៏ដូចជាស្វែងយល់ពីលក្ខខណ្ឌការងាររបស់បុគ្គលិកអង្គការដែលនៅជួយមើលដំរីផងដែរ។

លោក ទ្រី ស៊ីថេង បានជម្រាបជូនឯកឧត្តមរដ្ឋមន្ត្រីអំពីសាវតានៃទំនាស់នៅកន្លែងការងារ ដែលជាហេតុនាំឱ្យលោកសម្រេចចិត្តលាឈប់។ លោកបានសម្តែងការសោកស្តាយយ៉ាងខ្លាំងចំពោះអនុស្សាវរីយ៍ការងារជាច្រើនឆ្នាំនៅភ្នំតាម៉ៅ ជាពិសេសការងារថែទាំដំរីឡាក់គី។ យ៉ាងណាមិញ លោកបានបដិសេធមិនវិលត្រឡប់ទៅធ្វើការនៅកន្លែងចាស់វិញទេ ដោយគ្រាន់តែស្នើសុំការអនុញ្ញាតឱ្យលោកអាចទៅលេង និងចំណាយពេលស្និទ្ធស្នាលជាមួយឡាក់គីម្ដងម្កាលប៉ុណ្ណោះ។

បន្ទាប់ពីបានស្តាប់ការរៀបរាប់របស់លោក ទ្រី ស៊ីថេង ឯកឧត្តមរដ្ឋមន្ត្រីបានសម្តែងការគាំទ្រ និងកោតសរសើរចំពោះការលះបង់ និងការយកចិត្តទុកដាក់របស់លោកក្នុងការថែរក្សាដំរីឡាក់គី តាំងពីតូចអស់រយៈពេលជាង ២៦ ឆ្នាំ។ ឯកឧត្តមរដ្ឋមន្ត្រីយល់ឃើញថា បញ្ហានេះមានភាពស្មុគស្មាញ និងស៊ីជម្រៅជាងអ្វីដែលមើលឃើញពីខាងក្រៅ។ ឯកឧត្តមរដ្ឋមន្ត្រីបានលើកឧទាហរណ៍ប្រៀបធៀបករណីនេះទៅនឹងប្តីប្រពន្ធដែលបានសម្រេចចិត្តលែងលះគ្នា ហើយកូនក៏ត្រូវឃ្លាតឆ្ងាយពីឪពុកឬម្តាយ។ ក្នុងនាមអាជ្ញាធរ យើងមិនអាចបង្ខំឱ្យប្តីប្រពន្ធទាំងពីរមកសម្របសម្រួលគ្នាវិញឡើយ គឺមានតែព្យាយាមផ្សះផ្សាតែប៉ុណ្ណោះ។

ចំពោះសំណើសុំការអនុញ្ញាតទៅលេងឡាក់គី ឯកឧត្តមរដ្ឋមន្ត្រី បានគាំទ្រនិងលើកទឹកចិត្តឱ្យលោកទ្រី សុីថេង ទៅមកភ្ជាប់មនោសញ្ចេតនាជាមួយឡាក់គី ដូចឪពុកនិងកូន។

ក្រៅពីនេះ ឯកឧត្តមរដ្ឋមន្ត្រីក៏បានសាកសួរទៅហ្មដំរីផ្សេងៗទៀតដែលជាបុគ្គលិកអង្គការ អំពីលក្ខខណ្ឌការងារផងដែរ។ ឯកឧត្តមរដ្ឋមន្ត្រីបានសន្យាថា នឹងនាំយកសំណើសំណូមពររបស់លោក ទ្រី សុីថេង និងបុគ្គលិកដទៃទៀត ទៅពិភាក្សាជាមួយតំណាងអង្គការសម្ព័ន្ធមិត្តសត្វព្រៃ នៅថ្ងៃច័ន្ទសប្តាហ៍ក្រោយ។

មុននឹងបញ្ចប់ ដោយយល់ឃើញថា លោក ទ្រី ស៊ីថេង មានចិត្តស្រលាញ់ការងារថែរក្សាសត្វព្រៃ ឯកឧត្តមរដ្ឋមន្ត្រីក៏បានផ្ដាំផ្ញើថា ក្រសួងនឹងជួយគាំទ្រដល់ការងារថ្មីរបស់លោក ជាពិសេសការងារដែលទាក់ទងនឹងអភិរក្សសត្វទន្សោង នៅតំបន់ប្រាំបីមុំ ខេត្តកំពង់ស្ពឺដែលជាបំណងប្រាថ្នារបស់លោកផ្ទាល់៕
From: ក្រសួងកសិកម្ម

03/07/2025

ពួកគាត់ទាំងអស់នេះហើយ ជាវីរៈបុរសការពារព្រៃឈើ និងសត្វព្រៃ គឺហ៊ានលះបង់ គ្រប់បែបយ៉ាងទាំងកម្លាំងកាយ កម្លាំងចិត្ត អស់រយៈពេលច្រើនឆ្នាំកន្លងមកនេះ បានជួបនឹងព្យុះភ្លៀង ការលំបាកនានា ទើបបានមានថ្ងៃនេះ !។
ដូច្នេះ មានតែបងប្អូនមហាជនទេដែលអាចជួយផ្ដល់កម្លាំងចិត្តឲ្យពួកគាត់បន្តទៅមុខទៀត..🙏🙏🌳🌳💚💚🇰🇭🇰🇭