KPT Plus

KPT Plus សិល្បៈ កម្សាន្ត សុខភាព និងព័ត៌មានប្លែកៗ មាននៅទីនេះ...!

Vivian Hsu ទម្លាយរឿងរ៉ាវកម្សត់ ធ្លាប់រើផ្ទះជាង ៦០ ដងក្នុងមួយជីវិត 🥹តារាស្រីតៃវ៉ាន់ កញ្ញា Vivian Hsu បានទម្លាយថា កាលនៅពីក...
27/05/2026

Vivian Hsu ទម្លាយរឿងរ៉ាវកម្សត់ ធ្លាប់រើផ្ទះជាង ៦០ ដងក្នុងមួយជីវិត 🥹

តារាស្រីតៃវ៉ាន់ កញ្ញា Vivian Hsu បានទម្លាយថា កាលនៅពីក្មេងធ្លាប់លំបាកដោយសារឪពុកម្តាយលែងលះគ្នា ធ្វើឱ្យនាងត្រូវរើផ្ទះច្រើនជាង ៦០ ដង និងប្តូរសាលាបឋមសិក្សារហូតដល់ ៥ ដង។ នាងត្រូវបង្ខំចិត្តធ្វើជាអ្នករកចំណូលចម្បងទ្រទ្រង់គ្រួសារតាំងពីអាយុ ១៤ ឆ្នាំ។ មូលហេតុដែលនាងចូលរួមប្រកួតកម្មវិធីតារាដំបូង គឺគ្រាន់តែចង់បានរង្វាន់លេខ ១ ជាម៉ូតូមួយគ្រឿងប៉ុណ្ណោះ។

ក្រោយមកនាងត្រូវបានក្រុមហ៊ុនជប៉ុនអញ្ជើញឱ្យទៅធ្វើការទាំងមិនចេះភាសាជប៉ុន និងត្រូវបានចាត់ចែងឱ្យបញ្ចេញអាល់ប៊ុមនៅកូរ៉េថែមទៀត។ អំឡុងពេលដ៏ឯកោនៅបរទេស រឿងតែមួយគត់ដែលធ្វើឱ្យនាងយំ គឺនាងនឹកផ្ទះ មិនមែនព្រោះហត់នឿយនឹងការងារឡើយ។

យ៉ាងណា ការខំប្រឹងធ្វើការងារឱ្យរវល់ជាប្រចាំបានធ្វើឱ្យនាងមានអារម្មណ៍សុវត្ថិភាព ។ ទីបំផុត ការតស៊ូព្យាយាមបានហុចផលឱ្យនាងអាចទិញផ្ទះដំបូងបង្អស់បាននៅវ័យទើបតែ ២១ ឆ្នាំ និងក្លាយជាសសរទ្រូងដ៏រឹងមាំសម្រាប់គ្រួសាររហូតមក៕
---------------
By: Visal
©KPT Plus

មុខកាមេរ៉ាជាតារាល្បី ចុះពីក្រោយវិញ? តួនាង ហាន់ ជីអ៊ុន ប្រាប់ពីជីវិតក្រោយឆាកថា តារានៅសុីងហ្គលធ្វើអីខ្លះរាល់ថ្ងៃ 🥹ក្រោយពីក...
26/05/2026

មុខកាមេរ៉ាជាតារាល្បី ចុះពីក្រោយវិញ? តួនាង ហាន់ ជីអ៊ុន ប្រាប់ពីជីវិតក្រោយឆាកថា តារានៅសុីងហ្គលធ្វើអីខ្លះរាល់ថ្ងៃ 🥹

ក្រោយពីក្លាយជានារីនៅទំនេរផ្លូវការអស់រយៈពេលជាច្រើនឆ្នាំមក Song HyeKyo ដែលទស្សនិកជនជាច្រើនស្គាល់តាមរយៈរឿងល្បីៗជាច្រើនដូចជា បំណុលផ្ទះ ជំពាក់ស្នេហ៍ និងម្ចាស់ព្រះអាទិត្យ ជាដើមនោះ បានប្រាប់ថា ជីវិតខ្លួនមួយថ្ងៃៗ ពេលមិននៅមុខកាមេរ៉ា គឺសាមញ្ញដូចតែមនុស្សទូទៅដែរទេ។

ក្នុងបទសម្ភាសជាមួយទស្សនាវដ្តី Vogue នាងប្រាប់ថា «ខ្ញុំភាគច្រើនដេកផ្ទះ ធ្វើការងារផ្ទះ បណ្តើរឆ្កែចេញក្រៅ មើលកុន មើលដ្រាម៉ាណាដែលមិនធ្លាប់មើលពីមុនមក។ បើប្រៀបធៀបជាមួយពីមុន ខ្ញុំឥលូវមិនសូវដើរលេងកម្សាន្តច្រើនទេ។ តាំងពីចិញ្ចឹមឆ្កែមក ខ្ញុំអត់ចង់ទុកវាចោលនៅផ្ទះតែឯងទេ ដូច្នេះហើយបានខ្ញុំដើរលេងតិចជាងមុន។ ខ្ញុំក៏មិនមែនជាមនុស្សទំរើសដែរ ខ្ញុំតឹងរឹងជាមួយខ្លួនឯងណាស់ ហើយគិតនេះគិតនោះ និយាយទៅឆ្លុះបញ្ចាំងពីខ្លួនឯងបែបណាៗ!»
---------------
By: Admin Jelly
©KPT Plus

26/05/2026

អាយុមិនមែនជាឧបសគ្គ! អតីតប្តី អេនជេលីណា ចូលី បណ្តើរសង្សារអាយុក្មេងជាងខ្លួនជិត ៣ជួរ យ៉ាងរំភើយ! 😬

ខ្លឹមទាំងបងទាំងប្អូន! ប្អូនស្រីបង្កើតមេក្រុម Twice ត្រៀមចេញមុខក្នុងក្រុមនារីថ្មីក្រោមផលិតកម្មបុត្រសម្ព័ន្ធ Hybe Labels ✨...
26/05/2026

ខ្លឹមទាំងបងទាំងប្អូន! ប្អូនស្រីបង្កើតមេក្រុម Twice ត្រៀមចេញមុខក្នុងក្រុមនារីថ្មីក្រោមផលិតកម្មបុត្រសម្ព័ន្ធ Hybe Labels ✨

មិនឱ្យចាញ់បងស្រីទេ ពេលនេះប្អូនស្រីពៅរបស់ Jihyo មេក្រុមរបស់ Twice នឹងប្រឡូកចូលវិស័យតន្រ្តីខេផប់ស្ថិតនៅផលិតកម្ម ABD ក្រោមទ្រនំយក្ស Hybe នាពេលឆាប់ៗនេះ។ នាងមានឈ្មោះថា Park Seo Yeon គឺជាតារាម៉ូឌែលវ័យក្មេងម្នាក់ តែពេលនេះដើរតាមគន្លងបងស្រីធ្វើជាតារាហើយ។

ព័ត៌មានផ្ទាល់ខ្លួនរបស់នាងមិនទាន់ត្រូវបានបញ្ចេញច្រើននៅឡើយទេ ប៉ុន្តែអ្នកគាំទ្រកំពុងមានការព្រួយបារម្ភថា នៅពេលដែលប្អូនស្រីចូលសិល្បៈឬស្ថិតនៅក្នុងក្រុមណាមួយនោះ ច្បាស់ជាត្រូវមកប្រៀបធៀបសមត្ថភាពជាមួយបងស្រីហើយ។
---------------
By: Admin Jelly
©KPT Plus

ចលនាលើកស្ទួយវប្បធម៌ខ្មែរ កាន់តែផុសផុល តាមរយៈឈុតស្បៃ មកុដ និងទស្សីយភាពសិល្បៈបុរាណ 🇰🇭🇰🇭ការបង្ហាញវត្តមានឈុតស្បៃបុរាណខ្មែរតា...
26/05/2026

ចលនាលើកស្ទួយវប្បធម៌ខ្មែរ កាន់តែផុសផុល តាមរយៈឈុតស្បៃ មកុដ និងទស្សីយភាពសិល្បៈបុរាណ 🇰🇭🇰🇭

ការបង្ហាញវត្តមានឈុតស្បៃបុរាណខ្មែរតាមតំបន់នានា របស់ក្រុមសិល្បករសិល្បការិនី ព្រមទាំងស្នាដៃច្នៃដំឡើងមកុដបុរាណជាបន្តបន្ទាប់ របស់ក្រុមអ្នកជំនាញផ្នែកច្នៃដំឡើងសម្លៀកបំពាក់ និងមកុដអប្សរាខ្មែរ បានធ្វើឱ្យសាធារណជនមើលឃើញកាន់តែច្បាស់ថា នេះជាចលនាដ៏មានសារៈសំខាន់មួយ ក្នុងការលើកស្ទួយ និងថែរក្សាអត្តសញ្ញាណវប្បធម៌ជាតិខ្មែរ។

តាមរយៈសកម្មភាពផ្សព្វផ្សាយយ៉ាងផុសផុលនាពេលថ្មីៗនេះ សង្កេតឃើញថា ទាំងអ្នកជំនាញផ្នែកវប្បធម៌ សិល្បករ អ្នកច្នៃម៉ូដ អ្នកផលិតមាតិកា រហូតដល់សាធារណជនទូទៅ សុទ្ធតែបានចូលរួមតាមលទ្ធភាព និងជំនាញរៀងៗខ្លួន ក្នុងការផ្សព្វផ្សាយតម្លៃអត្តសញ្ញាណខ្មែរ ឱ្យកាន់តែទូលំទូលាយទាំងក្នុង និងក្រៅប្រទេស។

ក្នុងចំណោមនោះ ក្រុមសិល្បករសិល្បការិនី និងអ្នកមានឥទ្ធិពលលើបណ្តាញសង្គម បានដើរតួនាទីយ៉ាងសកម្ម ក្នុងការនាំយកឈុតស្បៃខ្មែរ និងសម្លៀកបំពាក់បុរាណ ទៅបង្ហាញតាមតំបន់ទេសចរណ៍ និងកម្មវិធីវប្បធម៌នានា។ តួយ៉ាង ក្រុមបវរកញ្ញាកម្ពុជា នាដការីរបាំ ក៏ដូចជា អ្នកអង្គម្ចាស់ក្សត្រិយ៍ នរោត្តម ចេណ្ណា ត្រូវបានមហាជនកត់សម្គាល់ថា មានសកម្មភាពលេចធ្លោខ្លាំង ក្នុងការផ្សព្វផ្សាយតម្លៃវប្បធម៌ជាតិ តាមរយៈការស្លៀកឈុតស្បៃខ្មែរ និងការចូលរួមក្នុងព្រឹត្តិការណ៍សិល្បៈវប្បធម៌ជាច្រើន។

ដោយឡែក អ្នកជំនាញផ្នែកសម្លៀកបំពាក់ និងគ្រឿងលម្អបុរាណខ្មែរ ក៏កំពុងប្រឹងប្រែងយ៉ាងផ្ចិតផ្ចង់ ក្នុងការស្រាវជ្រាវ និងច្នៃដំឡើងស្នាដៃថ្មីៗ ដើម្បីបន្តដង្ហើមសិល្បៈបុរាណឱ្យរស់រវើកក្នុងសង្គមសម័យទំនើប។ ជាក់ស្តែង ក្រុមអ្នកជំនាញផ្នែកច្នៃដំឡើងមកុដអប្សរាខ្មែរ «ភួងមាល័យ បាយសីខ្មែរ» បានបន្តបង្ហាញស្នាដៃជាបន្តបន្ទាប់ និងទើបតែបង្ហាញ «មកុដអប្សរឧត្តរទិសា» ដែលជាស្នាដៃដកស្រង់ចេញពីទម្រង់ចម្លាក់អប្សរ នៃប្រាសាទអង្គរ។ ស្នាដៃនេះ មិនត្រឹមតែបង្ហាញពីភាពល្អវិចិត្រនៃសិល្បៈច្នៃដំឡើងប៉ុណ្ណោះទេ ប៉ុន្តែថែមទាំងឆ្លុះបញ្ចាំងពីការគោរព និងអភិរក្សតម្លៃសិល្បៈបុរាណខ្មែរយ៉ាងជ្រាលជ្រៅផងដែរ។

មិនតែប៉ុណ្ណោះ សិល្បករផ្នែកសិល្បៈបុរាណ ក៏បានចូលរួមលើកតម្កើងវប្បធម៌ជាតិយ៉ាងសកម្ម តាមរយៈរបាំបុរាណ ទម្រង់ល្ខោន និងទស្សនីយភាពសិល្បៈប្រពៃណីផ្សេងៗ នៅក្នុងកម្មវិធីវប្បធម៌ ព្រឹត្តិការណ៍ជាតិ និងអន្តរជាតិ ដែលធ្វើឱ្យអត្តសញ្ញាណវប្បធម៌ជាតិ កាន់តែទាក់ទាញការចាប់អារម្មណ៍ពីមហាជន។

ជាមួយគ្នានេះ សាធារណជនក៏បានចូលរួមយ៉ាងផុសផុលផងដែរ តាមរយៈការចែករំលែករូបភាព វីដេអូ និងព័ត៌មានពាក់ព័ន្ធនៅលើបណ្តាញសង្គម ដើម្បីជួយផ្សព្វផ្សាយតម្លៃអត្តសញ្ញាណវប្បធម៌ខ្មែរ ឱ្យកាន់តែទូលំទូលាយទៅកាន់មជ្ឈដ្ឋានអន្តរជាតិ។

សកម្មភាពទាំងនេះ ត្រូវបានមើលឃើញថា មិនមែនជាការផ្សព្វផ្សាយវប្បធម៌ធម្មតាប៉ុណ្ណោះទេ ប៉ុន្តែជាចលនារួមមួយ ដែលកំពុងជួយបន្តដង្ហើមកេរដំណែលដ៏មានតម្លៃរបស់ដូនតាខ្មែរ ឱ្យបន្តរស់រវើក និងស្ថិតស្ថេរនៅក្នុងបេះដូងកូនខ្មែរជំនាន់ក្រោយ៕
---------------
By: Sotheavy
©KPT Plus

តារាសម្ដែងហុងកុង Owen Cheung បង្ហោះសារអរគុណមកកាន់កម្ពុជា 😘👏តារាសម្ដែងហុងកុង លោក Owen Cheung ប៉ុន្មានថ្ងៃនេះទទួលបានការចាប...
26/05/2026

តារាសម្ដែងហុងកុង Owen Cheung បង្ហោះសារអរគុណមកកាន់កម្ពុជា 😘👏

តារាសម្ដែងហុងកុង លោក Owen Cheung ប៉ុន្មានថ្ងៃនេះទទួលបានការចាប់អារម្មណ៍ខ្លាំងពីសំណាក់អ្នកគាំទ្រនៅកម្ពុជា ខណៈលោកបានបង្ហាញវត្តមាននៅកម្ពុជាផ្ទាល់ជាមួយដៃគូរបស់លោកគឺ កញ្ញា Tiffany Lau ។

គេឃើញមានអ្នកគាំទ្រជាច្រើនបានទៅទទួលស្វាគមន៍អ្នកទាំងពីរនៅឯព្រលានយន្តហោះអន្តរជាតិ ហើយអ្នកគាំទ្រទាំងនោះបានបង្ហាញអារម្មណ៍រំភើបរីករាយ រួមជាមួយនឹងការថតរូបអនុស្សាវរីយ៍ផងដែរ។ អ្វីដែលធ្វើឱ្យអ្នកគាំទ្ររំភើបទៀតនោះ លោក Owen Cheung បានង្ហោះរូបភាពភ្ជាប់សំណេរនៅលើបណ្ដាញសង្គម ដោយបានអរគុណមកកាន់កម្ពុជា ហើយសង្ឃឹមថានឹងបានមកជួបគ្នាម្ដងទៀតនៅពេលឆាប់ៗខាងមុខ៕
---------------
By: Visal
©KPT Plus

លោក Patrick Tse ត្រូវអតីតមិត្តស្រីទម្លាយថា សុខចិត្តលក់ឡាន Rolls-Royce ដើម្បីនាង 😟តារាម៉ូដែល កញ្ញា Coco Ma បានទម្លាយរឿងរ៉...
26/05/2026

លោក Patrick Tse ត្រូវអតីតមិត្តស្រីទម្លាយថា សុខចិត្តលក់ឡាន Rolls-Royce ដើម្បីនាង 😟

តារាម៉ូដែល កញ្ញា Coco Ma បានទម្លាយរឿងរ៉ាវអតីតកាលជាមួយតារាសម្ដែងហុងកុងជើងចាស់ លោក Patrick Tse ដែលបានទាក់ទងគ្នាចាប់ពីឆ្នាំ ២០០៥ ដល់ ២០១៨ តាំងពីនាងអាយុ ២០ ឆ្នាំ។ នាងបញ្ជាក់ថា នាងស្រឡាញ់លោក Patrick Tse ព្រោះមន្តស្នេហ៍ មិនមែនព្រោះទ្រព្យសម្បត្តិឡើយ។

កញ្ញា Coco Ma បានទម្លាយទៀតថា អំឡុងពេលទាក់ទងគ្នានាងបានធ្លាក់ខ្លួនជំពាក់បំណុលគេវក់វីដោយសារការវិនិយោគបរាជ័យ។ កាលណោះ លោក Patrick Tse បានជួយសង្គ្រោះនាងដោយសុខចិត្តលក់រថយន្តលំដាប់អភិជន Rolls-Royce ដែលជាកាដូថ្ងៃបុណ្យឪពុកពីកូនប្រុសរបស់លោក ហើយប្រគល់លុយទាំងអស់ឱ្យនាងសងបំណុល។

ក្រៅពីជួយសងបំណុល លោក Patrick តែងតែទិញដុំមាសទុកក្នុងទូដែកធនាគារឱ្យនាងជារៀងរាល់ឆ្នាំ និងទិញអចលនទ្រព្យនៅស៊ាងហៃឱ្យនាងវិនិយោគ ដោយលោកប្រាប់នាងថា «ពេលអូនគ្មានលុយជាប់ខ្លួន អូនអាចយកមាសទាំងនេះទៅដូរជាសាច់ប្រាក់បាន»។ ជាងនេះទៅទៀត ក្រោយចែកផ្លូវគ្នា កញ្ញា Coco Ma ក៏ត្រូវលេចឮថាទទួលបានលុយឧបត្ថម្ភប្រហែល ២.៦ លានដុល្លារអាមេរិក ផងដែរ។

យ៉ាងណា មកដល់ពេលបច្ចុប្បន្ននេះ កញ្ញា Coco Ma មានអាជីវកម្មផ្ទាល់ខ្លួន និងរស់នៅឯកជនយ៉ាងសុខស្រួល។ នាងបានសង្កត់ធ្ងន់ថា នាងមិនដែលស្តាយក្រោយចំពោះស្នេហា ១៣ ឆ្នាំនេះទេ ព្រោះលោក Patrick មិនត្រឹមតែជាអ្នកមានគុណ តែជាមនុស្សដែលស្រឡាញ់ថែរក្សានាងដូចគ្រួសារបង្កើត៕
---------------
By: Visal
©KPT Plus

តារាចម្រៀង ខេមរៈ សិរីមន្ត រំភើបក្រោយជួយ អាន វិសាល ឱ្យងើបឡើងបន្តិចវិញ 👏ដូចដែលបានប្រកាសកាលពីប៉ុន្មានថ្ងៃមុនថានឹងជួយស្រោចស្...
26/05/2026

តារាចម្រៀង ខេមរៈ សិរីមន្ត រំភើបក្រោយជួយ អាន វិសាល ឱ្យងើបឡើងបន្តិចវិញ 👏

ដូចដែលបានប្រកាសកាលពីប៉ុន្មានថ្ងៃមុនថានឹងជួយស្រោចស្រង់ បន្ទាប់ពីទទួលដំណឹង លោក អាន វិសាល កាន់តែរួមរឹតដោយជំងឺ ព្រមទាំងខ្វះខាតលទ្ធភាពព្យាបាលបន្ត ពេលនេះតារាចម្រៀង ខេមរៈ សិរីមន្ត បានបញ្ចេញបទច្រៀងថ្មីរួមគ្នាហើយ និងបានច្រៀងផ្ទាល់រួមគ្នានៅលើឆាកតន្ត្រីផងទៀតផង។

តារាចម្រៀង ខេមរៈ សិរីមន្ត បានបង្ហាញអារម្មណ៍រំភើបរីករាយ ដោយបានរួមចំណែកជួយផ្ដល់ឱកាសឱ្យ លោក អាន វិសាល វិលត្រឡប់មកកាន់សិល្បៈសារជាថ្មីនាពេលនេះ ហើយលោកសង្ឃឹមមហាជននឹងគាំទ្រ លោក អាន វិសាល ម្ដងទៀត ដូចជាការជួយគ្នាក្នុងគ្រាលំបាកដែរ៕

👉វីដេអូ៖ https://t.me/kptplus/5958
---------------
By: Visal
©KPT Plus

លី លានជា បដិសេធរឿងវះកាត់ប្តូរបេះដូងព្រះសង្ឃសៅលីញ ❌ដោយសារតែមួយរយៈពេលចុងក្រោយនេះ មើលទៅមានសុខភាពល្អ និងក្មេងជាងវ័យ ធ្វើឱ្យម...
26/05/2026

លី លានជា បដិសេធរឿងវះកាត់ប្តូរបេះដូងព្រះសង្ឃសៅលីញ ❌

ដោយសារតែមួយរយៈពេលចុងក្រោយនេះ មើលទៅមានសុខភាពល្អ និងក្មេងជាងវ័យ ធ្វើឱ្យមានការប្រឌិតព័ត៌មានមិនពិតនៅលើអ៊ីនធឺណិតថា លោក Jet Li ឬ លី លានជា បានវះកាត់ប្តូរយកបេះដូងរបស់ព្រះសង្ឃវ័យក្មេងសៅលីញដ៏ល្បីម្នាក់ឈ្មោះ Qiu Feng ដែលបានស្លាប់ក្នុងគ្រោះថ្នាក់ចរាចរណ៍កាលពីឆ្នាំមុនដើម្បីបន្តអាយុជីវិត។

កំពូលតារាសម្ដែងក្បាច់គុនវ័យ ៦៣ ឆ្នាំរូបនេះ បានសម្តែងការខឹងសម្បារយ៉ាងខ្លាំង ព្រោះការប្រឌិតបែបនេះ នឹងបង្កការឈឺចាប់ទ្វេរដងដល់ក្រុមគ្រួសារសព។ លោកបានលើកឡើងថា ក្នុងអំឡុងពេលដែលព្រះសង្ឃរូបនោះជួបគ្រោះថ្នាក់ លោកកំពុងតែស្ថិតនៅកន្លែងថតកុនក្នុងខេត្តស៊ីនជាំង ដាច់យប់ ១០ ថ្ងៃជាប់គ្នា ដោយមានទាំងរូបថត និងវីដេអូជាភស្តុតាងជួយបញ្ជាក់ មិនមែនដេកពេទ្យវះកាត់ដូចគេចោទឡើយ។

ក្រៅពីបដិសេធរឿងប្តូរបេះដូង និងរឿងចាក់កោសិកាដើមឱ្យក្មេងជាងវ័យ លោក Jet Li បានអំពាវនាវឱ្យមហាជនមានការពិចារណាវែងឆ្ងាយពេលមើលព័ត៌មានតាមអ៊ីនធឺណិត។ លោកបានបញ្ជាក់ថា ជីវិតមនុស្សតែងតែមាន កើត ចាស់ ឈឺ ស្លាប់ លោកបានកាត់ចិត្តយល់ធ្លុះយូរហើយ មិនបាច់ស្រមៃចង់ប្តូរគ្រឿងបន្លាស់រាងកាយឡើយ គឺត្រូវរស់នៅតាមច្បាប់ធម្មជាតិ៕
---------------
By: Visal
©KPT Plus

មិត្តភាពអមៈតៈ ✨Shinee Key ឱ្យកាដូខ្សែកប្រ៊ែនៗទៅសមាជិកគ្រប់គ្នា ក៏មិនភ្លេចសមាជិកដែលស្លាប់ទៅហើយ គឺ Jonghyun គួរឱ្យអួលដើម ក...
25/05/2026

មិត្តភាពអមៈតៈ ✨Shinee Key ឱ្យកាដូខ្សែកប្រ៊ែនៗទៅសមាជិកគ្រប់គ្នា ក៏មិនភ្លេចសមាជិកដែលស្លាប់ទៅហើយ គឺ Jonghyun

គួរឱ្យអួលដើម ក ណាស់! ក្នុងឱកាសអបអរខួប ១៨ឆ្នាំ នៃការបង្កើតក្រុម Shinee, Key បានទិញខ្សែក ម៉ាក Bvlgari ឱ្យសមាជិកម្នាក់មួយៗ ដើម្បីឱ្យបានពាក់ដូចគ្នា។ មិនមែនទិញ ៤ខ្សែទេ គឺទិញដល់ទៅ ៥ខ្សែ ទាំងខ្លួនឯងផង សមាជិកបច្ចុប្បន្នផង និងអតីតសមាជិកដែលបានលាចាកលោកទៀត។ លក្ខណៈពិសេសនៃខ្សែកនេះ គឺមិនមែនមានតម្លៃថ្លៃតែមួយមុខទេ តែបង្កប់នូវអត្ថន័យ និងគុណតម្លៃខ្លាំង គឺថាថវិកាដែលលក់ខ្សែកនោះគឺនឹងយកទៅជួយដល់កុមារក្រខ្សត់ មានតម្រូវការ។

បើតាមការស្រាវជ្រាវតម្លៃ ខ្សែកនេះមានតម្លៃប្រមាណ ៨៥០ដុល្លារ ដូច្នេះ ៥ខ្សែក គឺជិត ៥០០០ដុល្លារបាត់ទៅហើយ។ នេះបង្ហាញពីទឹកចិត្តស្រលាញ់ចំពោះសមាជិក ក៏ដូចជាមិត្តភាពយូរអង្វែងរបស់ក្រុមនេះ។ ខ្សែកថ្លៃឬថោកមិនសំខាន់ អ្វីដែលសំខាន់គឺអត្ថន័យរបស់វា។
---------------
By: Admin Jelly
©KPT Plus

ផ្អាកឡើងទូរទស្សន៍រាប់ឆ្នាំ! ពេលនេះ អតីតសមាជិកក្រុម Girls'Generation ចេញមុខវិញហើយ ចុះអនាគតអាចជុំគ្នា ៩នាក់វិញទេ? 🥹Jessica...
25/05/2026

ផ្អាកឡើងទូរទស្សន៍រាប់ឆ្នាំ! ពេលនេះ អតីតសមាជិកក្រុម Girls'Generation ចេញមុខវិញហើយ ចុះអនាគតអាចជុំគ្នា ៩នាក់វិញទេ? 🥹

Jessica ធ្វើឱ្យអ្នកគាំទ្រភ្ញាក់ផ្អើលច្រើនលើកច្រើនសារមកហើយ ជាពិសេសហ្វេនៗចម្លែកចិត្តណាស់ ដោយសារ ២០២៦នេះ នាងចេញមុខចេញមាត់ច្រើនពាក់ព័ន្ធនឹងក្រុម។ ជាក់ស្តែង កាលពីខនសើតផ្ទាល់ខ្លួនប៉ុន្មានខែមុន នាងហ៊ានច្រៀងចម្រៀងក្រុម ទាំងដែលមិនធ្លាប់ច្រៀងសូម្បីតែម្តង តាំងពីចេញពីក្រុមឆ្នាំ ២០១៤មក។ ហើយកាន់តែពិសេស គឺនាងមានមុខឡើងប៉ុស្តិ៍ទូរទស្សន៍កូរ៉េឡើងវិញ និងមានមុខក្នុងកម្មវិធីដ៏ធំ Saturday Night Live វិញទៀត។

សកម្មភាពទាំងអស់នេះចោទជាសំណួរ និងធ្វើឱ្យគ្រប់គ្នាសង្ស័យថា តើក្នុងថ្ងៃអនាគត ជេសុីកា អាចនឹងវិលត្រឡប់មកជុំគ្នាជាមួយ Girls'Generation វិញដែរឬទេ? សមាជិកដែលនៅក្នុងក្រុមដទៃបានបញ្ជាក់ច្បាស់ៗថា ឆ្នាំ ២០២៧ ពួកគេនឹងចេញចម្រៀងថ្មីក្នុងឱកាសអបអរខួប ២០ឆ្នាំ នៃការបង្កើតក្រុម។ បើសិនជា ជេសុីកា មានវត្តមានមែន ច្បាស់ជាផ្ទុះផ្អើលពិភព K-Pop ជាក់ជាមិនខាន! វានឹងក្លាយជាអភិនីហារ ១០០%។
---------------
By: Admin Jelly
©KPT Plus

Address

#03, Street 134, Sangkat Mittapheap, Khan 7 Makara
Phnom Penh
12250

Telephone

+855885518333

Website

Alerts

Be the first to know and let us send you an email when KPT Plus posts news and promotions. Your email address will not be used for any other purpose, and you can unsubscribe at any time.

Shortcuts

Share

Category