https://www.kampucheathmey.com/category/kpt-plus/

KPT Plus, #03, St. 134, Sangkat Mittapheap, Khan 7 Makara, Phnom Penh, Cambodia, Phnom Penh (2026)

27/08/2026

ភ័យឡើងយំ! ហ្វេននាំគ្នាអាណិតកូនជប៉ុន Anna សមាជិកក្រុម Meovv រាំសុខៗវិះលេចដើមទ្រូងកណ្តាលឆាក 😢

🎥: https://t.me/kptplus/6195

ហេតុតែជាតារាស្រី រឿងគួរឱ្យភ័យខ្លាចបំផុតគឺមានបញ្ហាបច្ចេកទេសសម្លៀកបំពាក់ នៅពេលសម្តែងលើឆាកតន្រ្តី ដោយសារកែវភ្នែករាប់លានចាំមើលចាំចាប់កំហុស។ ជាក់ស្តែងវីដេអូដែលច្រៀងចប់ភ្លាម នាងក៏រត់ទៅក្រោយឆាក មកវិញយំនោះ គឺបង្ករជាចម្ងល់ខ្លាំងថា មានរឿងអ្វី តែពេលនេះបានដឹងចម្លើយហើយ ដោយសារភ័យព្រួយរឿងនេះឯង។

វីដេអូនេះ គឺផ្ទុះខ្លាំងមែនទែន ដែលបង្ហាញឱ្យឃើញពីពេលនាងកំពុងរាំលើកដៃស្រាប់តែដើមទ្រូងធ្លាក់ចុះមកឡើងនាងស្ទុះយកដៃខ្ទប់ភ្លាមៗ។ នោះគឺស្ថិតក្នុងការសម្តែងជាមួយក្រុមអំឡុងកម្មវិធីប្រគល់ពាន់រង្វាន់ TIMA នៅកោះតៃវ៉ាន់។ ជាតារាថ្មីផង មិនគួរណាជួបរឿងបែបនេះសោះ!
---------------
By: Admin Jelly
©KPT Plus

27/08/2026

ប្តីល្អ! តួ សុងជូ ក្នុងរឿង ឯណាទៅឋានសួគ៌ សុខចិត្តជិះយន្តហោះទៅមកៗពីអាមេរិកមកកូរ៉េធ្វើការចិញ្ចឹមប្រពន្ធកូន🥰

27/08/2026

តើបុរសនិងស្ត្រីមានប្រជ្រុយរងទឹកភ្នែក មានជោគជតាខុសគ្នាបែបណា?🧐

បើតាមការស្រាវជ្រាវស្វែងរកក្នុងតម្រាមើលប្រជ្រុយរបស់បុរាណមួយ បានចែងច្បាស់ក្នុងអត្ថន័យប្រជ្រុយខាងលើនេះ ដែលបានកើតឡើងទៅលើបុរសឬស្រ្តីបានទស្សន៍ទាយថា ចំពោះបុរសដែលមានប្រជ្រុយរងទឹកភ្នែកក្នុងតម្រាបានទស្សន៍ទាយថា ជាគ្រឿងបញ្ជាក់ឱ្យដឹងថា បុរសនោះជាអ្នកចូលចិត្តស្ងប់ ចូលចិត្តការពិតយុត្តិធម៌។ ជាមនុស្សស្ទាក់ស្ទើរ ជាមនុស្សមិនសូវជឿលើមនុស្សងាយៗមានសតិបញ្ញា និងការគិតជាកណ្តាលមិនសូវជឿលើគំនិត ដែលខ្លួនឯងគិតច្រើនពឹងផ្នែកលើការគិតរបស់អ្នកដទៃ តែបើមានអ្នកធំណាម្នាក់ជួយឧបត្ថមរាប់អានជោគជតាជីវិតបុរសនោះនឹងចំរើនរុងរឿង។

ចំណែកគូរគ្រងវិញ ពិតប្រាកដបុរសដែលមានប្រជ្រុយខាងលើនេះ គឺជាមនុស្សជាកណ្តាលដូចគ្នាឬជាមនុស្សនាំយកជោគលាភទ្រព្យសម្បត្តិប្រាក់មាសមកឱ្យខ្លួន។

ក្នុងក្បូនតម្រាដដែលក៏បានទស្សន៍ទាយចំពោះស្ត្រីដែរថា ស្ត្រីឯណាដែលមានប្រជ្រុយរងទឹកភ្នែកទំនាយទាយបញ្ជាក់ឱ្យដឹងអំំពីស្ត្រីនោះ មានចិត្តស្ងប់ស្ងាត់ និងមានភាពរាក់ទាក់ភក្តី តែជាមនុស្សឆាប់ជឿចិត្តគេងាយៗ ដោយសាតែសតិបញ្ញាការគិតតិចតូចនិងភាពវាងវ័យពុំសូវទាន់គេ។

មនុស្សស្ត្រីដែលមានប្រជ្រុយរងទឹកភ្នែកទំនាយក្នុងតម្រាទាយបន្តថា ជាមនុស្សមានបុណ្យវាសនាតិចតូចបើសិនប្រកបមុខរបររកសុីក៏មិនសូវទាន់មិត្តភក្តិដែរ។ ចំណែកការគ្រប់គ្រងជីវិត ក៏មិនសូវមានការទៀងទាត់ផងដែរ ជីវិតមិនសូវមានសេចក្តីសុខ ជួបទុក្ខព្រួយមកតាមជាមួយជានិច្ច៕
---------------
©KPT Plus

27/08/2026

អតីតពិធីការិនី Zhu Qiyu ប្រាប់ត្រង់ៗពីការកែសម្ផស្ស ដែលធ្វើរួចស្ដាយលុយ និងឈឺខ្លួនឥតអំពើ 🥹

តារាស្រីស្រស់សោភា និងជាអតីតពិធីការិនីព័ត៌មានល្បីឈ្មោះ Zhu Qiyu ដែលជាអ្នកចូលចិត្តថែរក្សាសម្រស់តាមរយៈវេជ្ជសាស្ត្រកែសម្ផស្សជាប្រចាំ បានធ្វើឱ្យកក្រើកបណ្ដាញសង្គម បន្ទាប់ពីនាងហ៊ានចេញមុខទម្លាយការពិតទាំងមិនខ្លាចអន់ចិត្តដល់បណ្ដាគ្លីនិកនានា អំពីសេវាកែសម្ផស្សចំនួន ២ មុខ ដែលនាងធ្វើរួចមានអារម្មណ៍ស្ដាយក្រោយ និងខាតលុយឥតអំពើ។

សេវាទីមួយ គឺការចាក់កែទម្រង់ត្រចៀកតាមបែបពេញនិយមនៅកូរ៉េ ដែលចំណាយអស់ ៣ ទៅ ៤ ម៉ឺនដុល្លារតៃវ៉ាន់ ដោយគេអះអាងថានឹងជួយឱ្យមុខមើលទៅតូច ប៉ុន្តែជាក់ស្ដែងពេលថតរូបជុំគ្នាបែរជាធ្វើឱ្យក្បាលរបស់នាងមើលទៅធំជាងមុន ពេលគេងសង្កត់លើត្រចៀកមានការឈឺចាប់ខ្លាំង ហើយលទ្ធផលរក្សាបានត្រឹមតែប្រហែលមួយខែប៉ុណ្ណោះ រហូតធ្វើឱ្យនាងលាន់មាត់ថាសុខចិត្តទិញស្ទីគ័របិទត្រចៀកតម្លៃ ២០ ដុល្លារតៃវ៉ាន់មកបិទខ្លួនឯងវិញល្អជាង។

ដោយឡែក សេវាទីពីរ គឺការបូមសម្អាត និងផ្តល់សំណើមផ្ទៃមុខ ដែលគ្លីនិកនានាផ្សព្វផ្សាយឡើងកប់ពពកលើការជម្រុះកោសិកា និងបញ្ចូលវីតាមីន ប៉ុន្តែ Zhu Qiyu បានបញ្ជាក់ថា ដំណើរការទាំងអស់នេះសូម្បីតែគ្លីនិកសើស្បែក ឬហាងស្ប៉ាថែស្បែកមុខទូទៅក៏អាចធ្វើបានដូចគ្នា ដូច្នេះបើគ្មានប្រូម៉ូសិនតម្លៃធូរថ្លៃទេនោះ ការចំណាយលុយលើសេវានេះគឺមិនចំណេញទាល់តែសោះ ហើយគ្រាន់តែធ្វើការថែទាំស្បែកតាមវិធីធម្មតាក៏គ្រប់គ្រាន់ដែរ។ ការចេញមុខទម្លាយបទពិសោធន៍ផ្ទាល់ខ្លួនដោយឥតលាក់លៀមនេះ ទទួលបានការកោតសរសើរយ៉ាងខ្លាំងពីមហាជន ចំពោះភាពស្មោះត្រង់ក្នុងការជួយដាស់តឿននារីៗកុំឱ្យចាញ់ការឃោសនាខាតបង់លុយកាក់ដោយឥតប្រយោជន៍៕
-------------
By: Visal
©KPT Plus

27/08/2026

រឿងធំហើយ! Selena Gomez និងម្ដាយ រងការប្ដឹងផ្ដល់រឿងកើបលុយពីវិនិយោគិន 😮

កំពូលតារាចម្រៀងលំដាប់ពិភពលោក Selena Gomez ព្រមទាំងម្ដាយបង្កើតគឺលោកស្រី Mandy Teefey និងអតីតដៃគូអាជីវកម្ម Daniella Pierson កំពុងធ្លាក់ចូលទៅក្នុងព្យុះភ្លៀងផ្លូវច្បាប់ដ៏ក្ដៅគគុក បន្ទាប់ពីរងការចោទប្រកាន់យ៉ាងធ្ងន់ធ្ងរថា បានប្រើប្រាស់ប្រធានបទសុខភាពផ្លូវចិត្ត ធ្វើជាឧបករណ៍ទាក់ទាញលុយវិនិយោគរាប់លានដុល្លារចូលក្រុមហ៊ុន។

លោកមេធាវី Jeffrey Neiman តំណាងឱ្យក្រុមវិនិយោគិនដែលដាក់ពាក្យប្ដឹង បានទម្លាយប្រាប់សារព័ត៌មានយ៉ាងចាស់ដៃថា សុខភាពផ្លូវចិត្តមិនមែនជាយុទ្ធសាស្ត្រទីផ្សារ ហើយរឹតតែមិនគួរយកមកធ្វើជាឈ្នាន់សម្រាប់ផលប្រយោជន៍ហិរញ្ញវត្ថុផ្ទាល់ខ្លួនឡើយ ដោយលោកបានគូសបញ្ជាក់ថា ឈ្មោះ និងឥទ្ធិពលរបស់ Selena គឺជាចំណុចស្នូលតែមួយគត់ដែលក្រុមហ៊ុនយកទៅបញ្ចុះបញ្ចូលឱ្យគេទម្លាក់ទុន។

យោងតាមពាក្យបណ្ដឹង ក្រុមវិនិយោគិនបានអះអាងថា ពួកគេសម្រេចចិត្តបោះទុនគឺដោយសារក្រុមហ៊ុនបានណែនាំថា Selena Gomez នឹងកាន់តំណែងជាប្រធានផ្នែកទីផ្សារ និងរំពឹងថានាងនឹងប្រើប្រាស់គណនីបណ្ដាញសង្គមដែលមានអ្នកតាមដានរាប់រយលាននាក់ដើម្បីផ្សព្វផ្សាយ ប៉ុន្តែក្រោយពេលក្រុមហ៊ុនទទួលបានលុយរួចរាល់ នាងបែរជាដកខ្លួនថយឆ្ងាយទៅវិញ។

យ៉ាងណាមិញ ខាងភាគី Selena Gomez បានច្រានចោលការចោទប្រកាន់ទាំងអស់នេះ ដោយមេធាវីរបស់នាងបានអះអាងយ៉ាងដាច់អហង្ការថា រាល់ការលើកឡើងរបស់ក្រុមវិនិយោគិនគឺគ្មានមូលដ្ឋានទាល់តែសោះ ទាំងផ្នែកផ្លូវច្បាប់ និងការពិតជាក់ស្ដែង៕
-------------
By: Visal
©KPT Plus

27/08/2026

ត្រូវពន្លឺព្រះអាទិត្យមួយថ្ងៃត្រឹមតែ១០នាទី អាចជួយពង្រឹងប្រព័ន្ធភាពស៊ាំ🔆☀

ក្នុងរយៈពេលមួយថ្ងៃ ការចេញឱ្យត្រូវពន្លឺព្រះអាទិត្យ ត្រឹមរយៈពេលពី ៥ ទៅ១០នាទី នឹងជួយពង្រឹងប្រព័ន្ធការពាររាងកាយ ឬប្រព័ន្ធភាពស៊ាំបានយ៉ាងល្អ ហើយក៏ជាចំណែកមួយជួយការពារយើងពី ហានិភ័យជំងឺដែលបង្កដោយវីរុសផ្សេងៗ។ ពន្លឺនៃព្រះអាទិត្យបានជួយឱ្យស្បែក និងរាងកាយផលិតវីតាមីនD បានគ្រប់គ្រាន់ជាគុណប្រយោជន៍មិនគួរមើលរំលង។ កង្វះកម្រិតវីតាមីន D នៅក្នុងខ្លួន នឹងអាចបង្កជាឱកាស ដែលអាចឱ្យមេរោគមកយាយីប្រព័ន្ធការពាររាងកាយយើងបានដោយងាយ។

ឆ្លៀតទៅទទួលបានពន្លឺព្រះអាទិត្យយ៉ាងហោចណាស់៥នាទី តាមរយៈសកម្មភាពផ្សេងៗ ដូចជាការទៅហាត់ប្រាណ ការធ្វើដំណើរដើម្បីទទួលបានប្រយោជន៍ពីការជំរុញភាពសកម្ម នៃប្រព័ន្ធស៊ាំនៃរាងកាយនោះ។ ការប្រើថ្នាំលេប វីតាមីនD គួរប្រើសម្រាប់តែ អ្នកដែលគ្មានពេលវេលាគ្រប់គ្រាន់ ឬមិនអាចចេញទៅខាងក្រៅប៉ុណ្ណោះ៕
---------------
©KPT Plus

27/08/2026

នឹកព្រះអង្គទេ? រូបថតក្រៅឆាកមិនធ្លាប់ឃើញ ត្រូវបានផុសអបអរសម្រាប់ខួប១ឆ្នាំនៃរឿង មេចុងភៅឆ្លងភព 😍

ទោះបីកន្លងផុតទៅ ១ឆ្នាំទៅហើយក្តី តែការនឹករលឹករបស់តួឯកប្រុសនៅតែមានចំពោះអ្នកគាំទ្រជានិច្ច អាចនិយាយបានថា រឿងភាគមួយនេះជាតួមួយធ្វើឱ្យតារាសម្តែង Lee Chaemin មានគេស្គាល់ច្រើន ហើយជាតួអង្គដក់ជាប់ក្នុងចិត្តរបស់មនុស្សជាច្រើន។

ក្នុងឱកាសដ៏ពិសេសនេះ ឆេមីន បានចែករំលែកថា «ជារៀងរាល់ថ្ងៃ ខ្ញុំតែងសប្បាយចិត្តនិងដឹងគុណដែលរឿង Bon Appétit, Your Majesty មួយនេះ ទទួលបានការស្រលាញ់ច្រើនមហិមាពីអ្នកគាំទ្រជុំវិញពិភពលោក។ ខ្ញុំសង្ឃឹមថា តួស្តេច អុីហ៊ន មួយនេះ នឹងស្ថិតនៅក្នុងក្រអៅបេះដូងរបស់មនុស្សគ្រប់គ្នាជារៀងរហូត»។
---------------
By: Admin Jelly
©KPT Plus

27/08/2026

ស្ទីលតុបតែងខ្លួនក្រៅឆាករបស់ William Chan ទាក់ទាញខ្លាំង ធ្វើឱ្យអ្នកគាំទ្រលាន់មាត់សរសើរ 😘

ក្រៅពីភាពល្បីល្បាញលើវិស័យសិល្បៈ និងភាពរួសរាយរាក់ទាក់ចំពោះអ្នកគាំទ្រ តារាសម្ដែងប្រុសកម្រិតជួរមុខ William Chan តែងតែទទួលបានការចាប់អារម្មណ៍ខ្លាំងចំពោះស្ទីលតុបតែងខ្លួន និងការរៀបចំសម្លៀកបំពាក់នៅខាងក្រៅឆាក ដែលមើលទៅទាន់សម័យ យុវវ័យ និងលេចធ្លោជានិច្ច។

រាល់ពេលបង្ហាញខ្លួននៅទីសាធារណៈ ជាពិសេសនៅព្រលានយន្តហោះ William Chan តែងតែជ្រើសរើសស្ទីលសម្លៀកបំពាក់បែបយុវវ័យស៊ីវិល័យ អមដោយគ្រឿងតុបតែងខ្លួនដូចជា មួក និងវ៉ែនតា ដែលបញ្ជាក់ពីភាពជា Fashion ផ្ទាល់ខ្លួន។ ស្ទីលដើរដ៏មានទំនុកចិត្ត និងការរៀបចំខ្លួនបែបសាមញ្ញតែថ្លៃថ្នូរនេះ តែងតែធ្វើឱ្យអ្នកគាំទ្រជាច្រើនលាន់មាត់សរសើរ និងនាំគ្នាថតវីដេអូចែករំលែកពេញបណ្ដាញសង្គម៕
-------------
By: Visal
©KPT Plus

27/08/2026

សម្ដីបែបនេះព្រានអត់? Bosco Wong ថា មើលស្រីស្អាតច្រើនធ្វើឱ្យខ្លួនឯងកាន់តែសង្ហា 😊

កំពូលតារាសម្ដែងប្រុសកំហូចប្រចាំហុងកុងលោក Bosco Wong បានធ្វើឱ្យអ្នកគាំទ្រផ្ទុះសំណើច និងលាន់មាត់សរសើរពីវោហាស័ព្ទមិនចេះរីងស្ងួតរបស់លោក បន្ទាប់ពីបានបង្ហាញខ្លួនយ៉ាងភ្ញាក់ផ្អើលជាមួយកំពូលតារាស្រីស្រស់ស្អាតពីរដួងគឺ Jacky Cai និង Jeannie Chan នៅក្នុងកម្មវិធីផ្សព្វផ្សាយម៉ាកយីហោមួយនៅទីក្រុងណានជីង។

វត្តមានរបស់តារាឆ្នើមទាំង ៣ រូប គ្រាន់តែបោះជំហានឡើងលើឆាកភ្លាម បានធ្វើឱ្យសាលកម្មវិធីកក្រើកដោយសំឡេងហ៊ោកញ្ជ្រៀវ។ ដោយឃើញសម្រស់ស្បែកមុខភ្លឺថ្លាក្មេងជាងវ័យរបស់ពួកគេ ពិធីករក៏បានសួរនាំពីអាថ៌កំបាំងនៃការថែទាំសម្រស់ និងសុខភាពផ្លូវចិត្ត។ ភ្លាមនោះ Bosco Wong បានបញ្ចេញឃ្លាដោះសាយ៉ាងក្រមិចក្រមើមអមដោយស្នាមញញឹមព្រានថា៖ «បើចង់ឱ្យផ្លូវចិត្តស្រស់ថ្លា ត្រូវនៅក្បែរ ឬមើលស្រីស្អាតឱ្យបានច្រើន នោះខ្លួនយើងក៏ប្រែជាសង្ហា និងស្អាតតាមហ្នឹងដែរ!»។

សម្ដីកំប្លែងបង្កប់ភាពផ្អែមល្ហែមមួយឃ្លានេះ មិនត្រឹមតែធ្វើឱ្យអ្នកគាំទ្រស្រែកហោរនោះទេ សូម្បីតែតារាស្រីស្អាតទាំងពីរនាក់ដែលឈរក្បែរលោក ក៏ទប់សំណើចមិនជាប់ និងអៀនឡើងក្រហមមុខផងដែរ៕
-------------
By: Visal
©KPT Plus

27/08/2026

Mat Yeung រៀបការមិនទាន់បានមួយខែស្រួលបួលផង ម្ដាយក្មេកចែកឋាន 🥹

អាពាហ៍ពិពាហ៍ថ្មោងថ្មីមិនទាន់ទាំងសាបរលាបផង តារាសម្ដែងហុងកុងលោក Mat Yeung និងភរិយា Lisa Ch'ng ត្រូវរងនូវការវាយប្រហារផ្លូវចិត្តយ៉ាងធ្ងន់ធ្ងរ ដោយសារការបាត់បង់ម្ដាយបង្កើត និងជាម្ដាយក្មេកជាទីស្រឡាញ់។

កាលពីថ្ងៃទី ២៥ សីហា Lisa Ch'ng និងប្អូនស្រីបានចេញសេចក្ដីប្រកាសដំណឹងមរណទុក្ខទាំងក្ដុកក្ដួលថា ម្ដាយរបស់ពួកគេបានទទួលមរណភាពក្នុងជន្មាយុ ៨២ ឆ្នាំ បន្ទាប់ពីបានតស៊ូជម្នះជំងឺ អង្គុយរទេះរុញមកចូលរួមធ្វើជាសាក្សីក្នុងថ្ងៃមង្គលការរបស់កូនស្រីកាលពីដើមខែនេះរួចមក។

ទាំង Lisa Ch'ng និង Mat Yeung បានបង្ហោះសាររំលឹកអនុស្សាវរីយ៍ទាំងទឹកភ្នែក និងសោកស្ដាយជាទីបំផុត ដោយបានបួងសួងឱ្យម្ដាយបានទៅកាន់សុគតិភព ផុតអស់រាល់ទុក្ខវេទនានៃជំងឺ និងបានជួបជុំជាមួយស្វាមីរបស់លោកស្រីនៅភពថ្មី៕
-------------
By: Visal
©KPT Plus

KPT Plus

27/08/2026

27/08/2026

27/08/2026

27/08/2026

27/08/2026

27/08/2026

27/08/2026

27/08/2026

27/08/2026

27/08/2026

Address

Telephone

Website

Alerts

Shortcuts

Share

Category

Listing takedown request