VRV Wintv News

09/04/2026

17/01/2026

លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត បន្តចូលរួមគោរពវិញ្ញាណក្ខន្ធរបស់វីរកងទ័ពពលី

ដោយមានអារម្មណ៍សោកសៅជាពន់ពេក លោកជំទាវបណ្ឌិត បានបន្តអញ្ជើញចូលរួមគោរពវិញ្ញាណក្ខន្ធវីរកងទ័ពដោយផ្ទាល់នៅគេហដ្ឋានរបស់សពនៅក្នុងមូលដ្ឋានខេត្តក្រចេះ។

ស្ថិតក្នុងវេលានេះដែរ លោកជំទាវបណ្ឌិត ថែមទាំងបានពាំនាំប្រសាសន៍ចូលរួមរំលែកមរណទុក្ខដ៏ក្រៀមក្រំបំផុត និងប្រសាសន៍សួរសុខទុក្ខពី សម្តេចអគ្គមហាសេនាបតីតេជោ ហ៊ុន សែន សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន រួមទាំង សម្តេចមហាបវរធិបតី ហ៊ុន ម៉ាណែត ជូនដល់ក្រុមគ្រួសារនៃសពផងដែរ ។ ទន្ទឹមនឹងនេះ លោកជំទាវបណ្ឌិត ក៏បាននាំយកមកជាមួយនូវអំណោយដ៏ថ្លៃថ្លារបស់ សម្តេចធិបតី និងលោកជំទាវបណ្ឌិត ជូនដល់ក្រុមគ្រួសារនៃសព ដើម្បីជួយសម្រួលដល់ការរស់នៅប្រចាំថ្ងៃ ៕

ខេត្តក្រចេះ ព្រឹកថ្ងៃទី១៧ ខែមករា ឆ្នាំ២០២៦

07/01/2026

ក្រសួងព័ត៌មានណែនាំស្តីពី ការផ្សព្វផ្សាយនិងចែករំលែកព័ត៌មានលើបណ្តាញសង្គម ដោយទំនួលខុសត្រូវនិងទប់ស្កាត់ព័ត៌មានក្លែងក្លាយ។

ថ្ងៃទី ០៣ ខែ មករា ឆ្នាំ ២០២៦ ក្រសួងព័ត៌មានបានចេញសេចក្តីណែនាំស្តីពីការផ្សព្វផ្សាយនិងចែករំលែកព័ត៌មានលើបណ្តាញសង្គម ដោយទំនួលខុសត្រូវនិងទប់ស្កាត់ព័ត៌មានក្លែងក្លាយ។
ក្រសួងព័ត៌មានបានលើកឡើងថាក្នុងសេចក្តីប្រកាសរួមនៃកិច្ចប្រជុំពិសេសលើកទី៣របស់គណៈកម្មាធិការព្រំដែនទូទៅ (GBC) រវាងព្រះរាជាណាចក្រកម្ពុជា និងព្រះរាជាណាចក្រថៃ ដែលត្រូវបានចុះហត្ថលេខាដោយកម្ពុជា-ថៃ នៅ ថ្ងៃទី២៧ ខែធ្នូ ឆ្នាំ២០២៥ ក្នុងវិធានការកាត់បន្ថយភាពតានតឹង ត្រង់ចំណុចទី៨ «ភាគីទាំងពីរបាន ឯកភាពគ្នាជៀសវាងការចែកចាយព័ត៌មានមិនពិត ឬ ព័ត៌មានក្លែងក្លាយ ដើម្បីកាត់បន្ថយភាពតានតឹង កាត់បន្ថយសាធារណមតិអវិជ្ជមាន និងលើកកម្ពស់បរិយាកាសអំណោយផលសម្រាប់កិច្ចសន្ទនា ដោយសន្តិវិធី»។

ដើម្បីចូលរួមក្នុងការអនុវត្តវិធានការខាងលើនេះឱ្យមានប្រសិទ្ធភាព ក៏ដូចជាគាំទ្រដល់លទ្ធផល នៃសេចក្តីប្រកាសរួមឱ្យបានពេញលេញ ពិសេសក្នុងដំណាក់កាលកម្ពុជានិងថៃ កំពុងកសាងទំនុកចិត្ត គ្នា ដើម្បីមានបទឈប់បាញ់អចិន្ត្រៃយ៍ មានសន្តិភាពឡើងវិញ ក្រសួងព័ត៌មានសូមធ្វើការណែនាំដល់ សាធារណជន និងអ្នកប្រកបអាជីពក្នុងវិស័យព័ត៌មាននិងសោតទស្សន៍ ដូចតទៅ៖
១-សូមបន្តតាមដាន និងទទួលព័ត៌មានពីប្រភពព័ត៌មានផ្លូវការ, ចែកចាយព័ត៌មាន ដែលមាន ប្រភពច្បាស់លាស់ ព្រមទាំងជឿជាក់លើប្រព័ន្ធផ្សព្វផ្សាយដែលគោរពក្រមសីលធម៌វិជ្ជាជីវៈត្រឹមត្រូវក្នុង ការផលិតនិងផ្សាយព័ត៌មាន។ ប្រភពព័ត៌មានផ្លូវការរួមមាន៖ ក) ថ្នាក់ដឹកនាំកំពូលរបស់ជាតិ,
ខ) ក្រសួងការពារជាតិ, គ) ក្រសួងការបរទេសនិងសហប្រតិបត្តិការអន្តរជាតិ, ឃ) ក្រសួងព័ត៌មាន,
ង) ក្រសួងមហាផ្ទៃ, ច) រដ្ឋលេខាធិការដ្ឋានទទួលបន្ទុកកិច្ចការព្រំដែន, និង ឆ) អង្គភាពអ្នកនាំពាក្យ រាជរដ្ឋាភិបាលកម្ពុជា។
២-សូមកុំបង្កើត ឬផ្សាយព័ត៌មានក្លែងក្លាយ និងសូមកុំចែករំលែកព័ត៌មានគ្មានប្រភពច្បាស់លាស់ ដែលអាចបង្កអន្តរាយដល់សន្តិភាព និងប៉ះពាល់ដល់ដំណើរការអនុវត្តសេចក្តីប្រកាសរួមនេះ។
៣-សូមប្រើប្រាស់បណ្តាញសង្គមដោយក្រមសីលធម៌ និងទំនួលខុសត្រូវ ជៀសវាងការបង្ហោះ ឬផ្សព្វផ្សាយព័ត៌មានដែលមានចរិតញុះញង់ ការជេរប្រមាថ ឌីដង ប៉ះពាល់ដល់កិត្តិយស និងសេចក្តី ថ្លៃថ្នូរ ឬបង្កការយល់ច្រឡំក្នុងសាធារណមតិ។
៤-សូមចូលរួមផ្សព្វផ្សាយ និងចែករំលែកព័ត៌មានពិត ដោយផ្ទៀងផ្ទាត់ប្រភពឱ្យបានត្រឹមត្រូវ។ ត្រូវចៀសវាងការបង្កើតមាតិកាដែលគ្មានមូលដ្ឋានពិតប្រាកដ ឬការអះអាងគ្មានភស្តុតាង ឬការប្រើពាក្យ ពេចន៍ ដែលអាចបង្កអន្តរាយដល់កិច្ចខិតខំប្រឹងប្រែងរបស់រាជរដ្ឋាភិបាល ឬនាំឱ្យមានផលវិបាកនានា។
៥-សូមអ្នកបង្កើតមាតិកា និងអ្នកប្រើប្រាស់បណ្តាញសង្គម បញ្ឈប់នូវការកាត់តរូបភាពវីដេអូ ឬ បង្កើតរូបភាពបញ្ញាសិប្បនិម្មិត(AI) ដែលមានលក្ខណៈជេរប្រមាថ ការប្រើប្រាស់ភាសាមិនសមរម្យ ឬ ការដៀមដាម ឬសកម្មភាពផ្សេងទៀតដែលបង្កអរិភាព ឬការបញ្ឆេះកំហឹងនាំឱ្យមានការរើសអើងប្រកាន់ ពូជសាសន៍ជាដើម។

ជាមួយគ្នានេះ ក្រសួងព័ត៌មានសូមក្រើនរំឭកដល់អ្នកអនុវត្តសកម្មភាពក្នុងវិស័យព័ត៌មាន និង សោតទស្សន៍ រួមទាំងសាធារណជនទាំងអស់ ចូលរួមក្នុងការទប់ស្កាត់ព័ត៌មានក្លែងក្លាយ ដោយមិនត្រូវ បង្កើត ផ្សព្វផ្សាយ ឬចែករំលែកព័ត៌មានក្លែងក្លាយ ការប្រឌិតឬកាឡៃព័ត៌មានខុសពីការពិត។

ក្រសួង ព័ត៌មានសូមជំរុញ និងលើកទឹកចិត្តដល់អ្នកអនុវត្តសកម្មភាពក្នុងវិស័យព័ត៌មាននិងសោតទស្សន៍ រួម ទាំងសាធារណជនទាំងអស់ឱ្យផលិត ផ្សព្វផ្សាយ ចែកចាយតែព័ត៌មានពិត ដែលមានប្រភពច្បាស់លាស់ និងការផ្ទៀងផ្ទាត់ត្រឹមត្រូវ។

ក្រសួងព័ត៌មានជឿជាក់ថា ការចូលរួមយ៉ាងសកម្មរបស់ប្រជាពលរដ្ឋក្នុងការផ្សព្វផ្សាយព័ត៌មាន ពិត និងទប់ស្កាត់ព័ត៌មានក្លែងក្លាយ នឹងរួមចំណែកជំរុញឱ្យមានការអនុវត្តពេញលេញនូវសេចក្តីប្រកាស នេះ ដើម្បីធ្វើឱ្យមានបទឈប់បាញ់អចិន្ត្រៃយ៍ និងក្លាយជាមូលដ្ឋានរឹងមាំសម្រាប់សន្តិភាព ស្ថិរភាព និង អភិវឌ្ឍន៍សង្គម៕

#សនតិសុខជាតិ #ករមសីលធម៌ #ធមមនុញ្ញវិជ្ជាជីវៈសារព័ត៌មាន #នយាយថាទេចំពោះព័ត៌មានក្លែងក្លាយ #នេត្រភក្ត្រា #ករសួងព័ត៌មាន #កមពុជា

07/01/2026

បកប្រែជាភាសាខ្មែរ
ប្រភពព័ត៌មានថៃ Duck News

ឯកឧត្តម កែវ រ៉េមី ប្រធានគណ:កម្មាធិការសិទ្ធិមនុស្សកម្ពុជា ដែលកាន់តួនាទីជាទេសរដ្ឋមន្ត្រីផងដែរ
បានដាក់ពាក្យបណ្តឹងទៅកាន់អង្គការសហប្រជាជាតិ ដោយអះអាងថា ទាហានថៃ បានប្រើកម្លាំងរុះរើផ្ទះសម្បែងដែលជាការរំលោភសិទ្ធិក្នុងការរស់នៅ និងសិទ្ធិកាន់កាប់ទ្រព្យសម្បត្តិផ្ទាល់ខ្លួនរបស់ប្រជាពលរដ្ឋខ្មែរ។

05/01/2026

អ្នកកាសែតកម្ពុជា (ក.អ.ក) នៅថ្ងៃទី៥ ខែ​មករា ឆ្នាំ២០២៦ បានចែកអាវក្រោះ និង​​មួក​​សុវត្ថិភាព​ជា​លើក​ទី២​ដល់​អ្នក​សារ​ព័ត៌មានចំនួន ២១រូប មកពី ២០​ស្ថាប័ន សរុបទាំង​ពីរ​លើក​មាន​ចំនួន​ជិត​១០០​​ឈុត​ដើម្បីជួយ​ការពារ​សុវត្ថិភាពដ​ល់​​អ្នក​សារព័ត៌​មាន​ដែលកំពុង​បំពេញ​ការងារ​​ព័ត៌មាន​នៅ​តាម​បណ្តោយ​ព្រំ​ដែន​កម្ពុជា-ថៃ និង​ទី​កន្លែង​ងាយ​រង​គ្រោះ​​ដ​ទៃ​ទៀត​​ក្នុង​តំបន់​រង​ការ​វាយ​ប្រហារ​ពី​ទាហាន​​​ថៃ។ អាវក្រោះ និង​មួក​សុវត្ថិភាព​ដែល​មាន​ស្លាកសញ្ញាអ្នកសារព័ត៌មាន ឬ PRESS ជា​សញ្ញា​​ដ៏​ចាំ​បាច់​បំផុត​សម្រាប់​អ្នក​សារព័ត៌មាននៅ​ពេល​​កំពុង​បំពេញ​ការងារ។

04/01/2026

សូមបញ្ឈប់ការផ្សព្វផ្សាយជាបន្ទាន់នូវរាល់ ព័ត៌មាន, វីដេអូ ឬរូបភាពដែលអាចបង្ហាញពីសកម្មភាពប្រតិបត្តិការយោធា, ផែនទី, ការបង្ហាញពីការចល័ត ឬការដាក់ពង្រាយកងទ័ព, ទីតាំងឈរជើង, លេណដ្ឋាន (ត្រង់សេ), ជំរុំជម្រក, ការចល័តសព្វាវុធ, ផ្លូវផ្គត់ផ្គង់សម្ភារបរិក្ខារ ឬស្បៀងអាហាររបស់កងទ័ព តាមគ្រប់បណ្តាញទំនាក់ទំនងសង្គម ដូចជា Facebook, TikToK, Youtube ឬប្រព័ន្ធផ្សព្វផ្សាយផ្សេងៗទៀតជាដាច់ខាត។

VRV អ្នកសិក្សាសំណុំរឿង RawinDebates VRV News debate

03/01/2026

សេចក្តីថ្លែងការណ៍របស់ក្រសួងការបរទេស និងសហប្រតិបត្តិការអន្តរជាតិ កម្ពុជាតវ៉ាចំពោះការរំលោភបំពានរបស់ថៃ

Statement of the Ministry of Foreign Affairs and International Cooperation
Cambodia's Protest Against Thai Violations

27/12/2025

ក្រសួងព័ត៌មាន ចេញសេចក្តីណែនាំ ស្តីពីការផ្សព្វផ្សាយ និងចែករំលែកព័ត៌មានលើបណ្តាញសង្គម ដោយទំនួលខុសត្រូវ និងទប់ស្កាត់ព័ត៌មានក្លែងក្លាយ

26/12/2025

យោធាថៃ ស្លាប់៣០០នាក់