Ngin Sochea - ងិន សុជា

01/07/2024

17/06/2024

កុំដោយសារតែពាក្យថា «ចាំ» ធ្វើឲ្យអ្នកស្តាយក្រោយអស់មួយជីវិត

1. ចាំកូនធំសិន
2. ចាំជីវភាពប្រសើឡើងសិន
3. ចាំបើកប្រាក់ខែសិន
4. ចាំប្រពន្ធ/ប្តី ឯកភាពសិន
5. ចាំការងារ មុខរបរមានស្ថិរភាពបន្តិចសិន
6. ចាំមានពេលទំនេរ
7. ចាំសិក្សាបន្ថែមសិន
8. ចាំគិតមើលសិន
9. ចាំរៀនចប់ហើយមានសញ្ញាបត្រ័សិន

ចាំ…ចាំ…ចាំ ហើយក្រោយមកក៏យឺតពេល

• ចូរសិតសក់ទាន់ពេលដែលអ្នក នៅមានសក់
• ចូរដុះធ្មេញទាន់ នៅមានធ្មេញ
• ចូរធ្វើខ្លួនឲ្យស្អាត ទាន់នៅក្មេង
• ចូរដើរឲ្យបានច្រើន ទាន់នៅដើររួច
• ចូរព្យាយាមចាប់យកឳកាសទាន់នៅមានឳកាស កុំចាំរហូតដល់ពេលត្រូវនិយាយថាចាស់ជ្រុលទៅហើយ។

ជីវិតរបស់មនុស្សយើងមាន៦យ៉ាងដែលមិនអាចរង់ចាំបាន នោះគឺ៖

1. ភាពក្រវេទនា មិនអាចចាំបាននោះទេ ដោយសារតែពេលវេលាយូរអ្នកនឹងស្លាប់ដោយសារការស្រេកឃ្លាន។

2. សុខភាពមិនអាចរង់ចាំបានទេ ដោយសារតែរាងកាយរបស់យើងនៅពេលដែលចុះខ្សោយទ្រុឌទ្រោមហើយទោះមានរបស់អ្វីក៏គ្មានន័យដែរ។

3. ភាពកតញ្ញូ ដោយសារតែនៅពេលដែលឪពុក ម្តាយរបស់យើងបានស្លាប់ទៅហើយ ចង់សងគុណគាត់ក៏មិនបានដែរ។

4. មិត្តភាព បើគ្មានមិត្តភក្កិ អ្នកចង់រួចផុតពីភាពឯការក៏ពិបាកដែរ។

5. ការអប់រំ ការតម្រង់ដើមឈើគេច្រើនធ្វើនៅពេលដែលវាខ្ចីហើយនៅតូច តែបើធំហើយចាស់ពិបាកតម្រង់ណាស់។ មនុស្សក៏ដូចគ្នាដែរ ទាន់ខ្លួននៅក្មេងចូរព្យាយាមសិក្សារៀនសូត្រ និងខិតខំធ្វើការ។

6. យុវវ័យ ដោយសារតែពេលវេលាកន្លងទៅរហ័សណាស់ ទោះមានលុយច្រើនយ៉ាងណាក៏មិនអាចទិញភាពយុវវ័យរបស់យើងមកវិញបានដែរ។

ប្រភព៖ KC

19/04/2024

គតិអប់រំ .គុណតម្លៃសុភាសិត កាព្យខ្មែរ !

អ្នកចេះដឹងសម័យនេះ មួយចំនួន គឺហាក់បីដូចជាមានអំនួតជ្រុលដោយទស្សនៈពួកគេ វាស្ថិតក្នុងន័យខោកក្បាលអង្អែលខ្នងទៅលើអ្នកក្រ និងអ្នកល្ងង់ ហើយគិតថា ក្រ ព្រោះតែខ្ជិល បាយសឹងតែមិនរួច ដេក។ ការមាក់ងាយដោយអំនួតនេះហើយ វាជាកត្តាជំរុញឲ្យមាននូវភាពរើសអើងវណ្ណៈសង្គម រឹតតែបង្កើតឲ្យមានភាពអសន្តិសុខដល់ជាតិទៅវិញទេ។

ចំណែកបុរាណសុភាសិតរបស់ខ្មែរយើង ខាងក្រោមនេះមិនមែនជាការមើលងាយអ្នកក្រទេ ផ្ទុយទៅវិញបានឲ្យតម្លៃអ្នកក្រ អ្នកល្ងង់ និងអ្នកខ្វាក់គរថ្លង់ គ្រប់មនុស្សទាំងអស់មានគុណតម្លៃ មិនថាចាស់ ឬក្មេង។ #សុភាសិត ឈើវៀច ឈើត្រង់ ឈើថ្នាំង៖ គ្រប់ប្រភេទឈើទាំងអស់សូម្បីតែឈើពុក សុទ្ធតែមានគុណប្រយោជន៍របស់វា សំខាន់លើយើងចេះយកវាមកកែច្នៃ ឬយកមកប្រើឲ្យមានប្រយោជន៍ដែរឬទេ។ បើយើងប្រៀបធៀបមកមនុស្សវិញ អ្នកក្រ អ្នកល្ងង់ អ្នកកោងកាច អ្នកខ្វាក់គរថ្លង់(ពិការ) គ្រប់ប្រភេទមនុស្សទាំងអស់សុទ្ធតែមានគុណសម្បត្តិ មានទេពកោសល្យ និងមានចំណេះជំនាញរបស់គេរៀងៗខ្លួន សូម្បីតែមនុស្សខ្ជិលក៏មានចំណង់ចំណូលចិត្ដនៅការងារដែលគេចង់ធ្វើដែរ(បើខ្ចិលគ្រប់រឿងគ្មានអីមកបំពេញសេចក្តីរស់កើត)។

#សរុបមក ភាពមានការក្រែងចិត្តទៅវិញទេ គឺជាគុណតម្លៃពិតនៃបណ្ឌិត ដូច្នេះបើយើងជាជនសប្បុរស ឬតាំងខ្លួនជាបណ្ឌិត ឬបញ្ញវន្ត មិនគួរប្រើភាពជាអ្នកចេះដឹងរបស់យើងមកប្រមាថអ្នកដទៃឡើយ។ ត្រូវដឹងថា ការរស់នៅដោយមិនពឹងប្រាស្រ័យអ្នកល្ងង់បាននោះទេ ហើយអ្នកមានកម្រិតសេដ្ឋី ក៏រឹតតែមិនអាចរស់ខ្វះអ្នកក្របានដែរ វាប្រៀបដូចជាកង់រទេះមួយដែលត្រូវការឈើវៀចធ្វើកង់ ឈើត្រង់ធ្វើកាំ និងឈើថ្នាំងធ្វើដុំ មកផ្សុំផ្គុំគ្នាផងដែរ៕៚

#គុណតម្លៃសុភាសិត «អ្នកមានរក្សាខ្សត់ដូចសំពត់ព័ទ្ធពីក្រៅ អ្នកប្រាជ្ញរក្សាខ្លៅដូចសំពៅពឹងសំប៉ាន»❤🇰🇭

(ប្រភព᚛Facebook)

18/04/2024

មានបុរសពិការភ្នែកម្នាក់ បានទៅលេងផ្ទះមិត្ដភ័ក្ដរបស់គាត់។ ពេលញ៉ាំបាយល្ងាចរួចរាល់ហើយ បុរសពិការភ្នែករៀបចំត្រលប់មកផ្ទះវិញ តែត្រូវបានម្ចាស់ផ្ទះហុចចង្កៀងភ្លើងឲ្យ ដោយនិយាយថា
- មេឃងងឹត បងកាន់ចង្កៀងនេះ ដើម្បីបំភ្លឺផ្លូវទៅផ្ទះណា។
- បងដឹងថាខ្ញុំពិការភ្នែកហើយ នៅរៀបចំចង្កៀងឲ្យខ្ញុំទៀត។ តើបងចង់ចំអកខ្ញុំមែន?
- បងយល់ច្រលំហើយ។ បងដើរតាមផ្លូវយប់ងងឹត មានមនុស្សច្រើនក៏ធ្វើដំណើរតាមផ្លូវហ្នឹងដែរ អ៊ីចឹងឲ្យបងកាន់ចង្កៀងមិនមែនដើម្បីឲ្យបងមើលផ្លូវទេ តែឲ្យអ្នកដំណើរផ្សេងទៀតមើលឃើញបង កុំឲ្យគេបុកបង។
បុរសពិការភ្នែក ក៏បានយល់សេចក្ដី ហើយក៏បានសុំទោសម្ចាស់ផ្ទះ និងទទួលយកចង្កៀងដើរត្រលប់ទៅផ្ទះវិញ។

យើងម្នាក់ៗ សុទ្ធតែងងឹតងងល់ក្នុងវិស័យណាមួយ ជាពិសេសមើលមិនឃើញនូវរឿងជាច្រើនក្នុងឆាកជីវិត ប៉ុន្ដែបញ្ហានោះគឺ យើងមិនព្រមបើកចិត្ដឲ្យទូលាយ ដើម្បីស្ដាប់គំនិតអ្នកដទៃ តែផ្ទុយមកវិញដោយការយល់ឃើញគំនិតខ្លួនឯងសុទ្ធតែត្រឹមត្រូវ។ ពេលខ្លះ យើងមិនយល់ពីគំនិតគេ រួចក៏ចោទប្រកាន់ថាគេមានគំនិតមិនល្អចំពោះខ្លួន តបស្នងទៅវិញដោយការខឹងច្រលោត តែតាមពិតគំនិតរបស់ពួកគេមិនមែនអាក្រក់ដូចដែលយើងគិតនោះទេ៕

ប្រភព៖ ចុងភៅ