03/03/2026
បាតុភូតរាហ៊ូចាប់ច័ន្ទ ក្នុងរឿងកូសមុទ្រទឹកដោះ គឺជាការគុំគួនសងសឹករបស់យក្សឈ្មោះ រាហ៊ូ ទៅលើព្រះអាទិត្យនិងព្រះចន្ទ ដែលជាអ្នករាយការណ៍ប្រាប់ទៅព្រះវិស្ណុ ថារាហ៊ូបានប្រើល្បិចអាក្រក់ក្រឡាខ្លួនចូលទៅលួចផឹកទឹកអម្រឹតដើម្បីបានជីវិតអមតៈ។
ព្រះវិស្ណុបានឃើញភ្លាម ក៏គ្រវែងកងចក្រចំករាហ៊ូដាច់ចេញពីខ្លួន។ ទោះបីដាច់ក ក៏រាហ៊ូមិនស្លាប់ដែរ ព្រោះរាហ៊ូបានផឹកទឹកអម្រឹតចូលដល់ត្រឹមបំពង់ក។ ផ្នែកក្បាលហៅថារាហ៊ូ និងផ្នែកខ្លួនហៅថាកេតុ។ រាហ៊ូបានតាំងចិត្តថានឹងសងសឹកព្រះអាទិត្យនិងព្រះចន្ទជារាងរហូត។
