MS Digital Solutions

13/12/2025

12/12/2025

ក្មេងតែក្មួយស្រីក្លាហាន ជាកូនល្អ ជាធនធានល្អសម្រាប់កម្ពុជា🇰🇭🇰🇭🇰🇭

12/12/2025

🇰🇭កូនខ្មែរអើយ! ☄️អ្នកឃើញផ្ទាល់ភ្នែកហើយចាប់ពីម៉ោងថ្ងៃខែឆ្នាំនេះ កុំភ្លេចខ្លួនឱ្យសោះ! ដរាបណា អ្នកមិនខំរៀន ដើម្បីកសាងសេដ្ឋកិច្ចជាតិ មានកម្លាំងទ័ពជាតិ សព្វាវុធទំនើបខ្លាំងទេ អ្នកនិងកូនចៅអ្នកតជំនាន់ នឹងត្រូវរងការរត់ភៀសសឹកសង្គ្រាមរហូត មិនចប់ទេ។ ប្រវត្តិសាស្ត្រកន្លងមកប្រាប់ថា សន្ធិសញ្ញាសន្តិភាព យើងធ្វើរាប់មិនអស់។ ជាក់ស្តែង គឺ
«ទ័ពខ្លាំង សេដ្ឋកិច្ចខ្លាំង សត្រូវញញើត នោះហើយសន្តិភាព»

Credit: Tan Teksreng

12/12/2025

ទស្សនៈវិភាគរបស់លោក ហ្សង់ ហ្វ្រង់ស្វ័រតាន់៖ «កម្ពុជាគួរយល់ដឹង...» អំពីឫសគល់នៃជម្លោះព្រំដែនដ៏រ៉ាំរ៉ៃ និងជំហរដែលខ្មែរត្រូវប្រកាន់ខ្ជាប់

(ភ្នំពេញ)៖ ជុំវិញស្ថានការណ៍ជម្លោះព្រំដែនកម្ពុជា-ថៃ ឯកឧត្តម ហ្សង់ ហ្វ្រង់ស្វ័រតាន់ (Jean-François Tain) រដ្ឋមន្ត្រីប្រតិភូអមនាយករដ្ឋមន្ត្រី ទទួលបន្ទុកកិច្ចការបរទេស និងសហប្រតិបត្តិការអន្តរជាតិ បានលើកឡើងនូវទស្សនៈវិភាគដ៏សំខាន់មួយ ដើម្បីដាស់តឿន និងផ្តល់ជាពុទ្ធិដល់ប្រជាពលរដ្ឋខ្មែរឱ្យបានយល់ដឹងច្បាស់ពីប្រវត្តិសាស្ត្រ និងយុទ្ធសាស្ត្រសម្រាប់អនាគត។

ខាងក្រោមនេះ គឺជាខ្លឹមសារសំខាន់ៗដែលកម្ពុជាគួរយល់ដឹង៖
១. ជម្លោះព្រំដែនជាមួប្រទេសខាងលិច ជាជំងឺរ៉ាំរ៉ៃ

ដោយហេតុតែវាកើតឡើងឥតល្ហែតាំងពីឆ្នាំ១៩៥៣មក, ជម្លោះព្រំដែនជាមួយប្រទេសខាងលិចយើងនេះ គឺជាបញ្ហាមួយដ៏រ៉ាំរ៉ៃ។ ម្ល៉ោះហើយ រាល់ដំណោះស្រាយ (មិនថានៅឆ្នាំ១៩៦២, ឆ្នាំ២០១៣, ឬក៏នៅឆ្នាំ២០២៥នេះ បើសិនជាសម្រេចបាន) គឺគ្រាន់តែជាការត្រូវរ៉ូវគ្នាមួយដែលមានលក្ខណៈបណ្តោះអាសន្ន សម្រាប់រយៈកាលខ្លី ឬរយៈកាលមធ្យមតែប៉ុណ្ណោះ។ យើងមិនគួរសង្ឃឹមពេកទេថា នឹងមានសន្តិភាពយូរអង្វែងនិងជាស្ថាពរនោះ។

២. ហេតុអ្វីបានជាខាងលិច មិនចប់មិនហើយ?

មានមូលហេតុសំខាន់ៗចំនួនពីរដែលធ្វើឱ្យបញ្ហានេះនៅតែបន្ត៖
• ទី១៖ អ្នកជិតខាងមួយនេះ បានបង្រៀនប្រជាជនគេជាច្រើនជំនាន់កន្លងមកហើយ ឱ្យស្រណោះសោកស្តាយសម័យកាលមុនអនុសញ្ញាឆ្នាំ១៩០៤ និងសន្ធិសញ្ញាឆ្នាំ១៩០៧ រវាងគេនិងបារាំង (ដែលកាលណោះជាអាណាព្យាបាលនៃកម្ពុជាយើង)។

• ទី២៖ អស្ថិរភាពនយោបាយដែលសឹងតែជាអចិន្ត្រៃយ៍របស់គេ (ពិសេសតាំងពីឆ្នាំ២០០១មក) បានជំរុញឱ្យថ្នាក់ដឹកនាំឱកាសនិយមមួយចំនួនរបស់គេ ទាំងស៊ីវិល និងយោធា ធ្វើការផ្ទេររឿងរ៉ាវជម្លោះផ្ទៃក្នុង មកជាបញ្ហាព្រំដែន។ គោលដៅគឺដើម្បីសាកល្បងនាំមកវិញនូវស្ថិរភាពជាតិ និងពង្រឹងឯកភាពជាតិរបស់គេឡើងវិញ តាមរយៈការបង្វែរកំហឹងប្រជាជនគេមកលើយើង ដោយចង្អុលមុខ និងចោទយើងផ្តេសផ្តាសថា «បាននិងកំពុងបន្តឈ្លានពានទឹកដីគេ»។ ហេតុនេះហើយបានជា ពីរដ្ឋាភិបាលមួយទៅរដ្ឋាភិបាលមួយទៀត គេទទួលស្គាល់រួចហើយ បែរជាកិកកុកមិនព្រមទទួលស្គាល់វិញនូវ សន្ធិសញ្ញា, សេចក្តីសម្រេចចិត្តរបស់តុលាការយុត្តិធម៌អន្តរជាតិ, ផែនទីផ្លូវការ, និងកិច្ចព្រមព្រៀងផ្សេងៗ។

៣. ជំហរ និងការប្តេជ្ញាចិត្តរបស់កម្ពុជា
នៅចំពោះមុខបញ្ហាតជំនាន់នេះ កម្ពុជាយើង និងខ្មែរយើង ត្រូវមានជំហរច្បាស់ និងត្រូវចេះប្តេជ្ញាចិត្តច្បាស់។

ក. ជំហរច្បាស់ គឺត្រូវយល់ដឹងថា៖
• ពលិកម្ម ក្តីក្លាហាន និងភាពធន់របស់កងទ័ពយើងនៅសមរភូមិមុខ ត្រូវតែជំរុញជនរួមជាតិយើងនៅខាងក្រោយ ឱ្យចេះនិងចង់ពង្រឹងឯកភាពជាតិឱ្យរឹងរឹតតែមាំនិងខ្លាំង។

• សន្តិសុខនៃកងទ័ពនៅខាងមុខ ជាសន្តិសុខរបស់ប្រជាជាតិយើងទាំងមូល។ ការលាក់ការណ៍ ឬមិនត្រូវផ្សព្វផ្សាយព័ត៌មានសម្ងាត់ ដើម្បីរក្សាការពារប្រយោជន៍ជាតិទាំងមូល គឺជាការចាំបាច់។

• «ចាញ់-ឈ្នះ» មិនមែនជាដំណោះស្រាយទេ ហើយ «ឈ្នះ-ឈ្នះ» (ដោយឱ្យតម្លៃដល់កិច្ចចរចានិងចៀសវាងសង្គ្រាម) មិនមែនជាយុទ្ធសាស្ត្រកំសាកឡើយ តែជាភាពចាស់ទុំ និងប្រកបដោយចក្ខុវិស័យវែងឆ្ងាយ។

ខ. ការប្តេជ្ញាចិត្តច្បាស់ គឺត្រូវយល់ដឹងថា៖
•ត្រូវបណ្តុះបណ្តាល និងអភិវឌ្ឍស្មារតីស្នេហាជាតិ ហើយទន្ទឹមនឹងនេះ ត្រូវច្រានចោល «ជាតិនិយមជ្រុល» ដែលជាមនោគមន៍វិជ្ជាប្រកបដោយគ្រោះថ្នាក់។ នេះជាការចាំបាច់បំផុត ពីអំណើះតទៅ។

•ទាំងថ្នាក់ដឹកនាំ ទាំងពលរដ្ឋ (ពិសេសយុវជននិងយុវនារី) ត្រូវបន្តប្រឹងប្រែងអភិវឌ្ឍខ្លួន (ពិសេសពេលសុខសាន្តត្រាន) និងអភិវឌ្ឍកម្ពុជា ឱ្យក្លាយជាប្រទេស និងប្រជាជនខ្លាំងពូកែ ដើម្បីទប់ទល់នឹងការប្រមាថ ការជាន់ឈ្លី និងការឈ្លានពាន ដែលនឹងនៅតែបន្តកើតឡើង មិនយូរមិនឆាប់ ក្នុងអនាគតកាលជិតឬឆ្ងាយ៕

ប្រភព៖ Jean-François Tain

MS Digital Solutions

12/12/2025

☄️☄️សង្រ្គាមលើកនេះ វីរកងទ័ពយើងពលីច្រើនណាស់! វាមិនគ្រាន់តែជាមេរៀនទេ វាជាប្រវត្តិសាស្ត្រ។ កូនខ្មែរត្រូវឈឺចាប់ ខំប្រឹង
ធ្វើឱ្យខ្លួនឯងខ្លាំងរាល់ថ្ងៃ ទើបយើងអាចសងសឹកជូនជាតិយើងថ្ងៃមួយបាន🇰🇭។

11/12/2025

🇰🇭🙏សូមបួងសួងដល់គុណបុណ្យបារមីវត្ថុស័ក្ដិសិទ្ធិ ទាំងឡាយក្នុងលោកជួយតាមថែរក្សាការពារវីរ:កងទ័ពខ្មែរជួរមុខប្រកបដោយសុខសុវត្ថិភាពគ្រប់ៗគ្នា និង ប្រជាជនខ្មែរភៀសសឹកទាំងអស់ សូមឱ្យបានរួចចាកផុតពីទុក្ខភ័យ និង មានសុខសុវត្ថិភាព។ សូមប្រទេសកម្ពុជា និង ប្រជាជនខ្មែរនឹងឆាប់ទទួលបានសុខសន្តិភាព។

🇰🇭🙏May the sacred virtues and blessings of all highly revered entities protect and safeguard the Cambodian frontline soldiers, ensuring their safety and the well-being of our people. To all Cambodian civilians who have been displaced, may you be freed from fear and suffering. May our nation and its people find lasting peace, security, and serenity.

11/12/2025

យើងជាខ្មែរមានការឈឺចាប់🇰🇭អ្នកស្រី ម៉ែន គីមលី គឺជាភរិយារបស់យុទ្ធជនដែលបានពលីជីវិត ការពារទឹកដីកាលពីឆ្នាំ២០០០។ បច្ចុប្បន្នអ្នកស្រីមានកូនប្រុស ២នាក់ គឺជាយោធា ដោយកូនប្រុសម្នាក់កំពុងឈរជើងនៅសមរភូមិ ប្រឆាំងការឈ្លានពានពីថៃបច្ចុប្បន្ន ខណៈម្នាក់ទៀតកំពុងជាប់ឃុំនៅប្រទេសថៃ ស្ថិតក្នុងចំណោមទាហានទាំង ១៨នាក់។

ក្នុងបទសម្ភាសន៍ជាមួយសារព័ត៌មាន ព្រះខ័ន ហើយ ស៊ីស៊ីថាមស៍ ផ្សាយបន្តលោកស្រី បានប្រដូចជីវិតខ្លួនលើសពីនាងបដាចា ព្រោះហេតុថា ប្ដីក៏ស្លាប់ព្រោះជាតិ ហើយកូនពីរនាក់ទៀតក៏លះបង់ ដើម្បីជាតិ។

តែយ៉ាងណាលោកស្រី ថ្លែងទាំងអារម្មណ៍ក្តុកក្តួលថា ទោះតែជីវិតកូនយកទៅប្តូរជាមួយទឹកដី ក៏មិនអាចទៅដូរបានដែរ ព្រោះទឹកដី គឺជាមាតុភូមិរបស់យើង ប្រជាជនយើង ជីវិតច្រើនគ្នា។

ប្រភព៖ ព្រះខ័ន រូបភាព៖ ថ្មី ៗ

#កម្ពុជា #ស៊ីស៊ីថាមស៍

10/12/2025

យើងខ្ញុំ សូមបួងសួងដល់បារមីវត្ថុស័ក្ដិសិទ្ធទាំងឡាយក្នុងលោកសូមជួយតាមថែរក្សាការពារឃុំគ្រងវីរកងទ័ពខ្មែរ និងជនភៀសសឹកទាំងអស់ សូមបានសមប្រកបដោយកម្លាំងមាំមួន និងសុខសុវត្ថិភាពគ្រប់ពេលវេលា គ្រប់ទីកន្លែង។ 🇰🇭🇰🇭🇰🇭🙏

MS Digital Solutions

10/12/2025

យើងខ្ញុំ សូមបួងសួងដល់បារមីវត្ថុស័ក្ដិសិទ្ធទាំងឡាយក្នុងលោកសូមជួយតាមថែរក្សាការពារឃុំគ្រងវីរកងទ័ពខ្មែរ និងជនភៀសសឹកទាំងអស់ សូមបានសមប្រកបដោយកម្លាំងមាំមួន និងសុខសុវត្ថិភាពគ្រប់ពេលវេលា គ្រប់ទីកន្លែង។ 🇰🇭🇰🇭🇰🇭🙏

Foc Coffee

10/12/2025

08/12/2025

ក្រសួងការពារជាតិកម្ពុជា ៖ ការបើកការវាយប្រហារឈ្លានពានរបស់ភាគីថៃ មានចំនួន ១២ទីតាំង គិតត្រឹមពេលនេះ ថ្ងៃទី៨ ធ្នូ ២០២៥។