CPN Daily

31/12/2025

វីរៈកងទ័ពកម្ពុជាទាំង១៨រូប ដែលថៃចាប់ទៅដោយខុសច្បាប់ បានវិលត្រឡប់

10/06/2025

សហព័ន្ធឧស្សាហកម្មថៃ (FTI) បានព្រមានកាលពីថ្ងៃអង្គារនេះថា វិធានការបិទព្រំដែនថៃ-កម្ពុជា នឹងបណ្តាលឱ្យមានផលប៉ះពាល់ដល់ចំណូលរបស់ប្រជាជនថៃដែលរស់នៅក្បែរព្រុំដែនខ្លាំងជាងគេ។
ប្រធាន FTI លោក Kriengkrai Thiennukul បានពន្យល់ថា ពាណិជ្ជកម្មតាមព្រំដែនរបស់ប្រទេសថៃ ជាមួយកម្ពុជាជាមធ្យមគឺមានតម្លៃប្រមាណ ១៧០ ពាន់លានបាតក្នុងមួយឆ្នាំ ឬប្រហែល ៦៤% នៃការពាណិជ្ជកម្មតាមព្រំដែនសរុប។
លោក Kriengkrai បានមានប្រសាសន៍ទៀតថា ជាការពិតណាស់ វិវាទមួយនេះនឹងធ្វើឱ្យទាំងថៃ និងកម្ពុជារងទុក្ខដូចគ្នា។ តែផ្ទុយទៅវិញ បច្ចុប្បន្នការនាំចេញរបស់ថៃគឺកំពុងតែជួបបញ្ហា ដោយក្នុងនោះមានទំនិញជាច្រើនដូចជា សម្ភារៈប្រើប្រាស់ប្រចាំថ្ងៃ ប្រេងឥន្ធនៈ គ្រឿងចក្រ និងគ្រឿម៉ាស៊ីនជាដើម។ លោក Kriengkrai មានសង្ឈឹមថា អ្វីៗនឹងប្រសើរឡើងបន្ទាប់ពីថ្នាក់ដឹកនាំប្រទេសទាំងពីរយល់ព្រមចរចា (The Thai Nation 10 Jun)។

09/06/2025

គ្រាប់បែកចំនួនពីរគ្រាប់បានផ្ទុះនៅក្នុងក្រុង ប៉ាតានី ដែលបណ្តាលឱ្យមានមនុស្សម្នាក់បានរងរបួស។
គួរបញ្ជាក់ថា ហេតុការណ៍នេះបានកើតឡើងនៅមុខផ្សារវេលាម៉ោងប្រហែល 8.05 យប់ថ្ងៃអាទិត្យ ហើយវាក៏ជាគ្រាប់បែកលើកទីបីដែរ ដែលត្រូវបានកងទ័ពថៃរកឃើញ។

បើយោងតាមការជូនដំណឹងពីការិយាល័យទំនាក់ទំនងសាធារណៈខេត្តប៉ាតានី បានព្រមានប្រជាជនខ្លួនថា ករណីបំផ្ទុះគ្រាប់បែកនេះវាអាចនឹងកើតឡើងបន្តទៀត ជាពិសេសនៅក្នុងខេត្តប៉ាតានី ខេត្តយ៉ាឡា និងណារ៉ាធីវ៉ាត់។ ការជូនដំណឹងបានបញ្ជាក់ទៀតថា ការវាយប្រហារវាអាចកើតឡើងខ្លាំងជាងគេនោះគឺអាចនៅក្នុងមជ្ឈមណ្ឌលពាណិជ្ជកម្មក្រុងដែលនៅស្ថិតនៅក្នុងខេត្តជាប់ព្រំដែនខាងត្បូង (Bangkok Post 09 Jun)។

05/06/2025

ខណៈពេលដែលស្ថានភាពនៅក្នុងតំបន់សមុទ្រចិនខាងត្បូងកំពុងតែមានភាពតានតឹង ហ្វីលីពីនក៏បានបង្កើនការយាមល្បាតតាមផ្លូវអាកាសជាមួយនឹងយន្តហោះ FA-50 ដែលផលិតឡើងដោយកូរ៉េខាងត្បូងជាច្រើនគ្រឿង។

យោងតាមការចុះផ្សាយពីទីភ្នាក់ងារសារព័ត៌មានរដ្ឋរបស់ហ្វីលីពីន បានរាយការណ៍នៅថ្ងៃទី 05 ខែឧសភា នេះថា នៅក្នុងកិច្ចសន្យាមួយដែលមានតម្លៃប្រមាណ 700 លានដុល្លារសហរដ្ឋអាមេរិក វាគឺទាក់ទងទៅនឹងការទិញលក់អាវុធរវាង ក្រុមហ៊ុន Korea Aerospace Industries (KAI) របស់កូរ៉េខាងត្បូង និងប្រទេសហ្វីលីពីន។

គួរបញ្ជាក់ថា នៅក្នុងកិច្ចសន្យារវាងភាគីទាំងពីរខាងលើ វាត្រូវបានខាងកាសែតចិនបញ្ជាក់ទៀតថា KAI បានបញ្ជូនយន្តហោះ FA-50 ចំនួន 12 គ្រឿងមកហ្វីលីពីនតាំងពីឆ្នាំ 2014 មកម្ល៉េះ។

ប្រភពដដែលបាននិយាយទៀតថា ឥទ្ធិពលរបស់ចិននៅសមុទ្រចិនខាងត្បូង វាបានធ្វើឲ្យហ្វីលីពីនកាន់តែមានភាពខ្លាចរអារ។ ដើម្បីការពារតំបន់សេដ្ឋកិច្ចផ្តាច់មុខរបស់ប្រទេស មេដឹកនាំទីក្រុងម៉ានីល នឹងបង្កើនការចំណាយទៅវិស័យការពារជាតិជាមិនខាន (ការសែតចិនពេលព្រឹក ០៥ ខែឧសភា)។

02/06/2025

ទារកដែលកើតមិនទាន់គ្រប់ខែម្នាក់បានស្លាប់នៅក្នុងយន្តហោះ Jeju Air ។
ស្ត្រីជនជាតិភីលីពីនម្នាក់ដែលមានផ្ទៃពោះប្រហែល 25 សប្តាហ៍ បាននាំក្រុមគ្រួសារទៅកំសាន្តនៅប្រទេសកូរ៉េខាងត្បូង។
នៅម៉ោងប្រហែល 6 ព្រឹកស្ត្រីរូបនោះបានសម្រាលកូននៅក្នុងយន្តហោះ តែជាអកុសល់ នៅវេលាម៉ោង 6 និង 44 នាទី ទារកដែលកើតក្នុងអំឡុងពេលជើងហោះហើរ Jeju Air ពី Clark ប្រទេសហ្វីលីពីន ទៅ Incheon គឺឈប់ដកដង្ហើមទៅហើយ។

បើយោងតាមសារព័ត៌មាន Korea JoongAng Daily បានឱ្យដឹងថា ក្នុងករណីដែលមានទារកបានកើត និងស្លាប់នៅលើយន្តហោះដែលមានទង់ជាតិកូរ៉េ ខាងអាជ្ញាធរកូរ៉េនឹងធ្វើការស៊ើបអង្កេតរឿងនេះឲ្យបានច្បាស់លាស់។

ប៉ុន្តែបើយោងតាមការរៀបរាប់ពីមន្ត្រីអាកាសចរណ៍ Jeju Air បាននិយាយថា ស្ត្រីជនជាតិហ្វីលីពីនរូបនោះ មិនបានជូនដំណឹងដល់ក្រុមហ៊ុនអាកាសចរណ៍ថានាងមានផ្ទៃពោះនោះទេ (The Korean Times 01 Jun)។

02/06/2025

ចក្រភពអង់គ្លេសនឹងពង្រីកកងនាវាមុជទឹក ដែលជាផ្នែកមួយនៃការផ្លាស់ប្តូរ ឬអាចនិយាយបានថា អង់គ្លេសកំពុងតែត្រៀមខ្លួនប្រយុទ្ធ ប្រសិនបើមានការគំរាមកំហែងណាមួយបានកើតឡើងពីសំណាក់ប្រទេសរុស្ស៊ី។

ការរៀបចំប្រទេសមួយឲ្យទៅជាប្រទេសដែលដើរទាន់សម័យកាល កំថាឡើយការប្រយុទ្ធ ឬមួយក៏ធ្វើសង្រ្គាម ដាច់ខាតយើងត្រូវតែមានអាវុធទំនើបៗនៅក្នុងដៃជាមុនសិន។

បើយោងតាមការរៀបរាប់ពីនាយករដ្ឋមន្ត្រីរបស់ចក្រភពអង់គ្លេសលោក Sir Keir Rodney Starmer បាន ប្តេជ្ញាចិត្តរួចហើយថា លោកនឹងបង្កើនការចំណាយទៅលើវិស័យការពារជាតិរហូតដល់ 2.5% នៃផលិតផលក្នុងស្រុកសរុបនៅឆ្នាំ 2027។
គួរបញ្ជាក់ថា ការរៀបចំឡើងវិញលើវិស័យការពារជាតិលើនេះ លោក Starmer នឹងសាងសង់រោងចក្រផលិតអាវុធ ថ្មីចំនួនប្រាំមួយកន្លែងទៀត ហើយលោកនិងបញ្ជាទិញអាវុធរយៈចម្ងាយឆ្ងាយដែលផលិតដោយជនជាតិអង់គ្លេសរហូតដល់ 7,000 ដើម ព្រមទាំងដាក់ឱ្យដំណើរការនូវប្រព័ន្ធបច្ចេកវិទ្យា និងអ៊ីនធឺណេតថ្មី ដើម្បីភ្ជាប់ទំនាក់ទំនង ជាមួយនឹងកងកំលាំងជួរមុខឱ្យកាន់តែប្រសើរជាងមុនផងដែរ (Reuters 02 Jun)។

02/06/2025

បច្ចេកវិទ្យាខួងអណ្តូងរបស់ប្រទេសចិន បានទៅកែប្រែវាសនាវាលខ្សាច់របស់ប្រទេសអេហ្ស៊ីបឲ្យក្លាយទៅជាដីស្រែចម្ការបាន។ ក្រុមហ៊ុន Zhongman Petroleum and Natural Gas Group របស់ប្រទេសចិន បានចាប់ផ្តើមធ្វើប្រតិបត្តិការខួងអណ្តូងទឹកនៅប្រទេសអេហ្ស៊ីបចាប់តាំងពីឆ្នាំ 2016 មកម្ល៉េះ ។

ក្តីរំពឹងដ៏ធំមួយរបស់ប្រជាជនអេហ្ស៊ីបភាគច្រើននាពេលនេះយល់ឃើញថា អណ្តូងទឹកទាំងនេះ វានឹងធ្វើឲ្យពួកគេលែងមានការព្រួយបារម្មណ៍ទៅលើសន្តិសុខស្បៀងទៀតនោះឡើយ (Xinhau 01 Jun)។

02/06/2025

យន្តហោះចម្បាំងរុស្ស៊ីរាប់សិបគ្រឿង ត្រូវបានកំទេចដោយយន្តហោះគ្មានមនុស្សបើករបស់អ៊ុយក្រែន។
បើយោងតាមការចុះផ្សាយពី CNN នៅថ្ងៃទី 01 ខែមិថុនា បានឲ្យដឹងទៀតថា ការខាតបង់របស់រុស្ស៊ីលើកនេះមានដូចជា យន្តហោះចម្បាំងរុស្ស៊ីចំនួន 40 គ្រឿង យន្តហោះទម្លាក់គ្រាប់បែកយុទ្ធសាស្ត្រ TU-95 និង Tu-22M3 និងយន្តហោះស៊ើបការណ៍ A-50 មួយចំនួន ដែលបានចតនៅឯមូលដ្ឋានទ័ពអាកាស ហើយវាមាន ចម្ងាយឆ្ងាយពីជួរមុខទាហានអ៊ុយក្រែនរហូតដល់រាប់ពាន់ម៉ាយឯណោះ។
ប្រភពខាងលើបានឱ្យដឹងទៀតថា ប្រតិបត្តិការរបស់ទីក្រុងគីវលើកនេះវាបានគេដាក់ឈ្មោះថា "Spiderweb" មានន័យថា យន្តហោះគ្មានមនុស្សដែលពួកគេប្រើ គឺវាមានសមត្ថភាពអាចវាយប្រហារគោលដៅជាច្រើនកន្លង បូករួមទាំងតំបន់ធំៗនៃប្រទេសរុស្ស៊ីថែមទៀតផង។

31/05/2025

ទឹកជំនន់ភ្លាមៗបានធ្វើឲ្យមានមនុស្សយ៉ាងហោចណាស់ 111 នាក់បានបាត់បង់ជីវិត ហើយចំនួននេះអាចនឹងមានការកើនឡើង ខណៈដែលចំនួនអ្នកបាត់ខ្លួននៅមិនទាន់រកឃើញ។

យោងតាមការចុះផ្សាយពី The Associated Press នៅថ្ងៃទី 31 ខែឧសភា ឆ្នាំ 2025 បានឲ្យឹងបន្ថែមថាភ្លៀងធ្លាក់យ៉ាងគំហុកបានបង្កជាទឹកជំនន់ភ្លាមៗនៅទីក្រុង Mokwa ក្នុងប្រទេសនីហ្សេរីយ៉ា។

គួរបញ្ជាក់ថា ប្រទេសមួយនេះបានជួបប្រទះនឹងគ្រោះរាំងស្ងួតដ៏អូសបន្លាយកាន់តែអាក្រក់ទៅៗ ដោយសារការប្រែប្រួលអាកាសធាតុ តែផ្ទុយទៅវិញនៅពេលនេះវាបែរជាមានភ្លៀងធ្លាក់ខ្លាំងច្រើនហួសហេតុ ដែលនាំឱ្យមានទឹកជំនន់ធ្ងន់ធ្ងរក្នុងរដូវវស្សាដ៏ខ្លីនេះ។

ទឹកជំនន់បានគ្របដណ្តប់ផ្ទះរបស់ប្រជាជន ស្ទើតែមើលមិនឃើញដំបូលផ្ទះ។ ជាបឋមអ្នកស្រុកមានតែព្យាយាមជួយសង្គ្រោះខ្លួន និងក្រុមគ្រួសារតាមលទ្ធភាពដែលពួកគេអាចធ្វើបាន ទម្រាំមានក្រុមអ្នកជួយសង្គ្រោះបានទៅដល់។

31/05/2025

ភ្លើងឆេះព្រៃដ៏ធំបំផុត នៅប្រទេសកាណាដា

ភ្លើងឆេះព្រៃបានបង្ខំមនុស្សរាប់ពាន់នាក់ត្រូវជម្លៀសចេញបណ្តោះអាសន្ន ពោលគឺបន្ទាប់ពីមានភ្លើងឆេះព្រៃនៅប្រទ.....

30/05/2025

ខ្យល់បក់បោកខ្លាំង និងភ្លៀងធ្លាក់ខ្លាំងក្នុងរយៈពេលពីរថ្ងៃកន្លងមកនេះ បានបណ្តាលឱ្យតំបន់ជាច្រើននៅប្រទេសរ៉ូម៉ានីជួបគ្រោះទឹកជំនន់យ៉ាងធ្ងន់ធ្ងរ។

យោងតាមការចុះផ្សាយពី Euro News នៅថ្ងៃទី 30 បានឲ្យដឹងថា មនុស្សរាប់រយនាក់ត្រូវបានជម្លៀសចេញពីស្រុក Covasna និង Brasov គឺបន្ទាប់ពីអណ្តូងបម្រុងរ៉ែអំបិលចំណាស់មួយកន្លែងដែលមានទីតាំងនៅ Praid បានរងនូវការបំផ្លាញដោយទឹកជំនន់។

គួរបញ្ជាក់ថា អណ្តូងផលិតអំបិល Praid ក្នុងប្រទេសរ៉ូម៉ានីវាគឺជាកន្លែងមួយដ៏ស្រស់ស្អាត ហើយក៏ជាកន្លែងទាក់ទាញទេសចរណ៍ដ៏សំខាន់ផងដែរ។ ជាមធ្យមនៅក្នុងមួយឆ្នាំតំបន់មួយនេះ បានស្វាគមន៍ភ្ញៀវទេសចរណ៍ដោយលក់សំបុត្ររហូតដល់កន្លះលាននាក់ក្នុងមួយឆ្នាំ។

30/05/2025

សហរដ្ឋអាមេរិក គ្រោងនឹងបង្កើនការលក់សព្វាវុធទៅឲ្យកោះតៃវ៉ាន់ ខណៈដែលចិនកំពុងតែបង្កើនសម្ពាធខាងផ្នែកយោធាទៅលើកោះមួយនេះ។

យោងទៅតាមការចុះផ្សាយពីរ៉យទ័រនៅថ្ងៃទី 30ខែឧសភា ឆ្នាំ 2025 បានឲ្យដឹងបន្ថែមថា ប្រសិនបើ សហរដ្ឋអាមេរិកនៅតែបន្តការលក់សព្វាវុធរឱ្យទីក្រុងតៃប៉ិ នោះមានន័យថាលោក Donald Trump កំពុងតែព្យាយាមបង្ហាញពីការប្តេជ្ញាចិត្តរបស់ទីក្រុងវ៉ាស៊ិនតោន។

បើយោងទៅតាមការរៀបរាប់ពីមន្ត្រីអាមេរិក 2 រូបដែលនិយាយក្នុងលក្ខខណ្ឌមិនបញ្ចេញឈ្មោះថា
អាមេរិកនឹងលក់អាវុធទៅឲ្យទីក្រុងតៃប៉ិរហូតដល់រយៈពេល 4 ឆ្នាំខាងមុខ ហើយប្រសិនបើយើងគិតតម្លៃជាទឹកប្រាក់វិញនោះ គឺវាមានទំហំលើសពីចំនួននៅក្នុងអាណត្តិដំបូងរបស់លោក Trump ទៅទៀត។

គួររំលឹកថា រដ្ឋបាលរបស់លោក Trump នៅក្នុងអាណត្តិដំបូងបានអនុម័តការលក់អាវុធឲ្យកោះតៃវ៉ាន់ប្រហែល 18.3 ពាន់លានដុល្លា តែកាលពីនៅក្នុងអាណត្តិរបស់ លោក Joe Biden អាមេរិកបានលក់សព្វាវុធឲ្យតៃវ៉ាន់ក្នុងទំហំជាទឹកប្រាក់ $8.4 ពាន់លានដុល្លារប៉ុណ្ណោះ។