21/02/2024
មានដំណឹងល្ហេចល្ហៀងថាអតីតតួអង្គ Man of Steel ឬ Superman រូបនេះកំពុងចចារ ឬក៏បានចុះកិច្ចសន្យារួចទៅហើយជាមួយក្រុមហ៊ុនសូភើហេរ៉ូលំដាប់យក្សម៉ាវល ហើយថែមទាំងទទួលបានតួនាទីជាតួអង្គសំខាន់ផងដែរ។ គេសន្និដ្ឋានថាបើគាត់ពិតជាបានចូលរួមជាមួយម៉ាវលមែន នោះតួអង្គធំៗពីរដែលតារារូបនេះអាចនឹងកាន់សម្ដែងគឺ Doctor Doom ដែលជា Villain ធំអាចនឹងយកមកជំនួសតួអង្គ Kang ដែលសព្វថ្ងៃកំពុងមានបញ្ហារកាំរកុះទាំងតួសម្ដែង ទាំងភាពមិនជោគជ័យនៃសាច់រឿង។ ជម្រើសធំបន្ទាប់គាត់អាចនឹងសម្ដែងជា Captain Britain ដែលតួអង្គនេះមិនមែនត្រឹមជា Version Caption របស់អង់គ្លេសប៉ុន្តែគេទទួលបានថាមពលវេទមន្តពី Merlyn ដោយបានន័យថា Captain Britain មានទាំងកម្លាំងមហាសាល និងជាគ្រូសិល្បថែមទៀតផង។ មួយវិញទៀត Henry ធ្លាប់ធ្លយមាត់នៅក្នុងបទសម្ភាសន៍មួយលើកដែរដោយគាត់ពិតជារីករាយនឹងសម្ដែងជាតួ Captain Britain។ យ៉ាងណាយើងមិនទាន់មានការប្រកាសច្បាស់ការណាមួយនៅឡើយទេ មានតែរង់ចាំមើលដំណឹងបន្តទៀតពី សាមីខ្លួន និងម៉ាវលផ្ទាល់។
សម្រាប់ប្រិយមិត្តយើងយល់យ៉ាងណាដែរបើគាត់ពិតជាចូលរួមជាមួយម៉ាវលមែន ហើយបើបានចូលរួមតើបងប្អូនយើងចង់ឃើញគាត់សម្ដែងជាតួអង្គអ្វី?
