11/08/2025
អត្ថបទសម្រាប់ជំនួយគំនិត៖
យោងទៅតាមស្ថានភាពបច្ចុប្បន្នដែលគ្រប់គ្នាកំពុងតែជួបប្រទះ តើអ្នកគិតថាយើងអាចទទួលបានសន្តិភាពវិញដែរឬទេ?
ពីបុរាណកាលមក មានមេដឹកនាំម្នាក់ដែលមានឈ្មោះថា ស៊ុនឈាន គឺជាម្ចាស់នៃទឹកដីនគរ អ៊ូ ដែលជាទឹកដីមួយដ៏ល្អប្រពៃ ហ៊ុំព័ទ្ធទៅដោយទន្លេឆាងជើ ជាទីតាំងងាយស្រួលការពារ ពិបាកក្នុងការវាយលុក។
គាត់បានគ្រប់គ្រង ទឹកដី ជាងតុង នោះបានយ៉ាងល្អ ក្រោមគោលនយោបាយ ២ ធំៗ ដែលខ្ញុំបានសង្កេតឃើញ៖
១. ការចេះតស៊ូ និងអត់ធ្មត់ ៖ ជាគន្លឹះនៃការរៀបចំយុទ្ធសាស្រ្ត និងនយោបាយក្នុងប្រទេស ។ ជួបសង្រ្គាមធំ ២ លើក ៖
- លើកទី១ ប្រយុទ្ធជាមួយ ឆាវឆាវ យកឈ្នះទ័ព ៨០ ម៉ឺននាក់របស់ឆាវឆាវ
- លើកទី២ ប្រយុទ្ធជាមួយ ល៉ីវ ប៉ី យកឈ្នះទ័ព ៧០ ម៉ឺននាក់របស់ល៉ីវប៉ី
ក្រោមយុទ្ធសាស្រ្ត តស៊ូ តែមិនព្រមចុះចាញ់ សុំចរចារ តែមិនព្រមបោះបង់ឆន្ទះក្នុងការការពារទឹកដី និងការអត់ធ្មត់ដោយទ្រាំំរាល់ការប្រមាថទាំងឡាយ និងរង់ចាំឪកាសល្អទើបព្រមតទល់ ជាមួយសត្រូវដែលខ្លាំង។
២. ការចេះប្រើប្រាស់មនុស្ស៖ មេទ័ពខ្លាំងដែល ស៊ុន ឈាន ប្រើប្រាស់សុទ្ធតែទទួលបានជោគជ័យ៖
- ចូវ អ៊ី បានយកឈ្នះឆាវៗ នៅសង្គ្រាម ឈើពិ
- លូ ស៊ូ បានទាមទារយកស្រុក ទាំង ៣ នៅ ជីងចូវ (ជាផ្នែកមួយសំខាន់)
- លី ម៉ឺង បានយកឈ្នះ គួន អ៊ី យកបាន ជីងចូវ
- លូ ស៊ីង បានយកឈ្នះ ល៉ីវប៉ី
ត្រឡប់មកកាន់អ្វីដែលខ្ញុំចង់ប្រាប់ទៅបងប្អូនយើងវិញ ថា ថ្នាក់ដឹកនាំរបស់យើង គឺដូចជា ម្ចាស់នគរ អ៊ូ នេះចឹង។ យើងជាប្រទេសតូចមិនទាមទារចង់បានអ្វីក្រៅពីសន្តិភាពនោះទេ តែដោយសារទីតាំងរបស់យើងគឺជាកន្លែងដែលសត្រូវចង់បាននោះ តែងតែជួបនៅការប៉ះទង្គិចផ្សេងៗ ។ ថ្នាក់ដឹកនាំរបស់យើងបាន ប្រើវិធីត្រឹមត្រូវ ទោះបីជាយើងតូចជាងគេ យើងមិនបាត់បង់អនុភាព សុំចរចារ តែមិនមែនព្រមចុះចាញ់ យើងសុខចិត្តស៊ូស្លាប់ ក៏មិនព្រមបាត់បង់ទឹកដី។ យើងអត់ធ្មត់គោរពច្បាប់អន្តរជាតិ យើងឈ្នះលើគុណធម៌ និងគោលនយោបាយអន្តរជាតិ។
ទាំងនេះគឺជាអ្វីដែលប្រជាជនយើងត្រូវនឹកចាំ ហើយត្រូវតែចេះសង្កេតមើលអ្វីដែលជាការពិត។
