HR News TV

27/09/2025

វីដេអូ ភស្តតាង នៅព្រឹកថ្ងៃទី២៧ ខែកញ្ញា ឆ្នាំ២០២៥ វេលាម៉ោងប្រមាណ ១១:៥២នាទី ដែលយោធាថៃបានចាប់ផ្តើមធ្វើការបាញ់ប្រហារមុនមកលើទីតាំងកងកម្លាំងកម្ពុជា ដោយបានបាញ់កំាភ្លើងត្បាល់និងកាំភ្លើងដៃជាច្រើន គ្រាប់មកតំបន់មូលដ្ឋានកងទ័ពកម្ពុជានៅតំបន់អានសេះ ខណៈ កងទ័ពកម្ពុជា គោរពបទឈប់បាញ់ មិនបានបាញ់តបតវិញទេ។

27/09/2025

នៅថ្ងៃទី២៧ ខែកញ្ញា ឆ្នាំ២០២៥ នេះ លោក ហង្ស រដ្ឋា បាននិយាយថា សង្រ្គាមលោកលើកទី៣ អាចកើតឡើងតាមរយៈ ៖
១. សង្រ្គាមរវាង រុស្សី និងអ៊ុយក្រែន បានរីករាលដាលដល់ ណាតូ ហើយ ។
២. ភាពតានតឹង រវាងសហរដ្ឋអាមេរិក និងវេណេហ្ស៊ុយអេឡា។
៣. អ៉ីស្រាអែល ព្រមានទម្លាក់គ្រាប់បែកលើប្រទេសចិន។ គួរបញ្ជាក់ថា កន្លងមក អ៉ីស្រាអែល បានបើកការវាយប្រហារតាមផ្លូវអាកាសជាបន្តបន្ទាប់លើបណ្ដាទីក្រុងជាច្រើនក្នុងតំបន់មជ្ឈិមបូព៌ាដូចជា៖ (ទីក្រុង ដូហា ប្រទេសកាតា) (ទីក្រុង តេហេរ៉ង់ ប្រទេស អ៉ីរ៉ង់) (ទីក្រុង បេរូត ប្រទេស លីបង់) (ទីក្រុង ដាម៉ាស ប្រទេស ស៊ីរី) (ទីក្រុង សាណា ប្រទេសយ៉េមែន) ។
៤. កោះតៃវ៉ាន់ អាចផ្ទុះសង្រ្គាមជាមួយចិន ។
៥. កូរ៉េខាងត្បូង និងកូរ៉េខាងជើង កំពុងប្រឈមមុខដាក់គ្នា។
៦. ជម្លោះរវាង ប៉ាគីស្ថាន និងឥណ្ឌា មិនទាន់ចប់ដាច់ស្រេច។
៧. ថៃ បើកការឈ្លានពានដោយខុសច្បាប់មកលើ កម្ពុជា ។
៨. សង្រ្គាម រវាង មីយ៉ាន់ម៉ា និងថៃ។
៩. ថៃ អាចពង្រីកសង្រ្គាមដល់ ម៉ាឡេស៊ី និងឡាវ។

27/09/2025

ព័ត៌មានបន្ទាន់ នៅព្រឹកថ្ងៃទី២៧ ខែកញ្ញា នេះ យោធាថៃបានចាប់ផ្តើមធ្វើការបាញ់ប្រហារជាច្រើនគ្រាប់មកលើទីតាំងកងកម្លាំងកម្ពុជានៅច្រកអានសេះ

ភ្នំពេញ ៖ លោកស្រី ឧត្តមសេនីយ៍ឯក ម៉ាលី សុជាតា អនុរដ្ឋលេខាធិការ និងជាអ្នកនាំពាក្យក្រសួងការពារជាតិកម្ពុជា បានឲ្យដឹងថា នៅព្រឹកថ្ងៃទី២៧ ខែកញ្ញា ឆ្នាំ២០២៥ វេលាម៉ោងប្រមាណ ១១:៥២នាទី យោធាថៃបានចាប់ផ្តើមធ្វើការបាញ់ប្រហារមុនមកលើទីតាំងកងកម្លាំងកម្ពុជា ដោយបានបាញ់កំាភ្លើងត្បាល់និងកាំភ្លើងដៃជាច្រើន គ្រាប់មកតំបន់មូលដ្ឋានកងទ័ពកម្ពុជានៅតំបន់អានសេះ។ កងទ័ពកម្ពុជាបានឈរគោលការណ៍អត់ធ្មត់ខ្ពស់និងមិនបានតបតទៅវិញទេ។ រហូតមកដល់ម៉ោងនេះ ភាគីថៃនៅបន្តបាញ់ប្រហារមកលើកងទ័ពកម្ពុជា មិនទាន់បញ្ឈប់នៅឡើយទេ។

ឯកម្លាំងរបស់កម្ពុជា សូមបញ្ជាក់សាជាថ្មីនូវការប្តេជ្ញាចិត្តយ៉ាងម៉ឺងម៉ាត់ ក្នុងការគោរព និងការអនុវត្តនូវកិច្ចព្រមព្រៀងបទឈប់បាញ់រវាងកម្ពុជានិងថៃ ឱ្យបានពេញលេញនិងខ្ជាប់ខ្ជួនបំផុត ដោយបន្តសហការគ្នាឱ្យបានជិតស្និទ្ធនៅគ្រប់កម្រិត និងស្វែងរកកិច្ចសហប្រតិបត្តិការជាក់ស្តែង សំដៅលើកកម្ពស់សន្តិភាពនិងស្ថិរភាពរវាងប្រទេសទាំងពីរ ក៏ដូចជាការវិលត្រឡប់ទៅរកប្រក្រតីភាពឡើងវិញឱ្យបាន ឆាប់រហ័ស និងអំពាវនាវឱ្យភាគីថៃអនុវត្តនិងគោរពឱ្យបានម៉ឹងម៉ាត់ដូចគ្នា៕

27/09/2025

27/09/2025

នៅថ្ងៃទី២៧ ខែកញ្ញា ឆ្នាំ២០២៥ នេះ យោធាថៃយកគ្រឿងចក្រឈូសឆាយធ្វើផ្លូវ នៅភូមិ ព្រៃចាន់ ឃុំ អូរបីជាន់ ស្រុក អូរជ្រៅ ខេត្ត បន្ទាយមានជ័យ។

27/09/2025

ប្រមុខការទូតកម្ពុជា លោក ប្រាក់ សុខុន បានជួបប្រជុំជាមួយ រដ្ឋមន្រ្តីការបរទេសសហរដ្ឋអាមេរិក ម៉ាឡេស៊ី និងថៃ ដើម្បីស្វែងរកដំណោះស្រាយបញ្ហាព្រំដែនរវាង កម្ពុជា និងថៃ នៅទីក្រុងញូវយ៉ក កាលពីថ្ងៃទី២៦ ខែកញ្ញា ឆ្នាំ២០២៥។

27/09/2025

ព្រះមហាក្សត្រថៃតែងតាំងអតីតមេបញ្ជាការយោធភូមិភាគ២ លោក ប៊ុនស៊ីន ផាត់ឃ្លាំង ជា "អង្គរក្សពិសេស" ដែលចូលជាធរមានចាប់ពីថ្ងៃទី ១ ខែតុលា ឆ្នាំ ២០២៥ តទៅ។

26/09/2025

នៅថ្ងៃទី២៦ ខែកញា ឆ្នាំ២០២៥ នេះ លោក ហង្ស រដ្ឋា បានដាស់តឿនដល់កូនខ្មែរថា៖ កូនខ្មែរគួរឈប់សើចយំថៃ ពាក់ព័ន្ធ រញ៉េរញ៉ៃនៅក្នុងប្រទេសថៃ បាក់ដីនៅថៃ​ គ្រោះទឹកជំនន់នៅថៃ ឈប់សង្ឃឹមលើបារមីច្រើនពេក កូនខ្មែរគួរនាំគ្នាគិតធ្វើយ៉ាងមិចឲ្យថៃឈប់ធ្វើបាបខ្មែរតាមរយៈ ប្រើយន្តហោះចម្បាំងទម្លាក់គ្រាប់បែក ដ្រូនទម្លាក់គ្រាប់បែក យន្តហោះបាញ់ផ្សែងគីមីពុល រថក្រោះ កាំភ្លើងធំ ដោះលែងទាហ៊ាន ១៨នាក់ រាយបន្លាលួស ដកទ័ពចេញពី ដី ប្រាសាទ ខ្មែរ ឲ្យអស់ ទើបបានប្រទេសជាតិយើងបានធូរស្រាលពីការឈ្លានពាន។

26/09/2025

ភ្លៀងធ្លាក់ខ្លាំងបង្កឲ្យមានទឹកជំនន់ប៉ះពាល់ស្រុកចំនួន២ គឺ ស្រុក លំផាត់ និងស្រុក កូនមុំ ខេត្ត រតនគិរី បើគិតត្រឹមព្រឹកថ្ងៃទី២៦ ខែកញ្ញា ឆ្នាំ២០២៥ នេះ ស្ថានភាពកម្ពស់ទឹកទន្លេស្រែពកលំផាត់ ស្ថិតក្នុងកម្ពស់ទឹក១៣,៦៧ម៉ែត្រ។

26/09/2025

នៅព្រឹកនេះ សម្តេចធិបតី នាយករដ្ឋមន្រ្តី បានដឹកនាំកិច្ចប្រជុំពេញអង្គគណៈរដ្ឋមន្រ្តីនៅវិមានសន្តិភាព

សម្តេចធិបតី ហ៊ុន ម៉ាណែត នាយករដ្ឋមន្រ្តីកម្ពុជា នាព្រឹកថ្ងៃទី ២៦ ខែកញ្ញានេះ បានដឹកនាំកិច្ចប្រជុំពេញអង្គគណៈរដ្ឋមន្រ្តីនៅវិមានសន្តិភាព ដើម្បីពិភាក្សា និងឆ្លងលើរបៀបវារ:ចំនួន៧ ដែលរួមមាន៖

១.សេចក្តីព្រាងច្បាប់ស្តីពីការអនុម័តយល់ព្រមលើកិច្ចព្រមព្រៀងស្តីពីក្របខ័ណ្ឌបទប្បញ្ញត្តិសុវត្ថិភាពម្ហូបអាហារអាស៊ាន។

២.សេចក្តីព្រាងច្បាប់ស្តីពីការអនុម័តយល់ព្រមលើពិធីសារធ្វើវិសោធនកម្មកិច្ចព្រមព្រៀងអាស៊ានស្តីពីបន្លាស់ទីរូបវន្តបុគ្គល។

៣.សេចក្តីព្រាងច្បាប់ស្តីពីការអនុម័តយល់ព្រមលើពិធីសារទីមួយធ្វើវិសោធនកម្មកិច្ចព្រមព្រៀងពាណិជ្ជកម្មសេរីអាស៊ាន-ហុងកុង នៃសាធារណរដ្ឋប្រជាមានិតចិន។

៤.សេចក្តីព្រាងច្បាប់ស្តីពីការអនុម័តយល់ព្រមលើពិធីសារទីពីរធ្វើវិសោធនកម្មកិច្ចព្រមព្រៀងបង្កើតតំបន់ពាណិជ្ជកម្មសេរី អាស៊ាន-អូស្ត្រាលី-នូវែលសេឡង់។

៥.សេចក្តីព្រាងច្បាប់ស្តីពីការអនុម័តយល់ព្រមលើអនុសញ្ញាស្តីពីការបង្កើតអង្គការអន្តរជាតិសម្រាប់សន្ធានកម្ម។

៦.សេចក្តីព្រាងរបាយការណ៍ដំបូងស្តីពីការអនុវត្តអនុសញ្ញាស្តីពីសិទ្ធិជនពិការនៅកម្ពុជា។

៧.បញ្ហាផ្សេងៗ៕

26/09/2025

មន្ទីរសាធារណការ និងដឹកជញ្ជូនខេត្តរតនគិរី បានឲ្យដឹងថា នៅថ្ងៃទី២៥ ខែកញ្ញា ឆ្នាំ២០២៥ នេះ មានភ្លៀងធ្លាក់ខ្លាំងធ្វើឲ្យទឹកជំនន់លិចផ្លូវ ហេតុដូចនេះ មន្ទីរសាធារណការ ត្រូវបានផ្អាកចរាចរណ៍ជាបណ្តោះអាសន្នរថយន្តដឹកទំនិញធន់ធ្ងន់គ្រប់ប្រភេទលើផ្លូវជាតិលេខ៧៦ ចន្លោះបង្គោលគីឡូម៉ែត្រលេខ២៧០ដល់២៧៣ស្ថិតក្នុងស្រុកលំផាត់ ខេត្តរតនគិរី។

26/09/2025

ស្ថានភាពជំនន់ទឹកភ្លៀងបណ្តាលឱ្យជន់លិចកំណាត់ផ្លូវខេត្តលេខ៣៧៦៨ នៅចំណុចផ្លូវបំបែកស្រុកលំផាត់ ទៅស្រុកបរកែវ ខេត្តរតនគិរី នៅព្រឹកថ្ងៃទី២៦ ខែកញ្ញា ឆ្នាំ២០២៥នេះ។