MEDA TV

10/12/2022

10/12/2022

សណ្ឋាគារមេគង្គវីយូថោវើ៖ នាព្រឹកថ្ងៃសុក្រ ១ រោច ខែមិគសិរ ឆ្នាំខាល ចត្វាស័ក ព.ស.២៥៦៦ ត្រូវនឹងថ្ងៃទី៩ ខែធ្នូ ឆ្នាំ២០២២ លោក គុណ ជាស៊ីន ប្រធាននាយកដ្ឋានមនុស្សចាស់ និងអតីតយុទ្ធជននៃក្រសួងសង្គមកិច្ច អតីតយុទ្ធជន និងយុវនីតិសម្បទា អញ្ជើញចូលរួមជាគណៈអធិបតីជាមួយឯកឧត្ដម ញ៉ែម ប៊ុនធឿន អគ្គនាយករងនៃគណៈកម្មាធិការសិទ្ធិមនុស្សកម្ពុជាក្នុងពិធីអបអរសាទរទិវាសិទ្ធិមនុស្សអន្ដរជាតិក្រោមប្រធានបទ "ការគាំទ្រផ្នែកច្បាប់ស្ដីពីសិទ្ធិសម្រាប់មនុស្សវ័យចាស់"។ ដោយមានការអញ្ជើញចូលរួមពី៖ ១) ឯកឧត្ដមសមាជិកគណៈកម្មាធិការសិទ្ធិមនុស្សកម្ពុជា ២)តំណាងអង្គការមនុស្សចាស់កម្ពុជា ៣)តំណាងបណ្ដាញមនុស្សវ័យចាស់កម្ពុជា ៤)តំណាងសមាគមមនុស្សចាស់ដែលមកពីរាជធានី ខេត្ដចំនួន ១៤ សរុប ១០០ នាក់។ប្រភព អគ្គនាយកដ្ឋានបច្ចេកទេស នៃក្រសួងសង្គមកិច្ច អតីតយុទ្ធជន និងយុវនីតិសម្បទា
ចូលមកកាន់គ្រុបសមាគម https://t.me/medacambodia

10/12/2022

នារសៀលថ្ងៃទី៩ ខែធ្នូ ឆ្នាំ២០២២ ឯកឧត្តម ណេប សាមុត អគ្គនាយកគ្រប់គ្រងឧស្សាហកម្មទេសចរណ៍ និងជាប្រធានលេខាធិការដ្ឋានក្រុមការងាររាជរដ្ឋាភិបាល-ឯកជនដេីម្បីស្តារ និងលេីកស្ទួយវិស័យទេសចរណ៏កម្ពុជា បានដឹកនាំសិក្ខាសាលាពិគ្រោះយោបល់កម្រិតបច្ចេកទេសលើសេចក្ដីព្រាងវិធានការគោលនយោបាយអនុវត្តយុទ្ធនាការ "ឆ្នាំទស្សនាកម្ពុជា ២០២៣" ដោយមានការចូលពីឯកឧត្ដម លោកជំទាវ លោក លោកស្រី តំណាងមន្ទីរទេសចរណ៍គ្រប់រាជធានី ខេត្ត និងវិស័យឯកជន ដោយផ្ទាល់នៅខេត្តព្រះសីហនុ និងតាមប្រព័ន្ធអនឡាញ(ZOOM)។
ការរៀបចំនេះគឺដើរស្របតាមផែនការសកម្មភាពដែលមានចែងក្នុង ផែនទីចង្អុលផ្លូវស្តីពីផែនការស្ដារ និងលើកស្ទួយវិស័យទេសចរណ៍កម្ពុជា ក្នុង និងក្រោយវិបត្តិជំងឺកូវីដ-១៩ និងដូចតាមប្រសាសន៍ណែនាំដ៏ខ្ពង់ខ្ពស់របស់ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា ថ្លែងក្នុងពិធីបិទសន្និបាតបូកសរុបការងារទេសចរណ៍ កាលពីថ្ងៃទី១៤ ខែកក្កដា ឆ្នាំ២០២២។ប្រភព ក្រសួងទេសចរណ៍ Ministry of Tourism, Cambodia
ចូលមកកាន់គ្រុបសមាគម https://t.me/medacambodia

10/12/2022

សូមជម្រាបជូនដំណឹងដល់កូន កូនក្មួយមន្រ្តីសាលាខេត្តបន្ទាយមានជ័យ និងសិស្សានុ​សិស្ស​ទូទៅខេត្តបន្ទាយមានជ័យឲ្យបានជ្រាបថា ក្នុងឆ្នាំសិក្សា២០២២-២០២៣ ថ្មីនេះ សាកលវិទ្យាល័យបញ្ញាជាតិ បានផ្តល់អាហារូបករណ៍តាមរយៈសាលាខេត្តបន្ទាយមានជ័យ ចំនួន១៥កន្លែង ថ្នាក់បរិញ្ញាបត្រ ដោយឥតបង់ថ្លៃសិក្សារយៈពេល៤ឆ្នាំ ចាប់ពីថ្ងៃជូនដំណឹងនេះតទៅ!ប្រភព រដ្ឋបាលខេត្តបន្ទាយមានជ័យ
ចូលមកកាន់គ្រុបសមាគម https://t.me/medacambodia

10/12/2022

ខេត្តមណ្ឌលគិរី​៖ រសៀលថ្ងៃសុក្រ ១រោច ខែមិគសិរ ឆ្នាំខាល ចត្វាស័ក ព.ស ២៥៦៦ ត្រូវនឹងថ្ងៃទី០៩ ខែធ្នូ ឆ្នាំ២០២២ នាយកដ្ឋានទំនាក់ទំនងរាជរដ្ឋាភិបាល និងរដ្ឋសភា ព្រឹទ្ធសភា​ បានរៀបចំវេទិកាសាធារណៈស្តីពីការផ្តល់សេវាសាធារណៈ ដើម្បីទទួលសំណូមពរពីប្រជាពលរដ្ឋនៅសង្កាត់រមនា ក្រុងសែនមនោរម្យ ខេត្តមណ្ឌលគិរី ក្រោមអធិបតីភាព​ លោក​ជំទាវ​ ថាក់​ ឡានី​ រដ្ឋ​លេខា​ធិការ​ ក្រសួងទំនាក់ទំនងជាមួយរដ្ឋសភា-ព្រឹទ្ធសភា​ និងអធិកាកិច្ច ដោយមានការអញ្ជើញចូលរួមពី ឯកឧត្តម​ ស៊ន​ សារុន អភិ​បាលរងខេត្ត​មណ្ឌលគិរី លោក​ ជ្រង​ ធីល អភិ​បាលរងក្រុង​ សែន​មនោរម្យ លោក/លោកស្រី ប្រធាន-អនុប្រធានមន្ទីរ អង្គភាពពាក់ព័ន្ធជុំវិញខេត្ត លោកប្រធានក្រុមប្រឹក្សា សមាជិកក្រុមប្រឹក្សាក្រុងរមនា ប្រធាន-អនុប្រធានភូមិ និងប្រជាពលរដ្ឋ សរុបចំនួន ៦៣នាក់​ (ស្ត្រី​ចំនួន ២១នាក់)៕ប្រភព Ministry of National Assembly-Senate Relations and Inspection
ចូលមកកាន់គ្រុបសមាគម https://t.me/medacambodia

10/12/2022

ឯកឧត្តម ឧត្តមសេនីយ៍ឯក ហ៊ុន ម៉ាណែត អគ្គមេបញ្ជាការរង នៃកងយោធពលខេមរភូមិន្ទ មេបញ្ជាការកងទ័ពជើងគោក បានអញ្ជើញចុះពិនិត្យភូមិសាស្ត្រសម្រាប់កសាងសាលាទ័ពជំនាញ នៃកងយោធពលខេមរភូមិន្ទ នៅខេត្តកំពត នាព្រឹកថ្ងៃទី៩ ខែធ្នូ ឆ្នាំ២០២២។ប្រភព នាយកដ្ឋានព័ត៌មាន ក្រសួងការពារជាតិ
ចូលមកកាន់គ្រុបសមាគម https://t.me/medacambodia

10/12/2022

នារសៀលថ្ងៃសុក្រ ១រោច ខែមិគសិរ ឆ្នាំខាល ចត្វាស័ក ព.ស ២៥៦៦ ត្រូវនឹងថ្ងៃទី០៩ ខែធ្នូ ឆ្នាំ២០២២ នៅទីស្តីការក្រសួង​ ឯកឧត្ដម ឡៅ ទិព្ធសីហា រដ្ឋលេខាធិការ ក្រសួងរៀបចំដែន​ដី​ នគរូបនីយកម្ម​ និងសំណង់​ បានទទួលជួបពិភាក្សាការងារជាមួយភាគីចិន ពាក់ព័ន្ធនឹងគម្រោងអភិវឌ្ឍន៍សាកលវិទ្យាល័យក្រចេះ (ជំហានទី២) ក្នុងក្របខណ្ឌហិរញ្ញប្បទានឥតសំណងរបស់រដ្ឋាភិបាលចិន ដោយមានការចូលរួមពី ឯកឧត្ដម ងី ឡាយមិថុនា សកលវិទ្យាធិការនៃសកលវិទ្យាល័យក្រចេះ។ប្រភព Ministry of Land Management, Urban Planning and Construction Cambodia
ចូលមកកាន់គ្រុបសមាគម https://t.me/medacambodia

10/12/2022

ជំនួបពិភាក្សាការងាររវាងរដ្ឋបាល​ខេត្ត​សៀមរាប​ និងតំណាងក្រុមហ៊ុន​ EUM Place នៃសាធារណរដ្ឋកូរ៉េ​ ស្ដីពី​ការលេីកកម្ពស់អាជីវកម្ម​ ការផ្លាស់ប្ដូរ​ និងកិច្ចសហប្រតិបត្តិការប្រកបដោយមិត្តភាព
រសៀលថ្ងៃសុក្រ​ ១រោច​ ខែមិគសិរ​ ឆ្នាំ​ខាល​ ចត្វាស័ក​ ព.ស.២៥៦៦​ ត្រូវនឹងថ្ងៃទី​៩​ ខែធ្នូ​ ឆ្នាំ​២០២២​ នៅរដ្ឋបាលខេត្តសៀមរាប​ មានជំនួបពិភាក្សាការងាររវាងរដ្ឋបាលខេត្ត​ និង​តំណាង​ក្រុមហ៊ុន​ EUM Place នៃសាធារណរដ្ឋកូរ៉េ​ស្ដីពី​ការ​លេីកកម្ពស់អាជីវកម្ម​ ការផ្លាស់ប្ដូរ​ និងសហប្រតិបត្តិការប្រកបដោយមិត្តភាព​ ដឹកនាំ​ដោយ​ លោក​ ពិន​ ប្រាកដ​ អភិបាល​រង​ខេត្ត​ តំណាង​ ឯកឧត្ដម​ ទៀ​ សីហា​ អភិបាល​ នៃគណៈអភិបាលខេត្ត​ និង​ លោក​ Kim Mu Young នាយក​ប្រតិបត្តិ​ក្រុមហ៊ុន​ EUM Place នៃសាធារណរដ្ឋកូរ៉េ និងមានការអញ្ជេីញចូលរួមពី​ ប្រតិភូអមដំណេីរ​ លោក​ លោកស្រី​ មន្ត្រីពាក់ព័ន្ធ​ សរុប​ចំនួន​ ១១នាក់។
គោលបំណងនៃជំនួបពិភាក្សានេះ​ គឺដេីម្បី
​ ពិភាក្សា​លេីការងារបញ្ជូនពលករទៅបរទេស
ការកសាងបទដ្ឋាន លក្ខណៈវិនិច្ឆ័យ និងនីតិវិធីឱ្យបានគ្រប់ជ្រុងជ្រោយក្នុងការជ្រើសរើស និងអប់រំបណ្តុះបណ្តាល ដើម្បីបំពេញសំណូមពរ និងលក្ខខណ្ឌការងារប្រកបដោយតម្លាភាព
សម្របសម្រួលឱ្យបានជិតស្និទ្ធជាមួយស្ថាប័នពាក់ព័ន្ធក្នុងប្រទេស ដើម្បីបង្កលក្ខណៈងាយស្រួលដល់ការជ្រើសរើស បណ្តុះបណ្តាល បញ្ជូន និងគ្រប់គ្រងពលករខ្មែរទៅធ្វើការនៅសាធារណរដ្ឋកូរ៉េ​ រៀបចំ និងចាត់ចែងបែបបទបញ្ជូន និងគ្រប់គ្រងពលករដែលទៅធ្វើការនៅសាធារណរដ្ឋកូរ៉េរហូតត្រឡប់មកកម្ពុជាវិញ​ និងទំនាក់ទំនងជាមួយភាគីកូរ៉េ ដើម្បីក្តាប់ព័ត៌មាន និងតម្រូវការទីផ្សារការងារ ហើយដោះស្រាយឱ្យបានទាន់ពេលវេលា។
សូមបញ្ជាក់​ថា​ កម្ពុជា​យេីងមានក្រុមប្រឹក្សាភិបាលបណ្តុះបណ្តាល និងបញ្ជូនពលករទៅបរទេស ត្រូវបានបង្កើតឡើងស្របតាមអនុក្រឹត្យលេខ៧០ អនក្រ.បក ចុះថ្ងៃទី២៥ ខែកក្កដា ឆ្នាំ២០០៦ ស្តីពីការបង្កើតក្រុមប្រឹក្សាភិបាលបណ្តុះបណ្តាល និងបញ្ជូនពលករទៅបរទេស និងត្រូវបានកែសម្រួលតាមរយៈអនុក្រឹត្យលេខ១៦៨ អនក្រ.បក ចុះថ្ងៃទី០៧ ខែវិច្ឆិកា ឆ្នាំ២០០៧ ស្ដីពីកំណែតម្រូវឈ្មោះក្រុមប្រឹក្សាភិបាលបណ្តុះបណ្តាល និងបញ្ជូនពលករទៅបរទេស ទៅជាគណៈកម្មាធិការបណ្តុះបណ្តាល និងបញ្ជូនពលករទៅបរទេស៕ប្រភព រដ្ឋបាលខេត្តសៀមរាប/Siem Reap Provincial Hall
ចូលមកកាន់គ្រុបសមាគម https://t.me/medacambodia

10/12/2022

ឯកឧត្តម កែ ប៊ុនខៀវ រដ្ឋលេខាធិការក្រសួងអប់រំ យុវជន និងកីឡា និងជា គណៈមេប្រយោគទូទាំងប្រទេស និង ឯកឧត្តម ចាន់ សុភា ប្រធានមណ្ឌលកំណែ មុខវិជ្ជាអក្សរសាស្រ្តខ្មែរ បានដឹកនាំប្រធាន-អនុប្រធានគណៈកម្មការកំណែ ប្រជុំណែនាំបច្ចេកទេសកំណែ, បែងចែកតួនាទីភារកិច្ច ផ្សព្វផ្សាយបទប្បញ្ញត្តិ និងចែកស្លាកសញ្ញា។ បន្ទាប់ពីប្រជុំចប់ ប្រធាន-អនុប្រធានគណៈកម្មការកំណែត្រូវបែងចែកជាពីរថ្នាក់ (ថ្នាក់វិទ្យាសាស្រ្ត និងថ្នាក់វិទ្យាសាស្រ្តសង្គម) ដើម្បីធ្វើអត្រាកំណែ ។ប្រភព Anti-Corruption Unit
ចូលមកកាន់គ្រុបសមាគម https://t.me/medacambodia

10/12/2022

ឯកឧត្តម ជិន ម៉ាលីន រដ្ឋលេខាធិការក្រសួងយុត្តិធម៌ តាមការចាត់តាំងរបស់ឯកឧត្តម កើត រិទ្ធ រដ្ឋមន្ត្រីក្រសួងយុត្តិធម៌ បានចូលរួមធ្វើជាវាគ្មិនជជែកពិភាក្សាអំពីបញ្ហាសិទ្ធិមនុស្សនៅកម្ពុជា
=====================
រាជធានីភ្នំពេញ៖ នៅថ្ងៃសុក្រ ១រោច ខែមិគសិរ ឆ្នាំខាល ចត្វាស័ក ព.ស.២៥៦៦ ត្រូវនឹងថ្ងៃទី៩ ខែធ្នូ ឆ្នាំ២០២២ នេះ, ឯកឧត្តម ជិន ម៉ាលីន រដ្ឋលេខាធិការក្រសួងយុត្តិធម៌ តាមការចាត់តាំងរបស់ឯកឧត្តម កើត រិទ្ធ រដ្ឋមន្ត្រីក្រសួងយុត្តិធម៌ បានចូលរួមធ្វើជាវាគ្មិនជជែកពិភាក្សាអំពីបញ្ហាសិទ្ធិមនុស្សនៅកម្ពុជា ក្នុងឱកាសនៃការអបអរសាទរទិវាសិទ្ធិមនុស្ស អន្តរជាតិ១០ធ្នូ លើកទី៧៥ ឆ្នាំនេះ ចំនួនពីរកម្មវិធី៖
១.ពេលព្រឹកនៅសកលវិទ្យាល័យភូមិន្ទភ្នំពេញ សហការរៀបចំជាមួយ UN-OHCHR ដោយមានការចូលរួមពីតំណាងស្ថាប័នរដ្ឋាភិបាល ស្ថាប័នសិទ្ធិមនុស្សជាតិនិងអន្តរជាតិ អង្គការសង្គមស៊ីវីល ដៃគូអភិវឌ្ឍ និងគ្រឹះស្ថានឧត្តមសិក្សា។
២. ពេលរសៀលនៅ The Factory Phnom Penh រៀបចំដោយសារពត៌មានកម្ពុជាថ្មី ដែលធ្វើការផ្សាយផ្ទាល់ និងមានការចូលរួមពីគ្រឹះស្ថានឧត្តមសិក្សា។ប្រភព ក្រសួងយុត្តិធម៌ Ministry of Justice
ចូលមកកាន់គ្រុបសមាគម https://t.me/medacambodia

10/12/2022

អាជ្ញាធរអគ្គិសនីកម្ពុជា។ប្រភព អាជ្ញាធរអគ្គិសនីកម្ពុជា
ចូលមកកាន់គ្រុបសមាគម https://t.me/medacambodia

10/12/2022

ឯកឧត្តម ជា សុមេធី អភិបាលខេត្ត និងជាប្រធានគណៈកម្មការសាខាកាកបាទក្រហមកម្ពុជាខេត្តព្រៃវែង បានអញ្ជើញជាអធិបតីក្នុងកិច្ចប្រជុំ បូកសរុបលទ្ធផលសកម្មភាពការងាររបស់សាខាកាកបាទក្រហមកម្ពុជា ខេត្តព្រៃវែង ឆ្នាំ២០២២ និងលើកទិសដៅបន្តឆ្នាំ២០២៣ និងពិធីប្រគល់-ទទួលថវិកាវិភាគទានសមាជិកភាព និងហិបសង្គ្រោះប្រចាំឆ្នាំ២០២២ តាមមន្ទីរអង្គភាព និងអនុសាខាក្រុង ស្រុកទាំង១៣ នៅសាលប្រជុំសាខាកាកបាទក្រហមកម្ពុជា ខេត្តព្រៃវែង។
សូមកោតសរសើរ និងវាយតម្លៃខ្ពស់ចំពោះស្មារតី និងការទទួលខុស-ត្រូវ ក្រោមការដឹកនាំរបស់គណៈកិត្តិយសសាខា និងគណៈកម្មាធិការសាខាកាកបាទក្រហមកម្ពុជា ខេត្តព្រៃវែងកន្លងមកសម្រេចបានជោគជ័យ។ សាខាកាកបាទក្រហមកម្ពុជាខេត្តក៏ត្រូវខិតខំស្វែងរកជនរងគ្រោះដែលត្រូវការជំនួយចាំបាច់ពីសាខាដោយមិនទុកឲ្យប្រជាពលរដ្ឋណាម្នាក់ដែលកំពុងត្រូវការជំនួយក្នុងភូមិសាស្ត្ររបស់ខ្លួន ខ្វះការជួយឬយកចិត្តទុកដាក់ពីសាខា ឬអនុសាខាក្រុង-ស្រុកទាំង១៣ ក្នុងខេត្តព្រៃវែងឡើយ។
បន្ទាប់ពីនោះ ឯកឧត្តមអភិបាលខេត្ត បានបន្តដឹកនាំកិច្ចប្រជុំឆ្លងអនុម័តផែនការសកម្មភាពនិងផែនការហិរញ្ញវត្ថុសម្រាប់ឆ្នាំ២០២៣ ដែលមានការអញ្ចើញចូលរួមពី ឯកឧត្តម លោកឧកញ៉ា លោក លោកស្រី សមាជិក សមាជិកាគណៈកម្មាធិការសាខា និងមន្រ្តីក្រុមប្រតិបត្តសាខាផងដែរ។
ឯកឧត្តមអភិបាលខេត្ត សូមថ្លែងអំណរគុណ ចំពោះអាជ្ញាធរគ្រប់លំដាប់ថ្នាក់ក្នុងខេត្តព្រៃវែងទាំងអស់ ដែលតែងតែជួយឧបត្ថម្ភគាំទ្រ មានកិច្ចសហការល្អ និងសម្រួលដល់ប្រតិបត្តិការរបស់កាកបាទក្រហមកម្ពុជានៅគ្រប់ទីកន្លែងដោយរលូននិងជោគជ័យ។
៩ ធ្នូ ២០២២។ប្រភព រដ្ឋបាលខេត្តព្រៃវែង
ចូលមកកាន់គ្រុបសមាគម https://t.me/medacambodia