E-Commerce Federation Association of Cambodia

20/08/2026

កាលពីព្រឹកថ្ងៃទី១៨ ខែសីហា ឆ្នាំ២០២៦ លោកសាស្ត្រាចារ្យបណ្ឌិត ទិត្យ សំអឿន សមាជិកគណៈអចិន្ត្រៃយ៍ អនុប្រធានគណៈកម្មការប្រតិបត្តិទទួលបន្ទុកជាអគ្គលេខាធិការ និងជាប្រធានវិស័យបច្ចេកវិទ្យា ទូរគមនាគមន៍ និងព័ត៌មាន នៃសមាគមសហព័ន្ធយុវជនសេដ្ឋកិច្ចកម្ពុជា បានអញ្ជើញចូលរួមកិច្ចប្រជុំបូកសរុបលទ្ធផលការងារប្រចាំឆមាសទី១ និងលើកទិសដៅការងារសម្រាប់ឆមាសទី២ ឆ្នាំ២០២៦។

កិច្ចប្រជុំនេះបានប្រព្រឹត្តទៅក្រោមអធិបតីភាព ឧកញ៉ាសាស្ត្រាចារ្យសមូហកបណ្ឌិត ឡី សុភាព ប្រធានសមាគមសហព័ន្ធយុវជនសេដ្ឋកិច្ចកម្ពុជា និងជាប្រធានសមាគមសម្ពន្ធភាពអង្គការ-សមាគម និងវិស័យឯកជននៅកម្ពុជា។

កិច្ចប្រជុំបានផ្តោតសំខាន់លើការវាយតម្លៃសមិទ្ធផលការងារកន្លងមក ការពិភាក្សាអំពីបញ្ហាប្រឈម និងការកំណត់ផែនការយុទ្ធសាស្ត្រ ដើម្បីពង្រឹងប្រសិទ្ធភាពការងារ និងជំរុញការចូលរួមរបស់យុវជនក្នុងការអភិវឌ្ឍសេដ្ឋកិច្ច និងសង្គមកម្ពុជា។

06/08/2026

លោកសាស្រ្តាចារ្យបណ្ឌិត ទិត្យ សំអឿន នាយកប្រតិបត្តិសមាគមសហព័ន្ធពាណិជ្ជកម្មតាមប្រព័ន្ធអេឡិចត្រូនិកកម្ពុជា និងជាសមាជិកក្រុមការងារ “គ” (ផ្នែកកម្មន្តសាល សហគ្រាសធុនតូច និងមធ្យម និងសេវា) នៃវេទិការាជរដ្ឋាភិបាល–ផ្នែកឯកជន (Government–Private Sector Forum) បានអញ្ជើញចូលរួមកិច្ចប្រជុំ ក្នុងនាមជា តំណាងដ៏ខ្ពង់ខ្ពស់ ឯកឧត្តម ឧកញ៉ា សាស្ត្រាចារ្យ សមូហកបណ្ឌិត ឡី សុភាព ប្រធានសមាគមសហព័ន្ធវិនិយោគិនកម្ពុជា និងជាប្រធានសមាគមសហព័ន្ធយុវជនសេដ្ឋកិច្ចកម្ពុជា។

កិច្ចប្រជុំនេះបានប្រព្រឹត្តទៅ ក្រោមអធិបតីភាព ឯកឧត្តម ហែម វណ្ណឌី រដ្ឋមន្ត្រីក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ និងជាសហប្រធានក្រុមការងារ “គ” តំណាងផ្នែករដ្ឋាភិបាល និងឧកញ៉ា តែ តាំងប៉ អនុប្រធានសភាពាណិជ្ជកម្មកម្ពុជា និងជាសហប្រធានក្រុមការងារ “គ” តំណាងផ្នែកឯកជន។

📍 ទីតាំង៖ សណ្ឋាគារ សុខា ភ្នំពេញ (Sokha Phnom Penh Hotel)
📅 កាលបរិច្ឆេទ៖ ថ្ងៃព្រហស្បតិ៍ ទី០៦ ខែសីហា ឆ្នាំ២០២៦

ការចូលរួមនេះបានឆ្លុះបញ្ចាំងពីការប្តេជ្ញាចិត្តក្នុងការពង្រឹងកិច្ចសហប្រតិបត្តិការរវាងរាជរដ្ឋាភិបាល និងវិស័យឯកជន ដើម្បីរួមចំណែកលើកកម្ពស់សហគ្រាសធុនតូច និងមធ្យម (SMEs/MSMEs) សេដ្ឋកិច្ចឌីជីថល សេដ្ឋកិច្ចក្រៅប្រព័ន្ធ និងការកែលម្អបរិយាកាសធុរកិច្ច និងការវិនិយោគនៅកម្ពុជា ប្រកបដោយចីរភាព។

04/08/2026

🙏សារលិខិតគោរពជូនពរ

ក្នុងឱកាសដ៏មង្គលសួស្តី នៃថ្ងៃចម្រើនជន្មាយុ សម្ដេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភា និងជាប្រធានក្រុមឧត្តមប្រឹក្សាផ្ទាល់ព្រះមហាក្សត្រ នៃព្រះរាជាណាចក្រកម្ពុជា នាថ្ងៃទី ៥ ខែសីហា ឆ្នាំ២០២៦។

សូមបួងសួងដល់គុណព្រះរតនត្រ័យ និងវត្ថុស័ក្តិសិទ្ធិក្នុងលោក សូមប្រោះព្រំប្រទានពរជ័យ សិរីសួស្តី វិបុលសុខ បវរមហាប្រសើរ ជូន សម្ដេចតេជោ សូមមានសុខភាពល្អ ព្រះជន្មាយុយឺនយូរ បញ្ញាញាណភ្លឺថ្លា និងសម្រេចបានជោគជ័យគ្រប់ភារកិច្ច ដើម្បីបន្តដឹកនាំ និងរួមចំណែកថែរក្សាសុខសន្តិភាព ស្ថិរភាព និងការអភិវឌ្ឍប្រទេសជាតិឱ្យកាន់តែរីកចម្រើន។🙏🇰🇭

សូម សម្ដេចតេជោ ទទួលនូវការគោរពដ៏ខ្ពង់ខ្ពស់ និងសេចក្ដីជូនពរដ៏ស្មោះស្ម័គ្របំផុត។🙏🇰🇭

02/08/2026

សារលិខិតគោរពជូនពរ សម្ដេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភា និងជាប្រធានក្រុមឧត្តមប្រឹក្សាផ្ទាល់ព្រះមហាក្សត្រ នៃព្រះរាជាណាចក្រកម្ពុជា ក្នុងឱកាសដ៏មង្គលសួស្តីប្រពៃថ្លៃថ្លា ពោរពេញដោយក្តីសោមនស្សរីករាយនៃថ្ងៃចម្រើនជន្មាយុ នៅថ្ងៃទី៥ ខែសីហា ឆ្នាំ២០២៦។🙏🙏🙏🇰🇭🇰🇭🇰🇭

02/08/2026

28/07/2026

វេទិកាស្តីពីភាពជាដៃគូរវាងរាជរដ្ឋាភិបាល និងអង្គការសង្គមស៊ីវិល លើកទី៧ ក្រោមប្រធានបទ «សិទ្ធិសេរីភាពសមាគម និងអង្គការមិនមែនរដ្ឋាភិបាល ក្នុងបរិបទឌីជីថល»...................................
សាស្ត្រាចារ្យបណ្ឌិត ទិត្យ សំអឿន អនុប្រធានសមាគមសហព័ន្ធវិនិយោគិនកម្ពុជា និងជានាយកប្រតិបត្តិសមាគមសហព័ន្ធពាណិជ្ជកម្មតាមប្រព័ន្ធអេឡិចត្រូនិក កម្ពុជា បានដឹកនាំថ្នាក់ដឹកនាំ សមាជិក សមាជិកា ចូលរួមវេទិកាស្តីពីភាពជាដៃគូរវាងរាជរដ្ឋាភិបាល និងអង្គការសង្គមស៊ីវិល លើកទី៧ ក្រោមប្រធានបទ «សិទ្ធិសេរីភាពសមាគម និងអង្គការមិនមែនរដ្ឋាភិបាល ក្នុងបរិបទឌីជីថល» ក្រោមអធិបតីភាព ឯកឧត្ដមអភិសន្ដិបណ្ឌិត ស សុខា ឧបនាយករដ្ឋមន្រ្ដី រដ្ឋមន្រ្ដីក្រសួងមហាផ្ទៃ
នាព្រឹកថ្ងៃទី២៨ ខែកក្កដា ឆ្នាំ២០២៦

28/07/2026