Biz StartUp, Phnom Penh (2025)

25/09/2025

ខំធ្វើទៅ ទេវតាមិនបិទភ្នែកមើលយើងទេ កុំឱ្យតែយើងបិទភ្នែកដើរ🎯✊🇰🇭

24/09/2025

វាបានដាស់🇰🇭៖ ប្រទេសជាតិវឹកវរ ព្រំដែន ដីរបស់យើងត្រូវបានប្រទេសមួយឈ្លានពានស្រស់ៗ ជាការតាំងចិត្តផ្ទាល់ខ្លួន ត្រូវខំរកសុី បង្កើតយីហោល្អបំផុតមួយ ដើម្បីខ្មែរ🇰🇭✊
(កុំត្រឹមតែម៉ាត/Mart ក៏ទិញហ្វ្រេនឆាយគេ)

20/09/2025

#សូមចូលរួមអបអរសាទរ ជាមួយក្មួយៗទាំងអស់ ដែលទទួលបានលទ្ធផលល្អប្រសើរ ក្នុងការប្រឡងសញ្ញាបត្រមធ្យមសិក្សាទុយិភូមិ ឆ្នាំ២០២៥នេះ។ ជាមួយគ្នានេះ សម្រាប់ក្មួយៗ ដែលទទួលបានលទ្ធផលមិនគាប់ប្រសើរ សូមកុំបាក់ទឹកចិត្ត ហើយត្រូវខិតខំប្រឹងប្រែងរៀនសូត្របន្ថែមទៀត ដើម្បីប្រែក្លាយលទ្ធផលឱ្យបានល្អសម្រាប់ការប្រឡងឆ្នាំក្រោយ ឬអាចចាប់យកឱកាសក្នុងការសិក្សាជំនាញវិជ្ជាជីវៈ ឬកម្រិតនៃការសិក្សាបន្ទាប់ ដើម្បីបន្តអភិវឌ្ឍចំណេះដឹង និងជំនាញ ក្នុងការឈានទៅចាប់យកអាជីពច្បាស់លាស់ នៃការកសាងអនាគតដ៏ភ្លឺស្វាងក្រោមម្លប់សន្តិភាព។

យោងតាមការប្រកាសរបស់ក្រសួងអប់រំ យុវជន និងកីឡា បានបង្ហាញថា លទ្ធផលនៃការប្រឡងមធ្យមសិក្សាទុតិយភូមិ (បាក់ឌុប) ឆ្នាំ២០២៥ តាមនិទ្ទេសនីមួយៗ មានដូចជា៖ សិស្សទទួលបាននិទ្ទេស A ចំនួន ៣,០០៣ នាក់, និទ្ទេស B ចំនួន ៩,៩០១ នាក់, និទ្ទេស C ចំនួន ២៨,៨០១ នាក់, និទ្ទេស D ចំនួន ៤៥,៨៥៩ នាក់ និងនិទ្ទេស E ចំនួន ៣៤,៩០៩ នាក់ ៕

រាជធានីភ្នំពេញ ថ្ងៃទី២០ កញ្ញា ២០២៥

Via: Samdech Thipadei Hun Manet, Prime Minister of Cambodia

19/09/2025

#ធ្វើឬឈរមើល យើងជាចំណែករបស់សង្គម យើងត្រូវចូលរួម ត្រូវគាំទ្រ ត្រូវបំពេញ ត្រូវសកម្មជាមួយរឿងត្រឹមត្រូវនិងផ្ដល់ប្រយោជន៍ដល់ជាតិ🇰🇭🙏

លោកគ្រូធំផ្ដាំថា៖ “បើយើងមិនធ្វើពលរដ្ឋសកម្ម យើងនឹងក្លាយជាពលរដ្ឋសាច់កម្ម” បើយើងមិនជួយសង្គម យើង តើស្រែកឱ្យនរណាមកជួយជំនួសយើង? រាស្រ្តយើង? និងទឹកដីដ៏កំសត់ចុងក្រោយរបស់យើង?

យើងត្រូវតែរួបរួម យើងត្រូវតែខ្លាំងជាដាច់ខាត សេដ្ឋកិច្ច ចំណេះដឹង ទំនាក់ទំនង នយោបាយ...យើងត្រូវខំឱ្យខ្លាំងជាងជំនាន់ឳពុកម្ដាយយើង កូនយើងត្រូវតែខ្លាំងជាងជំនាន់យើង ហើយចៅយើងត្រូវខ្លាំងជាងពួកយើង និងហ៊ានផ្លាស់ប្តូរប្រទេសមួយនេះឱ្យខ្លាំងក្លា ល្បីរន្ទឺក្នុងតំបន់ដូចអតីតកាលទាល់តែបាន បើ១០ឆ្នាំប្ដូរមិនបាន ២០ឆ្នាំ បើ ២០ឆ្នាំប្ដូរមិនបាន ៥០ឆ្នាំ ហើយបើ៥០ឆ្នាំយើងប្ដូរមិនបាន ១០០ឆ្នា... បើទោះជាយើងមិនបាននៅមើលឃើញការផ្លាស់ប្ដូរថ្ងៃមួយនោះ ក៏យើងបានធ្វើរឿងគប្បីជាមួយដូនតាយើងដែរ ដោយយើងត្រូវប្ដេជ្ញាជួយអ្នកជំនាន់ក្រោយបន្តវេនខ្លួនឯងឱ្យខ្លាំងជាងជំនាន់យើង [ខួរក្បាលកូនយើងត្រូវខ្លាំងជាងយើង១០ដង ១០០ដង ទើបពួកគេមានវិធីប្ដូររឿងដែលពួកគេចង់បាន ចង់ឃើញ🇰🇭✊]។

កុំទម្លាប់ឈរមើលគេធ្វើ ហើយយើងគ្រាន់តែថា ហើយអត់ធើ អត់គាំទ្រ!

កុំទម្លាប់ស្ដីបន្ទោសគ្រួសារ និងសង្គមជាតិ មុនស្ដីបន្ទោសខ្លួនឯង!

កុំសុំឱ្យតែទេវតាជួយ ត្រូវជួយខ្លួនឯងដើម្បីឱ្យទេវតារំភើបនិងទេវតាងាយស្រួលជួយយើង ព្រោះយើងមិនខ្លាំង យើងមិនកើត តើនរណាព្រមជួយយើង?

មី សុវណ្ណៈ~ជាតិនេះសុំរស់ត្រឹម ១០០ឆ្នាំ ដើម្បីប្រើពេលធ្វើកិច្ចការសំខាន់ ចាំបាច់ និងមានប្រយោជន៍សម្រាប់ជាតិតាមគ្រប់វិធី មុនបញ្ចប់បេសកកម្មជីវិត💚🇰🇭✊

មូលនិធិ វី អា វ័ន ធីម - We Are One Team Foundation
MS Digital Solutions
នគរប៊ុក្ស-Nokor Books
Biz StartUp

12/09/2025

ចេះច្រើន គេស្អប់ ប្រសប់ពេក គេប្រើ🍏ធ្វើល្ងង់ខ្លះអាចប្រសើរ គេប្រើមិនបារម្ភ ហើយបើចេះសម្ងំប្រឹង គោលដៅប៉ុនភ្នំ🌋 ក៏អាចទម្លុះបាន🎯

▪️ចេះច្រើនមិនខុសទេ គេប្រើច្រើនក៏មិនខុសដែរ ព្រោះឱកាសមិនចេះតែមានទេ គេប្រើច្រើន យើងចេះក៏ច្រើន បើយើងមិនចេះក៏គេមិនប្រើ ព្រោះមិនមែនមនុស្សទាំងអស់សុទ្ធតែគេចង់ប្រើទេ ដូចយើងនៅីពីក្មេង ឳពុកម្ដាយប្រើកូនៗអញ្ចឹង កូនខ្លះប្រើបាន កូនខ្លះប្រើមិនបាន ប៉ុន្តែប្រើបានក៏ដោយ រឿងសាច់ការខ្លះ រឿងសំខាន់ខ្លះ ឳពុកម្តាយផ្ដាំឱ្យជួយ ឬប្រើតែកូនណាដែលអាចទុកចិត្តបាន និងយល់ការប៉ុណ្ណោះ។

▪️មួយទៀតនោះគឺថា វាសំខាន់លើអត្តចរិត ឥរិយាបថដាក់ខ្លួនរបស់យើង(ងើយស្កក ឱនដាក់គ្រាប់) តើយើងពេញចិត្តឱ្យគេប្រើ ដើម្បីរៀនសូត្រ ឬអត់ បើចង់ចេះត្រូវសុំឱ្យគេប្រើ ពេលគេប្រើត្រូវធ្វើចេញពីចិត្ត តែបើមិនពេញចិត្តកុំធ្វើ បើជួយគឺជួយ បើចិត្តមិនចង់កុំជួយ បើជួយកុំជាន់គេក្រោយខ្នង និយាយមិនល្អ ហើយប្រាប់អ្នកផងទាំងពួងថា #គេបោកប្រើ។ [និយាយដល់ត្រង់នេះ នឹកឃើញរឿងមួយ គឺមានប្រធានបទមួយកំពុងវែកញែកលើបណ្ដាញសង្គមមួយរយៈមុន រឿងស្ម័គ្រចិត្ត ដែលថាអ្នករៀបចំ Event បានចំណេញតែមិនបង់កម្រៃដល់អ្នកខំស្ម័គ្រចិត្តទេ...? ប៉ុន្តែអត់ទាន់ចង់និយាយ ចាំដេញពេលវេលាល្អ ចាំនិយាយ ព្រោះឥឡូវនៅសាបពេក...]។

▪️ធម្មតាទេ ចេះច្រើនវាមិនល្អទេ គឺចេះដឹងរឿងគេច្រើនពេក...

▪️ធម្មតាទេ ប្រសប់គេប្រើ ព្រោះអ្នកដឹកនាំ អ្នកខ្លាំង អ្នកមានគេតែងតែចង់ប្រើមនុស្សមានទេព្យកោសល ឬអ្នកជំនាញ ព្រោះផលវាខ្ពស់ជាងអ្នកគ្រាន់តែចេះមួយមុខ ប៉ុន្តែអត់ប្រសប់ ដូចពាក្យចាស់តែងនិយាយតគ្នាថា "ចេះដប់ មិនស្មើប្រសប់មួយ"។

▪️ធ្វើតិចបានតិច ធ្វើច្រើនចេះច្រើន មិនធ្វើសោះ ចេះមកពីណា...?

▪️ខំទៅ ពេលវេលាដែលកន្លងផុតទៅ គឺជាដើមទុនដែលយើងបានវិនិយោគ💡

មី សុវណ្ណៈ~ ហោះខ្ពស់ ទើបយើងអាចមានលទ្ធភាពមើលឃើញសម្រស់ជុំវិញ 🪂
[សរសេរអត្ថបទខ្លីៗកម្សាន្ត ដើម្បីកុំឱ្យខួរក្បាលស្ពឹក ខុសឆ្គងត្រង់ណា លើសត្រង់ណា ជួយឆាតមកស្ថាបនាផងបងប្អូនរួមជាតិ🇰🇭]
១២-កញ្ញា-២០២៥

MS Digital Solutions
Biz StartUp
នគរប៊ុក្ស-Nokor Books

11/09/2025

គេលក់🚙 20,000$ គេចុះតែ 1$ សល់ 19,999$ យើងវិញ លក់ថោកហើយ Free សេវាដឹក🛵ទៀត ពេលណាក្លាយ
ជាមហាសេដ្ឋីលំដាប់ពិភពលោក?🤷‍♂️
$olve the pain,value remains

11/09/2025

ឡានល្អតម្លៃក្រោម 20,000$ តែជាក់ស្តែង 19,999$ តែគេចាំបាច់ដាក់ 19,###ធ្វើអី ខុស 1$ សោះ!

11/09/2025

#មានគេចង់ឱ្យខ្ញុំជិះឡាន ដោយសារតែជម្រើសល្អៗពេលនេះ ប៉ុន្តែខ្ញុំមិនបានគិតច្រើនទេ ព្រោះគ្រូផ្ដាំថា បើជិះឡាន 20,000$ ត្រូវមានទ្រព្យ 60,000$ បើជិះឡាន 50,000$ ត្រូវមានទ្រព្យ 150,000$ ហើយបើខ្ញុំមានលុយតែកន្ទុយ 999$ តើគួរជិះឡានម៉ាកអីសមនឹងជីវភាព?
ជួយខមិនខាងក្រោម បើមានយោបល់ល្អច្រើន ខ្ញុំនឹងពិចារណាជះលុយទិញ ១គ្រឿង នៅឆ្នាំ២០៣០ ដ៏ខ្លីខាងមុខនេះ💙

ដោយសារតែសម័យកាល និងការរកស៊ីមានការប្រកួតប្រជែង ធ្វើឱ្យរបស់របរគ្រប់យ៉ាងលើទីផ្សារ អាចបង់រំលោះបានដោយមិនបាច់មានលុយគ្រប់(អ្នករកស៊ីខ្លះថាខ្ចីលុយគេប្រើ) ក៏ជាហេតុដែលយើងគ្រប់គ្នា ជាប់បំណុលដោយមិនដឹងខ្លួន ហើយបើទោះជាដឹងហើយ ក៏ប្រហែលជាគិតថា សម័យនេះហើយ ចាំបាច់ទិញរបស់ប្រើលុយខ្លួនឯងទាំងដុលធ្វើអី ព្រោះទោះបីអ្នកមាន អ្នករកសុីធំៗក៏មានបំណុលដែរ?

ជាការពិត មានហេតុផលជាច្រើន ដែលខ្ញុំធ្លាប់សម្រេចចិត្តបង់រំលោះ ហើយមានមនុស្សជាច្រើន ភ្លេចខ្លួន និងមិនយល់ពីរឿងនេះដូចខ្ញុំកន្លងមក ក៏ប្រហែលគិតក្នុងចិត្តថាវាជាហ្គេមឱ្យយើងលេងដើម្បីប្រឹងប្រែងជាងមុន ឱ្យយើងមានសម្ពាធដើម្បីខំជាងមុន...និងមានហេតុផលពេញនិយមជាច្រើនទៀតហ៎ ដែលអ្នកកំពុងបង់រំលោះ ហើយបានអានសារនេះ អាចយល់បាន សុំមិនសរសេរវែងអន្លាយកុំឱ្យអ្នកយល់ច្រឡំលើទស្សនៈប្រើលុយ...។ ចប់

ហុឹម! ហោប៉ៅយើងមិនដូចហោប៉ៅគេទេ....យើងរាក់គេជ្រៅ
គេមានអាជីវកម្មមួយរឹងមាំ ចំណូល ពីរបីច្រក គេរំលោះបានហើយ បើយើងប្រាក់ខែ 500$ ធ្វើដូចគេ ថាមិនត្រូវ មួយជីវិតនេះ អង្គុយតែដោះបំណុល គ្មានឱកាសប្រថុយគិតរឿងរកសុីទេ ធ្វើរឿងថ្មីៗទេ មានតែស្មុគស្មាញ និងបន្ទុកត្រូវរ៉ាប់រងជាច្រើនរៀងរាល់ខែ ផ្ទះជួល ម្ហូបអាហារ សម្លៀកបំពាក់ ធ្វើដំណើរ ហានិភ័យសុខភាព ដើរកម្សាន្ត គ្រួសារ បី្តប្រពន្ធ កូន...(ទស្សនៈអ្នកបង់រំលោះខ្លះយល់ថាសម្ពាធជារឿងល្អ មិនខុសទេ ប៉ុន្តែវាល្អដោយរឿង ដោយពេល និងដោយមនុស្សទេ)។
(ជួបអ្នកធ្វើការខ្លះ មានសម្ពាធរឿងនេះ ព្រោះតែគិតដំបូងឃើញល្អ តែអ្វីៗមិនដូចការរំពឹងទុក មួយរយៈមកមានសម្ពាធជុំទិស)

សំណួរខ្លីៗ៖ មុនពេលដែលយើងសម្រេចចិត្តទិញរបស់បង់រំលោះ$

- បើសិនយើងទិញរបស់នោះហើយ តើចំណូលយើងអាចកើនទ្វេរទេ?
- ហើយមនុស្សដែលអ្នកស្គាល់ក្នុងចំណោម ៥ទៅ១០នាក់ ក្រោយទិញរបស់ដែលយើងគិតថាល្អនោះហើយ តើពួកគេកើនចំណូលទ្វេរដងទេ? ប៉ុន្មាននាក់ និងប៉ុន្មាន%?
- តើលុយយើងដកចាយនោះ វាប៉ះពាល់ដល់ការងារ អាជីវកម្ម និងអ្នកនៅពីក្រោយយើងដែលទេ?
- តើលុយដកទិញរបស់រំលោះនោះ ច្រើនបំផុតលើស ៥០% នៃលុយយើងមានទេ? ហើយចំណូលរាល់ខែ ដកត្រឹម ២០% បង់គ្រប់ទេ?
- បើសិនអាជីវកម្មយើងជួបបញ្ហា បាត់បង់ចំណូល យើងអាចបង់រំលោះដោយមិនមានបញ្ហាទេ ក្នុងរយៈពេល ៣ខែ ៦ខែ ឬយូរជាងនេះ?
- តើលុយដែលយើងដកទិញរបស់នោះរួច យើងមិនបាច់ខ្វាយខ្វល់ពីវាបានទេ បើសិនរបស់នោះត្រូវបានបាត់ ឬខូចខាត ឬចោរលួច? ហើយបើជាឡាន តើយើងអាចជិះវាដោយសារមិនបាច់ខ្វល់បារម្ភរឿងចាក់សាំង និងពេលវាខូចខាតទេ?
- តើអ្វីជាគោលបំណងពិតប្រាកដ ដែលធ្វើឱ្យយើងសម្រេចចិត្តទិញរបស់នោះមក? ជាក្ដីសុខ? ចាំបាច់ត្រូវប្រើ? បម្រើការងារ? អាជីវកម្ម? បង្កើនចំណូលទ្វេរដង? ឬគ្រាន់តែហុឺហារដើម្បីស្មើមុខស្មើមាត់ក្នុងសង្គម។
- តើយើងកំពុងតែមានបំណុលទេ? បើមានគួរថែមបំណុលទេ? ហើយបើគ្មាន តើយើងច្បាស់ជាចង់សាកល្បងសមត្ថភាព ឬ challenge ជាមួយខ្លួនឯងទេ? (Check រឿងទាំង៤នេះ IEAL)។

មុនលាប្រិយមិត្ត សូមលើករឿងមួយហួសចិត្តតូចមួយ ក៏នឹកឱ្យខ្ញុំចង់សរសេររឿងនេះ។ កាលពីមួយរយៈមុន មានក្មួយខ្ញុំម្នាក់ គេធ្វើការរោងចក្រ ហើយឆាតមកខ្ចីលុយខ្ញុំ សុំទៅបង់រំលោះទូរស័ព្ទ ហើយគេប្រាប់ថាលុយគេមាន តែអត់គ្រប់ ចង់ខ្ចីបង់រំលោះ? [លឺហើយហួសចិត្ត]

ខ្ញុំបានសួរគាត់ជាច្រើនសំណួរ ព្រោះដឹងថាគាត់មិនមែនជាក្មេងឧស្សាហ៍ដែលខ្ញុំគួរជួយដើម្បីលើកទឹកចិត្តទេ តែចង់ស្ដាប់ហេតុផលដើម្បីរៀនសូត្រ! ហើយចុងក្រោយមិនឱ្យសូម្បី 1$ ហេតុផលខ្ញុំចង់ឱ្យគាត់យល់ និងកុំឱ្យគាត់គិតថាលុយបានមកស្រួលៗពេក មិនចង់ឱ្យទម្លាប់ខ្ចីលុយគេឯងតាំងពីក្មេង តែបើចង់បានសម្ភារៈនិយមលើសសមត្ថភាព រៀនរកខ្លួនឯង។ ប៉ុន្តែនេះមិនមែនហេតុផលធំទេ រឿងសំខាន់នោះគឺ សង្វេគគាត់ ចាប់ផ្ដើមមដើរខុសតាំងពីក្មេងទៅហើយ គ្មានការអប់រំ កែតម្រូវពីឳពុកម្ដាយ...ហើយមិនមែនមានតែគាត់ទេ ចាស់ក្មេងស្ទើមួយប្រទេស ត្រូវជំពាក់បំណុលធនាគារជុំទិសព្រោះតែលង់នឹងលុយដុំមកទិញរបស់មិនចាំបាច់ដូចជា ទូរស័ព្ទ របស់ប្រើប្រាស់ ឡាន ម៉ូតូ ផ្ទះធំ[ពេលខ្លះផ្ទះអត់នៅក៏ធ្វើទុកចោល សុខចិត្តខ្ចីលុយគេធ្វើឱ្យធំ...] បើកភ្នែកមកត្រូវរកលុយសងគេ រហូតអ្នកខ្លះត្រូវព្រាត់កូនប្ដីប្រពន្ធទៅធ្វើការឆ្ងាយដើម្បីលុយ កូនកើតមក ចំគ្រួសារ ឳពុកម្ដាយមានបំណុលបាត់ទៅហើយ ធំឡើងជួយដោះឳពុកម្ដាយទៀត ជំពាក់ រំលោះតជំនាន់ មិនមែន៣ជំនាន់ទេ បើសង្គមយើង បែបនេះ៕

ពូសូមចប់ត្រឹមនេះសិន....ទុកសរសេរពេលក្រោយ រំលឹកក្មួយៗ📚

#គ្រូផ្ដាំថា៖ "កុំទិញរបស់ណាដែលយើងមិនអាចទិញជាលើកទី២"

មី សុវណ្ណៈ~ស្គាល់ស្ថានភាពខ្លួនឯង ទើបយើងមិនធ្លាក់ចូលបំណុល

#ហិរញ្ញវត្ថុ #ការប្រើប្រាស់លុយ #ក្បួនចាត់ចែងលុយកាក់
Biz StartUp
នគរប៊ុក្ស-Nokor Books
MS Digital Solutions

09/09/2025

ធ្វើរឿងទាំងអស់នេះដើម្បីអភិវឌ្ឍន៍ខ្លួនអ្នក ដោយមិនចាំបាច់បង្ហាញ ៖

១- អានសៀវភៅស្ងាត់ៗរាល់យប់មុនពេលចូលគេង។
មិនចាំបាច់ប្រាប់អ្នកណាទេ គ្រាន់តែបើកសៀវភៅអានប្រាំទំព័រក្នុងមួយថ្ងៃ ជីវិតរបស់អ្នកក៏នឹងផ្លាស់ប្តូរដោយគ្មាននរណាម្នាក់ដឹង។

២- កំណត់គោលដៅផ្ទាល់ខ្លួន និងធ្វើសកម្មភាពទាំងអស់នោះ។
មិនចាំបាច់ប្រកាសប្រាប់ពិភពលោកទេ គ្រាន់តែដឹងហើយធ្វើវាដោយស្ងប់ស្ងាត់ ជារៀងរាល់ថ្ងៃ លទ្ធផលនឹងបង្ហាញដោយខ្លួនឯង។

៣- ហាត់ប្រាណស្ងាត់ៗនៅផ្ទះ
មិនចាំបាច់បង្ហាញថាអ្នកជាមនុស្សស្រលាញ់សុខភាព ឬអីទេ គ្រាន់តែហាត់ប្រាណឱ្យបាន៥ទៅ៦ដងក្នុងមួយសប្តាហ៍រយៈពេលមួយខែ នោះអ្នកនឹងឃើញលទ្ធផល។

៤- សន្សំលុយដោយមិនបង្ហាញ។
មិនចាំបាច់អួតអំពីសមតុល្យរបស់អ្នក គ្រាន់តែសន្សំបន្តិចបន្តួចជារៀងរាល់ខែ នោះវានឹងក្លាយទៅជាការលើកទឹកចិត្តខ្លួនងនៅថ្ងៃមួយជាមិនខាន។

៥- ស្តាប់ច្រើនជាងនិយាយ។
ពេលស្តាប់អ្នកដទៃ អ្នកនឹងទទួលបាននូវទស្សនៈថ្មីៗជានិច្ច ការកែលម្អខ្លះបានមកពីការស្ងប់ស្ងាត់ និងការស្តាប់។

៦- សរសេរកំណត់ហេតុផ្ទាល់ខ្លួន។
ពេលអ្នកសរសេរខួរក្បាលរបស់អ្នកនឹងចាប់ផ្តើមរៀបចំនូវគំនិត ហើយអ្នកនឹងឃើញខ្លួនឯងកាន់តែច្បាស់។

៧- ដាក់ទូរស័ព្ទរបស់អ្នកចុះ។
គ្រាន់តែឈប់កាន់ទូរស័ព្ទនៅក្នុងដៃ អ្នកនឹងចាប់ផ្តើមឃើញថាពេលវេលានៃភាពស្ងប់ស្ងាត់ និងការផ្តោតអារម្មណ៍គឺជារបស់ដែលមានតម្លៃបំផុត។

៨- ហ្វឹកហាត់នូវអ្វីដែលអ្នកមិនពូកែ។
រៀនដោយស្ងប់ស្ងាត់ពី YouTube សៀវភៅ ឬវគ្គសិក្សាតាមអ៉ីនធឺណិត ដោយមិនចាំបាច់ប្រាប់នរណាម្នាក់ថាអ្នកកំពុងរៀនអ្វីថ្មី។

៩-ឈប់ឆ្លើយតបនឹងការរិះគន់។
មិនចាំបាច់ពន្យល់ ឬប្រកែកទេ គ្រាន់តែស្តាប់ដោយស្ងប់ស្ងាត់បន្ទាប់មក អភិវឌ្ឍវាតាមវិធីផ្ទាល់ខ្លួនរបស់អ្នក។

១០- ជួយអ្នកដទៃដោយមិនរំពឹងការឆ្លើយតប។
ការជួយអ្នកណាម្នាក់មិនតម្រូវឱ្យមានការអបអរសាទរពីអ្នកណាទេ។

១១- ស្ងប់ស្ងាត់ដោយថែរក្សាគ្រួសាររបស់អ្នក។
គ្មាននរណាម្នាក់ដឹងពីរបៀបដែលអ្នកបានជួយឪពុកម្តាយរបស់អ្នកទេ ប៉ុន្តែបេះដូងរបស់អ្នកដឹង ហើយវាផ្លាស់ប្តូររបៀបដែលអ្នកមើលពិភពលោក។

១២- រៀនពីកំហុសរបស់អ្នកដោយមិនប្រកាសជាសាធារណៈ។
យើងធ្វើខុស យើងដួល ប៉ុន្តែកុំអួតពីវាគ្រាន់តែក្រោកឡើងហើយរៀនសូត្រពីវាគ្រប់គ្រាន់។

១៣- ផ្លាស់ប្តូរបរិយាកាសរបស់អ្នកបន្តិចម្តងៗ។
ចាប់ផ្តើមដោយការរៀបចំតុរបស់អ្នក។ ផ្លាស់ប្តូរតន្ត្រីដែលអ្នកស្តាប់ ឬមនុស្សដែលនៅជុំវិញខ្លួនអ្នកនេះគឺជាការកែលម្អខ្លួនឯងដោយស្ងៀមស្ងាត់។

១៤- អនុវត្តការទទួលយកខ្លួនឯងដោយស្ងៀមស្ងាត់។
ទទួលយកភាពទន់ខ្សោយ និងចំណុចខ្វះខាតរបស់អ្នកដោយមិននិយាយជាមួយនរណាម្នាក់។ គ្រាន់តែទទួលស្គាល់ពួកគេ ហើយផ្លាស់ប្តូរបន្តិចម្តងៗជារៀងរាល់ថ្ងៃ។

១៥- រៀបចំផែនការសម្រាប់អនាគតរបស់អ្នកដោយស្ងប់ស្ងាត់។
កុំប្រាប់នរណាម្នាក់ថាអ្នកចង់ចាប់ផ្តើមអាជីវកម្ម ផ្លាស់ប្តូរការងារ ឬផ្លាស់ប្តូរកន្លែងរស់នៅគ្រាន់តែគិត និងរៀបចំផែនការ រួចដើរតាមមាគ៌ារបស់អ្នក។

សូមឱ្យសមិទ្ធិផលរបស់អ្នកនិយាយដោយខ្លួនឯង។

ដោយក្តីគោរព និងស្រលាញ់
គីម ស៊ីដដាវីស
__________________

07/09/2025

🌕យប់នេះមាន « ចន្ទគ្រាស »
ប្រសិនបើ ប៉ងអ្វីបានណឹង ចង់បានអ្វីខ្លះ? សូមឱ្យបងប្អូន សម្រេចបំណងចុះ🙏 ខំប្រឹងផង🥰🩵🌌

04/09/2025

#វិធី7យ៉ាងក្នុងការបង្កើនសមត្ថភាពខ្លួនឯង📚💪

1- ស្វែងរកអ្នកណាម្នាក់ធ្វើជាគំរូ រៀនពីចំណុចខ្លាំងរបស់គេ

2- កាត់បន្ថយទំនាក់ទំនង ជាពិសេសជាមួយនឹងមនុស្សដែលមានថាមពលអវិជ្ជមាន។

3- មួយថ្ងៃរីកចម្រើនឱ្យបាន 1% មួយឆ្នាំក្រោយ យើងនឹងឃើញថា យើងប្រសើរជាងមុន 3778 ដងឯណោះ។

4- ប្រើច្បាប់ 80/20 ចំណាយពេល 80% ទៅលើរឿង 20% ណាដែលមានប្រយោជន៍ដល់យើង។

5- ផ្តោតលើរឿងមួយ ផ្តោតធ្វើរឿងតែមួយគត់រហូតទទួលបានជោគជ័យ សឹមធ្វើរឿងមួយទៀត។

6- បញ្ចូលចំណេះដឹងក្នុងខួរក្បាល ហើយបញ្ចេញវាទៅវិញតាមរយៈការចែករំលែកអ្វីដែលខ្លួនចេះទៅកាន់សង្គម និងមនុស្សជុំវិញខ្លួន។

7- រៀនគិតបញ្ច្រាស រៀនផ្លាស់ប្តូរការគិតខុសពីមនុស្សភាគច្រើន អ្នកនឹងមើលឃើញនូវឱកាសជាច្រើន។

Credit: Weread

Biz StartUp

Biz StartUp

25/09/2025

24/09/2025

20/09/2025

19/09/2025

12/09/2025

11/09/2025

11/09/2025

11/09/2025

09/09/2025

07/09/2025

04/09/2025

Address

Website

Alerts

Shortcuts

Share

Category