11/08/2025
សូមពុកម៉ែបងប្អូនជួយស៊ែរម្នាក់មួយផង🙏🙏🙏
ខ្ញុំបាទសូមអំពាវនាវដល់ឯកឧត្តម លោកជំទាវ លោក លោកស្រី បងប្អូន អ៊ុំ ពូ មីង មិត្តភក្តិ និងសប្បុរសជនទាំងអស់ជួយដល់រូបខ្ញុំ ដើម្បីអោយខ្ញុំមានលុយយកទៅបន្តការព្យាបាលជម្ងឺមហារីកដុំសាច់ខួរក្បាលនៅពេលខាងមុខទៀត ព្រោះជម្ងឺនេះមិនអាចទុកចោល ឬ ពន្យាពេលការណាត់របស់មន្ទីពេទ្យបានទេ…
ជីវិតមួយនេះវាកម្សត់ពេកហើយ! ខ្ញុំនៅក្មេងសោះ ខ្ញុំទើបតែមានអាយុ26ឆ្នាំ ខ្ញុំបែរជាមានជម្ងឺមហារីកដុំសាច់ខួរក្បាលដំណាក់កាលទី2 ។ រយៈពេលជិត2ឆ្នាំហើយ ដែលខ្ញុំរស់នៅជាមួយជម្ងឺមួយនេះ។ ខ្ញុំពីមុនគឺជាមនុស្សម្នាក់ដែលមានសុខភាពល្អ រាងកាយមាំមួន អាចធ្វើការរកប្រាក់ចំណូលចាយវាយប្រចាំថ្ងៃបាន អាចថតផលិតវីដេអូចែកជូនបងប្អូនទាំងអស់គ្នាទស្សនាបាន អាចធ្វើអ្វីៗបានគ្រប់យ៉ាង ប៉ុន្តែនៅពេលដែលខ្ញុំធ្លាក់ខ្លួនឈឺមក ខ្ញុំត្រូវបានផ្លាស់ប្ដូរគ្រប់យ៉ាង ការងារក៏ខ្ញុំមិនអាចធ្វើបាន បាត់បង់ប្រាក់ចំណូល សុខភាពចុះខ្សោយ ស្រកទម្ងន់នៅសល់តែស្បែកនិងឆ្អឹង រាងកាយមុខមាត់ក៏ប្រែប្រួល។ ជម្ងឺមួយនេះវាពិតជាកាចសាហា.វខ្លាំងណាស់។ រាល់ថ្ងៃនេះខ្ញុំកំពុងតស៊ូប្រយុទ្ធប្រឆាំងនឹងជម្ងឺមួយនេះ ខ្ញុំមិនអាចទន់ខ្សោយឡើយ ខ្ញុំត្រូវតែមានក្ដីសង្ឃឹម ខ្ញុំតែងតែលើកទឹកចិត្តអោយខ្លួនឯង ប្រាប់ខ្លួនឯងថាវាមិនអីទេ កុំគិតច្រើនពេកអី កុំអន់ចិត្តនឹងខ្លួនឯង។ ថ្វីថ្បិតតែខ្ញុំបានឆ្លងកាត់ការវះកាត់ដុំសាច់ខួរក្បាលចំនួន2លើក និងបានបាញ់កាំរស្មីចំនួន27ដងក៏ពិតមែន ប៉ុន្តែជម្ងឺមួយនេះនៅតែបន្តតាមដាន និងព្យាបាលរហូត។ នៅថ្ងៃទី15.08.2025 ជាថ្ងៃដែលមន្ទីពេទ្យ Cho Ray ប្រទេសវៀតណាម ណាត់ទៅពិនិត្យសុខភាព និងស្កេន MRI ក្បាល ត្រង់កន្លែងវះកាត់លើកទី2 កាលពីថ្ងៃទី15.05.2025 ដើម្បីពិនិត្យមើលថា តើត្រង់កន្លែងដែលវះកាត់ដុំសាច់ចេញ វារីកលូតលាស់មកវិញ ឬ វានៅថេរមិនរើឡើងមកវិញ? តើត្រង់កន្លែងដែលវះកាត់ដុំសាច់លើកទី2 មានទឹកដកក្នុងខួរក្បាលពិតប្រាកដមែនអត់? ប្រសិនបើមានអាការៈមិនប្រក្រតីខាងមន្ទីពេទ្យនឹងតម្រូវអោយព្យាបាលបន្តទៀតដោយការបាញ់កាំរស្មី ឬ ចាក់ថ្នាំគីមី។ បើនិយាយទៅលើការព្យាបាលជម្ងឺដុំសាច់ខួរក្បាលគឺមានបីដំណាក់កាល ទី1 ការវះកាត់ ទី2 ការបាញ់កាំរស្មី ទី3 ការចាក់ថ្នាំគីមី ហើយតម្លៃនៃការព្យាបាលវិញគឺថ្លៃខ្លាំងណាស់។ ការព្យាបាលជម្ងឺមហារីកដុំសាច់ខួរក្បាលរបស់ខ្ញុំបើសរុបការចំណាយទៅលើការព្យាបាល ការធ្វើដំណើរ ការស្នាក់នៅ ការហូបចុក ថ្លៃសេវាកម្មបកប្រែ និងចំណាយផ្សេងៗទៀត ដែលក្រុមគ្រួសារពួកគាត់បានប្រឹងប្រែងរកលុយ លក់ដី-ផ្ទះ ខ្ចីលុយចងការ ខ្ចីលុយធនាគារ ដើម្បីយកមកព្យាបាលជម្ងឺរបស់ខ្ញុំ និងបានជំនួយពីបងប្អូន អ៊ុំ ពូ មីង មិត្តភក្តិ និងសប្បុរសជនទាំងអស់ បើសរុបជាទឹកប្រាក់អស់ប្រហែល 30,000$ ( បីមុឺនដុល្លារអាមេរិក ) ។ ហើយពេលនេះក្រុមគ្រួសាររបស់ខ្ញុំពួកគាត់អស់លទ្ធភាពក្នុងការចំណាយទៅលើការព្យាបាលជម្ងឺរបស់ខ្ញុំហើយ។ ក្នុងនាមខ្ញុំជាអ្នកជម្ងឺមហារីកដុំសាច់ខួរក្បាល ខ្ញុំបាទសូមអំពាវនាវដល់ឯកឧត្តម លោកជំទាវ លោក លោកស្រី បងប្អូន អ៊ុំ ពូ មីង មិត្តភក្តិ និងសប្បុរសជនទាំងអស់ជួយដល់រូបខ្ញុំ ដើម្បីអោយខ្ញុំមានលុយយកទៅបន្តការព្យាបាលជម្ងឺមហារីកដុំសាច់ខួរក្បាលនៅពេលខាងមុខទៀត ព្រោះជម្ងឺនេះមិនអាចទុកចោល ឬ ពន្យាពេលការណាត់របស់មន្ទីពេទ្យបានទេ។ បងប្អូនទាំងអស់គ្នាអាចជួយខ្ញុំតាមរយៈ KHQR របស់ខ្ញុំខាងក្រោមនេះបាន 0.5$ ក្ដី 1$ ក្ដី 2$ ក្ដី តាមទឹកចិត្តរបស់បងប្អូន🙏 ខ្ញុំបាទសូមអគុណទៅដល់ឯកឧត្តម លោកជំទាវ លោក លោកស្រី បងប្អូន អ៊ុំ ពូ មីង មិត្តភក្ដិ និងសប្បុរសជនទាំងអស់ដែលបានជួយជាថវិការមករូបខ្ញុំដែលជាអ្នកជម្ងីមហារីកដុំសាច់ខួរក្បាលដើម្បីបានបន្តការព្យាបាលជម្ងឺនៅពេលខាងមុខទៀត🙏 សូមជូនពរឯកឧត្តម លោកជំទាវ លោក លោកស្រី បងប្អូន អ៊ុំ ពូ មីង មិត្តភក្ដិ និងសប្បុរសជនទាំងអស់ សុខភាពល្អ សំណាងល្អ ជោគជ័យក្នុងភារកិច្ចការងារ ធ្វើដំណើរផ្លូវជិតផ្លូវឆ្ងាយប្រកបដោយសុខសុវត្ថិភាព និងរកស៊ីទទួលទានមានបាន🙏🙏🙏
