06/08/2021
សម្ដេចតេជោ ហ៊ុន សែន ដាក់បទបញ្ជាបន្ទាន់ ដើម្បីសម្រួលដល់បងប្អូនពលរដ្ឋ ដែលឆ្លងកាត់ ព្រំដែនពីប្រទេសថៃ ចូលមកក្នុងប្រទេសកម្ពុជាវិញ
ភ្នំពេញ៖ សម្ដេចតេជោ ហ៊ុន សែន ប្រមុខរាជរដ្ឋាភិបាលកម្ពុជា បានប្រកាស ដាក់ចេញវិធានការបន្ទាន់ ដើម្បីសម្រួល ដល់បងប្អូនប្រជាពលរដ្ឋ ដែលឆ្លងកាត់ ព្រំដែនពីប្រទេសថៃ ចូលមកក្នុង ប្រទេសកម្ពុជាវិញ នៅល្ងាចថ្ងៃទី០៦ ខែសីហា ឆ្នាំ២០២១ ។
តាមរយៈសារសម្លេងពិសេសផ្ញើជូនជនរួមជាតិនេះ សម្ដេចតេជោ ហ៊ុន សែន បានមានប្រសាសន៍ថា កន្លងទៅនេះ គឺ យើងបានធ្វើការបិទខ្ទប់បណ្ដាខេត្តនៅតាមព្រំដែនកម្ពុជា-ថៃ ក្នុងគោលបំណងដើម្បីទប់ស្កាត់ការរីករាលដាល នៃជំងឺ កូវីដ-19 ប្រភេទដែលតា បូកបន្ថែមដោយការជួបជុំទៅដោយអ្នកធ្វើចត្តាឡីស័កនៅតាមព្រំដែនកម្ពុជា-ថៃ ហើយឥឡូវ យើងបានសង្កេតឃើញអំពីវត្តមាននៃបងប្អូនជនរួមជាតិរបស់យើងដែលវិលត្រឡប់មកពីប្រទេសថៃ ដើម្បីស្វែងរកការ ព្យាបាលនៅក្នុងប្រទេសរបស់ខ្លួនវិញ យើងក៏បានខិតខំសម្រួលឱ្យបងប្អូនដែលមានជំងឺបានឆ្លងកាត់ព្រំដែនមកទទួល សេវាព្យាបាលនៅខាងទឹកដីរបស់យើង បន្ថែមទៅដោយការបញ្ជូនស្បៀងទៅកាន់ទឹកដីថៃ ដើម្បីជួយផ្គត់ផ្គង់បងប្អូននៅ ទីនោះ ប៉ុន្តែដូចបានដឹងហើយថា យើងមិនមានបំណងអូសបន្លាយពេល ដើម្បីនិងពន្យារនូវការបិទខ្ទប់នោះទេ ហើយ លើសពីនោះទៅទៀត យើងក៏មានបំណងបើកទល់ដែនឡើងវិញ ឲ្យបានឆាប់តាមដែលអាចធ្វើទៅបាន ដើម្បីបម្រើឱ្យ កិច្ចការងារនេះ តែមានកិច្ចការងារមួយចំនួនដោយចាំបាច់អភិបាលរាជធានី-ខេត្ត នៅខាងក្នុងត្រូវធ្វើ៖ ទី១ គឺអភិបាល រាជធានី-ខេត្តដែលនៅខាងក្នុង ដែលមានពលករត្រឡប់មកពីត្រឡប់មកវិញ ត្រូវរៀបចំឲ្យបានច្បាស់លាស់ ដោយខិតខំ បញ្ជូនអ្នកដែលកំពុងធ្វើចត្តឡីស័កនៅតាមមណ្ឌលដែលបានរៀបចំ ហើយដែលមានការមានស្ថានភាពធូរស្រាល ឲ្យ ទៅធ្វើចត្តាឡីស័កនៅតាមផ្ទះរបស់ខ្លួនវិញ ។ សម្ដេចថា ការធ្វើនេះ គឺក្នុងគោលដៅដើម្បីត្រៀមរៀបចំកន្លែងសម្រាប់ បងប្អូនដែលវិលត្រឡប់មកពីប្រទេសថៃ ឬមណ្ឌលចត្តាឡីស័កនៅតាមព្រំដែនកម្ពុជា-ថៃ ដើម្បីធ្វើចត្តាឡីស័កជំនួស ដូច្នេះសូមឯកឧត្តម លោកជំទាវ អភិបាលខេត្ត-រាជធានី សូមរៀបចំបន្ថែមនូវទីកន្លែងដែលត្រូវធ្វើចត្តាឡីស័ក សម្រាប់ ទទួលបងប្អូនដែលវិលត្រឡប់មកពីព្រំដែនកម្ពុជា-ថៃ ក៏ដូចជាដើម្បីទទួលយកបងប្អូនដែលត្រឡប់មកពីព្រំដែនកម្ពុជា-ថៃ ចូលទៅក្នុងមណ្ឌលចត្តាឡីស័កនៅតាមទីកន្លែងដែលបានរៀបចំ អញ្ចឹងម្ខាង គឺត្រូវរៀបចំកន្លែងថ្មី និងម្ខាងទៀត គឺ ត្រូវរៀបចំផ្ទេរអ្នកដែលកំពុងធ្វើចត្តាឡីស័កទៅបន្តធ្វើចត្តាឡីស័កនៅតាមផ្ទះរបស់ខ្លួនវិញ ដើម្បីត្រៀមបំរុងទុកកន្លែងនេះ សំរាប់ទទួលបងប្អូនមកពីប្រទេសថៃ, កិច្ចការទី២ គឺសូមឲ្យកងអង្គភាពដឹកជញ្ជូនរបស់កងយុទ្ធពលខេមរភូមិន្ទ ត្រូវ បញ្ជូនរថយន្តបន្ថែមទៅខាងក្រោម ដែលបានត្រៀមរៀបចំប្រមាណ ២០០គ្រឿង ដើម្បីដឹកជញ្ជូនបងប្អូនធ្វើចត្តាឡីស័ក នៅមណ្ឌលតាមព្រំដែនកម្ពុជា-ថៃ បានចំនួន ៧ថ្ងៃរួចមកហើយនោះ ចូលទៅកាន់ខេត្ត-រាជធានី នៅខាងក្នុង ដើម្បីឲ្យ បន្តធ្វើចត្តាឡីស័ក ដោយការធ្វើយ៉ាងនេះ ដើម្បីឱ្យបងប្អូនដែលមាននៅមណ្ឌលចត្តាឡីស័កនៅតាមព្រំដែនកម្ពុជា-ថៃ មានកន្លែងសម្រាប់ឱ្យបងប្អូនដែលវិលមក និងកំពុងស្នាក់នៅត្រើយម្ខាងព្រំដែន ចូលមកធ្វើចត្តាឡីស័កជំនួសកន្លែង នោះ ។
សម្ដេចតេជោ បន្ថែមថា វិធីនេះ គឺជាវិធីដែលត្រូវតែឲ្យកងកម្លាំងជាពិសេសផ្នែកកងទ័ព ដែលទទួលបន្ទុកដឹកជញ្ជូន បង្កើនរថយន្ត ហើយ រៀបចំការដឹកជញ្ជូនបងប្អូនដែលធ្វើចត្តាឡីស័កបាន ៧ថ្ងៃរួចមកហើយ មកកាន់ខេត្តរាជធានីនៅខាងក្នុង ដើម្បីយក កន្លែងសម្រាប់ឱ្យបងប្អូនមកពីប្រទេសថៃ បានមកធ្វើចត្តាឡីស័កនៅក្នុងមណ្ដល់ចត្តាឡីស័កនេះ។ ក្នុងករណីដែល បងប្អូនមកលើសហួសការកំណត់ គឺត្រូវតែអនុវត្តន៍នូវរបៀបមកដល់ធ្វើតេស្តភ្លាម ហើយដឹកជញ្ជូនបងប្អូនទាំងនោះ ចូលមកកាន់ខេត្តខាងក្នុងតែម្ដង ដើម្បីយកមកធ្វើចត្តាឡីស័កនៅខាងក្នុង ដូច្នេះបញ្ហានេះ បានក្លាយទៅជាបញ្ហាបន្ទាន់ សម្រាប់ឲ្យមន្ត្រីរបស់យើង ធ្វើកិច្ចការងារនេះជាបន្ទាន់ទាំងខាងមុខ និងខាងក្រោយ ។ សម្ដេចក៏បានអំពាវនាវ ដល់ សម្ដេច ឯកឧត្ដម លោកជំទាវ អ្នកឧកញ៉ា ដែលជាមន្ត្រីទទួលចុះជួយខេត្ត-រាជធានី ជួយឧបត្ថម្ភ ជួយមើលការខុសត្រូវ ទៅលើបញ្ហានេះ រួមចំណែកជាមួយខេត្ត ដើម្បីគ្រប់គ្រងស្ថានភាពកូវីដ១៩ តាមរយៈអ្នកដែលមាននៅខាងក្នុងហើយ ស្រេច និងអ្នកដែលបានទើបនឹងវិលត្រឡប់ពីប្រទេសថៃ ។
សម្ដេចតេជោ ហ៊ុន សែន ក៏បានប្រាប់ទៅលោកជំទាវ ឱ វណ្ណឌីន ឱ្យអនុវត្តនូវការចាក់វ៉ាក់សាំងដុសទី៣ សម្រាប់បណ្ដា ខេត្តនៅតាមព្រំដែនកម្ពុជា-ថៃ ដោយយកអាទិត្យទី២ សប្តាហ៍ទី២ អាចថាខានស្អែក ឬខានស្អែកមួយ ចាប់ផ្ដើមអនុវត្ត ការចាក់ដុសទី៣ ឲ្យផ្នែកជួរមុខតាមព្រំដែនកម្ពុជា-ថៃទាំងអស់ ដែលនៅម្ដុំទទួលសេវា ព្រោះបងប្អូនទាំងនេះ នឹងទទួល ហានិភ័យ បន្ទាប់ពីបងប្អូនរាប់ពាន់នាក់មកពីប្រទេសថៃ ឬអាចឡើងលើសពីហ្នឹងទៅទៀតចូលមក ដែលបងប្អូនទាំង នោះ នឹងទទួលនូវការលំបាក ដូច្នេះត្រូវដឹកបន្ទាន់នូវវ៉ាក់សាំងអត្រាសេនីកាទៅកាន់ព្រំដែន ដើម្បីចាក់ជូនគ្រូពេទ្យ ចាក់ជូនមន្ត្រីកងទ័ព នគរបាល អាវុធហត្ថ និងមន្ត្រីរាជការនានា ដែលមានការពាក់ព័ន្ធ។ សម្ដេចថា ត្រូវធ្វើកិច្ចការងារ នេះបន្ទាន់បំផុត ព្រោះយើងមានវ៉ាក់សាំងនៅក្នុងដៃគ្រប់គ្រាន់ហើយ សម្រាប់អាស្រ្តាសេនីការ ដែលចាក់នៅទីនោះ ។ សម្ដេចបានប៉ាន់ប្រមាណថា អង្គភាពនៅតាមព្រំដែនទាំងនោះ ដែលមានការពាក់ព័ន្ធ រួមមានទាំងអង្គភាពបណ្ដារ កងពលធំ កងពលតូច បណ្ដាវីរសេនាធំ វរសេនាតូច និងអង្គភាពដែលធ្វើកិច្ចការងារនេះ ពាក់ព័ន្ធនឹងអាវុធហត្ថ នគរបាលជាតិ និងមន្ត្រីស៊ីវិលរបស់យើង ប្រមាណជា ៣ ឬ ៤ម៉ឺននាក់ប៉ុណ្ណោះ ដូច្នេះវាមិនច្រើនទេ ហើយសូមឲ្យក្រុម គ្រូពេទ្យនៃបណ្ដាយុទ្ធភូមិភាគ កងពលធំ កងពលតូច វីរសេនាធំ វីរៈសេនាតូច ហ្វឹកហាត់ និងត្រៀមចាក់ ដែលបងប្អូន ធ្លាប់បានដំណើរការរួចមកហើយ ពេទ្យខេត្តណា គឺចាក់នៅខេត្តហ្នឹងតែម្ដង ឈរជើងនៅក្នុងភូមិសាស្ត្រណា គឺវ៉ាក់សាំង ត្រូវទៅដល់ ដូច្នេះសូមលោកជំទាវ ឱ វណ្ណឌីន ត្រូវពង្រាយវ៉ាក់សាំងបន្ទាន់ វ៉ាកសាំងអត្រាសេនីកា សម្រាប់ដុសទី៣ ឬដុសជំរុញ ដែលយើងបានព្រមព្រៀងរួចមកហើយ ដែលឱ្យចាក់ក្នុងសប្តាហ៍ទី២ ដែលពីមុន រង់ចាំដល់ខែកញ្ញា ប៉ុន្តែ យើងមិនអាចរងចាំបានទេ ហានិភ័យខ្ពស់សម្រាប់មន្ត្រីជួរមុខរបស់យើង ដែលត្រូវតែសម្រេចធ្វើការងារនេះឲ្យបាន។
ជាថ្មីម្ដងទៀត សម្ដេចតេជោ បានរំលឹកថា យើងធ្វើតាមជំហាន ដោយខេត្តខាងក្នុង ត្រូវតែប្រុងប្រៀបបន្ទាន់ ទី១ គឺយក ចេញនៅអ្នកដែលធ្វើចត្តាឡីស័កនៅផ្នែកខាងក្រោយ ហើយមានជំងឺស្រាលយកទៅឲ្យធ្វើចាក់ដីសាក់នៅតាមផ្ទះ ហើយ ជាមួយនោះ រៀបចំបន្ថែមនៅកន្លែងធ្វើចត្តាឡីស័កនៅទីកន្លែងសមស្រប ដើម្បីត្រៀមបម្រុងកន្លែងទាំងនេះ សម្រាប់ការ ដឹកជញ្ជូនបងប្អូនដែលធ្វើចត្តាឡីស័កនៅតាមព្រំដែនកម្ពុជា-ថៃ ដែលមកដល់ពេលនេះ មានជាង ១ម៉ឺននាក់ ដោយពុំ មានការថមថយចំនួនទេ គឺនៅសល់ជាង ១ម៉ឺននាក់បន្ថែមទៀត ដែលធ្វើចត្តាឡីស័កបាន៧ថ្ងៃហើយ គឺត្រូវតែដឹកជញ្ជូន មកធ្វើចត្តាឡីស័កនៅផ្នែកខាងក្នុង គឺធ្វើតគ្នា ដើម្បីយកកន្លែងដែលនៅតាមព្រំដែនកម្ពុជា-ថៃ យកបងប្អូន ដែលឆ្លងកាត់ ពីថៃចូលមកកម្ពុជា ធ្វើចត្តាឡីស័កបន្តគ្នា, កិច្ចការទី១ គឺត្រូវធ្វើនៅខាងក្នុង។ កិច្ចការទី២ កម្លាំងកងទ័ព ត្រូវដឹកជញ្ជូន អ្នកដែលធ្វើចត្តាឡីស័កបាន ៧ថ្ងៃហើយ តម្រង់ឆ្ពោះមកតាមបណ្តាខេត្តនៅខាងក្នុង ហើយឲ្យមានកិច្ច សហការ ដើម្បី ខេត្តណាត្រូវទៅទទួលយ៉ាងណា ទាក់ទងគ្នាយ៉ាងណា ដើម្បីឲ្យដឹងពីកន្លែងមកដល់គោលដៅ ដែលត្រូវ ដឹកជញ្ជូន ត្រូវ ធ្វើកិច្ចការងារនេះបន្ទាន់ តាមរយៈនៃមធ្យោបាយដែលយើងមាន បន្ថែមដោយរថយន្តត្រូវទៅពីខាងក្រោម អាចចល័ត រថយន្តជាបន្ទាន់ពីខាងក្រោមឡើងទៅខាងមុខ ដើម្បីធ្វើយុទ្ធនាការដឹកជញ្ជូនបងប្អូនដែលកំពុងធ្វើចត្តាឡី ស័កជាង ១ម៉ឺននាក់ ហើយដែលបានធ្វើចត្តាឡីស័ក៧ថ្ងៃរួចហើយ នៅតាមព្រំដែនកម្ពុជា-ថៃ ចូលមកធ្វើចត្តាឡីស័ក នៅមណ្ឌល ចត្តាឡីស័កនៅតាមបណ្ដាខេត្ត-រាជធានី នៅខាងក្នុងជំនួសវិញ។ ក្នុងករណីដែលមកលើសចំណុះ នៃការទទួលបានធ្វើ ចត្តាឡីស័កនៅតាមព្រំដែន គឺយើងត្រូវធ្វើកិច្ចការងារដឹកជញ្ជូន ធ្វើតេស្តហើយដឹកជញ្ជូនបងប្អូនទាំងនោះ ទៅរកគោល ដៅធ្វើចត្តាឡីស័កនៅខេត្តខាងក្រោយតែម្ដង ។
សម្ដេចតេជោ នាយករដ្ឋមន្ត្រី បានបញ្ជាក់ទៀតថា ដើម្បីសម្រេចកិច្ចការងារនេះ សូមឱ្យថ្នាក់ដឹកនាំរាជរដ្ឋាភិបាលដែល ចុះជួយខេត្តនីមួយៗ ជួយមើលការខុសត្រូវ រួមចំណែកក្នុងការផ្គត់ផ្គង់ថវិកា សម្ភារៈចាំបាច់នានា ដើម្បីជួយទៅដល់ខេត្ត បន្ថែមទៅលើថវិកាជាតិ ដែលត្រូវបាន ផ្ដល់ ហើយសូមរំលឹកជាថ្មី លោកជំទាវ ឱ វណ្ណឌីន ត្រូវតែអនុវត្តក្នុងការពង្រាយ វ៉ាក់សាំងបន្ទាន់ បន្ទាប់ពីការទទួលនូវសារ សម្លេងនេះ ជូនទៅបណ្ដាខេត្តនៅតាមព្រំដែន ដើម្បីចាក់ក្នុងរង្វង់ថ្ងៃអាទិត្យ ឬថ្ងៃចន្ទ គឺត្រូវតែចាក់ឲ្យបងប្អូន ព្រោះជា ចំណុចដែលទទួលហានិភ័យខ្ពស់ សម្រាប់ការទទួលបងប្អូនដែលមកពី ព្រះរាជាណាចក្រថៃ ៕
