01/11/2025
កម្មវិធីសប្បុរសធម៌ ដើម្បីស្នាមញញឹមកុមារកម្ពុជា!
នៅថ្ងៃទី២៩ ខែតុលា ឆ្នាំ២០២៥ រដ្ឋបាលខេត្តស្ទឹងត្រែង ដឹកនាំដោយ លោក ស្រ៊ន សំប្ញទ្ធី អភិបាលរងខេត្តស្ទឹងត្រែង តំណាង ឯកឧត្តម សរ សុពុត្រា អភិបាល នៃគណៈអភិបាលខេត្ត ស្ទឹងត្រែង រួមជាមួយប្រតិភូអមដំណើរ ព្រមទាំងថ្នាក់ដឹកនាំ ជាមន្ត្រីរាជការ រដ្ឋបាលស្រុក កងកម្លាំងសមត្ថកិច្ច ក្នុងស្រុកសៀមប៉ាង បានសម្របសម្រួល "កម្មវិធីសប្បុរសធម៌ ដើម្បីស្នាមញញឹមកុមារកម្ពុជា" របស់ក្រុមការងារ ស.គ.ស យុវជនក្រុម៦ បាននាំយកសម្ភារៈសិក្សា និងផ្ដល់អាហារមួយពេល ជូនដល់លោកគ្រូ អ្នកគ្រូ សិស្សានុសិស្ស នៅសាលាបឋមសិក្សា កោះទន្សាយសែនជ័យ ស្ថិតនៅភូមិញ៉ាំងស៊ុម ឃុំថ្មកែវ ស្រុកសៀមប៉ាង ខេត្តស្ទឹងត្រែងប្រមាណ ៣៤៥នាក់។
កម្មវិធីនេះ ធ្វើឡើងក្នុងគោលបំណងឧបត្ថម្ភសម្ភារៈសិក្សា និងអាហារដល់ប្អូនៗ កុមារា កុមារី សិស្សានុសិស្ស នៅតំបន់ខ្សត់ខ្សោយ ឆ្ងាយពីទីប្រជុំជន ព្រមទាំងផ្តល់ក្តីស្រលាញ់ និងស្នាមញញឹមដល់ប្អូនៗ លើកទឹកចិត្តប្អូនៗ ឱ្យចេះស្រលាញ់ និងស្គាល់តម្លៃនៃការសិក្សាផងដែរ៕
