Tou៚

14/08/2025

[ ក្បួនសន្សំលុយឱ្យបាន 10,000$ ក្នុងរយៈពេល 5ឆ្នាំ] 💰💰
សន្សំតែ 5ឆ្នាំ វាអត់យូរទេ ហើយបើនៅសុខៗ ចាយវាយមិនសន្សំ ទោះ10ឆ្នាំ 20ឆ្នាំ ក៏មិនសល់អ្វីដែរ។
1. ចាប់ផ្តើមដោយការកំណត់គោលដៅច្បាស់លាស់ (សន្សំធ្វីអី?)។ ឧ: 10,000$/5ឆ្នាំ= 2,000$ លុយសន្សំ/ឆ្នាំ តែបើគិតជាខែយើងសន្សំតែ 2,000$/12ខែ=166$/ខែ (បើអ្នកប្រាក់ខែ 500$ អាចថាសន្សំប្រហែលតែ 30% នៃប្រាក់ខែក្នុងមួយខែទេ)។ នៅពេលគោលដៅច្បាស់លាស់ ហើយបែងចែកចំនួនសន្សំប្រចាំខែចឹងទៅយើងនឹងមានកម្លាំងចិត្តសន្សំ។
2. គ្រប់កាក់ គ្រប់សេន ចេញចូលត្រូវដឹង៖ ចំណូលមិនសូវជាបញ្ហាប៉ុន្មានទេសម្រាប់អ្នកដែលចូលថេរ តែបើអ្នកចំណូលមិនថេរ គឺគួរតែកត់ត្រាឱ្យបានច្បាស់លាស់។ ទាំងចំណូលនិងចំណាយប្រចាំថ្ងៃត្រូវកត់ទុក ទោះបីចំណាយបន្តិចបន្តួចក៏ដោយ ដូចជាថ្លៃកាហ្វេ ម្ហូបអាហារ ទិញអនឡាញ សម្ភារៈប្រើប្រាស់។ ហើយចាំបាច់ត្រូវកាត់បន្ថយចំណាយមិនចាំបាច់បើលុយសន្សំមិនគ្រប់ 166$/ខែ (កុំកាត់បន្ថយលុយសន្សំមកបង្គ្រប់ចំណាយ បើចង់សន្សំបានជោគជ័យ លុយសន្សំគឺលុយសម្រាប់សន្សំកុំប៉ះពាល់វា)។
3. ចាំបាច់ត្រូវដកសន្សំមុនចំណាយ៖ ពេលបើកប្រាក់ខែ ឬរកចំណូលបានចាំបាច់ត្រូវដក 166$ ចូលកុងសន្សំ ឬញាត់កូនជ្រូកភ្លាមៗ បើមិនអ៊ីចឹងទេគ្មានថ្ងៃនឹងអាចសន្សំបានទេ។ ហើយហាមដាច់ខាត យកលុយសន្សំនោះទៅចាយលាយឡំជាមួយចំណាយផ្សេងៗទៀត។ សម្រាប់អ្នកមិនដែលចាប់ផ្តើមសន្សំពីមុនមក អាចចាប់ផ្តើមដោយការសន្សំងាយៗដូចជាញាត់កូនជ្រូក ទិញប្រអប់សន្សំលុយ ឬអាចបើកកុងសន្សំជាមួយធនាគារដែលបានការប្រាក់ខ្ពស់។
4. រកវិធីបង្កើនចំណូល៖ បើចំណូលរាល់ថ្ងៃទប់ចំណាយចាំបាច់មិនគ្រប់វាពិបាកនឹងសន្សំណាស់ (បែងចែកឱ្យដាច់អ្វីជាចំណង់ អ្វីជាចំណាយចាំបាច់) អ៊ីចឹងហើយអ្វីដែលយើងអាចធ្វើបានគឺព្យាយាមរកចំណូលបន្ថែម និយាយទៅធ្វើអ្វីក៏បានឱ្យតែបានចំណូល។ ការងារមានច្រើនដូចជា លក់ឥវ៉ាន់អនឡាញ ទទួលការងារក្រៅម៉ោង បើនៅផ្ទះមានសម្ភារៈឬឥវ៉ាន់មិនប្រើដូចជា ខោអាវ តុ ទូ អាចដាក់លក់ឡៃឡុងបានដើម្បីមានចំណូល។
5.ដើរជាមួយអ្នកដែលយកចិត្តទុកដាក់រឿងលុយកាស ហើយចៀសវាងដើរជាមួយអ្នកចាយធំ ដើរលេងចាយវាយច្រើន ព្រោះថាសង្គម និងបរិយាកាសដែលយើងរស់នៅដើរជាមួយរាល់ថ្ងៃអាចជះឥទ្ធិពលដល់យើង (ទាំងល្អនិងអាក្រក់) បើយើងនៅក្នុងចំណោមអ្នកគិតគូររឿងលុយ ចាយវាយសន្សំសំចៃ វានឹងធ្វើឱ្យយើងចេះគិតគូរដូចគេ តែបើយើងដើរជាមួយអ្នកចាយធំ មិនយូរទេយើងនឹងរងឥទ្ធិពលពីគេ។
💸💸 ខ្លីៗ៖ បើចង់សន្សំលុយ 10,000$ ក្នុងរយៈពេល 5 ឆ្នាំឱ្យជោគជ័យត្រូវមាន 1/. វិន័យ (សន្សំឱ្យបានទៀងទាត់ កំណត់ចំនួនសន្សំហើយត្រូវតែធ្វើវា), 2/. មានគោលដៅសន្សំច្បាស់លាស់ និងអាចទៅរួចមិនតូចពេក មិនធំពេក 3/. ការតាំងចិត្ត បើតាំងចិត្តថានឹងសន្សំលុយឱ្យបាន 10,000$ ត្រូវធ្វើវាឱ្យបាន 4/. ការអត់ធ្មត់ (ស៊ូចាយវាយសន្សំសំចៃបន្តិច កាត់បន្ថយភាពហ៊ឺហារ និងមិនចាយលើរបស់មិនចាំបាច់) 5/. ចាប់ផ្តើមសន្សំថ្ងៃនេះទៅ កុំរងចាំទាល់តែមានចំណូលច្រើន ចាំអស់បំណុល ។ល។ ថ្ងៃមួយយើងនឹងសម្រេចវាបាន។
—————
៚

26/07/2025

ស្មារតីជាតិខ្មែរតែមួយ 🙏🙏🙏

26/07/2025

សេចក្តីថ្លែងការណ៍របស់ក្រសួងការពារជាតិនៃព្រះរាជាណាចក្រកម្ពុជា
ភ្នំពេញ ថ្ងៃទី២៦ ខែ កក្កដា ឆ្នាំ ២០២៥

ក្រសួងការពារជាតិ នៃព្រះរាជាណាចក្រកម្ពុជា សូមថ្កោលទោសយ៉ាងដាច់អហង្ការ ចំពោះអំពើឈ្លានពានដោយមិនមានការបង្កហេតុ និងដោយត្រៀមទុកជាមុន ដែលប្រព្រឹត្តឡើងដោយព្រះរាជាណាចក្រថៃ នៅវេលាម៉ោង ០៥:០២នាទី ថ្ងៃទី២៦ ខែកក្កដា ឆ្នាំ២០២៥ ដោយបានបើកការវាយប្រហារដោយកាំភ្លើងធំចំនួន ៥ គ្រាប់ មកលើទីតាំងជាច្រើនកន្លែង នៅក្នុងភូមិឯកភាព ឃុំថ្មដា ស្រុកវាលវែង ខេត្តពោធិ៍សាត់។ ការរំលោភអធិបតេយ្យភាព និងបូរណភាពទឹកដីរបស់កម្ពុជាដ៏កម្រោលនេះ គឺជាការរំលោភបំពានយ៉ាងធ្ងន់ធ្ងរបំផុតលើច្បាប់អន្តរជាតិ រួមទាំងគោលការណ៍ដែលមានចែងក្នុងធម្មនុញ្ញអង្គការសហប្រជាជាតិ ហើយបានបង្កគ្រោះថ្នាក់ដល់អាយុជីវិតជនស៊ីវិលស្លូតត្រង់ និងបំផ្លាញសន្តិភាព និងស្ថិរភាពក្នុងតំបន់។

ព្រះរាជាណាចក្រកម្ពុជា អំពាវនាវឱ្យសហគមន៍អន្តរជាតិចូលរួម ក្នុងការថ្កោលទោសយ៉ាងម៉ឺងម៉ាត់បំផុតចំពោះការឈ្លានពានខុសច្បាប់របស់ថៃ។ កម្ពុជាទាមទារឱ្យថៃបញ្ឈប់រាល់សកម្មភាពអរិភាពជាបន្ទាន់ ហើយប្រកាន់ខ្ជាប់កាតព្វកិច្ចរបស់ខ្លួនក្រោមច្បាប់អន្តរជាតិ។ ខណៈពេលដែលកម្ពុជានៅតែប្តេជ្ញាចិត្ត ក្នុងការដោះស្រាយវិវាទដោយសន្តិវិធី និងអនុលោមតាមច្បាប់អន្តរជាតិ កម្ពុជារក្សាសិទ្ធិក្នុងការការពារខ្លួនដូចមានចែងក្នុងមាត្រា ៥១ នៃធម្មនុញ្ញអង្គការសហប្រជាជាតិ។ កងយោធពលខេមរភូមិន្ទ ប្តេជ្ញាចិត្តឥតងាករេ ក្នុងការការពារអធិបតេយ្យភាព បូរណភាពទឹកដី និងសុវត្ថិភាពរបស់ប្រជាជន ប្រឆាំងនឹងអំពើឈ្លានពានដ៏សាហាវឃោរឃៅរបស់ថៃ។

Statement of the Ministry of National Defense of the Kingdom of Cambodia

Phnom Penh, July 26, 2025

The Ministry of National Defense of the Kingdom of Cambodia strongly condemns, in the strongest possible terms, the unprovoked and premeditated act of aggression committed by the Kingdom of Thailand at 05:02 AM on July 26, 2025, involving the firing of five heavy artillery shells into multiple locations in Ekphap Village, Thmor Da Commune, Veal Veng District, Pursat Province.

This violation of Cambodia’s sovereignty and territorial integrity constitutes a grave breach of international law, including the principles enshrined in the United Nations Charter, and has resulted in harm to innocent civilian lives, while disrupting peace and stability in the region.

The Kingdom of Cambodia calls on the international community to strongly condemn Thailand’s illegal act of aggression. Cambodia demands that Thailand immediately cease all hostile actions and uphold its obligations under international law.

While Cambodia remains committed to resolving disputes peacefully and in accordance with international law, it reserves the right to self-defense as stipulated in Article 51 of the United Nations Charter.

The Royal Cambodian Armed Forces (RCAF) reaffirm their unwavering commitment to defend the nation’s sovereignty, territorial integrity, and the safety of its people against Thailand’s brutal and unlawful acts of aggression.

26/07/2025

🙏🏼

02/07/2025

🙏🏻🙏🏻🙏🏻

02/07/2025

19/04/2025

រកបានដៃគូដែលស្មោះត្រង់ ស្រឡាញ់អ្នកពិត នឹងអាចធ្វើដំណើរលើផ្លូវវែងឆ្ងាយ ឆ្លងកាត់នៅរាល់ឧបសគ្គរួមគ្នា តស៊ូប្រឹងប្រែងដើម្បីគ្រួសារ ជួបអ្វីក៏មិនអស្ចារ្យ ឱ្យតែមិនបោះបង់គ្នា នេះហើយគឺជាសំណាងពិតរបស់មនុស្សម្នាក់ៗ ត្រឹមមានមនុស្សល្អម្នាក់នៅក្បែរ👌💯💏🎉🎁💸

19/04/2025

ជីវិតប្ដីប្រពន្ធបើចង់មានធូរធារ ❤️🏡និងសុភមង្គលយូរអង្វែង គួរអនុវត្តដូចខាងក្រោម៖
* ខិតខំប្រឹងប្រែងរកទ្រព្យសម្បត្តិ កុំចំណាយពេលឈ្លោះប្រកែកគ្នាដែលគ្មានប្រយោជន៍។
* ព្យាយាមធ្វើការងារឱ្យបានពេញលេញ និងចេះសន្សំប្រាក់ទុកដាក់សម្រាប់ពេលចាំបាច់។
* ថែរក្សាភាពស្មោះត្រង់ចំពោះគ្នាទៅវិញទៅមក ទាំងពេលបច្ចុប្បន្ន និងអនាគត ដើម្បីទទួលបានសេចក្ដីសុខក្នុងជីវិតគ្រួសារ។
* ទោះបីជាពេលរៀបការដំបូងជីវភាពខ្វះខាត ក៏ដោយ កុំអស់សង្ឃឹម បើយើងចេះគិតពិចារណា និងមានគំនិតក្នុងការកែប្រែ ភាពក្រីក្រនឹងមិនស្ថិតស្ថេរយូរឡើយ។
* ចេះពឹងផ្អែកលើខ្លួនឯង កុំរង់ចាំតែជំនួយពីអ្នកដទៃ ព្រោះដៃទាំងពីររបស់យើងអាចបង្កើតអ្វីៗបាន ប្រសិនបើយើងឆ្លាតវៃ និងចេះកែច្នៃឱកាស។
* ចាប់ដៃគ្នាធ្វើការរកស៊ី និងខិតខំប្រឹងប្រែងបន្ថែមទៀត បើយើងចេះខ្មាស់អៀននឹងញាតិមិត្តដែលយើងនៅតែពឹងពាក់ នោះជីវភាពនឹងប្រសើរឡើងជាក់ជាមិនខាន។
* ចៀសវាងរឿងល្បែងស៊ីសង និងស្រីញី ព្រោះវានាំមកនូវតែភាពវិនាសអន្តរាយ បើយើងផ្តោតលើការងារ ភាពក្រីក្រនឹងរលាយបាត់ទៅវិញក្នុងពេលឆាប់ៗ។

29/03/2025

មនុស្សពេលណាភ្ញាក់ខ្លួន?
មនុស្សម្នាក់ភ្ញាក់ខ្លួន 1% ពឹងលើអ្នកដទៃដាស់តឿន
99% ទៀតពឹងលើខ្លួនឯង អ្វីដែលធ្វើឱ្យយើងចាស់ចិត្តចាស់គំនិត មិនមែនអាយុនោះទេ គឺជារឿងដែលយើងឆ្លងកាត់។ គ្មានអ្នកណាម្នាក់មកប្រាប់យើងថាផ្លូវនេះត្រូវដើរយ៉ាងម៉េចនោះទេ។ មានតែអ្នកទេដែលត្រូវប្រឹងដើរដោយខ្លួនឯង។ បញ្ហាក្នុងជីវិត ឧបសគ្គ មនុស្សអាក្រក់ អ្នកត្រូវតែឆ្លងកាត់ទាំងអស់ ទើបអាចធ្វើឱ្យអ្នករឹងមាំបាន។ ពាក្យថាបទពិសោធគ្មានអ្នកណាអាចបង្រៀនយើងបានទេ ទាល់តែយើងជួបវាដោយខ្លួនឯង។😌☺️🥰😘

24/02/2025

អ្នកណាហៅខ្ញុំ បង ខ្ញុំនឹងស្រឡាញ់គេឲ្យដូចជាប្អូន
អ្នកណាហៅខ្ញុំ ប្អូន ខ្ញុំនឹងគោរពគេឲ្យដូចជាបង
អ្នកណាហៅខ្ញុំ មិត្ត ខ្ញុំនឹងធ្វើជាមិត្ដដ៏ល្អនឹងស្មោះត្រង់ចំពោះគេ ខ្ញុំមិនដែលប្រាប់នរណាទេថាខ្ញុំជាមនុស្សល្អប៉ុណ្ណា គ្រាន់តែខ្ញុំនឹងតបស្នងទៅវិញទៅតាមទង្វើ ដែលគេធ្វើមកលើខ្ញុំតែប៉ុណ្ណោះ🥰😘

12/01/2025