22/12/2025
អ៊ួយយាន ធ្លាប់ខឹងអន់ចិត្តនឹង ជូកឺលាង រឿងកងទ័ពខំប្រឹងវាយយកក្រុងសត្រូវបានយ៉ាងពិបាក តែបែរជាជូកឺលាងឲ្យបោះបង់ចោល។ ក្រោយពីមេទ័ពនគរអ៊ួយ ទទួលបានក្រុងវិញហើយ ក៏មានមោទកភាពជាខ្លាំង ដោយគិតថា ជូកឺលាង ខ្លាច គ្រាន់តែទ័ពនគរអ៊ួយមកជាថ្មី ជូកឺលាងនាំទ័ពដកថយរត់អស់។ តែការពិត នេះគ្រាន់តែជាល្បិចរបស់ជូកឺលាងប៉ុណ្ណោះ មិនចាំបាច់វាយប្រហារនាំឲ្យមានការខាតបង់ច្រើន ទុកឲ្យធម្មជាតិវាយប្រហារជាមុន តាមរយៈទឹកភ្លៀងត្រាំនៅក្នុងក្រុង។ ទឹកភ្លៀងបានធ្វើឲ្យស្បៀង អាវុធ សម្លៀកបំពាក់កងទ័ពនគរអ៊ួយរលួយខូចខាតអស់ ពេលនោះហើយដែលជូកឺលាងឲ្យកងទ័ពវាយសង្គ្រប់លើទ័ពនគរអ៊ួយ ហើយទទួលបានជោគជ័យផ្ទួនៗ។
យុទ្ធសាស្ត្ររបស់អ្នកដឹកនាំទ័ព មិនមែនមនុស្សធម្មតាចេះតែស្មានត្រូវនោះទេ ✍️
