24/10/2025
គោដំបៅខ្នង ក្អែកហើររំលង រំសាយកន្ទុយ
(អ្នកមានចំណុចខ្សោយតែងរសើបនឹងសម្តីគេ)
អត្ថានុរូប
👉គោដែលមានដំបៅលើខ្នងកាលណាឃើញក្អែកហើររំលងពីលើ តែងលើកន្ទុយគ្រវាសចុះឡើងពីលើខ្នង ដើម្បីការពារខ្លួនដោយខ្លាចក្អែកចុះចឹកដំបៅ តែតាមពិតក្អែកឥតដឹងអ្វីពីគោទេគឺវាហើរតាមធម្មតារបស់វា។
អត្ថប្បដិរូប
👉មនុស្សមានចំណុចខ្សោយដូចជាធ្លាប់ប្រព្រឹត្តអំពើអាក្រក់មានលួចប្លន់គេជាដើម។កាលណាឮគេនិយាយពីចោរកម្មកើតនៅទីណាមនុស្សនោះតែងតែផ្អើលៗរសើបគូទនៅពុំសុខទេ។ព្រោះអារម្មណ៍គេចេះតែនឹកបារម្ភខ្លាចគេនិយាយដៀមដាមឱ្យខ្លួន។ជួនកាលដោយរអៀសខ្លួនខ្លាំងពេកក៏ក្រោកដើរចេញបាត់ទៅ។
ជួនគេមិនអាចដើរចេញបានក៏ខំនឹករកមធ្យោបាយផ្សេងៗដើម្បីនិយាយការពារខ្លួន។តែតាមពិតអ្នកនិយាយគឺនិយាយដោយត្រង់ទេ។
゚
ៃថ្មី
#ចំណេះដឹងថ្មីៗ
