CHUT WUTTY Breaking News

27/07/2025

ប្រធានាធិបតី សហរដ្ឋអាមេរិក
ឆ្លើយសំនួរអ្នកសារព័ត៍មាន ទាក់ទងបញ្ហាកម្ពុជា
យើងជាប្រជាជនកម្ពុជា សូមអរគុណលោកប្រធានាធិបតី

US President talks about Cambodia conflict at Scotland.
We are the people of Cambodia say Thank you so much Mr president.
On Sunday 07/27/2025

United State Of America please please help Cambodia

Thailand must to stop invasion land of Cambodia
_____________________
(Source video)
https://www.facebook.com/WhiteHouse/videos/1262932012130630

14/05/2023

ពេលខ្លះមនុស្សស្មោះត្រង់ពិបាកចូលចំណោមគេណាស់ព្រោះតែពួកគេខ្វះសមត្ថភាពសម្តែង។ ប៉ុន្តែមានតែមនុស្សមួយប្រភេទដែលមានសារជាតិជាចចក តែពាក់ស្រោមមុខសត្វចៀមទេពូកែសម្តែងខ្លាំងណាស់លក្ខណ:ជាអាជីពតែម្តង។ មនុស្សទូទៅងាយចាញ់ការបោកបញ្ឆោតមនុស្សជំពូកនេះខ្លាំងណាស់។ ដូច្នេះ ចូរប្រយ័ត្នមនុស្សចៀមចិត្តចចកព្រោះយើងមិនអាចមើលដឹងត្រឹមតែប្រើភ្នែកទាំងគូរបានទេ។

30/04/2022

រយៈពេល ១០ឆ្នាំកន្លងផុតទៅ ដែលលោក បានចាកចេញពីពួកយើង
យុត្តិធម៌សម្រាប់លោកនៅឆ្ងាយដូចជើងមេឃរយៈពេល ១០ឆ្នាំកន្លងមកនេះ
លោកឈុត វុទ្ធី ២៦ មេសា ២០១២ - ២៦ មេសា ២០២២

ពិធីបុណ្យខួប១០ឆ្នាំលោក ឈុត វុទ្ធី នឹងប្រារព្វធ្វើឡើងនៅ ថ្ងៃអាទិត្យ ទី០១ ឧសភា ឆ្នាំ២០២២ (05/01/2022) ទីក្រុង Lowell រដ្ឋ Massachusetts សហរដ្ឋអាមេរិក ម៉ោង 9:00 ព្រឹក ដល់ ម៉ោង 12:00ថ្ងៃត្រង់ វត្ត ពន្លឺពុទ្ធចក្រ (វត្តថ្មី) 24 Cambridge Street Lowell MA 01851 សូមអរគុណ។

22/04/2022

. សេចក្ដីនិមន្ត និង គោរពអញ្ជើញ
-------------------
បុណ្យទក្ខិណានុប្បទាន គម្រប់ខួប១០ឆ្នាំ លោក ឈុត វុទ្ធី វីរជនការពារព្រៃឈើដែលត្រូវបានខ្មាន់កាំភ្លើង បាញ់សម្លាប់កាលពីថ្ងៃទី ២៦ មេសា ២០១២ នៅខេត្តកោះកុង។

ពិធីបុណ្យនឹងប្រារព្វធ្វើឡើងនៅទីក្រុង Lowell រដ្ឋ Massachusetts សហរដ្ឋអាមេរិក
- វត្ត ពន្លឺពុទ្ធចក្រ (វត្តថ្មី)
24 Cambridge Street
Lowell MA 01851
- ថ្ងៃអាទិត្យ ទី០១ ឧសភា ឆ្នាំ២០២២ (05/01/2022)
- ម៉ោង 9:00 ព្រឹក

ខ្ញុំបាទ ឆឺយ ឧត្ដមរស្មី ជាកូនប្រុសច្បងរបស់លោក ឈុត វុទ្ធី
សូម និមន្ត និងគោរពអញ្ជើញបងប្អូន ជនរួមជាតិខ្មែរ រស់នៅទីក្រុងឡូវែល និងរដ្ឋនាៗ ដែលនៅជិត រដ្ឋម៉ាស្សាជូសិត សហរដ្ឋអាមេរិក ទាំងអស់មេត្តា ចូលរួមពិធីបុណ្យទក្ខិណានុប្បទានខួប១០ឆ្នាំ ដល់វិញ្ញាណក្ខន្ធ លោកឪពុករបស់ខ្ញុំបាទ ឈុត វុទ្ធី អោយបានច្រើនកុះករដើម្បីរំលឹកដល់វីរភាពរបស់លោក ដែលបានពលីជីវិតដើម្បីបុព្វហេតុជាតិ និងព្រៃឈើនៅកម្ពុជា សូមបងប្អូនមេត្តាជ្រាបជាដំណឹង សូមអរគុណ។

លេខទូរសព្ទទំនាក់ទនង:
- (978) 788-4746 លោក ឆឺយ ឧត្ដមរស្មី
- (978) 349-1772 លោក ប៉ែន សុផល
- (978) 375-7509 លោក ទិត្យ សុធារិទ្ធិ
---------------

20/04/2022

លោក #ឈុតវុទ្ធី គឺជាសកម្មជនព្រៃឈើដ៏ល្បីល្បាញរបស់កម្ពុជា ដែលមានស្រុកកំណើតនៅភូមិស្វាយមាស ឃុំវិហារសួគ៌ ស្រុកខ្សាច់កណ្ដាល ខេត្តកណ្តាល។ លោកបានសិក្សា និងទទួលបានអនុបណ្ឌិតផ្នែកសិក្សាធិការយោធាពីប្រទេសរុស្សីនៅឆ្នាំ១៩៩២។

មុនពេលត្រូវបានបាញ់សម្លាប់ លោក ឈុត វុទ្ធី មានតួនាទីជាប្រធាន​អង្គការ​ការពារ​ធនធាន​ធម្មជាតិ ហើយរូបលោកត្រូវ​បាន​គេ​បាញ់​សម្លាប់​នៅ​ថ្ងៃ​ទី​២៦ ខែ​មេសា។ ការ​បាញ់​សម្លាប់​នេះ គឺ​នៅ​ក្នុង​បេសកកម្ម​របស់​លោក​នៅ​ខេត្តកោះកុង ដែល​លោក​បាន​ចុះ​ទៅ​ពិនិត្យ និង​ថតរូប​សកម្មភាព​បទល្មើស​ព្រៃ​ឈើ​នៅ​ខែត្រ​កោះកុង។

ការ​ស្លាប់​របស់​សកម្មជន​ការពារ​ព្រៃ​ឈើ​នេះ គឺ​ជា​ការ​សោកស្ដាយ​ជា​ទីបំផុត​របស់​មន្ត្រី​អង្គការ​សង្គម​ស៊ីវិល​នានា ពីព្រោះ​ថា កន្លង​មក​គេ​ចាត់​ទុក​លោក ឈុត វុទ្ធី ជា​មនុស្ស​មាន​សេចក្ដី​ក្លាហាន មាន​ឆន្ទៈ​ក្នុង​ការ​ទប់ស្កាត់​បទល្មើស​ព្រៃ​ឈើ ដែល​កំពុង​កើត​ឡើង​នៅ​កម្ពុជា​បច្ចុប្បន្ន។

លោក ឈុត វុទ្ធី បាន​ចុះ​ទៅ​ខែត្រ​កោះកុង កាល​ពី​ថ្ងៃ​ទី​២៤ ខែ​មេសា ជាមួយ​នឹង​អ្នក​កាសែត ឌឹ ខេមបូឌា ដេលី (The Cambodia Daily) ចំនួន​ពីរ​រូប គឺ​មាន​កញ្ញា ផន បុប្ឆា ជា​ជន​ជាតិ​ខ្មែរ និង​មួយ​រូប​ទៀត​ជា​ជនជាតិ​បរទេស។

គោល​បំណង​សំខាន់​ក្នុង​ការ​ចុះ​ទៅ​ខែត្រ​កោះកុង របស់​លោក ឈុត វុទ្ធី នេះ ដើម្បី​ទៅ​ពិនិត្យ​មើល​ក្រុមហ៊ុន​កាប់​ឈើ​ខុស​ច្បាប់​នៅ​តំបន់​ក្រវាញ​ភាគ​កណ្ដាល ស្ថិត​នៅ​ក្នុង​ស្រុក​ថ្មបាំង។ ប៉ុន្តែ​ជា​អកុសល​លោក ឈុត វុទ្ធី ត្រូវ​បាន​កងកម្លាំង​ការពារ​ក្រុមហ៊ុន​បាញ់​សម្លាញ់​ទៅ​វិញ នៅ​ខណៈ​លោក​បាន​ទៅ​ថត​រូបភាព​អំពី​ការ​កាប់​ឈើ​របស់​ក្រុមហ៊ុន​ឯកជន​មួយ។

លោក ឈុត វុទ្ធី បាន​បញ្ចប់​ការ​សិក្សា​ថ្នាក់​អនុបណ្ឌិត​ទាហាន​មក​ពី​ប្រទេស​រុស្សី។ បន្ទាប់​ពី​លោក​បញ្ចប់​ការ​សិក្សា​នៅ​ឆ្នាំ​១៩៩២ លោក ឈុត វុទ្ធី បាន​ធ្វើ​ការ​នៅ​មជ្ឈមណ្ឌល​សកម្មភាព​កម្ចាត់​មីន​កម្ពុជា និង​ធ្វើ​ជា​គ្រូ​បង្ហាត់​នាយ​ទាហាន​នៅ​ក្រសួង​ការពារ​ជាតិ។

លុះ​ដល់​ឆ្នាំ​២០០៣ លោក ឈុត វុទ្ធី បាន​បម្រើ​ការងារ​នៅ​អង្គការ គ្លបល វីនេស (Global Witness) មាន​តួនាទី​ជា​នាយក​រង​នៃ​អង្គការ​អន្តរជាតិ​មួយ​នេះ ដែល​ធ្វើ​ការ​ឃ្លាំមើល​អំពី​ការ​កាប់​ព្រៃ​ឈើ​នៅ​កម្ពុជា។

ក្រោយ​ពី​រដ្ឋាភិបាល​បាន​បណ្ដេញ​អង្គការ គ្លបល វីនេស ចេញ​ពី​កម្ពុជា លោក ឈុត វុទ្ធី បាន​បង្កើត​អង្គការ​មួយ​ឈ្មោះ​ថា អង្គការ​ការពារ​ធនធាន​ធម្មជាតិ​ដែល​គេ​ដឹង​ថា អង្គការ​របស់​លោក​មាន​ជំនួយ​ពី​ប្រទេស​អាល្លឺម៉ង់ ដែល​មាន​សកម្មភាព​ការងារ​ផ្ដោត​សំខាន់​លើ​ការ​ការពារ​ព្រៃ​ឈើ និង​ធនធាន​ធម្មជាតិ។

ការ​ស្លាប់​សកម្មជន​ការពារ​ព្រៃ​ឈើ​នៅ​ពេល​នេះ ជា​ការ​សោកស្ដាយ​របស់​មនុស្ស​ភាគ​ច្រើន​នៅ​កម្ពុជា ដែល​គេ​បាន​ស្គាល់​រូប​លោក។ ផ្ទុយ​ទៅ​វិញ ក្រុម​មន្ត្រី​សិទ្ធិ​មនុស្ស​បាន​លើក​ឡើង​ថា ក្រុម​អ្នក​ប្រព្រឹត្ត​បទល្មើស​កាប់​ឈើ សប្បាយ​ចិត្ត​ចំពោះ​ការ​ស្លាប់​របស់​លោក ឈុត វុទ្ធី នេះ។ ពីព្រោះ​ថា លោក ឈុត វុទ្ធី បាន​ប្រមូល​ភស្តុតាង​ជា​ច្រើន​អំពី​ជនល្មើស រួម​ទាំង​ក្រុម​អ្នក​មាន​អំណាច​កាប់​ឈើ​នៅ​កម្ពុជា ហើយ​ការ​ស្លាប់​របស់​លោក ឈុត វុទ្ធី ប្រៀប​ដូច​ជា​ការ​ដក​បន្លា​ចេញ​ពី​ដើម​ទ្រូង​របស់​ជនល្មើស​កាប់​ឈើ​ទាំង​នោះ។

នៅ​ក្នុង​ប្រវត្តិ​របស់​លោក ឈុត វុទ្ធី។ លោក ឈុត វុទ្ធី បាន​សរសេរ​ចក្ខុវិស័យ​របស់​លោក​នៅ​ក្នុង​ប្រវត្តិ​នោះ​ថា "ខ្ញុំ​ប្រាថ្នា​បញ្ឈប់​បទល្មើស​ព្រៃ​ឈើ និង​សត្វ​ព្រៃ​នៅ​កម្ពុជា តាម​រយៈ​ការ​កសាង​សមត្ថភាព​ក្នុង​ការ​គ្រប់​គ្រង​រដ្ឋ​របស់​រដ្ឋាភិបាល និង​ការ​ពង្រឹង​ការ​អនុវត្ត​ច្បាប់ ជា​ពិសេស​គឺ​មាន​រចនាសម្ព័ន្ធ​ដែល​ប្រសើរ​គង់វង្ស​ឋិតថេរ និង​មាន​ប្រសិទិ្ធភាព៕

អត្ថបទដកស្រង់៖ Radio Free Asia

02/04/2022

02/09/2021

សេចក្តីប្រកាសព័ត៌មានស្តីពីបទល្មើសព្រៃឈើចំនួន ១០១ ករណីថ្មី
ត្រូវបានរកឃើញក្នុងដែនជម្រកសត្វព្រៃព្រះរការ។

សហគមន៍ជនជាតិដើមភាគតិចកួយភូមិប្រមេរុ ឃុំប្រមេរុ ស្រុកត្បែងមានជ័យ ខេត្តព្រះវិហារ មានកិត្តិយសសូមជម្រាបជូនសាធារណជន អ្នកសារព័ត៌មានជាតិ និងអន្តរជាតិឲ្យបានជ្រាបថា កាលពីថ្ងៃទី ១៧ ដល់ ១៩ ខែសីហា ឆ្នាំ២០២១នេះ សហគមន៍ជនជាតិដើមភាគតិចកួយភូមិប្រមេរុ បានរកឃើញការកាប់បំផ្លាញ និងដឹកជញ្ជូនឈើទាំងកណ្តាលថ្ងៃយ៉ាងសកម្មដោយពុំខ្លាចអ្វីទាល់តែសោះពីសំណាក់ជនល្មើស និងជាពិសេសគឺបានប្រទះឃើញបន្ទះក្តារដែលបានគរទុកក្នុងព្រៃជាច្រើនសន្លឹកផងដែរ។ ទំនាក់ទំនងព័ត៌មាន៖
* • លោក ស៊ុត សាវុន ប្រធានសហគមន៍ជនជាតិដើមភាគតិចកួយ ភូមិប្រមេរុ
០៩៧ ៥០ ៨០ ៣០២ / ០៩២ ៨៩៤ ៦៦៤
* • លោក ថាប់ សុខឃី សមាជិកសហគមន៍៖ ០៨៨ ៦៥ ១៩ ១៩៥
* • អ្នកស្រី ស៊ិង សេត សមាជិកសហគមន៍៖ ០៩៧ ៥៧ ៣១ ២០១
* • លោក ថី ហុន សមាជិកសហគមន៍៖ ០៩៧ ៤៧ ៦១ ៦៤៩
ប្រភព​ @សហគមន៍ជនជាតិដេីមភាគតិចកួយភូមិប្រមេរុ

18/08/2021

ដំណឹងបន្ទាន់៖ លោក ខេម សុឃី សមាជិកបណ្តាញសហគមន៍ព្រៃឡង់ខេត្តព្រះវិហារ លោក បានឲ្យដឹងថាមានសមត្ថកិច្ចបានចុះទៅថតផ្ទះរបស់គាត់នៅវេលាព្រឹកនេះដោយមិនបានពន្យល់មូលហេតុនោះទេ។ ទំនាក់ទំងលោក ខេម សុឃី ០៨៥ ៤៧៣ ១៥៧ ។

សូមជម្រាបផងដែរថា លោក ខេម សុឃី គឺជាសមាជិកដ៏សកម្មម្នាក់នៅក្នុងបណ្តាញសហគមន៍ព្រៃឡង់ លើការងារការពារព្រៃឈើ ហើយលោកធ្លាប់ត្រូវគេចាប់ខ្លួននៅថ្ងៃទី ១៣ ខែមីនា ឆ្នាំ២០២០ នៅខេត្តក្រចេះ។ បន្ទាប់ពីបានឃុំខ្លួនអស់ប៉ុន្មានថ្ងៃនៅអធិការស្រុកសំបូរ និងសាលាដំបូងខេត្តក្រចេះ កាលនោះក្រោយមក គេក៏ដោះលែងរូបលោកវិញ។

20/07/2021

20/07/2021

Idea Talk: «ជំហររបស់យុវជនសម្រាប់គុណធម៌ និងសច្ចភាពសង្គម» សូមលោកអ្នកនាងរង់ចាំទស្សនាកម្មវិធី Idea Talk របស់សាព័ត៌មាន The Cambodia Daily សម្រាប់យប់ថ្ងៃអង្គារ ទី២០ ខែកក្កដា ឆ្នាំ២០២១ វេលាម៉ោង ៨និង ៣០នាទី ម៉ោងនៅកម្ពុជា ជាមួយលោក សួង នាគព័ន្ធ អតីតកូនសិស្សរបស់បណ្ឌិត កែម ឡី និងលោក ឆឺយ ឧត្ដមរស្មី ប្រធានអង្គការការពារធនធានធម្មជាតិ។ ប្រសិនបើលោកអ្នកចាប់អារម្មណ៍ សូមលោកអ្នកនាងតាមដានកម្មវិធីផ្សាយរបស់យើងតាមទំព័រហ្វេសប៊ុកដែលមានអាសយដ្ឋាន The Cambodia Daily Khmer ។

19/07/2021

រដ្ឋាភិបាលជប៉ុន ផ្តល់រថយន្តគិលានសង្គ្រោះ ៣០គ្រឿងបន្ថែមទៀត ជូនរាជរដ្ឋាភិបាលកម្ពុជា