https://www.facebook.com/105123082430609/

ចម្ការ-Chomka, Phnom Penh (2026)

19/12/2025

#បញ្ហាទ្រីប (Thrips) បឺតជញ្ជក់ចុងស្លឹកស្រូវ ជាបញ្ហាមួយដែលបងប្អូនកសិករជួបប្រទះញឹកញាប់ ជាពិសេសនៅដំណាក់កាលស្រូវនៅតូច (សំណាប ឬក្រោយព្រួសបាន ១០-២០ ថ្ងៃ) និងនៅពេលដែលមានអាកាសធាតុក្តៅហួតហែង ខ្វះទឹក។
ខាងក្រោមនេះគឺជាវិធីសាស្ត្រការពារ និងកម្ចាត់ដែលបងប្អូនអាចយកទៅអនុវត្តបាន៖
១. វិធីសាស្ត្រការពារ (បែបធម្មជាតិ និងបច្ចេកទេស)
• បញ្ចូលទឹក៖ ទ្រីបខ្លាចទឹកណាស់។ ប្រសិនបើបងប្អូនសង្កេតឃើញមានវត្តមានទ្រីប សូមប្រញាប់បញ្ចូលទឹកឱ្យលិចចុងស្លឹកស្រូវរយៈពេល ១-២ យប់ វានឹងងាប់ ឬហើរចេញអស់។
• កុំប្រើជីអ៊ុយរ៉េ (ជីស) ច្រើនពេក៖ ការបាចជីសច្រើនហួសកំណត់ធ្វើឱ្យស្លឹកស្រូវស្រងីក (ស្លឹកទន់ និងបៃតងខ្មៅ) ដែលជាចំណីដ៏ឆ្ងាញ់របស់ទ្រីប។
• សម្អាតស្មៅ៖ កម្ចាត់ស្មៅតាមភ្លឺស្រែ ព្រោះវាជាជម្រករបស់ទ្រីប។
២. ការប្រើប្រាស់ថ្នាំកសិកម្ម (ពេលមានការយាយីខ្លាំង)
ប្រសិនបើការបញ្ចូលទឹកមិនអាចធ្វើទៅបាន ឬទ្រីបកើតឡើងច្រើនពេក បងប្អូនអាចជ្រើសរើសថ្នាំដែលមានសារធាតុសកម្មដូចខាងក្រោម៖
• សារធាតុសកម្មសម្រាប់បាញ់កម្ចាត់៖
• Abamectin (អាបាមិចទីន): ប្រភេទនេះពេញនិយម និងមានប្រសិទ្ធភាពខ្ពស់លើសត្វល្អិតបឺតជញ្ជក់។
• Fipronil (ហ្វីប្រូនីល): ជួយកម្ចាត់ទាំងទ្រីប និងដង្កូវមូលស្លឹក។
• Imidacloprid (អ៊ីមីដាក្លូព្រីត): ជាថ្នាំពុលជ្រាបចូលក្នុងដើម ជួយការពារបានយូរ។
• Thiamethoxam (ទីអាមេថុកសាំ): មានប្រសិទ្ធភាពខ្លាំងលើសត្វល្អិតដែលស៊ាំនឹងថ្នាំ។
៣. បច្ចេកទេសបាញ់ថ្នាំឱ្យមានប្រសិទ្ធភាព
• ពេលវេលាបាញ់៖ គួរកុំបាញ់នៅពេលកំដៅថ្ងៃខ្លាំង។ ពេលវេលាល្អបំផុតគឺ ពេលព្រឹកព្រលឹម (ពេលមានសន្សើម) ព្រោះទ្រីបវាចេញមកស៊ីនៅចុងស្លឹក ឬ ពេលល្ងាចត្រជាក់។
• ការលាយថ្នាំ៖ គួរលាយជាមួយ ថ្នាំស្អិត (Spreader) ដើម្បីឱ្យថ្នាំជាប់លើស្លឹកស្រូវបានល្អ ព្រោះស្លឹកស្រូវមានសភាពរអិល។
• បាញ់បញ្ច្រាស៖ បាញ់ឱ្យសព្វ ជាពិសេសនៅផ្នែកខាងក្រោមនៃស្លឹក និងកន្លែងដែលស្លឹកស្រូវរមួល។
ចំណាំ៖ ក្រោយពេលបាញ់ថ្នាំកម្ចាត់ទ្រីបរួច ២-៣ ថ្ងៃ បងប្អូនអាចបាញ់បន្ថែមនូវ ជីបំប៉នស្លឹក ឬ អ័រម៉ូន ដើម្បីជួយឱ្យស្រូវឆាប់ដុះលូតលាស់ឡើងវិញ និងចេញស្លឹកថ្មីបានលឿន
#ដំណាំស្រូវ #ទ្រីប

02/12/2025

ស្វែងយល់ពី ដីទាំង៥ប្រភេទ និងអត្ថប្រយោជន៍របស់ដីសម្រាប់ការដាំដុះដំណាំ៖

១.ដីសិលាក្រែលាយខ្សាច់ (Sandy-Laterite Soil)
•លក្ខណៈ ជាប្រភេទដីដែលកើតចេញពីការផុកផុយនៃថ្មភក់ (laterite) លាយជាមួយដីខ្សាច់។ វាមានគ្រាប់ធំៗ មានលទ្ធភាពបង្ហូរទឹកបានលឿន និងមានសារធាតុចិញ្ចឹមតិចតួច។ ដីនេះងាយរីងស្ងួតនៅរដូវប្រាំង។
⛳️ទីតាំងភាគច្រើនគ្របដណ្ដប់នៅតំបន់ជើងភ្នំ មាត់សមុទ្រ និងនៅភាគខាងកើតនៃទន្លេមេគង្គ។
✅អត្ថប្រយោជន៍សម្រាប់ការដាំដុះ ដោយសារវាមានលក្ខណៈបង្ហូរទឹកបានល្អ វាស័ក្តិសមសម្រាប់ដំណាំដែលមិនត្រូវការទឹកដក់ច្រើន ឬអាចទ្រាំទ្រនឹងការខ្សោះជាតិទឹកបន្តិចបន្តួចបាន។
🪴ដំណាំដែលស័ក្តិសម ដូង, ខ្នុរ, ទៀប, ចេក និងប្រភេទឈើហូបផ្លែមួយចំនួនទៀត។ វាអាចជួយឲ្យដើមឈើទាំងនេះចាក់ឬសបានល្អ និងមិនរលួយនៅពេលមានទឹកដក់។

២.ដីក្រហម ឬដីសិលាបាសាល់ (Red Soil or Basaltic Soil)
•លក្ខណៈ ជាប្រភេទដីដែលកើតចេញពីការផុកផុយនៃថ្មភ្នំភ្លើង (basalt)។ វាមានពណ៌ក្រហមចាស់ មានគ្រាប់ល្អិត និងមានជីជាតិខ្ពស់បំផុត។ ដីនេះមានលទ្ធភាពរក្សាសំណើមបានល្អ និងសម្បូរទៅដោយសារធាតុចិញ្ចឹមដែលចាំបាច់សម្រាប់ដំណាំ។
⛳️ទីតាំងភាគច្រើននៅតំបន់ខ្ពង់រាបដូចជានៅខេត្តកំពង់ចាម ក្រចេះ មណ្ឌលគិរី រតនគិរី និងប៉ៃលិន។
✅អត្ថប្រយោជន៍សម្រាប់ការដាំដុះ ដោយសារតែមានជីជាតិខ្ពស់ និងអាចរក្សាសំណើមបានល្អ ដីប្រភេទនេះស័ក្តិសមសម្រាប់ដំណាំកសិ-ឧស្សាហកម្ម និងដំណាំយកផ្លែជាច្រើនប្រភេទ។
🪴ដំណាំដែលស័ក្តិសម កៅស៊ូ, កាហ្វេ, ម្រេច, ស្វាយចន្ទី, ដំឡូងមី, និងដំណាំហូបផ្លែគ្រប់ប្រភេទ។

៣. ដីខ្សាច់ (Sandy Soil)
•លក្ខណៈ ជាប្រភេទដីដែលមានភាគល្អិតធំៗ ធ្វើឲ្យវាមានលទ្ធភាពបង្ហូរទឹកបានយ៉ាងលឿន និងងាយបាត់បង់សារធាតុចិញ្ចឹម។ វាមិនអាចរក្សាសំណើមបានល្អទេ ហើយងាយរីងស្ងួតនៅរដូវប្រាំង។
⛳️ទីតាំង ច្រើនស្ថិតនៅតាមតំបន់វាលទំនាបក្បែរជើងភ្នំ ឬតំបន់ដែលមានអូរ និងបឹង។
✅អត្ថប្រយោជន៍សម្រាប់ការដាំដុះ ទោះបីជាមានជីជាតិទាបក៏ដោយ ក៏វាមានអត្ថប្រយោជន៍ចំពោះដំណាំដែលត្រូវការប្រព័ន្ធបង្ហូរទឹកល្អដើម្បីការពារការរលួយឬស។
🪴ដំណាំដែលស័ក្តិសម ដំណាំមើមដូចជា ដំឡូងបារាំង, ការ៉ុត។ ដំណាំផ្លែឈើខ្លះដូចជា ឪឡឹក, ត្រសក់ និង សណ្តែកស្រកានាគ ក៏អាចដុះបានល្អដែរ ប្រសិនបើមានប្រព័ន្ធស្រោចស្រពគ្រប់គ្រាន់។

៤.ដីល្បាយដីឥដ្ឋ (Clay Loam Soil)
•លក្ខណៈ ជាប្រភេទដីដែលលាយបញ្ចូលគ្នារវាងដីឥដ្ឋ ដីល្បាប់ និងដីខ្សាច់។ វាមានលក្ខណៈស្អិត មានសមត្ថភាពរក្សាទឹកបានល្អ និងសម្បូរទៅដោយសារធាតុចិញ្ចឹមខ្ពស់។ ពេលស្ងួត វាងាយបែកក្រហែង ប៉ុន្តែពេលសើម វាមានលក្ខណៈទន់។
⛳️ទីតាំងច្រើនស្ថិតនៅតំបន់ទំនាប ដែលអាចទទួលរងទឹកជំនន់ក្នុងរយៈពេលខ្លីពីទន្លេ ឬបឹងក្បែរៗនោះ។
✅អត្ថប្រយោជន៍សម្រាប់ការដាំដុះ: វាស័ក្តិសមសម្រាប់ដំណាំដែលត្រូវការទឹកច្រើន។
🪴ដំណាំដែលស័ក្តិសម ដំណាំស្រូវ ព្រោះវាអាចរក្សាទឹកបានល្អ និងមានជីជាតិ។ ក្រៅពីនេះ ដំណាំហូបផ្លែ និងបន្លែមួយចំនួនក៏អាចដាំដុះបានដែរ ប្រសិនបើមានការគ្រប់គ្រងទឹកត្រឹមត្រូវ។

៥.ដីល្បាប់ (Alluvial Soil)
•លក្ខណៈ ជាប្រភេទដីល្អិតៗដែលត្រូវបានហូរមកកកកុញដោយចរន្តទឹកទន្លេ ឬបឹង។ វាមានជីជាតិខ្ពស់បំផុតដោយសារសម្បូរទៅដោយសារធាតុសរីរាង្គ និងសារធាតុចិញ្ចឹមដែលចាំបាច់សម្រាប់ដំណាំ។ ដីនេះមានលក្ខណៈទន់ និងអាចរក្សាសំណើមបានល្អ។
⛳️ទីតាំងច្រើនស្ថិតនៅតាមតំបន់មាត់ទន្លេ និងតាមតំបន់ទំនាបដែលលិចទឹកនៅរដូវវស្សា។
✅អត្ថប្រយោជន៍សម្រាប់ការដាំដុះ ជាប្រភេទដីល្អបំផុតសម្រាប់វិស័យកសិកម្ម ដោយសារវាអាចដាំដំណាំបានគ្រប់ប្រភេទ។
🪴ដំណាំដែលស័ក្តិសម🌾ស្រូវ, បន្លែគ្រប់ប្រភេទ, ដំណាំរួមផ្សំ, និង ដំណាំហូបផ្លែ ជាច្រើន។ ដំណាំទាំងនេះនឹងលូតលាស់បានល្អបំផុតនៅលើដីល្បាប់។

ប្រភព: មន្ត្រីបច្ចេកទេសកសិកម្មឃុំស្អាងភ្នំ
#ដំណាំស្រូវ #កសិកម្ម #ចន្ទី #ជីកសិកម្ម

09/11/2025

#ជំងឺប្លាស #ជំងឺរលាកករកួរ
➡️តើហេតុអ្វី បានជាស្រូវកសិករយើងមានបញ្ហាកើតឡើងនូវ ជំងឺ ប្លាស់ បង្ករអោយ មានបញ្ហា រលាកករកួរ ?🌾🌾🌾
»
✅ បើតាមការពិនិត្យវាយតម្លៃ ខ្លះៗយើងឃើញមានមូលហេតុសំខាន់មួយចំនួន ដូចខាងក្រោម ៖
« ជីគីមីធាតុNជាចំណែកមួយនៃបញ្ហាដែ»
N (អិន) តំណាងឲ្យ អាសូត
P (ប៉េ) តំណាងឲ្យ ផូស្វ័រ
K (កា) តំណាងឲ្យ ប៉ូតាស្យូម
✅ ជីកសិកម្ម មានធាតុ ផ្សំជាច្រើនមុខ ប្រមាណជា ១៦ មុខ ប៉ុន្តែ សារធាតុសំខាន់ៗ ដែលរោងចក្រផលិតជីគីមីគេយកមកប្រើ រួមផ្សំ សម្រាប់ផលិត ជាជី គីមី អោយយើងប្រើប្រាស់បច្ចុប្បន្ននេះគឺNPK
ជីគីមី NPK មានប្រសិទ្ឋភាព ធ្វើអោយដំណាំដុះលួតលាស់លឿនទាន់ចិត្ត ប៉ុន្តែ បើប្រើប្រាស់មិនសមស្របតាម លក្ខណ្ឌបច្ចេកទេស
ទេនោះ វា ក៍បង្ករ បញ្ហាជាច្រើន ដល់ដំណាំផងដែរ ។

✅ ជាក់ស្តែងចំពោះមុខនេះមាន ក្រុមហ៊ុនខ្លះបាន យក ជីមួយចំនួន មាន បីទៅ បួនប្រភេទគឺជី អ៊ុយរ៉េ URea N46% Po % ko %
ជី DAP N18% P46% K0 %នឹងជី KCL N0% P0 %K 60 % ទៅលាយបញ្ចូលគ្នា ទៅជាជី គ្រប់មុខ ដែលកសិករ យើងច្រើននិយមហៅ ថា ជី ៣ ពណ៏ ប្ញ ជី ៤ ពណ៏ ប៉ុន្តែ អ្វីដែលជាបញ្ហានោះ បើតាមការពិនិត្យ មើលជាទួទៅ ឃើញថា ការលាយជីបញ្ចូលគ្នា នោះ មិនបានត្រឹមត្រូវតាមកំរិតបមាណីកសិកម្ម (ស្តង់ដា) ដោយ បរិមាណ ភាគរយ N P K មិនត្រឹមត្រូវ ពិសេស គឺ កំរិតសារធាតុ N អាសួត (អ៊ុយរ៉េ) មានកំរិតបរិណខ្ពស់ ដែលជាមូលហេតុ ធ្វើអោយកសិករយកប្រើប្រាស់ លើដំណាំ ស្រូវទៅ មានជួបប្រទះ បញ្ហា លើស កំរិតសារធាតុ N អាសួត មិនតែប៉ុណ្ណោះបងប្អូនកសិករយើង នៅបានប្រើ ជីអុយរ៉េ UREA នឹងជីបំប៉នផ្សេងៗមួយចំនួនថែមទៀត ដែលជាមូលហេតុ ចម្បង បង្ករធ្វើអោយ ស្រូវរបស់ពួកគាត់ ជួបប្រទះបញ្ហា ជំងឺ ប្លាស់ ច្រើន ដូចជា រលៀកស្រទបស្លឹក , រលៀកក៍កួរ ជំងឺ ផ្សិតលើគ្រាប់ គ្រាប់ស្រូវអុតខ្មៅ ស្កកដាក់គ្រាប់មិនពេញជាដើម។ល។ ដោយឡែក ចំពោះ ជំងឺ ប្លាស់ រលាកក៍គូរ ធ្វើអោយ ដើមស្រូវ ស្អុយ រលួយក្រោម កួរ ផ្នែកខាងក្រោម នៃគួរស្រូវ ធ្វើអោយគួរស្រូវស្វិតបាក់ មិនដាក់គ្រាប់ ដែលធ្វើអោយបាត់បង់ទិន្នផលយ៉ាងច្រើន គួអោយចាប់អារម្មណ៍ ។

✅ ដូចនេះ ជាអនុសាសន៍ខ្លះៗ សំណូមពរ កសិករយើង គួរពិចារណា កាត់បន្ថយការប្រើប្រាស់ជី ដែលគេលាយបញ្ចូលគ្នាច្រើនមុខ ស្រាប់ ហើយងាកមក ជ្រើសរើសយកជី តាមប្រភេទ និមួយៗ ដូច ជាជី UREA ជី D A P នឹង ជី KCL មកប្រើប្រាស់តាមកំរិតបច្ចេកទេស នឹងតាមដំណាក់កាលស្រូវសំខាន់ៗ ដូចជាដំណាក់កាលបែកគុម្ព ដំណាក់កាលក៍កើតគួរ ទើបជាការល្អប្រសើរជាង ប៉ុន្តែបើក្នុងករណីចាំបាច់ លោកអ្នក ចង់ យកទៅលាយ បញ្ចូលគ្នា ដោយខ្លួនឯងនោះ ខ្ញុំគិតថា ក៍មិនអី ដែរ បើ លោកអ្នក ចង់ប្រើ បញ្ចូលគ្នានោះ ឧទាហរណ៍ ជី អ៊ុយ រ៉េ N ជី ដេអាប៉េ P ជី ការសេអិល K លាយបញ្ចូលគ្នាយ៉ាងហោច ណាសក៍ប្រសើរ ជាងអ្នកលក់មួយចំនួនលាយស្រាប់ ដែលគេដាក់តែជី អ៊ុយរ៉េ ច្រើនប្ញជីមួយចំនួនទៀតផងដែរ (ប៉ុន្តែមិនមែនជាគោលការណ៍ទេ)។
✔ដោយឡែក របៀបប្រើលើដំណាំស្រូវ យើងគួរ ប្រើ ៣លើក បានហើយ សម្រាប់ ប្រភេទ ស្រូវស្រាល(IR) លើកទី១ គួរប្រើ លើស្រូវព្រោះបាន អាយុ ១០ ទៅ ១៥ ថ្ងៃ លើកទី ២ គូប្រើ នូវពេលស្រូវ មានអយុ ២៥ ទៅ ៣០ ថ្ងៃ ក្រោយព្រោះ(ដំណាក់កាលបែកគុម្ព) នឹងលើកទី ៣ ស្រូវមានអយុ ៤០ ទៅ ៤៥ ថ្ងៃ ក្រោយព្រោះ (ដំណាក់កាលកំណកំណើតកួរដំបូង) .! បើសិនយើងអាចប្រើប្រាស់ជីតាមរបៀបខាងលើនេះបានខ្ញុំគិតថាយើងនឹងទទួលផល បានល្អជាងមុននឹងមិនចំណាយច្រើនលើកាទិញជី ប៉ុន្តែចំពោះកំរិតបរិមាណវិញខ្ញុំមិនអាចកំណត់អោយបានទេព្រោះ វាអាស្រ័យ ទៅតាមប្រភេទដី ប្ញ អនុក្រុមដី ជាក់ស្តែង។

✅ ក្រៅពីជីនូវមានបញ្ហារួមផ្សំ ផ្សេងៗមួយចំនួនទៀតដែលមានឥទ្ឋិពល ដូចជា បញ្ហា ពូជ បញ្ហាជី បញ្ហាថ្នាំកសិកម្ម បញ្ហាទឹក បញ្ហា អាកាសធាតុ សីតុណ្ហភាព សំណើមបរិយាកាស់ បញ្ហា កត្តាចង្រៃ សត្វល្អិត រួមនឹង ការគ្រប់គ្រងថែទាំ។ល។ សុទ្ឋតែជាកត្តា ដែល មានឥទ្ឋិពល បង្ករ អោយកើតមានជជំងឺ ប្លាស់ ប្ញជំងឺផ្សេងៗទៀតផងដែរ ។

ប្រភព: ក្រសួងកសិកម្ម រុក្ខាប្រមាញ់ និងនេសាទ

06/11/2025

បញ្ជីឈ្មោះរោងម៉ាស៊ីនដៃគូកំពុងប្រមូលទិញស្រូវ

02/11/2025

#មូសផ្លុង លើដំណាំស្រូវ

- ឈ្មោះខ្មែរ៖ មូសផ្លុង
- ឈ្មោះអង់គ្លេស៖ Rice gall midge
- ឈ្មោះវិទ្យាសាស្ត្រ៖ Orseolia oryzae

មូសផ្លុងជាសត្វល្អិតដែលមានរូបរាងតូចដូចសត្វមូសធម្មតាដែរ។ ចំពោះមូសផ្លុងឈ្មោលពេញវ័យ ខ្លួនរបស់វាមានពណ៌លឿងត្នោត និងមានខ្លួនតូចជាងមូសផ្លុងញី ដែលមាន
ពោះពណ៌ក្រហម ។

នៅពេលភ្លៀងចាប់ផ្តើមធ្លាក់នាដើមរដូវវស្សា មូសផ្លុងពេញវ័យហើរចេញពីស្មៅចង្រៃមករកជម្រកថ្មីដែលមានចំណី និងអាចបន្តពូជបាន។ ដង្កូវមូសផ្លុងស៊ីបំផ្លាញគល់នៃបណ្តូលស្រូវពីក្រោមឡើងមកលើ ដែលជាហេតុធ្វើឱ្យបណ្តូលស្រូវចេញមកមូរដូចផ្លុង និងពុំអាចចេញកួរបាន។ ក្រោយពីមានវត្តមានមូសផ្លុង ដំណាំនឹងបាត់បង់ទិន្នផលចន្លោះពី 30-50% ប្រសិនបើយើងមិនអាចគ្រប់គ្រងវាបានត្រឹមត្រូវ និងទាន់ពេលវេលា។

#វដ្តជីវិត្តនិងការបំផ្លាញ
- មូសផ្លុងញីនីមួយៗ អាចពងបានពី ១-៤ នៅលើស្លឹកស្រូវ និងមានជីវិតត្រឹមតែ ៤ ឬ ៥ ថ្ងៃប៉ុណ្ណោះ ប៉ុន្តែចាប់ពីពេលពេញវ័យរហូតដល់ងាប់ទៅវិញ វាអាចពងបានរាប់រយគ្រាប់ឯណោះ។
-មេពេញវ័យអាចរស់បានពី ៨-១០ថ្ងៃ ហើយអាចទម្លាក់ពងបានចន្លោះពី ១០០-១៥០គ្រាប់។
-ពងញាស់ជាដង្កូវពេញវ័យចន្លោះពី ១៥-២០ថ្ងៃជាដំណាក់កាលបំផ្លាញដំណាំស្រូវខ្លាំងបំផុត(ដំណាក់កាលបែកគុម្ព)។
- វាកើតឡើងច្រើននៅរដូវទឹកសម្រក ហើយធ្វើការពងកូននៅក្បែរបង្កៀប ឬខាងក្រោមនៃស្លឹកស្រូវ។
- ជាទូទៅមូសផ្លុងមានវត្តមានច្រើននៅពេលដែលរយៈពេលយប់វែងជាងថ្ងៃ

#វិធានការពារ
-ប្រើពូជព្រោះសមល្មម(150-230kg/1hea)កាត់បន្ថយការ
ព្រោះស្រូវក្រាស់ពេក។
- បាចពូជនៅចន្លោះពេលគ្មានមូសផ្លុង(រយៈថ្ងៃវែងយប់)
- បាចពូជទាំងអស់ព្រមគ្នានៅតាមតំបន់នីមួយ(កុំបាចពូជយឺត ឬក្រោយគេ)
-បំផ្លាញព្រៃ ឬស្មៅដែលនៅជុំវិញស្រែដែលជាជម្រកសម្រាប់សត្វមូសផ្លុង។
-ប្រើប្រាដ់ជីដែលមានជាតិអាសូតអោយមានតុល្យភាព។
- បាញ់ថ្នាំការពារលើកទី១នៅពេលស្រូវមានអាយុ ១២-១៥ថ្ងៃ និងលើកទៅ២ ស្រូវចន្លោះពី ២២~២៥ថ្ងៃ
- បាញ់ថ្នាំការពារដោយប្រើបរិមាណទឹកបាញ់ ៣០០-៣៤០លីត្រ ក្នុង ១ហិចតា
- បាញ់ថ្នាំជ្រាបខ្លាំងដែលធាតុកម្មដូចជា៖ Fipronil, Cabosulfan ឬអាចលាយជាមួយថ្នាំមានធាតុសកម្ម Quinalphos, Diazinon, Chlorpirifos,...។

#ខេមបូកសិកម្ម #ខេមបូ #កសិកម្ម
#ស្រូវ #ដំណាំស្រូវ

23/08/2025

សារធាតុសកម្មដែលអាចសម្លាប់រុយស (Whitefly)

រុយស ជាសត្វល្អិតបង្កការប៉ះពាល់ខ្លាំងលើកសិកម្ម។ ខាងក្រោមជាក្រុមសារធាតុគីមី និងឈ្មោះសារធាតុសកម្ម ដែលគេប្រើជាទូទៅដើម្បីបង្ការ និងកម្ចាត់វា ៖

1. ក្រុម Neonicotinoids (សារធាតុគីមីស្រូបចូលក្នុងដើម/ស្លឹករុក្ខជាតិ)
• Imidacloprid
• Thiamethoxam
• Acetamiprid
• Dinotefuran
🔹 សកម្មដោយសារត្រូវបានរុក្ខជាតិស្រូបយក ហើយរុយសត្រូវបានស្លាប់នៅពេលស៊ីស្លឹក។

2. ក្រុម Insect Growth Regulators (IGRs – សារធាតុរារាំងការលូតលាស់)
• Pyriproxyfen (ធ្វើឲ្យកូនរុយសតូចៗមិនអាចធំពេញវ័យបាន)
• Buprofezin (រារាំងការបង្កើតសំបក chitine)
🔹 មិនសម្លាប់ភ្លាមៗទេ តែទប់ស្កាត់ដំណាក់កាលតូចៗ។

3. ក្រុម Pyrethroids (សារធាតុប៉ះសម្លាប់ភ្លាមៗ)
• Cypermethrin
• Deltamethrin
• Lambda-cyhalothrin
🔹 សម្លាប់លឿន តែរុយសអាចបង្កើតភាពធន់បានងាយ។

4. ក្រុម Organophosphates (ប្រើតិចជាងមុន ព្រោះពុលខ្លាំង)
• Chlorpyrifos
• Dichlorvos
• Acephate
🔹 សម្លាប់សត្វល្អិតបានច្រើនប្រភេទ ប៉ុន្តែសារធាតុទាំនេះត្រូវបានហាមឬកំណត់ក្នុងប្រទេសខ្លះ។

5. ក្រុមផ្សេងៗ
• Spiromesifen (រារាំងការបង្កើតជាតិខ្លាញ់)
• Spirotetramat (រារាំងការលូតលាស់ និងការបន្តពូជ)
• Flupyradifurone (សារធាតុថ្មី ដូច Neonicotinoid ប៉ុន្តែមានសុវត្ថិភាពជាង)

⚠️ ចំណាំសំខាន់ៗ:
• រុយសអាចមានភាពធន់នឹងថ្នាំបានឆាប់ ប្រសិនបើប្រើតែមួយក្រុមដដែលៗ។
• គួរផ្លាស់ប្តូរការប្រើថ្នាំពីក្រុមផ្សេងៗ និងបន្សំជាមួយវិធីធម្មជាតិ។
• ត្រូវអនុវត្តតាមច្បាប់ និងបទបញ្ជាក្នុងតំបន់ ព្រោះសារធាតុខ្លះអាចត្រូវបានហាមឬកំណត់។

ប្រភព: ដេប៉ូ ជួប សុគន្ធ
#កសិករ #កសិកម្ម #ចែករំលែកបន្ត #រុយស

10/08/2025

ភាពធន់ទ្រាំរបស់កត្តាចង្រៃទៅនិងថ្នាំពុល
សត្វល្អិតនិងធន់ទ្រាំជាមួយថ្នាំពុល ខណៈពេលយើងប្រើប្រាស់វាគ្នានប្រសិទ្ធភាព។ កាលណាកត្តាចង្រៃធន់ទ្រាំ វាពិតជាពិបាកក្នុងការគ្រប់គ្រងវាណាស់។ ភាពធន់ទ្រាំនិងថ្នាំពុលនិងកើតឡើងពេលថ្នាំពុលកម្ចាត់កត្តាចង្រៃ ត្រូវបានប្រើប្រាស់ ប្រភេទថ្នាំពុលមានធាតុសកម្មដូចគ្នា ស្រដៀងគ្នា ប្រើម្ដងហើយម្ដងទៀត។
ភាពធន់ទ្រាំនិងកើតឡើងដូចម្ដេច
ភាពធន់ជាធម្មតាកើតឡើងដោយកាផ្លាស់ប្ដូរសេណេទិច និង ជម្រើស។ ប្រភេទនៃការផ្លាស់ប្ដូរមានដូចជា ការផ្លាស់ប្ដូរក្នុងដំណើរការទាំងនោះចំពោះកត្តាចង្រៃធ្វើឱ្យមានហានិភ័យតិចបំផុត ការផ្លាស់ប្ដូរទីកន្លែង ថ្នាំពុលកម្ចាត់កត្តាចង្រៃជ្រាបចូល ផ្លាស់ប្ដូរចរិកលក្ខណៈដើម្បីជៀសផុតពីថ្នាំពុល។
ភាពធន់ទ្រាំរបស់កត្តាចង្រៃត្រូវបានជម្រើសពេលកត្តាចង្រៃធ្វើការបន្ដពូជ។ ឧ. ក្រុមនៃកត្តាចង្រៃខ្លះនិងត្រូវបានសម្លាប់ដោយថ្នាំពុល។ពេលកត្តាចង្រៃទាំងនោះបានធ្វើការបន្ដពូជ ហើយកូនរបស់ពួកវាមានលក្ខណៈធន់ទ្រាំដូចមេបារបស់ពួកវាដែល។ កត្តាចង្រៃទាំងនោះ ទោះបីប្រើប្រាស់ថ្នាំពុលយ៉ាងណាក៏ដោយគ្នានប្រសិទ្ធភាពដែរ។ បើសិនថ្នាំពុលមានធាតុសកម្មដូចគ្នាវិធីសាស្ដ្របាញ់ថ្នាំពុលដូចគ្នាដដែលៗ កត្តាចង្រៃនិងបន្តកើនឡើង។ កត្តាចង្រៃដែលកើតឡើងនៅជំនាន់ក្រោយ ចំនួនកត្តាចង្រៃនិងមានភាពលំបាកច្រើនទៅនិងការគ្រប់គ្រងថ្នាំពុលដូចគ្នា។
ការគ្រប់គ្រងភាពធន់ទ្រាំ
• ប្រើប្រាស់ថ្នាំពុលក្នុងកណីចាំបាច់
• ប្រើប្រាស់ថ្នាំពុលឆ្លាស់គ្នា
• ប្រើប្រាស់ថ្នាំពុលជ្រើសរើស
• បើសិនថ្នាំពុលអត់មានប្រសិទ្ធភាពទេ កុំព្យាយាមប្រើវាម្ដងទៀតក្នុងក្រុមតែមួយ
• កុំពឹងផ្អែកលើថ្នាំពុលទាំងស្រុងពេក
អនុវត្តន៏តាមវិធានការចម្រុះ
• ពូជដែលធន់ទ្រាំនិងកត្តាចង្រៃ
• ការគ្រប់គ្រងការដាំដុះ
• ការគ្រប់គ្រងបែបជីវសាស្ដ្រ(ប្រើពពួកឳម៉ាល....)

ប្រភព : SIEN PICH

06/08/2025

ការគ្រប់គ្រងរុយចោះផ្លែលើពពួកដំណាំបន្លែផ្លែ

19/07/2025

✍️ ការបាញ់សន្សំអាហារត្រៀមបញ្ចេញផ្កា គឺបាញ់ក្នុងគោលបំណងមួយចំនួនដូចខាងក្រោម៖
១. ធ្វើអោយស្វាយស្រូបសារធាតុចិញ្ចឹមទុកក្នុងដើមនឹងស្លឹក អោយបានច្រើន ត្រៀមសម្រាប់ចិញ្ចឹមផ្កា និងផ្លែ
២. ប្ដូរការលូតលាស់ផ្នែកបណ្ដូលរបស់ស្វាយពីការត្រៀមចេញត្រួយ មកត្រៀមចេញផ្កាវិញ
៣. បង្កើនថាមពលដើមស្វាយអោយខ្លាំង ផលិតអាហារចាំបាច់ដែលផ្កាត្រូវការ
៤. ធ្វើអោយស្វាយធន់ទ្រាំនឹងបម្រែបម្រួលអាកាសធាតុ ធន់ទ្រាំជម្ងឺ កំឡុងពេលចេញផ្កា
៥. បញ្ឈប់ការស្រូបយកអាសូត(N) ព្រោះអាសូតជម្រុញអោយស្វាយចេញត្រួយ (បាញ់ជីដែលគ្មានអាសូតជាជម្រើសល្អបំផុត)

❓តើត្រូវបាញ់សន្សំអាហារពេលណា?
✅ ការបាញ់សន្សំអាហារត្រូវបាញ់នៅពេល៖
១. ពេលស្វាយបញ្ចប់ការចេញត្រួយថ្មីៗ
២. ពេលត្រួយស្វាយប្រែទៅពណ៍បៃតងរាងចាស់បន្ដិច
៣. ចាប់ពី២០ទៅ៣០ថ្ងៃក្រោយចាក់អរម៉ូន (របៀបចាក់អរម៉ូន សូមចូលមើលផុសមុនៗ)
៤. ៧ទៅ១០ថ្ងៃ មុនទាញផ្កា

❓តើបាញ់សន្សំអាហារត្រូវប្រើធាតុអ្វីខ្លះ?
✅ សារធាតុចាំបាញ់មួយចំនួនដើម្បីសន្សំថាមពលត្រៀមបញ្ចេញផ្កា
១. ផូស្វ័រ P
២. ប៉ូតាស្យូម K
៣. ស័ង្កសី Zn
៤. ម៉ាញេស្យូម Mg
៥. កាល់ស្យូម Ca
៦. ម៉ង់កាណែស Mn
បញ្ជាក់៖ (P Kចាំបាញ់បំផុត) (Zn Mg Ca Mn បន្ទាប់បន្សំ)

ប្រភព: ស្វាយខុសរដូវ
#មិត្តកសិករ #សន្សំអាហារ

17/07/2025

#បច្ចេកទេសដាំដូងក្រអូប 🥥
#កសិកម្ម
ប្រភព: កសិផលខ្ញុំ

01/07/2025

✍️នេះជាវិធីសាស្រ្តខ្លះៗសម្រាប់ការគ្រប់គ្រងនិងព្យាបាលជំងឺលើដំណាំស្រូវប្រកបដោយប្រសិទ្ធភាព៕
ការដាំដុះដំណាំស្រូវតែងតែប្រឈមនឹងបញ្ហាជំងឺផ្សេងៗ ដែលបង្កឡើងដោយ បាក់តេរី វីរុស ផ្សិត (អុចត្នោត) ។ ជំងឺទាំងនេះអាចបណ្ដាលឱ្យទិន្នផលធ្លាក់ចុះយ៉ាងគំហុក ប្រសិនបើកសិករមិនបានគ្រប់គ្រង និងព្យាបាលបានត្រឹមត្រូវ។

ខាងក្រោមនេះជាវិធីសាស្ត្រលម្អិត និងស៊ីជម្រៅសម្រាប់គ្រប់គ្រង និងព្យាបាលជំងឺលើដំណាំស្រូវ👇
១.ការការពារជាមុន (Preventive Measures)
វិធីសាស្ត្រការពារគឺជាគន្លឹះដ៏សំខាន់បំផុតដើម្បីទប់ស្កាត់ការរីករាលដាលនៃជំងឺ។
*ជ្រើសរើសពូជធន់នឹងជំងឺ មុននឹងដាំដុះ កសិករគួរសិក្សាស្វែងយល់ពីពូជស្រូវណាដែលមានភាពធន់ទ្រាំនឹងជំងឺក្នុងតំបន់របស់ខ្លួន។ ពូជធន់នឹងជំងឺអាចកាត់បន្ថយហានិភ័យនៃការកើតជំងឺបានយ៉ាងច្រើន។

*បណ្ដុះកូនស្រូវឱ្យមានសុខភាពល្អ ត្រូវប្រាកដថាកូនស្រូវដែលយកទៅដាំមានសុខភាពល្អ គ្មានមេរោគ ឬជំងឺតាំងពីដំបូង។ អាចប្រើប្រាស់ថ្នាំកម្ចាត់មេរោគគ្រាប់ពូជ (Seed Treatment) មុនពេលសាប ឬដាំ។
*ការគ្រប់គ្រងទឹកត្រឹមត្រូវ
*កុំទុកទឹកឱ្យដក់យូរ ទឹកដែលដក់យូរពេកអាចបង្កើតបរិយាកាសអំណោយផលដល់ការលូតលាស់នៃផ្សិត និងបាក់តេរី។ ត្រូវបង្ហូរទឹកចេញចូលឱ្យបានទៀងទាត់ និងរក្សាកម្រិតទឹកឱ្យសមស្របទៅតាមដំណាក់កាលលូតលាស់របស់ស្រូវ។

*ប្រព័ន្ធបង្ហូរទឹកល្អ ធានាថាវាលស្រែមានប្រព័ន្ធបង្ហូរទឹកល្អ ដើម្បីកុំឱ្យមានការដក់ទឹកច្រើនលើសលប់ ជាពិសេសនៅរដូវវស្សា។
*ការគ្រប់គ្រងជីជាតិសមស្រប
* កុំប្រើជីអាសូតច្រើនពេក ការប្រើប្រាស់ជីអាសូត N ច្រើនលើសលប់អាចធ្វើឱ្យស្រូវទន់ជ្រាយ និងងាយរងគ្រោះដោយសារជំងឺ ជាពិសេសជំងឺស្រូវប្រាំង (Rice Blast) និងជំងឺបាក់តេរី។ ត្រូវប្រើជីឱ្យមានតុល្យភាព (NPK) ទៅតាមតម្រូវការរបស់ដំណាំ និងធ្វើតេស្តដីជាមុនដើម្បីកំណត់កម្រិតជីដែលត្រូវប្រើប្រាស់។

*ប្រើជីប៉ូតាស្យូម (K) គ្រប់គ្រាន់ប៉ូតាស្យូមជួយពង្រឹងកោសិកាដើមស្រូវ ធ្វើឱ្យវាមានភាពរឹងមាំ និងធន់នឹងជំងឺ។
* ការគ្រប់គ្រងស្មៅ និងសត្វល្អិតល្អិតល្អិតចង្រៃ ស្មៅ និងសត្វល្អិតមួយចំនួនអាចជាជម្រក ឬជាភ្នាក់ងារចម្លងជំងឺ។ ដូច្នេះ ការគ្រប់គ្រងពួកវាបានល្អក៏ជាផ្នែកមួយនៃការការពារជំងឺផងដែរ។
* អនាម័យស្រែ
* បោសសម្អាតកាកសំណល់ដំណាំចាស់: ក្រោយប្រមូលផល គួរបោសសម្អាតកាកសំណល់ដំណាំចាស់ៗចេញពីស្រែ ឬភ្ជួរកប់ ដើម្បីកាត់ផ្ដាច់វដ្តជីវិតរបស់មេរោគ និងសត្វល្អិតចង្រៃ។
* សម្អាតឧបករណ៍កសិកម្ម: ត្រូវសម្អាតឧបករណ៍កសិកម្មឱ្យបានស្អាតល្អ មុនពេលយកទៅប្រើប្រាស់នៅវាលស្រែផ្សេងទៀត ដើម្បីជៀសវាងការចម្លងជំងឺ។

២.ការកំណត់អត្តសញ្ញាណជំងឺ (Disease Identification)
ការស្គាល់ប្រភេទជំងឺឱ្យបានត្រឹមត្រូវជាជំហានដ៏សំខាន់ក្នុងការជ្រើសរើសវិធីសាស្ត្រព្យាបាល។ ខាងក្រោមនេះជាជំងឺទូទៅ និងរោគសញ្ញារបស់វា៖
* ជំងឺស្រូវប្រាំង (Rice Blast - Magnaporthe oryzae):
* រោគសញ្ញា លេចចេញចំណុចពងក្រពើពណ៌ប្រផេះមានគែមពណ៌ត្នោតនៅលើស្លឹក កញ្ចុំផ្កា ដើម និងក្បាលស្រូវ។ ប្រសិនបើកើតលើក្បាលស្រូវ អាចបណ្ដាលឱ្យស្រូវក្ដាំង (Neck Blast)។
*ភ្នាក់ងារផ្សិត។
* ជំងឺអុចត្នោត (Brown Spot - Cochliobolus miyabeanus)
* រោគសញ្ញា ចំណុចតូចៗ រាងមូល ឬពងក្រពើ ពណ៌ត្នោតខ្មៅនៅលើស្លឹក ស្រទប និងគ្រាប់ស្រូវ។ ជាទូទៅកើតលើស្រូវដែលខ្វះជីជាតិ ជាពិសេសប៉ូតាស្យូម។
*ភ្នាក់ងារ:ផ្សិត។
*ជំងឺបាក់តេរី (Bacterial Blight - Xanthomonas oryzae pv. oryzae)
* រោគសញ្ញា ដំបូងស្លឹកស្រូវឡើងពណ៌បៃតងស្រាល រួចប្រែជាពណ៌លឿង និងស្ងួតងាប់ពីចុងស្លឹកចូលក្នុង។ នៅពេលមានសំណើមខ្ពស់ អាចឃើញដំណក់ទឹកដោះគោពណ៌លឿងខ្ចីចេញពីស្លឹក។
* ភ្នាក់ងារបាក់តេរី។
* ជំងឺស្រូវស្ងួតងាប់ (Bacterial Panicle Blight - Burkholderia glumae)
* រោគសញ្ញា ក្បាលស្រូវប្រែជាពណ៌ត្នោតខ្មៅ ឬស្វិតខ្មៅ គ្រាប់ស្រូវស្វិត រួចងាប់ទាំងមូល។
* ភ្នាក់ងារ បាក់តេរី។
* ជំងឺវីរុស (Viral Diseases - ឧ. Rice Tungro Virus, Rice Grassy Stunt Virus)
* រោគសញ្ញាស្លឹកឡើងពណ៌លឿង ឬលឿងទុំ រិលលូតលាស់ ដើមតឿ ស្លឹកក្រាស់ ឬស្លឹកប្រែជាកន្ទុយត្រី។ ជំងឺវីរុសច្រើនតែចម្លងដោយសត្វល្អិតដូចជាសត្វល្អិតជញ្ជក់ទឹកដោះ (Leafhoppers)។
* ភ្នាក់ងារ វីរុស។
៣.ការព្យាបាល (Treatment)
នៅពេលជំងឺបានកើតឡើង ការព្យាបាលត្រូវធ្វើឡើងឱ្យទាន់ពេលវេលា និងត្រឹមត្រូវ។
ក. សម្រាប់ជំងឺផ្សិត (Fungal Diseases) ដូចជាជំងឺស្រូវប្រាំង និងអុចត្នោត៖
* បាញ់ថ្នាំផ្សិត (Fungicides): ជ្រើសរើសថ្នាំផ្សិតដែលមានប្រសិទ្ធភាពសម្រាប់ជំងឺនីមួយៗ។
ឧទាហរណ៍៖
* សម្រាប់ជំងឺស្រូវប្រាំង: ថ្នាំផ្សិតដែលមានសារធាតុសកម្មដូចជា Tricyclazole, Isoprothiolane, Fenoxanil, Propicoazole, Definoconazole Definoconazole ,Carbendazim ,Tricyclazole។ ត្រូវបាញ់នៅពេលចាប់ផ្ដើមលេចចេញរោគសញ្ញា និងបាញ់ម្ដងទៀតនៅដំណាក់កាលចេញផ្កា ឬរយីងរយោង ដើម្បីការពារការក្ដាំងក្បាលស្រូវ។
*សម្រាប់ជំងឺអុចត្នោត ថ្នាំផ្សិតដែលមានសារធាតុសកម្មដូចជា Azoxystrobin, Pyraclostrobin ឬ Mancozeb អាចជួយបាន។ ត្រូវពិនិត្យមើលស្លាកសញ្ញាថ្នាំឱ្យបានច្បាស់លាស់មុនប្រើប្រាស់។
* ការគ្រប់គ្រងជីជាតិឡើងវិញ ត្រូវកែសម្រួលការប្រើប្រាស់ជី ជាពិសេសកាត់បន្ថយជីអាសូត និងបង្កើនជីប៉ូតាស្យូម ប្រសិនបើជំងឺបណ្ដាលមកពីកង្វះជី។
ខ.សម្រាប់ជំងឺបាក់តេរី (Bacterial Diseases)៖
* ថ្នាំកម្ចាត់បាក់តេរី (Bactericides) ការប្រើប្រាស់ថ្នាំកម្ចាត់បាក់តេរីលើដំណាំស្រូវនៅមានកម្រិតនៅឡើយ ហើយថ្នាំដែលមានប្រសិទ្ធភាពពិតប្រាកដក៏មិនទាន់មានច្រើនដែរ។ ទោះយ៉ាងណា ថ្នាំដែលមានសារធាតុដូចជា Copper hydroxide ឬ Streptomycin sulfate អាចជួយកាត់បន្ថយការរាលដាលខ្លះៗបាន។
* ការគ្រប់គ្រងទឹកត្រូវបង្ហូរទឹកចេញពីស្រែ និងទុកឱ្យដីស្ងួតមួយរយៈពេលខ្លី បន្ទាប់មកបង្ហូរទឹកចូលវិញ។ ការធ្វើបែបនេះអាចជួយកាត់បន្ថយការរាលដាលនៃបាក់តេរី។
* អនាម័យស្រែ ដកដើមស្រូវណាដែលមានជំងឺធ្ងន់ធ្ងរយកទៅដុតចោល ដើម្បីកុំឱ្យរាលដាលដល់ដើមដទៃ។
គ.សម្រាប់ជំងឺវីរុស (Viral Diseases)៖
* គ្មានការព្យាបាលដោយផ្ទាល់ បច្ចុប្បន្ន មិនទាន់មានថ្នាំណាអាចព្យាបាលជំងឺវីរុសលើដំណាំស្រូវបានដោយផ្ទាល់នៅឡើយទេ។
* គ្រប់គ្រងសត្វល្អិតចម្លង (Vector Control): វិធីសាស្ត្រដ៏មានប្រសិទ្ធភាពបំផុតគឺការគ្រប់គ្រងសត្វល្អិតដែលជាភ្នាក់ងារចម្លងវីរុស ដូចជាសត្វល្អិតជញ្ជក់ទឹកដោះ (Leafhoppers)។
* បាញ់ថ្នាំសម្លាប់សត្វល្អិត ប្រើប្រាស់ថ្នាំសម្លាប់សត្វល្អិតដែលមានប្រសិទ្ធភាពតាមកម្រិតណែនាំ។
* វិធីសាស្ត្រធម្មជាតិលើកទឹកចិត្តដល់វត្តមានសត្វល្អិតមានប្រយោជន៍ដែលស៊ីសត្វល្អិតចម្លងវីរុស។
* ដកកម្ចាត់ដើមមានជំងឺ ដកដើមស្រូវណាដែលរងការវាយប្រហារដោយវីរុសយកទៅដុតចោលភ្លាមៗ ដើម្បីកាត់ផ្ដាច់ការចម្លង។
* ប្រើពូជធន់ ជាជម្រើសល្អបំផុត គឺការប្រើប្រាស់ពូជស្រូវដែលធន់នឹងជំងឺវីរុស។
៤. ការប្រើប្រាស់ថ្នាំឱ្យមានប្រសិទ្ធភាព
* អនុវត្តតាមការណែនាំ មុននឹងប្រើប្រាស់ថ្នាំគីមីណាមួយ ត្រូវអាន និងអនុវត្តតាមការណែនាំនៅលើស្លាកសញ្ញាថ្នាំឱ្យបានខ្ជាប់ខ្ជួន ទាំងកម្រិតប្រើប្រាស់ វិធីលាយបញ្ចូលគ្នា និងពេលវេលាបាញ់។
* ជ្រើសរើសពេលវេលាបាញ់ត្រឹមត្រូវ គួរចៀសវាងការបាញ់ថ្នាំនៅពេលថ្ងៃក្ដៅខ្លាំង ឬពេលមានខ្យល់ខ្លាំង។ ពេលវេលាល្អបំផុតគឺពេលព្រឹកព្រលឹម ឬពេលល្ងាច។
* សុវត្ថិភាពផ្ទាល់ខ្លួន ត្រូវពាក់ឧបករណ៍ការពារខ្លួនដូចជា ម៉ាស់ ស្រោមដៃ វ៉ែនតា និងសម្លៀកបំពាក់ការពារនៅពេលបាញ់ថ្នាំ ដើម្បីជៀសវាងគ្រោះថ្នាក់ដល់សុខភាព។
* កុំបាញ់ថ្នាំដដែលៗ ដើម្បីជៀសវាងការបង្កើតភាពធន់របស់មេរោគ គួរប្ដូរប្រភេទថ្នាំ ឬសារធាតុសកម្មរបស់ថ្នាំជាប្រចាំ។
* ប្រើប្រាស់ថ្នាំតាមគោលការណ៍ IPM (Integrated Pest Management)នេះជាវិធីសាស្ត្រគ្រប់គ្រងសត្វល្អិត និងជំងឺចង្រៃរួមបញ្ចូលគ្នា ដែលផ្ដោតលើការប្រើប្រាស់វិធីសាស្ត្រចម្រុះ រួមមានទាំងការការពារ ជីវសាស្ត្រ និងគីមី ដោយកាត់បន្ថយការប្រើប្រាស់ថ្នាំគីមីឱ្យបានតិចបំផុតតាមដែលអាចធ្វើទៅបាន។

សរុបមក ការគ្រប់គ្រង និងព្យាបាលជំងឺលើដំណាំស្រូវទាមទារឱ្យកសិករមានការយល់ដឹងស៊ីជម្រៅអំពីប្រភេទជំងឺ ការការពារ ការកំណត់អត្តសញ្ញាណ និងការព្យាបាលឱ្យបានត្រឹមត្រូវ។ ការអនុវត្តន៍វិធីសាស្ត្រចម្រុះ និងជាប់លាប់ គឺជាគន្លឹះឆ្ពោះទៅរកការទទួលបានទិន្នផលខ្ពស់ និងនិរន្តរភាពនៃការដាំដុះស្រូវ។

ប្រភព : ពេទ្យដំណាំ
#ស្រូវប្រាំង #កសិករ #ចែករំលែកបន្ត

27/06/2025

តារាងឈ្មោះដំណាំបន្លែមួយចំនួន និងកំរិត PH 🍂🍃

ប្រភព: អង្គការសេដាក

ចម្ការ-Chomka

19/12/2025

02/12/2025

09/11/2025

06/11/2025

02/11/2025

23/08/2025

10/08/2025

06/08/2025

19/07/2025

17/07/2025

01/07/2025

27/06/2025

Address

Website

Alerts

Shortcuts

Share

Category