𝐍𝐄𝐏𝐀𝐋 𝐓𝐈𝐌𝐄𝐒

12/09/2025

नेपालको पहिलो महिला प्रधानमन्त्रीलाई बधाई !!!
आज इतिहास रचिएको छ। यस ऐतिहासिक उपलब्धिका लागि हामी सबै नेपालीलाई बधाई ।

यो सम्भव बनाउनका लागि गरेको त्याग, साहस र निरन्तर संघर्षका लागि Gen Z पुस्तालाई धेरै धेरै धन्यवाद। 🙏

नयाँ नेतृत्वसँगै अब हामी उज्यालो, सबल र न्यायपूर्ण नेपालको आशा राख्छौं। मुलुक र जनताको हितकालागि सधै अडिग रहनु होला । हाम्रो नयाँ प्रधानमन्त्रीलाई शुभकामना।

12/09/2025

03/09/2025

सिन्धुपाल्चोक,१८ भदौ

सिन्धुपाल्चोक जिल्लाको तारामराङ आसपासलाई केन्द्रबिन्दु बनाएर मङ्गलबार राति ११ः२३ बजे ४ म्याग्निच्यूडको भूकम्प गएको राष्ट्रिय भूकम्प मापन केन्द्रले जनाएको छ ।

भूकम्पको धक्का सिन्धुपाल्चोकसँगै आसपासका जिल्लाहरूमा समेत महसुस गरिएको थियो ।

यसअघि मङ्गलबार बिहान ६ः१५ बजे गोरखाको अजिकोट–३ हंशपुरलाई केन्द्रबिन्दु बनाएर ४ म्याग्निच्यूडको अर्को भूकम्प गएको थियो ।

त्यसैगरी दिउँसो ३ः१३ बजे दोलखाको लापिलाङ क्षेत्र केन्द्रबिन्दु बनाएर ४.१ म्याग्निच्यूडको भूकम्प गएको केन्द्रले जानकारी दिएको छ ।

02/09/2025

घरबाट निकालेको, मानसिक यातना दिएको र खानसमेत नदिएको भन्दै कान्छी पत्नीले हालेकी थिइन् मुद्दा

राष्ट्रिय स्वतन्त्र पार्टी (रास्वपा) का रूपन्देही क्षेत्र नम्बर ३ का उम्मेदवार डा. लेखजंग थापाले बहुविवाह गरेको र मुद्दा परेपछि सम्बन्ध विच्छेद गरेको देखिएको छ।

लेखजंगले मंगलबार बिहान सामाजिक सञ्जाल फेसबुकमा रूपन्देही जिल्ला अदालतको आदेश सार्वजनिक गर्दै सम्बन्ध विच्छेद भइसकेको दाबी गरेका हुन्।

उनले सार्वजनिक गरेको सम्बन्ध विच्छेदको सामग्रीमा उनले कतिपय कुराहरू नियतवश छोपेका छन्। उनले सार्वजनिक गरेको अंशमा कुन पत्नीसँग सम्बन्ध विच्छेद गरेको र किन गरेको खुलेको छैन।

त्यसपछि हामीले अदालतको आदेशको पूर्ण अंश नै खोजेर अध्ययन गर्दा लेखजंगविरूद्ध उनकी कान्छी पत्नी नुमा शर्माले मुद्दा दर्ता गरेको देखिन्छ। उजुरी दिँदा जेठी वा कान्छी पत्नी भन्ने उल्लेख छैन। त्यसरी उल्लेख गरेको भए बहुविवाह गरेको त्यसबेलै प्रस्ट हुन्थ्यो। जेठी पत्नीले मुद्दा हालेको भए बहुविवाह गरेर कान्छी ल्याएको उल्लेख हुन्थ्यो। लेखजंगका छिमेकीहरूले नुमा कान्छी पत्नी भएको बताएका छन्।

अदालतमा दर्ता गरेको मुद्दानुसार उनीहरूबीच २०७० सालमा विवाह भएको र २०७१ असोज १९ गते छोराको जन्म भएको उल्लेख छ।

लेखजंगकी पत्नी नुमाले दायर गरेको मुद्दामा २०७९ साल पुस २० गते आफूलाई खान–लगाउन केही पनि नदिई शारीरिक र मानसिक यातनासमेत दिई घरबाट निकालेको उल्लेख छ।

02/09/2025

रसुवा । रसुवाको गोसाईकुण्ड गाउँपालिका–६ सोलेस्थित खोलामा मोटरसाईकल दुर्घटना भइ हराएका २ जनाको शव फेला परेको छ ।

भदौ १५ गतेदेखि सम्पर्कविहीन रहेका गोसाइकुण्ड गाउँपालिका–६ ठाडे निवासी २४ वर्षीय सुदिप घले र २३ वर्षीय दावा डेण्डुप तामाङलाई मंगलबार मृत अवस्थामा भेटिएका हुन्। उनीहरू एएए–३८१७ नम्बरको मोटरसाइकलमा धुन्चेतर्फ गएका थिए।

त्यसपछि उनीहरु सम्पर्कमा नआएपछि आफन्तले खोजीका लागि जिल्ला प्रहरी कार्यालय रसुवामा निवेदन दिएका थिए । निवेदन दिएकाे भोलिपल्ट नेपाली सेना, नेपाल प्रहरी र सशस्त्र प्रहरी बलको संयुक्त टोली परिचालन गरिएको थियो।
श्रीनाथ गण धुन्चेमा जडान गरिएको सीसीटीभी फुटेजमा उनीहरू भदौ १५ गते राति करिब १० बजे धुन्चेबाट ठाडेतर्फ गइरहेको देखिएको थियो।

घटनास्थलको प्रारम्भिक अध्ययनअनुसार मोटरसाइकल सडकबाट करीब २५० मिटर तल खोलामा खसेको अनुमान गरिएको छ। एक शवलाई रोप रेस्क्यु विधिबाट निकाल्ने कार्य भइरहेको र अर्को शव पनि खोलामै देखिएको स्थानीयले प्रहरीलाई जानकारी गराएका छन्।

सशस्त्र प्रहरीका सहप्रवक्ता डीएसपी शैलेन्द्र थापाका अनुसार उद्धार कार्य जारी छ।

23/08/2025

पाकिस्तानविरुद्ध नेपाल १ रनले पराजित, जितिसकेको खेल हार्याे || Nepal Times

23/08/2025

लिपुलेक फिर्ता ल्याइ छाड्ने कमस खाएका ओली कहाँ गए ?|| Nepal Times