Soryakar-សូរ្យការ

Soryakar-សូរ្យការ Like and Follow this page, you will get news and knowledge !

16/09/2025

ប្រជាពលរដ្ឋនៅភូមិព្រៃចាន់ ឃុំអូរបីជាន់ ស្រុកអូរជ្រៅ ខេត្តបន្ទាយមានជ័យ នៅថ្ងៃទី១៦ ខែកញ្ញានេះ បាននាំគ្នាទៅទប់ស្កាត់ក្រុមទាហានថៃចូលមករាយបន្លាលួស និងបាននាំគ្នាដកបន្លាលួសរបស់ទាហានថៃចេញពីដីរបស់ពួកគាត់ និងបណ្តេញទាហានថៃទៅវិញ

16/09/2025

ទាហានថៃម្នាក់នេះហើយសម្តីកំពូលឈ្លើយ មកអុកឡុករំខានដល់ក្រុមអ្នកសង្កេតការណ៍បរទេសចុះទៅត្រួតពិនិត្យនៅតំបន់អានសេះ ខេត្តព្រះវិហារ កាលពីថ្ងៃទី១៣ ខែកញ្ញា ឆ្នាំ២០២៥។ ទាហានកម្ពុជា បានរារាំងទាហានថៃជម្លើយរូបនេះ ប្រកបដោយក្រមសីលធម៌ វិជ្ជាជីវៈ៕

នគរបាលជាតិកម្ពុជា នឹងជួបប្រជុំជាមួយនគរបាលភូមិន្ទថៃ នៅខេត្តស្រះកែវ ពិនិត្យលើការពង្រឹងកិច្ចសហការទប់ស្កាត់ និងបង្ក្រាបបទល្ម...
16/09/2025

នគរបាលជាតិកម្ពុជា នឹងជួបប្រជុំជាមួយនគរបាលភូមិន្ទថៃ នៅខេត្តស្រះកែវ ពិនិត្យលើការពង្រឹងកិច្ចសហការទប់ស្កាត់ និងបង្ក្រាបបទល្មើសឆ្លងដែន និងការឆបោកតាមប្រព័ន្ធបច្ចេកវិទ្យា (Online Scams)

នគរបាលជាតិកម្ពុជា ដឹកនាំដោយឧត្តមសេនីយ៍ឯក ស៊ាង ធារិទ្ធ អគ្គស្នងការរងនគរបាលជាតិកម្ពុជា នៅព្រឹកថ្ងៃទី១៦ ខែកញ្ញា ឆ្នាំ២០២៥ នឹងជួបប្រជុំជាមួយនគរបាលភូមិន្ទថៃ នៅខេត្តស្រះកែវ ប្រទេសថៃ ដើម្បីពិនិត្យលើការពង្រឹងកិច្ចសហការទប់ស្កាត់ និងបង្ក្រាបបទល្មើសឆ្លងដែន។

ភាគីទាំងពីរ ក៏គ្រោងនឹងពិភាក្សាគ្នាពាក់ព័ន្ធនឹងការឆបោកតាមប្រព័ន្ធបច្ចេកវិទ្យា(Online Scams)។ កិច្ចប្រជុំនេះ ត្រូវបានរៀបចំឡើងស្របតាមស្មារតីនៃកិច្ចប្រជុំពិសេសលើកទី១ របស់គណៈកម្មាធិការព្រំដែនទូទៅ (GBC) នៅខេត្តកោះកុង កាលពីថ្ងៃទី១០ ខែកញ្ញា ឆ្នាំ២០២៥ ដែលបានបញ្ជាក់ថា ក្រសួងមហាផ្ទៃ និងនគរបាលជាតិនៃប្រទេសទាំងពីរ នឹងជួបប្រជុំគ្នាក្នុងរយៈពេល ១ សបា្តហ៍ ដើម្បីបង្កើតក្រុមការងារចម្រុះដែលទទួលភារកិច្ចលើការរៀបចំផែនការសកម្មភាពពាក់ព័ន្ធនឹងការទប់ស្កាត់ និងការបង្ក្រាបបទល្មើសឆ្លងដែន។

រាជរដ្ឋាភិបាលកម្ពុជា បានប្តេជ្ញាប្រយុទ្ធប្រឆាំងរាល់បទល្មើសឧក្រិដ្ឋកម្មឆ្លងដែន រួមទាំងការឆបោកតាមប្រព័ន្ធបច្ចេកវិទ្យា។ កម្ពុជាសង្ឃឹមថា រដ្ឋាភិបាលថៃនឹងធ្វើការប្តេជ្ញាចិត្តដូចកម្ពុជាផងដែរ ដើម្បីធានាសុខសុវត្ថិភាពដល់ប្រជាពលរដ្ឋរៀងៗខ្លួន៕

បារាំង ប្រកាសស្វាគមន៍ការសម្រេចចិត្តរបស់កម្ពុជា-ថៃ ក្នុងការបំពេញការងាររួមគ្នាដើម្បីដោះមីននៅតាមព្រំដែនប្រទេសបារាំងស្វាគមន៍...
16/09/2025

បារាំង ប្រកាសស្វាគមន៍ការសម្រេចចិត្តរបស់កម្ពុជា-ថៃ ក្នុងការបំពេញការងាររួមគ្នាដើម្បីដោះមីននៅតាមព្រំដែន

ប្រទេសបារាំងស្វាគមន៍ចំពោះភាពរីកចម្រើនក្នុងក្របខ័ណ្ឌនៃកិច្ចប្រជុំថ្ងៃទី១០ ខែកញ្ញា របស់គណៈកម្មាធិការកិច្ចការព្រំដែនទូទៅរវាងប្រទេសកម្ពុជា និងប្រទេសថៃ ហើយជំរុញឱ្យភាគីទាំងពីរបន្តកិច្ចសន្ទនា និងកិច្ចសហប្រតិបត្តិការដើម្បីគោរពតាមបទឈប់បាញ់។

ប្រទេសបារាំងស្វាគមន៍ជាពិសេសការសម្រេចចិត្តរបស់ភាគីទាំងពីរក្នុងការបំពេញការងាររួមគ្នាដើម្បីដោះមីននៅតាមព្រំដែន។ ប្រទេសបារាំងបញ្ជាក់សាជាថ្មីនូវការគាំទ្រដ៏ពេញទំហឹងរបស់ប្រទេសម៉ាឡេស៊ីដែលជាប្រធានអាស៊ាន ក្នុងកិច្ចខិតខំប្រឹងប្រែងទាំងនេះដើម្បីស្ថិរភាពក្នុងតំបន់។ នេះបើតាមសេចក្តីប្រកាសព័ត៌មានរបស់រដ្ឋាភិបាលបារាំងនៅទំព័រហ្វេសប៊ុកស្ថានទូតបារាំងប្រចាំនៅកម្ពុជានៅព្រឹកថ្ងៃទី១៦ ខែកញ្ញា ឆ្នាំ២០២៥នេះ៕

15/09/2025

រឿងបើកព្រំដែនកម្ពុជា-ថៃ ឡើងវិញ សម្តេចធិបតី ហ៊ុន ម៉ាណែត ធ្លាប់បានបញ្ជាក់យ៉ាងច្បាស់ថា អ្នកណាបិទ អ្នកនោះជាអ្នកបើក កម្ពុជាអត់លិបលៗដូចថៃទេ គឺថាបើក គឺបើក បិទ គឺបិទ!

កម្ពុជាទាត់ចោលព័ត៌មានបង្ហោះដ្រូននៅព្រំដែន និងប្រាប់ឱ្យថៃឈប់ចែកចាយព័ត៌មានមិនពិតតទៅទៀតក្រសួងការពារជាតិកម្ពុជា តាមរយ:អ្នកនា...
15/09/2025

កម្ពុជាទាត់ចោលព័ត៌មានបង្ហោះដ្រូននៅព្រំដែន និងប្រាប់ឱ្យថៃឈប់ចែកចាយព័ត៌មានមិនពិតតទៅទៀត

ក្រសួងការពារជាតិកម្ពុជា តាមរយ:អ្នកនាំពាក្យលោកស្រី ឧត្តមសេនីយ៍ឯក ម៉ាលី សុជាតា នៅព្រឹកថ្ងៃចន្ទនេះ បានប្រកាសបដិសេធទាំងស្រុងចំពោះការចោទប្រកាន់ដោយគ្មានមូលដ្ឋាន និងគ្មានភស្តុតាងរបស់ភាគីថៃនាពេលកន្លងមកថា កម្ពុជាបានបង្ហោះដ្រូននៅតំបន់តាមបណ្តោយព្រំដែន នៃប្រទេសទាំងពីរ។ ការចោទប្រកាន់បំភ្លៃខុសពីការពិតទាំងនេះ មិនត្រឹមតែធ្វើឱ្យកើនឡើងភាពតានតឹងប៉ុណ្ណោះទេ ប៉ុន្តែ ក៏បានធ្វើឱ្យប៉ះពាល់យ៉ាងខ្លាំងទៅដល់ជំនឿទុកចិត្តគ្នាទៅវិញទៅមក។

ក្រសួងការពារជាតិសូមគូសបញ្ជាក់ថា កម្ពុជាមិនបានបង្ហោះដ្រូនចូលដែនអធិបតេយ្យភាពថៃដូចការចោទប្រកាន់ដែលគ្មានការពិតនេះឡើយ និងសូមស្នើភាគីថៃប្រកាន់ខ្ជាប់នូវគោលការណ៍ដែលភាគីកម្ពុជាថៃបានឯកភាពគ្នាចៀសវាងការចែកចាយព័ត៌មានមិនពិត ឬព័ត៌មានក្លែងក្លាយដើម្បីកាត់បន្ថយភាពតានតឹង កាត់បន្ថយសាធារណមតិអវិជ្ជមាន និងលើកកម្ពស់បរិយាកាសអំណោយផលសម្រាប់កិច្ចសន្ទនាដោយសន្តិវិធីដែលជាចំណែកមួយក្នុងការអនុវត្តបទឈប់បាញ់ឱ្យបានពេញលេញ មានប្រសិទ្ធភាព និងការត្រឡប់មកប្រក្រតីភាពឡើងវិញ។

ជាមួយគ្នានេះ ក្រសួងការពារជាតិកម្ពុជា បញ្ជាក់សាជាថ្មីនូវការប្តេជ្ញាចិត្តយ៉ាងម៉ឺងម៉ាត់ នៅក្នុងការគោរពបទឈប់បាញ់ដែលភាគីទាំងពីរបានឯកភាពគ្នានៅក្នុងកិច្ចប្រជុំពិសេស កាលពីថ្ងៃទី២៨ ខែកក្កដា ឆ្នាំ២០២៥ នៅទីក្រុងពូត្រាចាយ៉ា ក៏ដូចជាការអនុវត្តឱ្យបានពេញលេញ និងប្រកបដោយប្រសិទ្ធភាពនូវរាល់ការព្រមព្រៀងទាំងឡាយដែលភាគីទាំងពីរសម្រេចបានមកទល់ពេលនេះ ក្នុងនោះ រួមទាំងកំណត់ហេតុរួមនៃកិច្ចប្រជុំទាំងអស់របស់គណៈកម្មាធិការព្រំដែនទូទៅកម្ពុជា-ថៃ (GBC) និងកិច្ចប្រជុំគណៈកម្មាធិការព្រំដែនថ្នាក់យោធភូមិភាគកម្ពុជា-ថៃ (RBC) ដែលត្រូវបានប្រព្រឹត្តឡើងជាបន្តបន្ទាប់ ចាប់តាំងពីមានការឯកភាពគ្នាលើលក្ខខណ្ឌ នៃបទឈប់បាញ់ដោយភាគីទាំងពីរ នៅក្នុងកិច្ចប្រជុំវិសាមញ្ញនៃគណៈកម្មាធិការព្រំដែនទូទៅកម្ពុជា-ថៃ (GBC) កាលពីថ្ងៃទី៧ ខែសីហា ឆ្នាំ២០២៥ នៅទីក្រុងគូឡាឡាំពួរ ប្រទេសម៉ាឡេស៊ី៕

14/09/2025

នៅច្រកអានសេះ ម្សិលមិញនេះ ទាហានថៃបានចូលមករករឿង អុកឡុក រំខានដល់ការចុះត្រួតពិនិត្យរបស់ក្រុមអ្នកសង្កេតការណ៍ដឹកនាំដោយម៉ាឡេស៊ី ប៉ុន្តែ ត្រូវទាហានកម្ពុជារារាំងមិនឱ្យចូលជ្រៅមកក្នុងទឹកដីកម្ពុជា

14/09/2025

អភិបាលខេត្តស្រះកែវរបស់ថៃធ្លាប់បានបញ្ជាក់ហើយថា តំបន់ Ban Nong Chan ឬព្រៃចាន់ មិនមែនជាទឹកដីថៃនោះទេ!

កម្ពុជាដូចជាមិនដែលបាននិយាយឳ្យចំ និងឳ្យច្បាស់ថាចង់បើកព្រំដែនមួយម៉ាត់សោះ តែខាងថៃប្រកូកប្រកាសចង់បើក ក៏ខ្លួងឯង ចង់បិទបន្ត ក៏...
14/09/2025

កម្ពុជាដូចជាមិនដែលបាននិយាយឳ្យចំ និងឳ្យច្បាស់ថាចង់បើកព្រំដែនមួយម៉ាត់សោះ តែខាងថៃប្រកូកប្រកាសចង់បើក ក៏ខ្លួងឯង ចង់បិទបន្ត ក៏ខ្លួនឯង ដាក់លក្ខខណ្ឌបើក ក៏ខ្លួនឯង យី! ស្រុកនេះដូចរកយល់មិនបានសោះ!

ម្សិលមិញ មេទ័ពភូមិភាគ២ថៃ ប្រាប់កាសែតThe Nation Thailand ថា ព្រំដែនថៃ-កម្ពុជានៅរក្សាបិទនៅឡើយ ដោយសារតែនៅមានវត្តមានកងទ័ពកម្ពុជា ចំណែកផលចំណេញសេដ្ឋកិច្ចស្ថិតក្នុងការពិចារណា ប៉ុន្តែ សន្តិសុខជាតិ ត្រូវតែជាអាទិភាព។ ឧត្តមសេនីយឯក Boonsin Padklang មេបញ្ជាការភូមិភាគ២ថៃ នៅថ្ងៃសៅរ៍ បានបញ្ជាក់ថា ច្រកទ្វារព្រំដែនថៃ-កម្ពុជា ក្នុងខេត្តភាគឦសានចំនួនបួននៅតែបិទ ហើយការបន្តបិទនេះ ដោយសារតែកងទ័ពកម្ពុជាបន្តរក្សាវត្តមានយ៉ាងច្រើននៅតាមព្រំដែន។ ឧត្តមសេនីយឯក Boonsin Padklang បាននិយាយថា ការបើកច្រកព្រំដែនណាមួយឡើងវិញ នឹងត្រូវកំណត់ដោយរដ្ឋាភិបាល និងក្រសួងការពារជាតិថៃ ប៉ុន្តែ ត្រូវតែដោះស្រាយកង្វល់សាធារណៈនៅក្នុងតំបន់អំពីពេលវេលាណាដែលការចូលទៅកាន់ព្រំដែនអាចធ្វើឡើងដោយសុវត្ថិភាព។ លោកបានបន្ថែមថា តំបន់ព្រំដែននីមួយៗមានបរិបទ និងស្ថានភាពរៀងៗខ្លួនដែលត្រូវតែគិតពិចារណា។

ចង់និយាយអី ចង់ធ្វើអី ក៏និយាយ ក៏ធ្វើទៅ ថ្នាក់ដឹកកំពូលកម្ពុជា ធ្លាប់បានប្រកាសរួចមកហើយថា អ្នកណាជាអ្នកបិទ អ្នកនោះជាអ្នកបើក។ មកដល់ម៉ោងនេះ កម្ពុជាមិនបាននិយាយស្នើចង់ឳ្យបើកព្រំដែននោះទេ ប៉ុន្តែ ជប៉ុនទៅវិញទេ ដែលសុំឳ្យកម្ពុជា-ថៃ ពិចារណាបើកព្រំដែនឡើងវិញ។រីឯ អាជីវករថៃតាមព្រំដែនក៏ស្នើចង់បានបែបហ្នឹងដែរ៕

ថ្ងៃនេះជាថ្ងៃទី៤៧ហើយ ដែលវីរកងទ័ពកម្ពុជាចំនួន ១៨រូប ត្រូវបានចាប់ខ្លួន និងដាក់ឱ្យស្ថិតក្រោមការឃុំគ្រងរបស់យោធាថៃកម្ពុជាសូមអ...
14/09/2025

ថ្ងៃនេះជាថ្ងៃទី៤៧ហើយ ដែលវីរកងទ័ពកម្ពុជាចំនួន ១៨រូប ត្រូវបានចាប់ខ្លួន និងដាក់ឱ្យស្ថិតក្រោមការឃុំគ្រងរបស់យោធាថៃ

កម្ពុជាសូមអំពាវនាវឱ្យភាគីថៃ ដោះលែងពួកគាត់ត្រឡប់មកវិញឱ្យបានឆាប់រហ័សជាទីបំផុត ដើម្បីឱ្យពួកគាត់អាចវិលត្រឡប់មកជួបជុំក្រុមគ្រួសាររបស់ពួកគាត់ និងប្រកបដោយសុខសុវត្ថិភាព ស្របតាមច្បាប់មនុស្សធម៌អន្តរជាតិ។

រាជរដ្ឋាភិបាលកម្ពុជា បាន និងកំពុងធ្វើការយ៉ាងសស្រាក់សស្រាំឥតឈប់ឈរនូវគ្រប់យន្តការដោះស្រាយទាំងអស់លើករណីនេះ ដើម្បីឱ្យភាគីថៃ ដោះលែងកងកម្លាំងរបស់យើងទាំង១៨នាក់នោះ វិលត្រលប់មកវិញឱ្យបានឆាប់រហ័សជាទីបំផុត និងដោយសុខសុវត្ថិភាព។ រាជរដ្ឋាភិបាល ក្រសួងការពារជាតិ និងកងយោធពលខេមរភូមិន្ទ មិនដែលបោះបង់កងកម្លាំងរបស់យើងណាម្នាក់ចោលនោះឡើយ ទោះក្នុងកាលៈទេសៈណាក៏ដោយ៕

It has been 47days since 18 Cambodian soldiers were captured under the captivity of the Thai military. Cambodia urgently calls on the Thai side to release them as soon as possible, so that they may be safely reunited with their families in accordance with international humanitarian law.

It must also be underscored that the Royal Government of Cambodia has been and will continue to make tireless efforts, using all available mechanisms for Thai military to release and return our 18 soldiers as quickly and safely as possible.
The Royal Government and the Ministry of National Defense, and the Royal Cambodian Armed Forces will never abandon any of our troops under any circumstances.

មិនដឹងអ្នកណាបំពានបទឈប់បាញ់ឱ្យប្រាកដទេ? ចុះទៅដល់ភ្លាម កូនចៅរាយការណ៍ភ្លាម ចោទកម្ពុជាភ្លាមថារំលោភបទឈប់បាញ់នាយឧត្តមសេនូយPana...
13/09/2025

មិនដឹងអ្នកណាបំពានបទឈប់បាញ់ឱ្យប្រាកដទេ? ចុះទៅដល់ភ្លាម កូនចៅរាយការណ៍ភ្លាម ចោទកម្ពុជាភ្លាមថារំលោភបទឈប់បាញ់

នាយឧត្តមសេនូយPana Klaewplodthuk មេបញ្ជាការកងទ័ពថៃ បានចុះត្រួតពិនិត្យ និងវាយតម្លៃពីស្ថានភាពនៅតាមបណ្តោយព្រំដែនថៃ-កម្ពុជា នៅតំបន់អង្គភាពកងកម្លាំងពិសេសលេខ១ ក្នុងស្រុក Kantharalak ខេត្ត Si Sa Ket និងតំបន់អង្គភាពកងកម្លាំងពិសេសលេខ២ ក្នុងស្រុកPrasat ខេត្ត Surin នៅថ្ងៃទី១៣ ខែកញ្ញា ឆ្នាំ២០២៥នេះ។ អង្គភាពតាមដានការបំពានបទឈប់បាញ់របស់ថៃ បានរាយកាណ៍ប្រាប់មេរបស់គេដោយបន្តចោទប្រកាន់ទាំងងងើលថា បទឈប់បាញ់ត្រូវបានបន្តបំពានដោយភាគីកម្ពុជា រួមទាំង ការរកឃើញគ្រាប់មីន និងដ្រូបឈ្លបយកការណ៍ហោះលើទឹកដីថៃ។ នាយឧត្តមសេនីយ៍ Pana Klaewplodthuk បានបញ្ជាឱ្យប្រមូលភ័ស្តុតាងឱ្យបានល្អិតល្អន់ ដើម្បីដាក់ទៅក្រសួងការបរទេសសម្រាប់តវ៉ាតាមផ្លូវការទូត និងយន្តការអន្តរជាតិ៕

(ប្រភព៖ Khaosod English)

នៅព្រឹកថ្ងៃសៅរ៍ ទី១៣ ខែកញ្ញា ឆ្នាំ២០២៥ ក្រសួងការពារជាតិកម្ពុជា បានសម្របសម្រួលជូនក្រុមអ្នកសង្កេតការណ៍អន្តរកាល (IOT) ប្រច...
13/09/2025

នៅព្រឹកថ្ងៃសៅរ៍ ទី១៣ ខែកញ្ញា ឆ្នាំ២០២៥ ក្រសួងការពារជាតិកម្ពុជា បានសម្របសម្រួលជូនក្រុមអ្នកសង្កេតការណ៍អន្តរកាល (IOT) ប្រចាំទីស្នាក់ការ២ ខេត្តបន្ទាយមានជ័យ ចុះទៅពិនិត្យទីតាំងជាក់ស្តែង ក្រោយបទឈប់បាញ់ នៅភូមិជោគជ័យ ខេត្តបន្ទាយមានជ័យ ដើម្បីសង្កេតការណ៍ ផ្ទៀងផ្ទាត់ និងរាយការណ៍៕

Address

Phnom Penh

Website

Alerts

Be the first to know and let us send you an email when Soryakar-សូរ្យការ posts news and promotions. Your email address will not be used for any other purpose, and you can unsubscribe at any time.

Shortcuts

Share

Category