28/05/2026
លាតត្រដាងល្បិចខ្មៅងងឹត៖ ក្រុមហ៊ុនទារបំណុលជ្រកក្រោមស្លាកស្របច្បាប់មួយនៅហូជីមិញ ត្រូវសមត្ថកិច្ចកម្ទេចចោល
----
ស្នងការដ្ឋាននគរបាលក្រុងហូជីមិញ បានប្រកាសថា ខ្លួនទើបតែបានបង្ក្រាប និងកម្ទេចខ្សែបណ្តាញសម្ងាត់មួយដែលធ្វើសកម្មភាព "ទិញ-លក់បំណុល" ដើម្បីទារបំណុលក្រៅប្រព័ន្ធ (ក្រុមម៉ាហ្វីយ៉ា/បំណុលខ្មៅ) ដែលបានជ្រកក្រោមស្លាកក្រុមហ៊ុនវិនិយោគទារបំណុល សុងឡុង។
ការស៊ើបអង្កេតបានបង្ហាញថា ក្រុមហ៊ុន សុងឡុង មានការបែងចែករចនាសម្ព័ន្ធជាផ្នែក "ទិញសិទ្ធិអាជីវកម្ម (Franchising)" ផ្នែក "ទារបំណុល" ផ្នែកបម្រើអតិថិជន ផ្នែកគណនេយ្យ និងផ្នែកបច្ចេកទេស។ ក្រុមទាំងនេះមានតួនាទីយកសំណុំរឿង វាយតម្លៃទិន្នន័យបំណុល ផ្ទៀងផ្ទាត់ទីលំនៅ និងទ្រព្យសម្បត្តិរបស់អ្នកខ្ចីប្រាក់ រួចហើយទើបចាប់ផ្តើមរៀបចំផែនការទារបំណុល។
រាល់ទិន្នន័យ វឌ្ឍនភាពនៃការទារបំណុល និងបទបញ្ជាប្រតិបត្តិការទាំងអស់ គឺត្រូវបានគ្រប់គ្រងតាមរយៈប្រព័ន្ធកម្មវិធីកុំព្យូទ័រផ្ទៃក្នុង។ ខ្សែបណ្តាញការងារមួយនេះ ត្រូវបានរៀបចំឡើងជាប្រព័ន្ធ មានលក្ខណៈជាលាយលក្ខណ៍អក្សរ និងបានដំណើរការអស់រយៈពេលជាច្រើនឆ្នាំមកហើយ។
គួរកត់សម្គាល់ផងដែរថា កិច្ចសន្យាបញ្ចាំនានា គឺគ្រាន់តែជាល្បិចបិទបាំងតែប៉ុណ្ណោះ។ ក្រុមហ៊ុននេះមិនបានប្រគល់ប្រាក់បំណុលទៅឱ្យកូនបំណុលនោះទេ ផ្ទុយទៅវិញ ភាគីនៃកិច្ចព្រមព្រៀងបានបែងចែកភាគលាភគ្នាទៅលើចំនួនប្រាក់ដែលទារបាន។
សមត្ថកិច្ចស៊ើបអង្កេតបានសន្និដ្ឋានថា ចាប់តាំងពីឆ្នាំ២០២០ រហូតមកទល់ពេលនេះ ក្រុមហ៊ុនខាងលើបានចុះកិច្ចសន្យា "ទិញបំណុល" ប្រមាណពី ៤០០ ទៅ ៥០០ ករណី។ ទឹកប្រាក់សរុបមានចំនួនជាង ១០០ ពាន់លានដុង (ប្រហែលជិត ៤ លានដុល្លារអាមេរិក) ហើយទទួលបានប្រាក់ចំណេញប្រហែលពី ១៥ ទៅ ២០ ពាន់លានដុង។
វីដេអូ : Ho Chi Minh City Police Provided
