https://www.facebook.com/106923592486326/

Thy Rith, Phnom Penh (2026)

02/09/2026

ស្រលាញ់ គោរព នគរបាលល្អបែបនេះណាស់ 🙏🇰🇭

ព្រឹកមិញនេះ ប្រពន្ធខ្ញុំឈឺពោះសម្រាលកូន ត្រូវធ្វើដំណើរពីចោមចៅ ទៅកាន់មន្ទីរកាល់ម៉ែត។ ដូចដឹងចឹង ផ្លូវសហពន្ធ័រុស្ស៊ីនៅពេលព្រឹក គឺស្ទះខ្លាំងណាស់ លុះមកដល់មុខព្រលានយន្តហោះចាស់ បានឃើញបងនគរបាលដែលកំពុងធ្វើដំណើរតាមផ្លូវផងនោះ ក៏ខ្ញុំដាច់ចិត្តសុំជំនួយពីគាត់ អោយជួយសម្រួលចរាចរណ៍ ព្រោះស្ថានភាពប្រពន្ធគាត់ឈឺខ្លាំង។ បងនគរបាល គាត់ពិតជាមានស្មារតីខ្ពស់ក្នុងការជួយដោះស្រាយណាស់ គួរអោយគោរពខ្លាំងណាស់ និងមានភាពកក់ក្តៅ រំភើប ក្នុងនាមជាប្រជាពលរដ្ឋម្នាក់ 🙏💙🇰🇭

គ្រួសាររបស់ខ្ញុំ បានសម្រាលកូន ជោគជ័យ និងមានសុខភាពល្អ ទាំងម្តាយ និងកូន ហើយតាងនាមតំណាងគ្រួសារ ខ្ញុំសូមលើកដៃគោរពដល់ការលះបង់ទាំងកម្លាំងកាយ ចិត្ត ពេលវេលា របស់បងនគរបាល 1A-1514 🫡🇰🇭។ ទោះមិនបានស្គាល់ឈ្មោះបង តែខ្ញុំនឹងចងចាំនូវគំរូវីរភាពរបស់បង និងសូមជូនពរបងអោយបានជោគជ័យលើការងារ ឡើងបុណ្យស័ក្តិ សុខភាពល្អ សំណាងល្អ...។

អូនៗ ជេដេន (Jaden) សូមអរគុណដល់លោកប៉ា អ្នកម៉ាក់ អ៊ំៗ ពូមីង បងប្អូន ទាំងអស់គ្នា ដែលបានជូនពរ ផ្តាំសួរសុខទុក្ខ ជាពិសេស អរគុណពូប៉ូលិសដែលបានជួយអូន អោយបានសុវត្តិភាព 👶🙏💙

អ្នកគ្រូពេទ្យ ប្រាប់ថា អូនសុខភាពល្អណាស់ ហើយបានជួបមនុស្សល្អទៀត 🥰👶💙

A Hero who was appeared in my born day ✨🇰🇭💙
2/09/2026

(ប្រភព : Jx Tsuki)

01/09/2026

ក្រុមអ្នកសង្កេតការណ៍អាស៊ាន ចុះពិនិត្យបង្គោលព្រំដែនលេខ៧២ និងច្រកទ្វារព្រំដែនអន្តរជាតិចាំយាម ខេត្តកោះកុង

ខេត្តកោះកុង ៖ នៅព្រឹកថ្ងៃអង្គារ ទី១ ខែកញ្ញា ឆ្នាំ២០២៦ ក្រុមអ្នកសង្កេតការណ៍អាស៊ាន (AOT) បានចុះសង្កេតការណ៍ ផ្ទៀងផ្ទាត់ និងរាយការណ៍អំពីស្ថានភាពតាមបណ្តោយព្រំដែនកម្ពុជា-ថៃ នៅចំណុចបង្គោលព្រំដែនលេខ៧២ (បង្គោលឯកភាព) ស្ថិតក្នុងភូមិចាំយាម ឃុំប៉ាកខ្លង ស្រុកមណ្ឌលសីមា ខេត្តកោះកុង និពិនិត្យស្ថានភាពតាមបណ្តោយព្រំដែនកម្ពុជា-ថៃ នៅច្រកទ្វារព្រំដែនអន្តរជាតិចាំយាម ស្ថិតក្នុងភូមិចាំយាម ឃុំប៉ាកខ្លង ស្រុកមណ្ឌលសីមា ខេត្តកោះកុង ក្រោយបទឈប់បាញ់ចូលជាធរមាន ក្នុងការធានាការអនុវត្តបទឈប់បាញ់រវាងកម្ពុជា និងថៃ ដើម្បីលើកកម្ពស់តម្លាភាព ការជឿទុកចិត្តគ្នា និងឆ្ពោះទៅការធ្វើឱ្យប្រសើរឡើងវិញឆាប់រហ័ស។

យោងតាមសេចក្តីប្រកាសព័ត៌មាន របស់អ្នកនាំពាក្យក្រសួងការពារជាតិ នៃព្រះរាជាណាចក្រកម្ពុជា ចុះថ្ងៃអង្គារ ៤រោច ខែស្រាពណ៍ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី១ ខែកញ្ញា ឆ្នាំ២០២៦ បានឲ្យដឹងថា នៅថ្ងៃអង្គារ ទី១ ខែកញ្ញា ឆ្នាំ២០២៦ វេលាម៉ោង ០៨:៣៧នាទីព្រឹក ក្រុមអ្នកសម្របសម្រួល (CLG) នៃព្រះរាជាណាចក្រកម្ពុជា បានសម្របសម្រួលជូនក្រុមអ្នកសង្កេតការណ៍អាស៊ាន ប្រចាំព្រះរាជាណាចក្រកម្ពុជា (ASEAN Observer Team–Cambodia: AOT-KH) ដឹកនាំដោយប្រធានបេសកកម្មក្រុមអ្នកសង្កេតការណ៍អាស៊ាន (AOT KH HOM) ពីសាធារណរដ្ឋហ្វីលីពីន ចុះសង្កេតការណ៍ ផ្ទៀងផ្ទាត់និងរាយការណ៍អំពីស្ថានភាពតាមបណ្តោយព្រំដែនកម្ពុជា-ថៃ នៅចំណុចបង្គោលព្រំដែនលេខ៧២ (បង្គោលឯកភាព) ស្ថិតក្នុងភូមិចាំយាម ឃុំប៉ាកខ្លង ស្រុកមណ្ឌលសីមា ខេត្តកោះកុង។

ការចុះសង្កេតការណ៍នេះ មានគោលបំណងផ្តល់ជូនអ្នកសង្កេតការណ៍អាស៊ាន នូវការយល់ដឹងស៊ីជម្រៅ និងផ្អែកលើការសង្កេតផ្ទាល់ អំពីស្ថានភាពនៅបង្គោលព្រំដែនដែលបានឯកភាពគ្នា រវាងភាគីកម្ពុជា និងភាគីថៃ ព្រមទាំងបង្ហាញពីគោលជំហររបស់រាជរដ្ឋាភិបាលកម្ពុជា ដែលតែងតែប្រកាន់ខ្ជាប់នូវការដោះស្រាយបញ្ហាព្រំដែនដោយសន្តិវិធី តាមរយៈការពិភាក្សា និងយន្តការទ្វេភាគី ស្របតាមច្បាប់អន្តរជាតិ កិច្ចព្រមព្រៀងទ្វេភាគីដែលមានជាធរមាន និងអាណត្តិរបស់គណៈកម្មការចម្រុះខណ្ឌសីមាព្រំដែនគោក (JBC)។

កម្ពុជា នៅតែប្រកាន់ជំហរយ៉ាងម៉ឺងម៉ាត់ក្នុងការការពារខ្សែព្រំដែនអន្តរជាតិកម្ពុជា-ថៃ ដែលបន្សល់ទុកដោយគណៈកម្មការព្រំដែនឥណ្ឌូចិន-សៀម ដោយគោរពគោលការណ៍ច្បាប់អន្តរជាតិ គោលការណ៍ខ្សែព្រំដែនមិនកែប្រែ (Uti Possidetis Juris) គោរពអនុសញ្ញា សន្ធិសញ្ញាបារាំង-សៀម ពិធីសារកំណត់ព្រំដែន ផែនទីដែលជាលទ្ធផលនៃការងារខណ្ឌសីមារបស់គណៈកម្មការកំណត់ព្រំដែនឥណ្ឌូចិន-សៀម កំណត់ហេតុកិច្ចប្រជុំ និងកំណត់ហេតុបោះបង្គោលព្រំដែនរបស់គណៈកម្មការព្រំដែនឥណ្ឌូចិន-សៀម MOU ឆ្នាំ២០០០ TOR ឆ្នាំ២០០៣ ព្រមទាំងកិច្ចព្រមព្រៀង និងឯកសារពាក់ព័ន្ធនានាដែលភាគីទាំងពីរបានឯកភាពគ្នា នាពេលកន្លងមក ដើម្បីដោះស្រាយជម្លោះដោយសន្តិវិធី សម្រេចបាននូវសន្តិភាពយូរអង្វែងរវាងប្រទេសយើងទាំងពីរ។

បន្ទាប់មក នៅវេលាម៉ោង ០៩:៣៥នាទីព្រឹក ថ្ងៃដដែលនោះ ក្រុមអ្នកសម្របសម្រួល (CLG) នៃព្រះរាជាណាចក្រកម្ពុជា បានសម្របសម្រួលជូនក្រុមអ្នកសង្កេតការណ៍អាស៊ាន ប្រចាំព្រះរាជាណាចក្រកម្ពុជា (ASEAN Observer Team–Cambodia: AOT-KH) ដឹកនាំដោយប្រធានបេសកកម្មក្រុមអ្នកសង្កេតការណ៍អាស៊ាន (AOT KH HOM) ពីសាធារណរដ្ឋហ្វីលីពីន ចុះសង្កេតការណ៍ផ្ទៀងផ្ទាត់ និងរាយការណ៍អំពីស្ថានភាពតាមបណ្តោយព្រំដែនកម្ពុជា-ថៃ នៅច្រកទ្វារព្រំដែនអន្តរជាតិចាំយាម ស្ថិតក្នុងភូមិចាំយាម ឃុំប៉ាកខ្លង ស្រុកមណ្ឌលសីមា ខេត្តកោះកុង ក្រោយបទឈប់បាញ់ចូលជាធរមាន ក្នុងការធានាការអនុវត្តបទឈប់បាញ់រវាងកម្ពុជា និងថៃ ដើម្បីលើកកម្ពស់តម្លាភាព ការជឿទុកចិត្តគ្នា និងឆ្ពោះទៅការធ្វើឱ្យប្រសើរឡើងវិញឆាប់រហ័ស។

រាជរដ្ឋាភិបាល និងក្រសួងការពារជាតិកម្ពុជា នៅតែបញ្ជាក់ពីការប្តេជ្ញាចិត្តយ៉ាងម៉ឺងម៉ាត់ ស្មោះត្រង់ សុចរិត ក្នុងការគោរពនិងអនុវត្តយ៉ាងពេញលេញនិងខ្ជាប់ខ្ជួនបំផុត នូវសេចក្តីប្រកាសរួមនៃកិច្ចប្រជុំពិសេស លើកទី៣ នៃគណៈកម្មាធិការព្រំដែនទូទៅកម្ពុជា-ថៃ (GBC) ថ្ងៃទី២៧ ខែធ្នូ ឆ្នាំ២០២៥, សេចក្តីថ្លែងការណ៍រួមស្តីពីកិច្ចព្រមព្រៀងសន្តិភាពរវាងកម្ពុជានិងថៃ ថ្ងៃទី២៦ ខែតុលា ឆ្នាំ២០២៥ និងកិច្ចព្រមព្រៀងពាក់ព័ន្ធផ្សេងទៀត។

កម្ពុជា តែងតែផ្តល់ការគាំទ្រយ៉ាងពេញទំហឹងដល់ក្រុមអ្នកសង្កេតការណ៍អាស៊ាន (AOT) ព្រមទាំងសង្កត់ធ្ងន់ទៅលើសារៈសំខាន់មិនអាចខ្វះបាន ក្នុងការពង្រឹងតួនាទីនិងអាណត្តិរបស់ AOT ក្នុងការចុះពិនិត្យផ្ទាល់នៅទីតាំងជាក់ស្តែង ដើម្បីផ្ទៀងផ្ទាត់ និងធានាការអនុវត្តបទឈប់បាញ់ឱ្យបានពេញលេញ និងប្រកបដោយប្រសិទ្ធភាព សំដៅលើកកម្ពស់តម្លាភាព និងគណនេយ្យភាព៕

01/09/2026

បុរសនោមអត់មារយាទ ចូលខ្លួនសុំទោស

ភ្នំពេញ ៖ បន្ទាប់ពីលោកឧត្តមសេនីយ៍ឯក ជួន ណារិន្ទ អគ្គស្នងការរង និងជាស្នងការនគរបាលរាជធានីភ្នំពេញ បានបញ្ជាឱ្យអធិការនគរបាលខណ្ឌសែនសុខ ស្រាវជ្រាវរកបុរសម្នាក់ ដែលបន្ទោបង់នោម អត់មារយាទ ដាក់ផ្លាកសញ្ញាចរាចរណ៍ នៅលើកំណាត់ផ្លូវហាណូយ ដើម្បីយកមកចាត់វិធានការតាមជំនាញចំពោះមុខរបស់សមត្ថកិច្ចមក នៅរសៀលថ្ងៃទី១ ខែកញ្ញា ឆ្នាំ២០២៦ បុរសម្នាក់នោះ បានចូលខ្លួនមកអធិការដ្ឋាននគរបាលខណ្ឌសែនសុខ ធ្វើការសុំទោសជាសាធារណៈ។

សូមបញ្ជាក់ថា ចំណាត់ការរបស់សមត្ថកិច្ចនេះ បានធ្វើឡើង បន្ទាប់ពីមានការបង្ហោះរូបភាព ១សន្លឹក បង្ហាញពីសកម្មភាពបុរសម្នាក់ ជិះម៉ូតូ ១គ្រឿង ម៉ាក PCX ពណ៌ស ស្លាកលេខ ភ្នំពេញ 1FD-3830 មកឈប់ចតនៅកណ្តាល់ទ្រូងផ្លូវ រួចឈរនោមដាក់ស្លាកសញ្ញាចរាចរណ៍ នៅកណ្តាលទ្រូងផ្លូវនោះ និងត្រូវបានអ្នកប្រើប្រាស់បណ្តាញសង្គម ថតបង្ហោះ ចែករំលែកពេញបណ្តាញសង្គម ដោយមានការរិះគន់ទៅលើបុរសរូបនោះយ៉ាងខ្លាំង។

យោងតាមក្រុមការងារព័ត៌មាននិងប្រតិកម្មរហ័ស នៃស្នងការដ្ឋាននគរបាលរាជធានីភ្នំពេញ បានឱ្យដឹងនៅព្រឹកថ្ងៃទី១ ខែកញ្ញា ឆ្នាំ២០២៦ ថា នៅពេលថ្មីៗនេះ ករណីដែលមានការបង្ហោះផ្សព្វផ្សាយតាមបណ្តាញសង្គម គឺមានបុរសម្នាក់ បានបន្ទោបង់ (នោម) ដាក់ស្លាកសញ្ញាចរាចរណ៍ នៅលើកំណាត់ផ្លូវហាណូយ នៅក្នុងខណ្ឌសែនសុខ ជាទង្វើខ្វះសីលធម៌ បង្កប៉ះពាល់អវិជ្ជមានដល់សង្គម បរិស្ថាន អនាម័យ សោភណភាព និងសណ្តាប់ធ្នាប់សាធារណៈ។

ចំពោះករណីនេះ នៅព្រឹកថ្ងៃទី១ ខែកញ្ញា ឆ្នាំ២០២៦ លោកឧត្តមសេនីយ៍ឯក ជួន ណារិន្ទ អគ្គស្នងការរង និងជាស្នងការនគរបាលរាជធានីភ្នំពេញ បានបញ្ជាទៅលោកអធិការនគរបាលខណ្ឌសែនសុខ ចាត់កម្លាំងជំនាញ ធ្វើការស្រាវជ្រាវស្វែងរកបុរសនេះ ដើម្បីអនុវត្តចាត់វិធានការតាមជំនាញ ចំពោះមុខរបស់សមត្ថកិច្ច។

ក្រុមការងារព័ត៌មាននិងប្រតិកម្មរហ័ស ក៏សូមអំពាវនាវឱ្យប្រជាពលរដ្ឋ មានការចូលរួមលើកកម្ពស់បរិស្ថាន អនាម័យ សោភណភាពទីក្រុង និងសណ្តាប់ធ្នាប់សាធារណៈ សង្គម ឱ្យកាន់តែល្អប្រសើរ។

នៅរសៀលថ្ងៃទី១ ខែកញ្ញា ឆ្នាំ២០២៦ ក្រុមការងារព័ត៌មាននិងប្រតិកម្មរហ័ស នៃស្នងការដ្ឋាននគរបាលរាជធានីភ្នំពេញ បានឲ្យដឹងថា បុរសម្នាក់ ឈ្មោះ រឿន សីហា អាយុ ៣៥ឆ្នាំ មុខរបររត់ម៉ូតូកង់បី មានលំនៅ ផ្ទះលេខ១៩៤ ផ្លូវលំ ភូមិទឹកថ្លា សង្កាត់ទឹកថ្លា ខណ្ឌសែនសុខ ដែលឈរបន្ទោបង់ (នោម) លើសួនច្បារ កន្លែងផ្លាកសញ្ញាចរាចរណ៍ ផ្លូវភ្លោះ នៅលើកំណាត់ផ្លូវហាណូយ សង្កាត់គោកឃ្លាង ខណ្ឌសែនសុខ កាលពីយប់ថ្ងៃទី៣០ ខែសីហា ឆ្នាំ២០២៦ នោះ បានចូលខ្លួនមកអធិការដ្ឋាននគរបាលខណ្ឌសែនសុខ នារសៀលថ្ងៃទី១ ខែកញ្ញា ឆ្នាំ២០២៦ រួចហើយ។

បុរសខាងលើ នៅចំពោះមុខសមត្ថកិច្ច បានទទួលស្គាល់កំហុសឆ្គង ដោយសុំទោសជាសាធារណៈ និងអ្នកលេងបណ្តាញសង្គម សូមអភ័យទោសដល់រូបគាត់ នូវទង្វើខ្វះសីលធម៌ បង្កប៉ះពាល់អវិជ្ជមានដល់សង្គម បរិស្ថាន អនាម័យ សោភ័ណភាព និងសណ្តាប់ធ្នាប់សាធារណៈដែលខ្លួនបានប្រព្រឹត្ត។

ខណៈនោះ សមត្ថកិច្ចក៏បានធ្វើកំណត់ហេតុ ណែនាំអប់រំ និងឱ្យធ្វើកិច្ចសន្យាបញ្ឈប់សកម្មភាពខ្វះសីលធម៌បែបនេះទៀត នៅតាមទីសាធារណៈ ។ ក្រោយទទួលស្គាល់កំហុសឆ្គង និងបានធ្វើកិច្ចសន្យាចំពោះមុខសមត្ថកិច្ច បុរសខាងលើ បន្ទាប់មក ដោយលោកអធិការនគរបាលខណ្ឌសែនសុខ សុំគោលការណ៍ពីលោកឧត្តមសេនីយ៍ឯក ជួន ណារិន្ទ អគ្គស្នងការរង និងជាស្នងការនគរបាលរាជធានីភ្នំពេញ សមត្ថកិច្ចនៃអធិការដ្ឋាននគរបាលខណ្ឌសែនសុខ ក៏បានអនុញ្ញាតឱ្យត្រឡប់ទៅផ្ទះវិញ៕

(ប្រភព : សារព័ត៌មាន នគរធំ)

01/09/2026

ករណីអគ្គិភ័យ ឆេះផ្ទះប្រជាពលរដ្ឋ ស្ថិតនៅចំណុចភូមិកៀនឃ្លាំង សង្កាត់ជ្រោយចង្វា ខណ្ឌជ្រោយចង្វា រាជធានីភ្នំពេញ វេលាម៉ោង ១៨:០០នាទី កម្លាំងជំនាញ បានចុះអន្តរាគមន៍ដល់ទីតាំងកើតហេតុ ដោយប្រើប្រាស់រថយន្តការិយាល័យពន្លត់អគ្គិភ័យចំនួន ១៩គ្រឿង ប្រើប្រាស់ទឹកអស់ចំនួន ៣៨គ្រឿង ស្មើនឹង ១៥២ម៉ែត្រគូប ក្នុងនោះរួមមាន : រថយន្តអគ្គិភ័យរដ្ឋបាលខណ្ឌជ្រោយចង្វា ចំនួន ០១គ្រឿង ប្រើប្រាស់ទឹកអស់ចំនួន ០១ឡាន ស្មើនឹង ១០ម៉ែត្រគូប, រថយន្តអគ្គិភ័យទីក្រុងជ្រោយចង្វា ចំនួន ០៤គ្រឿង ប្រើប្រាស់ទឹកអស់ចំនួន ០២ឡាន ស្មើនឹង ១២ម៉ែត្រគូប ។
ពន្លត់ចប់ នៅវេលាម៉ោង ១៩:៣០នាទី ថ្ងៃដដែល ។

ម្ចាស់ទីតាំងឈ្មោះ ពេជ្រ សាមុនដារ៉ា ភេទប្រុស អាយុ៤៣ឆ្នាំ ជនជាតិខ្មែរ មុខរបរក្រុមភ្លេង ។

មូលហេតុ កំពុងស្រាវជ្រាវ ។

ប្រភេទសំណង់ ដែកប្រក់ស័ង្កសី ទំហំ (០៧ម៉ែត្រ×១០ម៉ែត្រ) ។ ខូចខាត ផ្ទះដែកប្រក់ស័ង្កសី ទំហំ (០៧ម៉ែត្រ×១០ម៉ែត្រ) ចំនួន ០១ខ្នង, ផ្ទះឈើលើ ថ្មក្រោម ទំហំ (០៤ម៉ែត្រ×០៨ម៉ែត្រ) ចំនួន ០១ខ្នង និងឆេះរោលជញ្ជាំងផ្ទះឈើ ចំនួន ០១ខ្នង ៕

(ប្រភព : មជ្ឈមណ្ឌលប្រចាំបញ្ហា HOTLINE ១១៧)

01/09/2026

ប៉ាច គីមមួយ សារភាពថា វីដេអូដែលនាងផុសកាលពីថ្ងៃទី៣១ ខែសីហា ឆ្នាំ២០២៦ នោះ គឺជាការសម្តែងមែន គឺជាឈុតក្នុងបទចម្រៀង "មានសង្សារ លាក់ប្រពន្ធ" ហើយនាងសុំទោសចំពោះកំហុសដែលធ្វើឲ្យប៉ះពាល់អារម្មណ៍ទស្សនិកជន។

ប៉ាច គីមមួយ បានសរសេរក្នុងទំព័រហ្វេសប៊ុក របស់នាង នៅយប់ថ្ងៃទី១ ខែកញ្ញា ឆ្នាំ២០២៦ ថា "នេះគឺជាឈុតមួយនៅក្នុងបទ “មានសង្សារ លាក់ប្រពន្ធ“ ដែលបងប្អូនទាំងអស់គ្នាកំពុងផ្ទុះការវែកញ៉ែកនៅក្នុងបណ្ដាញសង្គម នាងខ្ញុំពុំមានចេតនាឬចង់បំពុលសង្គមអ្វីនោះឡេីយ គ្រាន់ជាឈុតមួយនៅក្នុង MV យកមកបង្ហោះប្រម៉ូត មុនពេលចេញបទចម្រៀង នាងខ្ញុំតែងតែបង្ហើបសាច់រឿងខ្លះៗ ដើម្បីទាក់ទាញចំណាប់អារម្មណ៍ដល់ទស្សនិកជន ប៉ុន្តែការផុសវីឌីអូ លើកនេះ គឺធ្វើអោយប៉ះពាល់ដល់អារម្មណ៍បងប្អូនមហាជនទាំងអស់គ្នា 🙏🏻🙏🏻🙏🏻ទទួលស្គាល់ថា ការផលិតបទចម្រៀង MV គឺតែងតែចង់បានការគាំទ្រពីសំណាក់បងប្អូន ប៉ុន្ដែការបញ្ចេញវីឌីអូនេះ យើងខ្ញុំក៏ទទួលបានការរិះគន់ ក៏ដូចជាការមិនសប្បាយចិត្តពីបណ្តាអ្នកគាំទ្រ ហើយពួកយើងក៏មានការសោកស្ដាយ ដែលធ្វេីអោយប៉ះពាល់ដល់អារម្មណ៍បងប្អូនដែលជាទស្សនិកជនទាំងអស់។ ជាថ្មីម្ដងទៀតយើងខ្ញុំសុំទោសរាល់កំហុសឆ្គងដែលបានកើតមានឡើងផងចុះ🙏🏻🙏🏻🙏🏻"។

គួរបញ្ជាក់ថា កាលពីល្ងាចថ្ងៃទី៣១ ខែសីហា ឆ្នាំ២០២៦ តារាចម្រៀង ប៉ាច គីមមួយ បានបង្ហោះវីដេអូមួយ បង្ហាញពីសកម្មភាពដែលនាងបានតាមទាន់គូដណ្តឹង គឺលោក សយ រតនៈ កំពុងនៅក្នុងបន្ទប់ជាមួយស្រីម្នាក់ ដោយភ្ជាប់ជាមួយសំណេរថា “អស់ទ្រាំហើយ ខ្មាសគេខ្មាសចុះ ខ្ញុំឆ្អែតគ្រប់យ៉ាង មិនមែនម្តងទេ លើកលែងក៏ធ្លាប់លើកលែងឱ្យច្រើនដងដែរ តែអ្នកមិនចេះគ្រប់គ្រាន់ នាងសំណាងហើយ ខ្ញុំបិទមុខ ទុកកិត្តិយសឱ្យ បើចង់បានណាស់ យកចុះ ខ្ញុំលែងត្រូវការហើយ...”៕

(ប្រភព : Pach Kimmouy)

01/09/2026

ភ្ញាក់ផ្អើលនៅអគារ UK ខុនដូ ករណីគូសង្សារ ... ភាគីប្រុស ធ្លាក់មកក្រោម នារីជាសង្សារ នៅក្នុងបន្ទប់ ស្ថិតនៅសង្កាត់បឹងកក់ទី១ ខណ្ឌទួលគោក រាជធានីភ្នំពេញ វេលាម៉ោង ១៩:១០នាទី ថ្ងៃទី១ ខែកញ្ញា ឆ្នាំ២០២៦ (ព័ត៌មានបឋម)៕

(ប្រភព : សារព័ត៌មាន នគរធំ)

01/09/2026

ករណីមនុស្ស ៣នាក់ បានលង់ទឹកសមុទ្រនៅឆ្នេរអូរត្រេះ ក្នុងសង្កាត់លេខ៤ ក្រុងព្រះសីហនុ វេលាម៉ោង ៤រសៀល ថ្ងៃទី១ ខែកញ្ញា ឆ្នាំ២០២៦ សំណាងត្រូវបានប្រជាពលរដ្ឋ និងក្រុមម៉ូតូទឹក ធ្វើការជួយសង្គ្រោះ ស្រង់យកមកលើឆ្នេរបានភ្លាមៗ រួចទាក់ទងរថយន្តសង្គ្រោះ មកដឹកទៅសង្គ្រោះនៅមន្ទីរពេទ្យ៕

01/09/2026

វីដេអូកាមេរ៉ាសុវត្ថិភាព : ជនសង្ស័យ ២នាក់បានធ្វើសកម្មភាពបន្លំទិញទូរស័ព្ទ នៅពេលម្ចាស់ហាងភ្លេចខ្លួនបន្តិច ស្រាប់តែជនសង្ស័យទាំង២នាក់ បានឆក់ទូរស័ព្ទដៃ រត់ឡើងជិះម៉ូតូ រត់គេចខ្លួនបាត់ នៅផ្សារបឹងឈូក ខេត្តបាត់ដំបង ថ្ងៃទី៣១ ខែសីហា ២០២៦ ៕

(ប្រភព : ពលរដ្ឋ)

01/09/2026

លទ្ធផលប្រឡងបាក់ឌុប ២០២៦ នឹងប្រកាសជាផ្លូវការ នៅថ្ងៃទី២ ខែកញ្ញា ឆ្នាំ២០២៦ ។

យោងតាមសេចក្តីប្រកាសព័ត៌មាន របស់ក្រសួងអប់រំ យុវជននិងកីឡា លទ្ធផលប្រឡងបាក់ឌុប ឆ្នាំ២០២៦ ជាប់ ៨៤,៦% និទ្ទេសA ចំនួន ២០២២នាក់៕

01/09/2026

នៅពេលថ្មីៗនេះ ករណីដែលមានការបង្ហោះផ្សព្វផ្សាយតាមបណ្តាញសង្គម គឺមានបុរសម្នាក់ បានបន្ទោបង់ (នោម) ដាក់ផ្លាកសញ្ញាចរាចរណ៍នៅលើកំណាត់ផ្លូវហាណូយ នៅក្នុងខណ្ឌសែនសុខ ជាទង្វើខ្វះសីលធម៌ បង្កប៉ះពាល់អវិជ្ជមានដល់សង្គម បរិស្ថាន អនាម័យ សោភណភាព និងសណ្តាប់ធ្នាប់សាធារណៈ ។

ចំពោះករណីនេះ នាព្រឹកថ្ងៃទី១ ខែកញ្ញា ឆ្នាំ២០២៦ ឯកឧត្តម ឧត្តមសេនីយ៍ឯក ជួន ណារិន្ទ អគ្គស្នងការរងនិងជាស្នងការនគរបាលរាជធានីភ្នំពេញ បានបញ្ជាទៅលោកអធិការនគរបាលខណ្ឌសែនសុខ ចាត់កម្លាំងជំនាញធ្វើការស្រាវជ្រាវ ស្វែងរកបុរសនេះ ដើម្បីអនុវត្តចាត់វិធានការតាមជំនាញចំពោះមុខរបស់សមត្ថកិច្ច។

ក្រុមការងារព័ត៌មាននិងប្រតិកម្មរហ័ស ក៏សូមអំពាវឲ្យប្រជាពលរដ្ឋ មានការចូលរួមលើកកម្ពស់បរិស្ថាន អនាម័យ សោភណភាពទីក្រុង និងសណ្តាប់ធ្នាប់សាធារណៈ សង្គម ឲ្យកាន់តែល្អប្រសើរ៕ 1/09/2026

(ប្រភព : ក្រុមការងារព័ត៌មាននិងប្រតិកម្មរហ័ស នៃស្នងការដ្ឋាននគរបាលរាជធានីភ្នំពេញ)

Thy Rith

02/09/2026

01/09/2026

01/09/2026

01/09/2026

01/09/2026

01/09/2026

01/09/2026

01/09/2026

01/09/2026

01/09/2026

Address

Website

Alerts

Contact The Business

Shortcuts

Share

Listing takedown request