04/11/2024
The KK Biz និងធនាគារ ស្ថាបនាចុះអនុសារណៈភាពជាដៃគូផ្លូវការ
រាជធានីភ្នំពេញ ថ្ងៃទី០១ វិច្ឆិកា ឆ្នាំ២០២៤៖ ធនាគារ ស្ថាបនា និងក្រុមហ៊ុន The KK Biz បានចុះអនុសារណៈភាពជាដៃគូ ជាផ្លូវការដើម្បីសហការក្នុងការផ្តល់សេវាកម្មរបស់ The KK Biz ឲ្យកាន់តែប្រសើរ និងទូលំទូលាយ ចំពោះអតិថិជនព្រីមារណ៍របស់ខ្លួន។
តាមរយៈអនុសារណៈនេះ អតិថិជនព្រីមារណ៍ របស់ធនាគារ ស្ថាបនា នឹងទទួលបាន ការបញ្ចុះតម្លៃ ពិសេសទៅលើសេវាកម្មនានា ដែលជាបុត្រសម្ព័ន្ធរបស់ The KK Biz ដែលរួមមានសេវាកម្មលើ ការផ្សព្វផ្សាយ ការផលិតវីដេអូ យន្តហោះឯកជន និងយន្តហោះសង្គ្រោះបន្ទាន់ ការស្វែងរកការ ព្យាបាលនៅ ក្រៅប្រទេស និងការបញ្ចុះតម្លៃពិសេសលើការជាវវត្ថុអនុស្សាវរីយ៍ពី វិចិត្រសាល សន្លឹកទេសរបស់ The KK Biz។
លោកស្រី ខែក ខេមរ៉ាត់ បានមានប្រសាសន៍ថា៖ “ការចុះអនុសារណៈជាមួយធនាគាស្ថាបនា
គឺជាការពង្រីកវិសាលភាពរបស់ The KK Biz ទៀតសោត ដើម្បីឲ្យអតិថិជនទទួល បាន នូវសេវាកម្ម កាន់តែល្អប្រសើ និងការបញ្ចុះតម្លៃជាពិសេស។”
អំពី The KK Biz ៖ The KK Biz គឺជាសម្ព័ន្ធក្រុមហ៊ុន ដែលមានផ្តល់សេវាកម្មដូច ខាងក្រោម៖
ប្ល៊ូ មេឌា ហ្វីម (ខេមបូឌា) : Blue Media Cambodia ជាក្រុមហ៊ុនឈានមុខក្នុងការផ្តល់សេវាកម្មផ្សព្វផ្សាយ រួមមាន ការផលិតភាពយន្តឯកសារ ស្ព៉តពាណិជ្ជកម្ម តុក្កតា2D និង3D រឿងខ្លី និងការរៀបចំព្រឹត្តការណ៍។
ជេ អេហ្វ ធី ជេត (JFT Jet)៖ ផ្តល់ជូនសេវាកម្មយន្តហោះឯកជនសម្រាប់ធ្វើដំណើរជាល័ក្ខណៈទេសចរណ៍ និងធុរកិច្ចទៅគ្រប់ប្រទេសលើពិភពលោកស្របទៅតាម ចំនួនអ្នកដំណើរដែលចង់បាន និងសេវាកម្ម ជួលឧត្ថម្ភាគចក្រសម្រាប់ធ្វើដំណើរទៅគ្រប់ កន្លែងក្នុងប្រទេសកម្ពុជា។
K-Air Ambulance៖ ផ្តល់ជូនសេវាកម្មយន្តហោះសង្គ្រោះបន្ទាន់ ទៅកាន់មន្ទីរពេទ្យនានា ជុំវិញពិភពលោក និងរថយន្តសង្គ្រោះបន្ទាន់ទៅមន្ទីពេទ្យថៃ និងវៀតណាម។
Cam-Medical Services (CMS)៖ ផ្តល់ជូនសេវាកម្មស្វែងរកការព្យាបាលនៅប្រទេសថៃ ប្រកបដោយទំនុក និងស្របតាមលក្ខខណ្ឌថវិការបស់អតិថិជន។
វិចិត្រសាលសន្លឹកទេស៖ ជាហាងលក់វត្ថុអនុស្សាវរីយ៍ ប្រមូលផ្តុំនូវវត្ថុសិល្បៈខ្មែរដែលជាស្នាដៃវិចិត្រករខ្មែរ មានភាពច្នៃប្រឌិតខ្ពស់ ។
អំពីធនាគារ ស្ថាបនា៖
ធនាគារ ស្ថាបនា គឺជាធនាគារពាណិជ្ជឈានមុខគេមួយនៅក្នុងព្រះរាជាណាចក្រកម្ពុជា ដែលមានទ្រព្យសកម្មសរុបជាង ២,៨ ពាន់លានដុល្លារអាមេរិក និងមានបុគ្គលិកច្រើនជាង ៤.៤០០ នាក់។ ធនាគារ មានបណ្តាញសាខាយ៉ាងទូលំទូលាយនៅទូទាំងប្រទេសដែលមានសាខាចំនួន១៧៥ ស្ថាបនាព្រីមារណ៍ចំនួន៣ និងម៉ាស៊ីនអេធីអឹមជាង៣៤០កន្លែង។
យើងផ្តល់ជូននូវ សេវាធនាគារយ៉ាងពេញលេញដូចជា៖ សេវាឥណទាន សេវាដាក់ប្រាក់បញ្ញើ សេវាធនាគាចល័ត សេវាធនាគារអេឡិចត្រូនិច ប័ណ្ណឥណពន្ធ និងប័ណ្ណឥណទាន សេវាផ្ទេរប្រាក់ក្នុងប្រទេស និងក្រៅប្រទេស សេវាបើកប្រាក់បៀរវត្សន៍ សេវាផ្ទេរប្រាក់ឆ្លងប្រទេសជាមួយ SWIFT Thunes និងវីសា B2B Connect, សេវា Western Union សេវាហិរញ្ញប្បទានពាណិជ្ជកម្ម និងសេវាហិរញ្ញវត្ថុផ្សេងៗទៀត។
