06/09/2026
គណៈប្រតិភូក្លិបអ្នកកាសែតកម្ពុជាអញ្ជើញទស្សនៈកិច្ចអង្គជំនុំជម្រះវិសាមញ្ញក្នុងតុលាការកម្ពុជា
ប្រធានក្លិបអ្នកកាសែតកម្ពុជា លោក ពុយ គា បានដឹកនាំគណៈប្រតិភូសារព័ត៌មានចំនួន២៣ស្ថាប័ន ធ្វើទស្សនកិច្ចសិក្សាស្វែងយល់អំពីសមិទ្ធផល និងកេរដំណែលរបស់អង្គជំនុំជម្រះវិសាមញ្ញក្នុងតុលាការកម្ពុជា (អ.វ.ត.ក.) នារសៀលថ្ងៃទី២ ខែកញ្ញា ឆ្នាំ២០២៦។
គណៈប្រតិភូក្លិបអ្នកកាសែតកម្ពុជា បានទស្សនកិច្ចចំនួន៦ទីតាំងដែលជាសមិទ្ធផលសំខាន់ៗរបស់អ.វ.ត.ក. ទី១) បណ្ណាល័យនិងកន្លែងសិក្សាស្រាវជ្រាវ ទី២) និហិតដ្ឋានបណ្ណសារ ទី៣) សាលពហុបំណង ទី៤) បន្ទប់ពិគ្រោះយោបល់ជនរងគ្រោះ ទី៥) សាលាតាំងពិព័រណ៍អចិន្ត្រៃយ៍អំពីដំណើរការកាត់ក្តី និងទី៦) ឧទ្យានសម្រាប់ការចងចាំ។
ជាមួយគ្នានេះ អ.វ.ត.ក. បានឱ្យដឹងថា ក្រោយពីបានបញ្ចប់ការជំនុំជម្រះក្តីនៅចុងឆ្នាំ២០២២ ខ្លួនបានបន្តអនុវត្តមុខងារកេរដំណែល ក្នុងគោលបំណងផ្សព្វផ្សាយការយល់ដឹងអំពីប្រវត្តិសាស្ត្រ និងកេរដំណែលរបស់ អ.វ.ត.ក. ដល់សាធារណជន និងបានបង្កើតឱ្យមានមជ្ឈមណ្ឌលធនធានទាំងអស់នេះឡើង៕
