ហិរញ្ញវត្ថុ

29/06/2025

27/06/2025

💵 យើងទាំងអស់គ្នាប្រាកដជាមានកំហុសជាមួយលុយនៅពេលណាមួយក្នុងជីវិតរបស់យើង។ ប៉ុន្តែមានការសម្រេចចិត្តផ្នែកហិរញ្ញវត្ថុមួយចំនួន វាជាការល្អបំផុតបើជៀសវាងបាន ព្រោះវាមិនត្រឹមតែអាចប៉ះពាល់ដល់ហិរញ្ញវត្ថុរបស់អ្នកនៅថ្ងៃនេះប៉ុណ្ណោះទេ ប៉ុន្តែថែមទាំងប៉ះពាល់ទៅថ្ងៃអនាគតទៀតផង។

ខាង​ក្រោម​នេះ​គឺ​ជាកំហុសទាក់ទងនឹងលុយចំនួន ៥ ដែល​អ្នក​នឹង​ស្តាយ​ក្រោយ បើមិនកែប្រែ៖

១. មិនមានគោលដៅ៖
អ្នក​គួរ​សម្រេច​ចិត្ត​ឱ្យ​បាន​ច្បាស់​ថា​តើ​អ្វី​ដែល​អ្នក​ចង់​សម្រេច​បាន បន្ទាប់​មក​រំលឹក​ខ្លួន​អ្នក​អំពី​គោល​ដៅ​នោះ​ឱ្យ​បាន​ញឹកញាប់។ តើអ្នកកំពុងព្យាយាមទិញផ្ទះមែនទេ? សន្សំសម្រាប់ការសិក្សានៅមហាវិទ្យាល័យរបស់កូនអ្នក? ចូលនិវត្តន៍ក្នុងវ័យ 50 ឆ្នាំ? មិនថាវាជាអ្វីនោះទេ ចូរសរសេរវាទុក ស្រមៃមើលពីវា ហើយចែករំលែកវាជាមួយនរណាម្នាក់ផ្សេងទៀតដែលអ្នកទុកចិត្ត ដើម្បីជួយអ្នក។ គោលដៅរបស់អ្នកមិនមែនជាលុយទេ ព្រោះលុយគ្រាន់តែជាក្រដាស ដែលអ្នកអាចប្រើបានដើម្បីសម្រេចគោលដៅនោះទៅវិញទេ។
បង្កើតគោលដៅ ទាំងរយៈពេលខ្លី និងរយៈពេលវែង បន្ទាប់មកសម្រេចចិត្តថាតើអ្នកត្រូវការប្រាក់ប៉ុន្មានដើម្បីទៅដល់គោលដៅទាំងនោះ។

២. មិនមានផែនការចំណាយ៖
ការតាមដានការចំណាយរបស់អ្នកជាមួយនឹងការធ្វើកញ្ចប់ថវិកា – ឬផែនការចំណាយ គឺជាឧបករណ៍ដ៏អស្ចារ្យបំផុតតែមួយគត់ដែលជួយសម្រេចគោលដៅដែលទាក់ទងនឹងលុយ។ ការមិនធ្វើនេះគឺដូចជាការបើកបរដោយបិទភ្នែកពាក់កណ្តាលអុីចឹង គឺ អ្នកអាចទៅដល់គោលដៅរបស់អ្នក ប៉ុន្តែអ្នកប្រាកដជានឹងចំណាយពេលច្រើនដើម្បីទៅដល់។

ប្រសិនបើអ្នកមិនសរសេររាល់កាក់ល្អិតនៃលុយចូល និងលុយចេញទេ ទោះអ្នកសន្សំ១០ឆ្នាំទៀតក៏នៅតែមានបញ្ហាដាច់លុយដែរ។

៣. ចាំដល់មានលុយច្រើនបានសន្សំ ជាជាងម្ដងបន្តិចតែសន្សំញឹកញាប់៖
ប្រសិនបើអ្នកមានអាយុ 25 ឆ្នាំ ហើយអ្នកសន្សំត្រឹមតែ $150 ក្នុងមួយខែ ហើយបើបានការប្រាក់10 ភាគរយនោះ នៅពេលអ្នកមានអាយុ 55 ឆ្នាំ អ្នកនឹងមាន $340,000 ។ តែប្រសិនបើអ្នករង់ចាំរហូតដល់អ្នកមានអាយុ 45 ឆ្នាំបានចាប់ផ្តើមសន្សំ អ្នកនឹងត្រូវសន្សំ $1,700 ក្នុងមួយខែ ជារៀងរាល់ខែរយៈពេល 10 ឆ្នាំដើម្បីមាន $340,000។ អ្នកមិនអាចរកការប្រាក់10 ភាគរយនៅពេលនេះពិតមែន យ៉ាងហោចណាស់ក៏មិនមានហានិភ័យខ្ពស់ដែរ។

៤. មិនមានលុយទុកសម្រាប់គ្រាអាសន្ន៖
ការសន្សំនេះគឺទុកប្រើប្រាស់ក្នុងករណីមានអាសន្នពិតប្រាកដ ដូចជាជំងឺ ឬគ្រោះថ្នាក់ដែលមើលមិនឃើញ ការជួសជុលផ្ទះ ឬយានជំនិះ ឬសូម្បីតែការបាត់បង់ការងារ។ ការមិនមានលុយទុកសម្រាប់គ្រាអាសន្នអាចធ្វើអោយអ្នកងាយរងគ្រោះក្នុងការជាប់បំណុលបាន។ លុយបម្រុងនេះត្រូវរក្សាទុកតិចបំផុតក៏ត្រូវអាចចាយបាន 3 ខែ ដែរ ប៉ុន្តែ និយាយរួមអោយតែមានលុយខ្លះត្រៀមទុក វាល្អជាងអត់មានសោះដែរ។

៥. មិនមានគម្រោងសម្រាប់ការចូលនិវត្តន៍៖
ការរង់ចាំរហូតដល់អាយុ 40 ឬ 50 ឆ្នាំ ចាំសន្សំដើម្បីចាយពេលចូលនិវត្តន៍នោះមានន័យថាអ្នកនឹងស្ថិតនៅក្រោមសម្ពាធហើយព្រោះនៅអាយុប៉ុណ្ណេះ អ្នកមិនមានកម្លាំងរកបានច្រើនដូចកាលនៅក្មេងទេ។ ពេលវេលានឹងកន្លងផុតទៅលឿនជាងអ្វីដែលអ្នកគិត។ ការចាប់ផ្តើមសន្សំប្រាក់សម្រាប់ការចូលនិវត្តន៍ឱ្យបានឆាប់តាមដែលអាចធ្វើទៅបាន ធ្វើឱ្យអ្នកត្រៀមខ្លួនបានល្អទប់ទល់នឹងការខ្វះខាត ហើយនឹងផ្តល់ឱ្យអ្នកនូវជម្រើសបន្ថែមទៀត។
----------------------
ផលិត និងរក្សាសិទ្ធដោយ៖ លុយខ្ញុំ-MyMoney

21/06/2025

💵 កម្ចីក្រៅផ្លូវការគឺជាកម្ចីដែលច្រើនតែធ្វើឡើងជាមួយនឹងអ្នករកស៊ីចងការប្រាក់ ដែលគ្មានអាជ្ញាប័ណ្ណត្រឹមត្រូវ ស្ថិតនៅក្រោមរូបភាពជាអង្គការ ក្រុមហ៊ុន ឬអ្នករកស៊ីចងការប្រាក់ឯកជនជាដើម។ កម្ចីក្រៅផ្លូវការនេះតែងធ្វើឱ្យកូនបំណុលលង់ខ្លួនទៅនឹងការជំពាក់បំណុលវ័ណ្ឌ។
- អត្រាការប្រាក់ខ្ពស់៖
កម្ចីក្រៅផ្លូវការតែងមានការប្រាក់ចាប់ពី៤% ទៅ១០%ក្នុងមួយខែ គឺខ្ពស់ជាងកម្ចីពីស្ថាប័នហិរញវត្ថុរួមមានគ្រិះស្ថានមីក្រូហិរញ្ញវត្ថុ និងធនាគារជាដើម។
- ងាយលង់ខ្លួននឹងបំណុលវ័ណ្ឌក៖
កម្ចីក្រៅផ្លូវការតែងមានភាពងាយស្រួលខ្ចីជាងកម្ចីពីស្ថាប័នហរិញ្ញវត្ថុ ដោយមិនទាមទារឯកសារច្រើន ឬទ្រព្យបញ្ចាំឡើយ។ ព្រោះតែភាពងាយស្រួលនេះហើយ ទើបធ្វើឱ្យអ្នកខ្ចីម្ដងហើយម្ដងទៀត ឬខ្ចីក្នុងចំនួនច្រើនលើសពីតម្រូវការចាំបាច់ និងប្រើវាខុសគោលដៅ។
- មិនទទួលបានការការពារ៖​
កម្ចីក្រៅផ្លូវការជាកម្ចីដែលមិនមានការចុះបញ្ជី និងគ្រប់គ្រងដោយរដ្ឋ ឬអាជ្ញាធរហិរញ្ញវត្ថុឡើយ ដូចនេះនៅពេលអ្នកមានបញ្ហាហិរញ្ញវត្ថុដូចក្នុងករណីអំឡុងវិបត្តកូវីដ១៩ជាដើម អ្នកត្រូវប្រឈមនឹងការរឹបអូសទ្រព្យសម្បត្តិ។​ ផ្ទុយមកវិញកម្ចីពីស្ថាប័នហិរញ្ញវត្ថុរួមមានធនាគារ និងគ្រិះស្ថានមីក្រូហិរញ្ញវត្ថុជាដើម​ អាចទទួលបាននូវការរៀបចំឥណទានឡើងវិញដើម្បីជួយសម្រួលដល់កូនបំណុល។ ក្នុងករណីខ្លះ កូនបំណុលអាចទទួលរងនូវការគម្រាមកំហែងក្រោមរូបភាពផ្សេងៗពីម្ចាស់បំណុលទៀតផង។
- មិនទទួលបាននូវការប្រឹក្សាហិរញ្ញវត្ថុ៖
ផ្ទុយពីកម្ចីធនាគារ ឬស្ថាប័នហិរញ្ញវត្ថុដែលមានអ្នកជំនាញវត្ថុជួយប្រឹក្សាយោបល់អ្នកក្នុងការដោះស្រាយបំណុលរបស់អ្នក កម្ចីក្រៅផ្លូវការមិនមានការប្រឹក្សាហិរញ្ញវត្ថុនោះទេ។
- ការបែកបាក់គ្រួសារ និងចំណាកស្រុក៖
ព្រោះតែកម្ចីនេះមានការប្រាក់ខ្ពស់ គ្មានការតាមដានពីគោលដៅនៃកម្ចី និងមិនមានការប្រឹក្សាយោបល់ដល់កូនបំណុល​ កូនបំណុលប្រឈមនឹងការប្រើប្រាស់កម្ចីគ្មានប្រសិទ្ធភាព ហើយគ្មានលទ្ធភាពសង រហូតធ្លាក់ខ្លួនជំពាក់គេវ័ណ្ឌក។ វិបត្តបំណុលនេះអាចបណ្ដាលឱ្យមានជម្លោះក្នុងគ្រួសារ រហូតដល់ការលែងលះ ឬរត់ចោលស្រុកដើម្បីគេចពីម្ចាស់បំណុលផងដែរ។

21/06/2025

19/06/2025

លីងតេលេក្រាម. t.me/loanbusiness44