ហិរញ្ញវត្ថុ

ហិរញ្ញវត្ថុ Contact information, map and directions, contact form, opening hours, services, ratings, photos, videos and announcements from ហិរញ្ញវត្ថុ, Digital creator, ភ្នំពេញ, Phnom Penh.

💰 ដើម្បីក្លាយជាអ្នកមានពិតប្រាកដ អ្វីដែលសំខាន់ គឺត្រូវបែងចែកឲ្យដាច់រវាងទ្រព្យសកម្ម និងបំណុល។ គំនិតទាំងនេះ​ គឺជាមូលដ្ឋានគ្...
29/09/2025

💰 ដើម្បីក្លាយជាអ្នកមានពិតប្រាកដ អ្វីដែលសំខាន់ គឺត្រូវបែងចែកឲ្យដាច់រវាងទ្រព្យសកម្ម និងបំណុល។ គំនិតទាំងនេះ​ គឺជាមូលដ្ឋានគ្រឹះដែលអ្នកមានបានអនុវត្ត។

1. ទ្រព្យសកម្ម (Assets)
ទ្រព្យសកម្ម គឺជាអ្វីដែលអ្នកកាន់កាប់ ហើយវាបង្កើតលំហូរសាច់ប្រាក់ (Cash Flow) ចូលមកក្នុងហោប៉ៅរបស់អ្នកជារៀងរាល់ខែ ឬរៀងរាល់ឆ្នាំ។

📍 ឧទាហរណ៍លំហូរសាច់ប្រាក់ចូល
-​ ភាគហ៊ុន៖​ កាន់កាប់ភាគហ៊ុនក្រុមហ៊ុន ABC ទទួលបាន $50 ជាភាគលាភប្រចាំឆ្នាំ។
-​ ផ្ទះជួល៖ មានផ្ទះមួយខ្នងសម្រាប់ជួលទទួលបានថ្លៃឈ្នួល $200 ក្នុងមួយខែ។
-​ មូលបត្របំណុល៖​ វិនិយោគលើមូលបត្របំណុលទទួលបានការប្រាក់ $10 ក្នុងមួយខែ។

2. បំណុល (Liabilities)
បំណុល គឺជាអ្វីដែលអ្នកកាន់កាប់ ហើយវាធ្វើឲ្យមាន ការចំណាយ ឬ លំហូរសាច់ប្រាក់ចេញ ពីហោប៉ៅរបស់អ្នកជារៀងរាល់ខែ។

📍 ឧទាហរណ៍លំហូរសាច់ប្រាក់ចេញ
- ផ្ទះផ្ទាល់ខ្លួន៖​ ទិញផ្ទះដើម្បីរស់នៅ ចំណាយលើការបង់រំលស់ $200 ។
-​ រថយន្ត៖ ទិញឡានសម្រាប់ជិះផ្ទាល់ខ្លួន ចំណាយលើការបង់រំលស់ $150 បូកថ្លៃសាំង/ថែទាំ $50។
-​ បំណុលកាតឥណទាន ខ្ចីលុយតាមកាតឥណទានចំណាយសងបំណុល/ការប្រាក់ $30។

ដូច្នេះ​មនុស្សគ្រប់គ្នាអាចមានបំណុលបាន បើពួកគេមានលំហូរសាច់ប្រាក់គ្រប់គ្រាន់​ ដើម្បីបង់សងដោយមិនធ្វើឲ្យខ្លួនឯងមានការលំបាក។

💰 ជីវិតផ្នែកហិរញ្ញវត្ថុអាចមានភាពស្មុគស្មាញ ប៉ុន្តែវិធីដោះស្រាយគឺសាមញ្ញជាងអ្វីដែលយើងគិតទៅទៀត។ ❕គន្លឹះសំខាន់គឺការចាប់ផ្ដើម...
22/09/2025

💰 ជីវិតផ្នែកហិរញ្ញវត្ថុអាចមានភាពស្មុគស្មាញ ប៉ុន្តែវិធីដោះស្រាយគឺសាមញ្ញជាងអ្វីដែលយើងគិតទៅទៀត។
❕គន្លឹះសំខាន់គឺការចាប់ផ្ដើមធ្វើភ្លាមៗ និងមិនស្មុគស្មាញ៖

ចង់សន្សំលុយ?
→ ចាប់ផ្ដើមសន្សំភ្លាម ទោះជាចំនួនតិចតួចក៏ដោយ​ កុំចាំស្អែក ព្រោះការចាប់ផ្ដើមជាជំហានដំបូងដ៏សំខាន់បំផុត។

មានបំណុល?
→ ធ្វើផែនការសងឲ្យច្បាស់លាស់ ហើយអនុវត្តតាម​ កុំពន្យាពេល ព្រោះបំណុលនឹងបន្តកើនឡើង។

ចង់វិនិយោគ?
→ រៀន និងចាប់ផ្ដើមពីតិចទៅមុន​ កុំរង់ចាំឲ្យមានលុយច្រើនសិន ព្រោះឱកាសល្អមិនរង់ចាំយើងទេ។ ការវិនិយោគដំបូងនឹងបង្រៀនអ្នកពីបទពិសោធន៍ដ៏មានតម្លៃ។

ចំណាយច្រើន?
→ ធ្វើបញ្ជីចំណូល-ចំណាយ កុំចាយតាមអារម្មណ៍។ ការដឹងថាលុយរបស់អ្នកទៅណា ជួយឲ្យអ្នកគ្រប់គ្រងការចំណាយបានល្អប្រសើរ។

លីងតេលេក្រាម. t.me/loanbusiness44
14/09/2025

លីងតេលេក្រាម. t.me/loanbusiness44

💵 តោះ​មកមេីលសេរីភាពហិរញ្ញវត្ថុកម្រិតទី ២ ទាំងអស់គ្នា ដែលហៅថា Self-Sufficiency ឬការអាចពឹងផ្អែកលើខ្លួនឯងបានមានន័យថា​ អ្នកម...
12/09/2025

💵 តោះ​មកមេីលសេរីភាពហិរញ្ញវត្ថុកម្រិតទី ២ ទាំងអស់គ្នា ដែលហៅថា Self-Sufficiency ឬការអាចពឹងផ្អែកលើខ្លួនឯងបានមានន័យថា​ អ្នកមានចំណូលគ្រប់គ្រាន់ដើម្បីរ៉ាប់រងរាល់ចំណាយចាំបាច់ប្រចាំខែរបស់អ្នកដោយខ្លួនឯង ដោយមិនបាច់ពឹងផ្អែកលើលុយពីអ្នកដទៃ (ដូចជាឪពុកម្ដាយ ឬគ្រួសារ)។ នេះគឺជាជំហានដ៏សំខាន់ និងជាគ្រឹះដំបូងគេបំផុតនៃសេរីភាពហិរញ្ញវត្ថុពិតប្រាកដ។

📍ឧទាហរណ៍អ្នកមានចំណូលសរុប ១០,០០០$ ក្នុងមួយឆ្នាំ (ប្រហែល ៨៣៣$ ក្នុងមួយខែ)។ អ្នកត្រូវគណនាចំណាយប្រចាំឆ្នាំរបស់អ្នកដើម្បីដឹងថា តើអ្នកអាចពឹងផ្អែកលើខ្លួនឯងបានឬអត់។

ចំណាយប្រចាំឆ្នាំ៖
-​ ថ្លៃជួលផ្ទះ ៤,៨០០$ (៤០០$ ក្នុងមួយខែ)
-​ ថ្លៃម្ហូបអាហារ ៣,៦០០$ (៣០០$ ក្នុងមួយខែ)
-​ ថ្លៃធ្វើដំណើរ​ ១,២០០$ (១០០$ ក្នុងមួយខែ)
-​ ចំណាយផ្សេងៗ ៤០០$

ចំណាយសរុបប្រចាំឆ្នាំ​ = ១០,០០០$

បើចំណូលប្រចាំឆ្នាំរបស់អ្នកគឺ ១០,០០០$ ហើយចំណាយសរុបរបស់អ្នកក៏ ១០,០០០$ ដែរ នោះមានន័យថាអ្នកបានសម្រេចសេរីភាពហិរញ្ញវត្ថុកម្រិតទី ២ ហើយ។

ចំណុចសំខាន់៖ លុយ ១០,០០០$ នេះត្រូវតែមកពីប្រាក់ចំណូលផ្ទាល់ខ្លួនរបស់អ្នក មិនមែនជាលុយដែលបានពីការឧបត្ថម្ភពីអ្នកណាម្នាក់នោះទេ។

ការអាចពឹងផ្អែកលើខ្លួនឯងបាន បង្ហាញថាអ្នកបានគ្រប់គ្រងហិរញ្ញវត្ថុរបស់អ្នកបានយ៉ាងល្អ ហើយត្រៀមខ្លួនរួចជាស្រេចដើម្បីបោះជំហានទៅមុខទៀត។

សុខភាពលុយកាសដែលល្អកើតឡើងពី៖ 1- ចាយវាយមានផែនការ មិនចាយតាមអារម្មណ៍ 2- មានលុយសន្សំមួយចំនួន ទោះមិនច្រើនក៏ដោយ 3- ដឹងពីស្ថានភា...
12/09/2025

សុខភាពលុយកាសដែលល្អកើតឡើងពី៖
1- ចាយវាយមានផែនការ មិនចាយតាមអារម្មណ៍
2- មានលុយសន្សំមួយចំនួន ទោះមិនច្រើនក៏ដោយ
3- ដឹងពីស្ថានភាពលុយកាសខ្លួនឯង (ចំណូល> ចំណាយ ឬ ចំណាយ > ចំណូល)
4- ចេះគ្រប់គ្រងបំណុល & មិនជំពាក់គេលើស 50% នៃចំណូល
5- មានផែនការលុយកាសសម្រាប់ថ្ងៃអនាគត
6- មានទម្លាប់ល្អរឿងលុយ
7- មិនបណ្តោយឱ្យខ្លួនដាច់លុយ មុនដាច់ខែ

💰 តាមពិតទៅអ្នកអាចមានបំណុលបាន មិនមែនថាហាមមិនឲ្យមានបំណុលនោះទេ។ ប៉ុន្តែគួរពិចារណាមើលថា​ តើបំណុលដែលយើងមាននោះជា បំណុលល្អ ឬ បំ...
11/09/2025

💰 តាមពិតទៅអ្នកអាចមានបំណុលបាន មិនមែនថាហាមមិនឲ្យមានបំណុលនោះទេ។ ប៉ុន្តែគួរពិចារណាមើលថា​ តើបំណុលដែលយើងមាននោះជា បំណុលល្អ ឬ បំណុលមិនល្អ។

-​ បំណុលល្អ (Good Debt)​ គឺជាបំណុលដែលតម្លៃរបស់វា កើនឡើង ឬបង្កើតចំណូល សម្រាប់យើង។ វាជួយបង្កើនទ្រព្យសម្បត្តិរបស់អ្នកនៅពេលអនាគត។

📍ឧទាហរណ៍៖​ ប្រាក់កម្ចីទិញផ្ទះ អ្នកខ្ចីប្រាក់ ៥០,០០០$ ដើម្បីទិញផ្ទះ។ តម្លៃផ្ទះអាចកើនឡើងនៅពេលអនាគត ហើយអ្នកក៏អាចដាក់ផ្ទះនោះជួល​ ដើម្បីបានចំណូលប្រចាំខែវិញដែរ។

ប្រាក់កម្ចីអាជីវកម្ម អ្នកខ្ចីប្រាក់ ១០,០០០$ ដើម្បីបើកហាងកាហ្វេ។ អាជីវកម្មរបស់អ្នកអាចបង្កើតចំណូលបានរៀងរាល់ថ្ងៃ។

ប្រាក់កម្ចីការសិក្សា អ្នកខ្ចីប្រាក់ ៥,០០០$ ដើម្បីរៀនជំនាញថ្មី។ ជំនាញនោះនឹងជួយឲ្យអ្នករកការងារល្អជាងមុន និងមានប្រាក់ខែខ្ពស់ជាងមុន។

-​ បំណុលមិនល្អ (Bad Debt)​ គឺជាបំណុលដែលតម្លៃរបស់វា ថយចុះ ហើយថែមទាំងមិនបង្កើតចំណូល ទៀតផង។ វាធ្វើឲ្យអ្នកបាត់បង់លុយច្រើនជាងអ្វីដែលអ្នកទទួលបាន។

📍ឧទាហរណ៍៖​ បំណុលកាតឥណទាន អ្នកប្រើកាតឥណទានដើម្បីទិញទូរស័ព្ទថ្មីតម្លៃ ១,០០០$។ តម្លៃទូរស័ព្ទនឹងថយចុះនៅពេលក្រោយ ហើយអ្នកក៏មិនបានចំណូលអ្វីត្រឡប់មកវិញដែរ។

ប្រាក់កម្ចីទិញរថយន្តថ្មី​ អ្នកខ្ចីប្រាក់ ៣០,០០០$ ទិញរថយន្ត។ តម្លៃរថយន្តនឹងធ្លាក់ចុះភ្លាមៗបន្ទាប់ពីអ្នកបើកចេញពីហាង ហើយអ្នកត្រូវបង់ការប្រាក់ខ្ពស់ទៅលើបំណុលនោះទៀតផង។

🟢 បើថ្ងៃនេះអ្នកចង់ជំពាក់បំណុល គួរតែគិតឲ្យបានល្អិតល្អន់ថា​ តើវាជាបំណុលល្អដែលធ្វើឲ្យអ្នកមានទ្រព្យសម្បត្តិកើនឡើង ឬជាបំណុលមិនល្អដែលធ្វើឲ្យអ្នកបាត់បង់លុយ។

➡️រូបមន្តទុកដាក់លុយកាក់​ 50% 30% និង​ 20%🎯អ្នកទាំងអស់គ្នាអាចធ្វេីការបែងចែកបញ្ចប់ចំណូល​ ឬប្រាក់ខែរបស់អ្នកទាំងអស់គ្នាជា​ 3...
07/09/2025

➡️រូបមន្តទុកដាក់លុយកាក់​ 50% 30% និង​ 20%

🎯អ្នកទាំងអស់គ្នាអាចធ្វេីការបែងចែកបញ្ចប់ចំណូល​ ឬប្រាក់ខែរបស់អ្នកទាំងអស់គ្នាជា​ 3ចំណែក

🎯50% នៃចំណូល​ គឺប្រេីសម្រាប់របស់ចាំបាច់​ មានថ្លៃអាហារ​ ផ្ទះជួល​ ទឹកភ្លេីង​ ថ្លៃសាំងជាដេីម...

🎯30% សម្រាប់របស់ដែលយេីងចង់បាន​ ដូចជាសម្លៀកបំពាក់​ ដេីរលេង​ ឬទិញសម្ភារ:ផ្សេងៗ...

🎯20% ដកទុកសន្សំ​ សម្រាប់ផែនការណាមួយដែលយេីងចង់សម្រេចបាន​ ដូចជា​ ដេីមទុនរកស៊ីជាដេីម...

💵បើយើងមានបញ្ហាផ្នែកហិរញ្ញវត្ថុ ផលប៉ះពាល់ដំបូង និងងាយបំផុតដែលយើងជួបប្រទះ គឺបញ្ហាផ្លូវចិត្ត​។ នៅពេលដែលលុយមិនគ្រប់ចាយ ឬសល់...
07/09/2025

💵បើយើងមានបញ្ហាផ្នែកហិរញ្ញវត្ថុ ផលប៉ះពាល់ដំបូង និងងាយបំផុតដែលយើងជួបប្រទះ គឺបញ្ហាផ្លូវចិត្ត​។ នៅពេលដែលលុយមិនគ្រប់ចាយ ឬសល់តិចពេក គំនិតមិនល្អនឹងកើតឡើងភ្លាមៗ ដូចជា "ខែនេះត្រូវធ្វើម៉េចទៅ?"។ គំនិតទាំងនេះនឹងធ្វើឲ្យយើងមិនស្ងប់ចិត្ត ហើយអាចប៉ះពាល់ដល់ការសម្រេចចិត្តរបស់យើង ព្រោះយើងអាចនឹងសម្រេចចិត្តខុសដោយសារភាពលោភលន់ ដោយគិតថា "បើធ្វើបែបនេះ វានឹងល្អប្រសើរ" ទោះបីជាការពិតវាមិនល្អក៏ដោយ។

នៅពេលដែលបញ្ហាហិរញ្ញវត្ថុដូចជាលុយមិនគ្រប់ចាយ ឬត្រូវការព័ន្ធលុយបន្ទាន់ហើយរកមិនបាន កើតឡើងម្ដងហើយម្ដងទៀត វាអាចបង្កជាបំណុល ដែលនឹងបំផ្លាញយើងក្នុងរយៈពេលវែង។ នៅពេលនោះ យើងនឹងចាប់ផ្ដើមគិតថា​ ខ្លួនឯងមិនពូកែ ហើយអារម្មណ៍នេះនឹងកើនឡើងជាលំដាប់។

គេតែងតែនិយាយថា "លុយទិញអ្វីគ្រប់យ៉ាងបាន"។ តាមពិត លុយប្រហែលជាទិញអ្វីគ្រប់យ៉ាងមិនបានទេ ប៉ុន្តែលុយគ្រប់គ្រាន់អាចផ្ដល់នូវ ភាពស្ងប់ចិត្ត ដល់យើង។ ភាពស្ងប់ចិត្តនេះធ្វើឲ្យយើងសម្រេចចិត្តអ្វីមួយដោយគ្មានការព្រួយបារម្ភ ឬលំអៀង។ ប៉ុន្តែមនុស្សដែលមានបញ្ហាហិរញ្ញវត្ថុ មិនអាចគ្រប់គ្រងស្ថានភាពនេះបានទេ ហើយទីបំផុតវាក្លាយជាបញ្ហាធំ។

📍ឧទាហរណ៍ទី ១៖ ការខ្វះខាតលុយសម្រាប់កូន
អ្នកមានប្រាក់ខែ ១,០០០$ ក្នុងមួយខែ ប៉ុន្តែអ្នកត្រូវបង់ថ្លៃសាលាកូន ៤០០$ ចំណាយផ្ទះ ៣០០$ និងការចំណាយផ្សេងៗក្នុងគ្រួសារមាន ៤០០$ ទៀត។

ចំណូល៖ ១,០០០$

ចំណាយ៖ ១,១០០$ (ថ្លៃសាលា + ថ្លៃផ្ទះ + ចំណាយផ្សេងៗ)

ខ្វះខាត៖ ១០០$

ពេលអ្នកខ្វះខាត ១០០$ អ្នកត្រូវខ្ចីគេគ្រប់ពេល។ ការខ្ចីលុយគេនឹងធ្វើឲ្យគេមើលមកអ្នកតាមរបៀបផ្សេង ហើយអ្នកក៏មានអារម្មណ៍មិនល្អជាមួយខ្លួនឯងដែរ។

ឧទាហរណ៍ទី ២៖ ការប៉ះពាល់ដល់ការងារ
អ្នកមានប្រាក់ខែ ១,០០០$ ហើយត្រូវសងបំណុល ២០០$ ក្នុងមួយខែ។ ពេលខ្លះអ្នកត្រូវសងច្រើនជាងនេះទៅទៀត។

ដោយសារតែគិតគូរតែរឿងលុយ អ្នកបាត់បង់ការផ្ដោតអារម្មណ៍លើការងារ។ អ្នកធ្វើការងារខុសច្រើន ហើយត្រូវថៅកែស្ដីបន្ទោស។ ជាលទ្ធផល ថៅកែអាចនឹងកាត់ប្រាក់ខែ ឬបណ្ដេញអ្នកចេញ ដែលនឹងធ្វើឲ្យបញ្ហាហិរញ្ញវត្ថុកាន់តែធ្ងន់ធ្ងរ។

សរុបមក បញ្ហាហិរញ្ញវត្ថុដូចជាការរកលុយ ចំណាយ និងសន្សំ ហាក់ដូចជារឿងខាងក្រៅ ប៉ុន្តែវាប៉ះពាល់ខ្លាំងដល់ផ្លូវចិត្តរបស់យើង។ ជាលទ្ធផលវានឹងប៉ះពាល់ដល់ការរស់នៅ ប្រសិទ្ធភាពការងារ ទំនាក់ទំនងជាមួយមនុស្សជុំវិញខ្លួន ភាពតានតឹង ការព្រួយបារម្ភ អនាគត និងការអភិវឌ្ឍខ្លួនរបស់យើងផងដែរ។ ដូច្នេះហើយ បញ្ហាហិរញ្ញវត្ថុនិងបញ្ហាផ្លូវចិត្តមិនអាចបំបែកចេញពីគ្នាបានឡើយ។

#ចំណេះដឹងទូទៅ #កម្ពុជា #ហិរញ្ញវ

💸​ មនុស្សជាច្រើនគិតថាការចំណាយលុយទាំងអស់គឺជាការខ្ជះខ្ជាយ។ ប៉ុន្តែតាមពិត ការចាយលុយមួយចំនួនគឺជា "ការវិនិយោគ" ដែលនឹងបង្កើតតម...
04/09/2025

💸​ មនុស្សជាច្រើនគិតថាការចំណាយលុយទាំងអស់គឺជាការខ្ជះខ្ជាយ។ ប៉ុន្តែតាមពិត ការចាយលុយមួយចំនួនគឺជា "ការវិនិយោគ" ដែលនឹងបង្កើតតម្លៃបន្ថែម និងផលចំណេញនៅពេលអនាគត។ អ្នកត្រូវចេះបែងចែករវាង ចំណាយដែលអស់ទៅវិញ និង ចំណាយដើម្បីវិនិយោគ។

📍ឧទាហរណ៍៖ ការទិញម្ហូបអាហារ ការទិញសម្លៀកបំពាក់ និងការដើរលេងកម្សាន្ត​ចំណាយទាំងនេះ​ផ្ដល់នូវសុភមង្គលភ្លាមៗ ប៉ុន្តែវាមិនបានបង្កើតតម្លៃបន្ថែម ឬប្រាក់ចំណូលមកវិញនោះទេ។

✔️ចំណាយដើម្បីវិនិយោគ
ការអប់រំ និងជំនាញ៖​ ចំណាយលើការរៀនវគ្គសិក្សាជំនាញថ្មី។
ឧទាហរណ៍៖ អ្នកចំណាយ $500 ទៅរៀនវគ្គកូដកម្មវិធី (Coding)។ បន្ទាប់ពីចេះហើយ អ្នកអាចរកប្រាក់ចំណូលបាន $1,000 បន្ថែមក្នុងមួយខែ។ ការចំណាយ $500 នេះ គឺជាការវិនិយោគដែលផ្ដល់ផលចំណេញខ្ពស់។

ការបណ្ដុះបណ្ដាលខ្លួនឯង៖ ចំណាយលើការទិញសៀវភៅ ឬចូលរួមសិក្ខាសាលា។
ឧទាហរណ៍៖ អ្នកចំណាយ $100 ទិញសៀវភៅល្អៗចំនួន ៥ ក្បាល ដែលជួយឲ្យអ្នករៀនពីយុទ្ធសាស្ត្ររកស៊ីថ្មី។ អ្នកអាចយកចំណេះដឹងទាំងនោះមកអនុវត្តលើអាជីវកម្មរបស់អ្នក ហើយបង្កើនប្រាក់ចំណូលបាន $500 បន្ថែមក្នុងមួយខែ។

ការវិនិយោគលើសុខភាព៖ ចំណាយលើកន្លែងហាត់ប្រាណ ឬការពិនិត្យសុខភាពជាប្រចាំ។

ឧទាហរណ៍៖ អ្នកចំណាយ $50 ក្នុងមួយខែលើការហាត់ប្រាណ។ សុខភាពរបស់អ្នកកាន់តែល្អ អ្នកនឹងមានថាមពលធ្វើការកាន់តែច្រើន ហើយមិនសូវឈឺ។ នេះជួយកាត់បន្ថយចំណាយលើការព្យាបាល ហើយបង្កើនផលិតភាពការងាររបស់អ្នក។

ការចាយវាយលុយដោយវៃឆ្លាត គឺការបែងចែកថវិការមួយផ្នែកទៅលើការវិនិយោគលើខ្លួនឯង ព្រោះវាជាការវិនិយោគដែលមិនអាចខាតបានឡើយ។

💵 ការកសាងហិរញ្ញវត្ថុគឺទាមទារភាពអត់ធ្មត់ វិន័យ និងចំណេះដឹងត្រឹមត្រូវ។ ដើម្បីសម្រេចគោលដៅហិរញ្ញវត្ថុរបស់អ្នក សូមអនុវត្តតាមគ...
04/09/2025

💵 ការកសាងហិរញ្ញវត្ថុគឺទាមទារភាពអត់ធ្មត់ វិន័យ និងចំណេះដឹងត្រឹមត្រូវ។ ដើម្បីសម្រេចគោលដៅហិរញ្ញវត្ថុរបស់អ្នក សូមអនុវត្តតាមគន្លឹះ ៤ យ៉ាងខាងក្រោមនេះ៖

១. គ្រប់គ្រងចំណូល-ចំណាយដោយវៃឆ្លាត ការគ្រប់គ្រងលុយគឺជាជំហានដំបូង។

កត់ត្រាចំណូល-ចំណាយ៖ កត់ត្រារាល់ចំណូល និងចំណាយរបស់អ្នកឲ្យបានច្បាស់លាស់។

ឧទាហរណ៍៖ បើអ្នកមានចំណូល ១,០០០$ ក្នុងមួយខែ អ្នកត្រូវដឹងថា អ្នកបានចំណាយទៅលើអ្វីខ្លះ។

រៀបចំផែនការចំណាយ៖ បែងចែកលុយឲ្យមានតុល្យភាព។ ឧទាហរណ៍៖ ចំណាយលើរបស់ចាំបាច់ ៦០០$ សន្សំ ២០០$ និងវិនិយោគ ២០០$។ ការធ្វើបែបនេះ ជួយកាត់បន្ថយការចំណាយដែលមិនចាំបាច់ ហើយកុំឲ្យចាយវាយហួសពីសមត្ថភាព។

២. បង្កើតភាពធន់នឹងហានិភ័យហិរញ្ញវត្ថុ

មានមូលនិធិសង្គ្រោះបន្ទាន់៖ ត្រូវសន្សំលុយយ៉ាងហោចណាស់ ១០% នៃចំណូលប្រចាំខែរបស់អ្នក។ មូលនិធិនេះគួរតែគ្រប់គ្រាន់សម្រាប់ចំណាយពី ៣ ទៅ ៦ ខែ ដូចជាក្នុងករណីអ្នកបាត់បង់ការងារ។ ឧទាហរណ៍៖ បើការចំណាយប្រចាំខែរបស់អ្នកគឺ ៦០០$ អ្នកត្រូវមានយ៉ាងតិច ១,៨០០$ នៅក្នុងមូលនិធិសង្គ្រោះបន្ទាន់។

រៀបចំផែនការធានារ៉ាប់រង៖ ការធ្វើធានារ៉ាប់រងសុខភាពជួយកាត់បន្ថយបន្ទុកចំណាយលើការព្យាបាលដែលនឹកស្មានមិនដល់។ ឧទាហរណ៍៖ ពេលឈឺធ្ងន់ អ្នកមិនចាំបាច់ចំណាយ ១០,០០០$ ដោយផ្ទាល់ទេ ព្រោះក្រុមហ៊ុនធានារ៉ាប់រងនឹងជួយរ៉ាប់រង។

៣. វិនិយោគដោយវៃឆ្លាត

ពង្រីកការវិនិយោគ៖ កុំដាក់ពងមាន់ទាំងអស់ក្នុងកញ្ច្រែងតែមួយ។ ត្រូវវិនិយោគលើទ្រព្យសកម្មចម្រុះដូចជា ភាគហ៊ុន មូលប័ត្រ និងមូលនិធិវិនិយោគរួមគ្នា ដើម្បីកាត់បន្ថយហានិភ័យ និងបង្កើនឱកាសចំណេញ។

៤. អភិវឌ្ឍវិន័យហិរញ្ញវត្ថុ

មានភាពអត់ធ្មត់និងវិន័យ៖ ការគ្រប់គ្រងលុយកាក់ទាមទារភាពអត់ធ្មត់និងវិន័យក្នុងការអនុវត្តជាប្រចាំ។

ប្រើប្រាស់បច្ចេកទេសឲ្យស័ក្តិសម៖ គ្មានវិធីសាស្រ្តណាមួយដែលស័ក្តិសមសម្រាប់មនុស្សគ្រប់គ្នានោះទេ។ ត្រូវជ្រើសរើសបច្ចេកទេសដែលសមស្របទៅនឹងស្ថានភាព និងគោលដៅហិរញ្ញវត្ថុផ្ទាល់ខ្លួនរបស់អ្នក។

💬 សូមជួយ Like, Follow និង Share ជាសាធារណៈ ដើម្បីចែករំលែកចំណេះដឹង ហិរញ្ញវត្ថុដល់បងប្អូនកម្ពុជាទាំងអស់គ្នា!
📌 បេីអ្នកមានចម្ងល់ ឬចង់ពិភាក្សាពីរឿងហិរញ្ញវត្ថុ អាចសួរតាមខមមិន ឬប្រអប់សារមកកាន់ផេកបានគ្រប់ពេលណា! ពួកយើងរីករាយជួយអ្នក! 🙌🏻

❕ពួកយើងអានរាល់មតិយោបល់របស់បងប្អូនជានិច្ច ចូលរួមចែករំលែកគំនិត និងបទពិសោធន៍របស់បងប្អូននៅក្នុង Comment រាល់ការចូលរួមសុទ្ធតែជាកម្លាំងជម្រុញទឹកចិត្តដ៏សំខាន់ដែលធ្វើឲ្យពួកយើងមានកម្លាំងចិត្តបន្តបង្កើតមាតិកាល្អៗជាច្រើនទៀត។

💵 Grant Cardone ជាអ្នកនិពន្ធល្បីនិងមហាសេដ្ឋីជនជាតិអាមេរិក ដែលបានក្លាយជាសេដ្ឋីនៅអាយុ ៣០ ឆ្នាំ ទោះបីជាគាត់មានបំណុលច្រើននៅវ...
04/09/2025

💵 Grant Cardone ជាអ្នកនិពន្ធល្បីនិងមហាសេដ្ឋីជនជាតិអាមេរិក ដែលបានក្លាយជាសេដ្ឋីនៅអាយុ ៣០ ឆ្នាំ ទោះបីជាគាត់មានបំណុលច្រើននៅវ័យ ២១ ឆ្នាំក៏ដោយ​ នេះជាគន្លឹះសំខាន់ៗទាំង ១០ ដែលគាត់បានអនុវត្ត៖

១. រៀនធ្វើឲ្យលុយវិលជុំ
ត្រូវយល់ដឹងពីចំណូលនិងចំណាយរបស់ខ្លួនឯង ហើយព្យាយាមបង្កើនចំណូលឲ្យបានច្រើនបំផុតតាមដែលអាចធ្វើទៅបាន។ គាត់ធ្លាប់មានចំណូលត្រឹម ៣,០០០ ដុល្លារក្នុងមួយខែ រហូតកើនដល់ ២០,០០០ ដុល្លារក្នុងមួយខែ។

២. កុំជំពាក់បំណុលដែលគ្មានប្រយោជន៍
ច្បាប់ដែករបស់គាត់គឺ៖ ខ្ចីតែបំណុលណាដែលជួយបង្កើតចំណូលវិញប៉ុណ្ណោះ ដូចជាការខ្ចីទិញឡានដើម្បីរកលុយជាដើម។

៣. តាមដាន​លុយ ហើយ​ធ្វើការ​ឲ្យ​បាន​ច្រើន
ព្យាយាមធ្វើការងារឲ្យខ្លាំងជាងអ្នកដទៃ ដើម្បីបង្កើតជំនាញនិងភាពអត់ធ្មត់។ ការងារដែលអ្នកធ្វើលើសពីម៉ោងធម្មតា អាចក្លាយជាចំណុចខ្លាំងរបស់អ្នក។

៤. ពូកែតែមិនអួត
ធ្វើខ្លួនឲ្យពូកែនិងមានវិន័យក្នុងការងារ មិនមែនបង្ហាញឲ្យគេស្គាល់ដោយសារតែវត្ថុមានតម្លៃដែលអ្នកពាក់នោះទេ។

៥. សិក្សារឿងលុយឲ្យបានស៊ីជម្រៅ
ដើម្បីមានសេរីភាពហិរញ្ញវត្ថុ អ្នកត្រូវតែយកចិត្តទុកដាក់លើរឿងលុយកាក់ឲ្យបានពិតប្រាកដ មិនមែនគ្រាន់តែស្រមៃនោះទេ។

៦. សន្សំដើម្បីវិនិយោគ មិនមែនដើម្បីទុកលុយ
ក្រៅពីសន្សំសម្រាប់ទុកគ្រាអាសន្ន អ្នកគួរតែបែងចែកលុយមួយចំណែកទៀតដើម្បីវិនិយោគដូចជាទិញហ៊ុន ឬបង្កើតអាជីវកម្ម។

៧. ប្រើលុយឲ្យធ្វើការជំនួស
នៅពេលអ្នកមានលុយគ្រប់គ្រាន់ ត្រូវវិនិយោគដើម្បីឲ្យលុយនោះបង្កើតលុយបន្ថែម។ គាត់ធ្លាប់វិនិយោគ ៥០,០០០ ដុល្លារ ហើយវាអាចបង្កើតចំណូលឲ្យគាត់ ៥០,០០០ ដុល្លាររៀងរាល់ខែនៅ ១០ ឆ្នាំក្រោយ។

៨. ផ្ដោតលើវិធីគិតរបស់មនុស្សជោគជ័យ
រៀនសូត្រពីរបៀបរស់នៅនិងផ្នត់គំនិតរបស់មហាសេដ្ឋី ដើម្បីបង្កើតទម្លាប់ជោគជ័យឲ្យខ្លួនឯង។

៩. គ្មានលុយមិនអាចរស់បាន
កុំគិតថាគ្មានលុយមិនអីទេ ព្រោះជីវិតដែលក្រីក្រមិនមែនជារឿងល្អឡើយ។ បើអ្នកកើតមកក្រីក្រ វាមិនមែនជាកំហុសរបស់អ្នកទេ តែបើស្លាប់ទៅនៅតែក្រីក្រ នោះទើបជាកំហុសរបស់អ្នក។

១០. គិតឲ្យធំ ទើបទៅបានឆ្ងាយ
ប្រសិនបើអ្នកកំណត់គោលដៅត្រឹម ១០ ម៉ឺន នោះអ្នកនឹងបានត្រឹម ១០ ម៉ឺន។ ត្រូវគិតឲ្យធំជាងមុនដើម្បីបង្កើនភាពក្លាហាន និងកាត់បន្ថយការភ័យខ្លាចចំពោះហានិភ័យ។

💬 សូមជួយ Like, Follow និង Share ជាសាធារណៈ ដើម្បីចែករំលែកចំណេះដឹង ហិរញ្ញវត្ថុដល់បងប្អូនកម្ពុជាទាំងអស់គ្នា!
📌 បេីអ្នកមានចម្ងល់ ឬចង់ពិភាក្សាពីរឿងហិរញ្ញវត្ថុ អាចសួរតាមខមមិន ឬប្រអប់សារមកកាន់ផេកបានគ្រប់ពេលណា! ពួកយើងរីករាយជួយអ្នក! 🙌🏻

❕ពួកយើងអានរាល់មតិយោបល់របស់បងប្អូនជានិច្ច ចូលរួមចែករំលែកគំនិត និងបទពិសោធន៍របស់បងប្អូននៅក្នុង Comment រាល់ការចូលរួមសុទ្ធតែជាកម្លាំងជម្រុញទឹកចិត្តដ៏សំខាន់ដែលធ្វើឲ្យពួកយើងមានកម្លាំងចិត្តបន្តបង្កើតមាតិកាល្អៗជាច្រើន។

Address

ភ្នំពេញ
Phnom Penh
12000

Website

Alerts

Be the first to know and let us send you an email when ហិរញ្ញវត្ថុ posts news and promotions. Your email address will not be used for any other purpose, and you can unsubscribe at any time.

Shortcuts

Share

Category