05/09/2025
អគ្គស្នងការអប់រំអ្នកដឹកជញ្ជូនម្ហូបអាហារ និងទំនិញជាង ៦០០នាក់
ភ្នំពេញ:នៅថ្ងៃទី៥ កញ្ញាលោក ឧត្តមសេនីត៍ស ថេត អគ្គស្នងការនគរបាលជាតិ បានដឹកនាំកិច្ចប្រជុំប្រចាំឆ្នាំលើកទី៣ ជាមួយក្រុមហ៊ុនដឹកជញ្ជូនអ្នកដំណើរ និងទំនិញ ដើម្បីរួមគ្នាដោះស្រាយបញ្ហាចរាចរណ៍ ពិសេសការកាត់បន្ថយហេតុការណ៍គ្រោះថ្នាក់ចរាចរណ៍ដោយមានភ្នាក់ងារដឹកជញ្ជូនចូលរួម ជាង៦០០នាក់ចូលរួម។
លោក ស ថេត បានណែនាំឱ្យអ្នកដឹកជញ្ជូនម្ហូបអាហារ ឬទំនិញក្នុងរាជធានីភ្នំពេញ ត្រូវពង្រឹងស្មារតីគោរពច្បាប់ចរាចរណ៍ សំដៅកាត់បន្ថយគ្រោះថ្នាក់ និងរក្សាសេចក្ដីថ្លៃថ្នូរ។ ជាមួយគ្នានេះ ត្រូវគោរពផ្លាកសញ្ញាចរាចរណ៍ និងភ្លើងចរារចរណ៍គ្រប់ពេលវេលាក្នុងពេលបើកបរ ដោយមិនត្រូវប្រើទូរសព្ទពេលកំពុងបើកបរ។ប្រភព៖ ក្រសួងមហាផ្ទៃ
