15/11/2024
ឯកឧត្តម ហ៊ុន សុខា ទីប្រឹក្សាសម្ដេចមហាសេនាបតីតេជោ ហ៊ុន សែន ប្រធានគណបក្សប្រជាជនកម្ពុជាញ្ជើញជាអធិបតី ប្រារព្ធពិធីប្រណាំងទូកង យកជ័យលាភីចំនួន៤ភូមិក្នុង ឃុំព្រាលនិងឃុំស្មោងលិចខាងជើង ស្រុកកញ្រ្ចៀច
(ព្រៃវែង)៖ រសៀល ថ្ងៃទី១៥ ខែវិច្ឆិកា ឆ្នាំ២០២៤នេះ បានប្រារព្ធពិធីប្រណាំងទូកង យកជ័យលាភីចំនួន៤ភូមិ ក្នុងឃុំព្រាលនិងឃុំស្មោងលិចខាងជើង ស្រុកកញ្រ្ចៀច នៃពិធីបុណ្យអុំទូក អកអំបុក បណ្តែតប្រទីប សំពះព្រះខែ នាពេលនេះ ដែលពិធីប្រពៃណីមួយនេះ បានដំណើរការទៅក្រោមអធិបតីភាពឯកឧត្តម ហ៊ុន សុខា ទីប្រឹក្សាផ្ទាល់របស់សម្ដេចអគ្គមហាសេនាបតីតេជោ ហ៊ុន សែន ប្រធានគណបក្សប្រជាជនកម្ពុជា និងលោកជំទាវ ឯកឧត្តម ឌុច គន្ធា អភិបាលរងនៃគណៈអភិបាលខេត្តព្រៃវែង ឯកឧត្តម ឡេង សុវណ្ណារ៉ា សាកលវិទ្យាល័យធិការរង សាកលវិទ្យាល័យការពារជាតិ និងលោកជំទាវដោយមានការចូលរួមពី គណកម្មកា លោកមេឃុំ ក្រុមប្រឹក្សាឃុំ កងកម្លាំងសមត្ថកិច្ច ប្រជាការពារ បងប្អូនប្រជាពលរដ្ឋជាច្រើនកុះករ។
ជាកិច្ចចាប់ផ្ដើមលោកមេឃុំបាឡើងស្វាគមន៍ គណៈអធិបតី និងលើកទឹកចិត្ត ដល់ក្រុមកីឡាករទូកង ទាំងអស់ឲ្យខិតខំប្រឹងប្រែង ឲ្យអស់ពីសមត្ថភាព ។ក្ក្នុងឱកាសនោះ ឯកឧត្តម ហ៊ុន សុខាទីប្រឹក្សាផ្ទាល់របស់សម្ដេចអគ្គមហាសេនាបតីតេជោ ហ៊ុន សែន ប្រធានគណបក្សប្រជាជនកម្ពុជា បានមានមតិសំណេះសំណាលជាមួយបងប្អូនក្រុមកីឡាករទូកងដែលមកប្រកួតក្នុងកម្មពិធីប្រណាំងទូកងដើម្បី យកជ័យលាភី នៃពិធីបុណ្យអុំទូក អកអំបុក បណ្តែតប្រទីប សំពះព្រះខែ នាពេលនេះ ហើយសម្ដេចបានផ្ដាំផ្ញើសាកសួរសុខទុក្ខ លោកយាយ លោកតា ពូ មីង បងប្អូន កូនក្មួយទាំងអស់គ្នាតាមរយៈខ្ញុំបាទដោយក្តីនឹករលឹកបំផុត។ ឯកឧត្តម ហ៊ុន សុខា បានបន្ថែមទៀតថា ការរៀបចំពិធីអុំទូកងនៅពេលនេះ គឺជាការចូលរួមចំណែកក្នុងការថែរក្សាទំនៀមទម្លាប់ប្រពៃណីដ៏ ល្អផូរផង់របស់ជាតិ កម្មវិធីដ៏ឱឡារិកនាថ្ងៃនេះ ផ្ដល់ឱកាសជូនបងប្អូនប្រជាពលរដ្ឋបានកំសាន្តសប្បាយ ស្របពេលដែលប្រទេសកម្ពុជាកំពុងតែមានសុខសន្តិភាព ស្ថិរភាពនយោបាយពេញលេញ ក្រោមការដឹកនាំរបស់ស្ថាបនិកសន្តិភាព សម្តេចអគ្គមហាសេនាបតីតេជោ ហ៊ុន សែន និងការដឹកនាំរបស់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីដែលតែងតែទទួលបានការទុកចិត្ត និងគាំទ្រយ៉ាងច្រើនលើសលប់ពីប្រជាពលរដ្ឋ។
អត្ថន័យដ៏សំខាន់នៃពិធីបុណ្យអុំទូកថ្ងៃនេះ មិនមែនជាការចង់ឈ្នះចង់ចាញ់យករង្វាន់អ្វីនោះទេ តែជាការចូលរួមថែរក្សា វប្បធម៌ប្រពៃណីជាតិ ដ៏ល្អរបស់យើងឲ្យគង់វង្សស្ថិតស្ថេរជានិច្ចនិរន្តរ៍តរៀងទៅ។ ដូចដែលយើងទាំង អស់គ្នាបានដឹងមកហើយ ពិធីបុណ្យអុំទូក បណ្តែតប្រទីប សំពះព្រះខែ និងអកអំបុក ជាប្រពៃណ៏ ទំនៀមទម្លាប់ខ្មែរ ដែលជាមរតកវប្បធម៌ដូនតាបានបន្សល់ទុកតាំងពីសម័យបុរាណយូរលង់ណាស់មកហើយ។ សព្វថ្ងៃពិធីបុណ្យដ៏មានសារៈសំខាន់នេះ ត្រូវបានពលរដ្ឋប្រតិបត្តិបន្តរៀងរាល់ឆ្នាំ និងចាត់ទុកថាជាបុណ្យប្រពៃណីវប្បធម៌ជាតិដ៏ធំមួយ ក្នុងចំណោមពិធីបុណ្យសំខាន់ៗជាច្រើនផ្សេងទៀត ។
នៅក្នុងឱកាសនោះផងដែរ ឯកឧត្តម ហ៊ុន សុខា ក៏បាននាំយកនូវអំណោយជាថវិកាចែកជូនបងប្អូនកីឡាករទូកងដែលជាប់ចំណាត់ថ្នាក់លេខ១ ទទួលបានទឹកប្រាក់ ១លានរៀល ចំណាត់ថ្នាក់លេខ ២ទទួលបានទឹកប្រាក់ ៦០ ម៉ឺនរៀលនិងបានផ្តល់ជូនថវិកាដល់គណៈកម្មការ លោកមេឃុំ ក្រុមប្រឹក្សាឃុំ លោកមេប៉ុស្តិ៍ លោកមេភូមិ ប្រជាការពារនិងក្រុមភ្លេងសីយ៉ាំជាច្រើនថែមទៀតផងដែរ។
